دكتور اشرف

[ام ناصر 80]

السلام عليكم جميعا
كثر ماسمعت عن الدكتور اشرف وشطارته فقلت خل اروح واشوف هالدكتور
وشطارته فكنت في الاسبوع 9 وجم يوم وسالني جم عندي من العيال بلش بالسونار وحدي
خايفه فقالي مايبين خليني اسوي سونار داخلي يمكن يبن معانا وافقت لان فيني
فضول سوالي السونار فكانت النتيجه ولد وراي العضو واكدلي من هالشي وبشرت ريلي
وامي وخالتي كون عندي ولد واحد مابين 5 بنات وعطاني صوره السونار وكان واضح هالشي فطلب مني ايي مره ثانيه بتاريخ
3/3 فكان لي 12 اسبوع من كثر كنت مستانسه اخذت زوجي معاي عشان يتاكد من هالشي
وطلب مني الدكتور اني مااقول شنو فيني بالسونار الاولي اول ماحط الجهاز قالي بنت:eh_s(2):
عقب رد وقالي ولد عقب توهق قال مايبين شي مع ان رد وسوالي السونار الداخلي
وطلب اني ايي في نهايه الاسبوع طبعا مانطرت فقلت خليني اجرب دكتور ثاني رحت عن حميد الطالب اختصاصي سونار وريته صوره السونار وضحك سوالي السونار قالي موبين اي شي الحين ونفس اليوم بليل رجعت حق الدكتور اشرف وسوالي السونار قالي دي بنت وتاسف لان بالبدايه قالي ولد والحين بنت ورجعلي فلوسي بس كل الاعراض اللي قريتها بالمنتدى عن والتجارب اللي سويتها كلها طلعت ولد
من عزكم الله البول فطلعت النتيجه ولد لان السحابه طلعت بدايه النص الاول وكنت مجربتها في بنتي وطلعت النتيجه السحابه تحت
التجربه الثانيه الجدول الصيني كل عيالي صح ماعدا التوائم
التجربه الثالثه قريتها من العضوه مااتذكر بصراحه اسمها قالت البكينج بود رلان فيه الصودم وجرب اذا طاش يكون ولد واذا لا تكون النتيجه بنت وطلعلي ولد وهم سالفه القفشه والشوكه ان تخلين اي احد يحطه تحت المخده اذا قفشه ولد والشوكه بنت وطلعلي ولد
بس بصراحه يابنات الدكتور كلش مارتحت منه مو لان قالي بنت لان كل ساعه له كلمه الله يرزقني ويرزقكم بالولد الصالح
واسفه على الازعاج

 

[orange blossom]

هلا حبيبتي
الدكتور ما كان المفروض يقول لج بنت ولا ولد الا لمن يتأكد
و انا اللي اعرفه ان يبدي يبين من نص الرابع يعني اكثر من 13 اسبوع
و اذا انتي مو مرتاحه من الدكتور روحي حق دكتور ثاني
و انشالله يرزقج بالللي ببالج
و تولدين بالسلامة

 

[Mrs.H]

شوفي بالاسبوع ال9 قووووية يعرف جنس البيبي.. وكثرة السونارات مو زييينة والله

نطري لي الاسبوع ال18 اضمن نتيجة والله يبشرج ياارب باللي تتمنينه وباللي يكون خيرة لج

 

[shayto0oNa]

غريبه عاد هالدكتور حيل شاطر بالنسبه لي واخواتي ورفيجاتي ولامره غلط


بس طبعا اهو انسان ومو منزه عن الغلط عادي حبيبتي لاتتضايقين ترا اهو خوش دكتور


وعسى ربي يرزقج بالولد الصالح يارب

 

[ريتاج_90]

نطري وشوفي بالخاامس يبين عدل

الله يرزقج بالذريةة الصصالحةة
وتفرحين بششوفته

والحمدلله انتيي ؏َ ـنْــدَج البنت و الولد

 

[روعة خيال]

ترى في اثنين اشرف بالسلام و بقسم السونار نفسه

و مستحيل اشرف ملك السونار على قولتهم يقولج لين يتأكد و اذا ما تأكد عطاج موعد ببلاش

انتي اكيد رحتي لاشرف الثاني و بعد الاسبوع التاسع وايد صعبه

الله يعطيج اللي تتمنينه

 

[Poison_Girl]

والله ضحكتيني.. مادري ليش مستعيله ما يبين الا اذا كنتي
بنص الرابع او الخامس.. الله يرزقج بالواد بس تره تو الناس

 

[خاشعة للرحمن]

حبيبتي حرام كثرة السونارات مو زين على الجنين وثانيا الله رزقج اياه الحمد الله بنت ولا لد وترا ماراح يبين الا بشهر الخامس لانه يقولون البنت والولد يتشابهون لين الشهر الرابع وترا مو كل الاعراض تقرينها بالمنتديات خلاص تطلعين نفس الشي وحدة عن وحدة تفرق بس نصيحة لاتكثرين من السونار والله يرزقج بالولد الصالح

 

[Model Look]

الحمدلله على نعمه سواء البنت اوالولد وربي ان شاءالله يجعل اللي ببطنج سليم معافى

ترى وايد مبجر سونار الاسبوع ال 9

انا ماعرفت نوع الجنين الا نص الخامس مارضت الدكتوره تقول الا بالخامس

 

[ديزاينر الكويت]

عاد وايد يمدحون عل دكتور تشوقت أروح عنده
انا بدش الخامس و كذا دكتوره قالت ما يبين

 

[عسل حدي]

بسم الله الرحمن الرحيم (اللهم اني اسألك ولا اسأل احدأ غيرك اللهم بحق هذه الاسماء المباركة اللهم بألف الابتداء بباء البهاء بتاء
التأليف بثاء الثناء بجيم الجلال بحاء الحمد بخاء الخفاء بدال الدوام بذال الذكر براء الربوبية بزاء الزيادة بسين السلامة بشين الشكر
بصاد الصبر بضاد الضوء بطاء الطول بظاء الظلام بعين العفو بغين الغفران بفاء الفردانية بقاف القدرة بكاف الكلمة التامة بلام اللوح بميم الملك بنون النور بواو الوحدانية بهاء الهيبة بلام الف لااله الاانت بياء ذي الجلال والاكرام اللهم اني اسألك يامن لاتضجره مسألة السائلين يامن هو خبير بماتخفي الضمائر وتكن منه الصدور اسألك ان تصلي على محمد وال محمد وان تجعل لي من كل عسرأ والى كل خيرسبيلا برحمتك ياارحم الراحمين بحق محمد واله الطاهرين

 

[سنفورة زرقة]

تووو الناس اتوقع. مايبين الحين
استعيلتي نطري لي الاسبوع ١٩ يبين وااااااااضح
والله يرزقج الولد الصالح