دكتور لعلاج الاجهاضات المتكررة (مساعدة!)

[GiRLiTa]

السلام عليكم

مرحبا خواتي
الله يجزاكم خير اللي تعرف دكاترة ممتازين لعلاج الاجهاضات المتكررة في الثلث الثاني من الحمل
انا المرة الاولى اجهضت بالشهر السادس من الحمل كنت مسوية ربط ولا فادني
والمرة الثانية بالشهر الخامس وكنت اخذ مثبتات وابر
ماكو اي اسباب
انا مافيني اجسام مضادة الحمدالله عنق الرحم سليم والحين براجع الصباح وعطوني موعد بعد اسبوعين
الرقية الشرعيه والتحصين بالقرآن مااهدهم طول فترة حملي والله بس ربي مو كاتبلي يتم الحمل الحمدالله على كل حال وعسى ان تكرهوا شيئاً وهو خير لكم
مع العلم انا و زوجي مافي بينا صلة قرابة
ابي دكتور شاطر بالتحاليل يمكن في تحاليل انا غافلة عنها وماسويتها اذا تعرفون احد بالخاص او الحكومة سواء دكتورة او دكتور واللي يعافيكم لا تبخلون علي
وعسى ربي يرزقني ويرزق كل وحده تنطر الحمل يارب

واللي عندها تجارب اجهاضات خل تقولي شلون قدرت تتغلب على هالمشكلة
شكراً

 

[حرم_الغلا]

اللـه يعــووضـج..
مــاأعـــرف واللــه..

أب أب لعيـــوونج​

 

[فرااااولة]

جربي ماجد الشمري بالجهرا
وايد يمدحونه للاجهاضات
روحيله
صج مكانه بعيد بس يستاهل العنوه

 

[قتوة البدو]

هلا حبيبتي أنا ضربت الرقم القياسي بالاجهاضات والحمدالله على كل حال انا أنصحج بدكتور برويال حياة(((( أسامه صالحه)))إستشاري بها السوالف وهو موسس امراض النساء بدار الشفاء...... بعد الله ثم هو نسيت شي أسمه إجهاض لحقي عليه أخذي موعد اليوم لانه راح ينزل إجازه إسبوع وااااااااااااايد زين والله يوفقج ويرزقج ويفرح قلبج وبشريني اذا جبت ولد بعد علاجه ​

 

[tbola]

upp

 

[سنفورة24]

أنا نفسج روحي حق خالدة المجيبل برويال حياة محد ترفاس غيرها وايد شاطرة

 

[ورد الطايف]

الله يرزقج يارب

 

[المها الابيض]

ما عندي فكره بس حبيت ادعيلج
الله يرزقج بالحمل السليم الثابت ويقر عينج
بشوفة ضناج يارب

 

[sosowaty]

االله يعووضج

 

[*caramel macchiato*]

كان في دكتور بالصباح اسمه مايكل اعتقد ..هذا توب توب توب حق الاجهاضات ....اعرف وحده كل تجهض ..يمكن اجهضت بين بنتها الاولى والثانية 10 مرات ...وبعدين عرفلها الدكتور ..وقام يعطيها درب من اول ماتحمل وكل شهر من اشهر الحمل عشان الاجسام المضاده...بس مادري اذا ليلحين موجود او لأ

 

[عيون سارة]

ماجد الشمري
خالده

مايكل

 

[ba6re8a]

دكتوره خالده المجيبيل عن تجربه

ويمدحون دكتور مصطفى تومسو بدار الشفا

ودكتور الشمري بالجهرا

 

[كتالونيه]

رررررفع

 

[shahuda]

د خالدة المجيبل في رويال حياه

 

[@ام يوسف@]

الله يعوضج ويرزقج الذريه الصالحه

 

[كويتية تكفي مية]

ماجد الشمري وانتي مغمضه تخصصه علم اجنه واهو شاطر بهالسوالف
اصلا اهو اول دكتور بالكويت يسوي عمليات للجنين واهو برحم امه


الله يرزقج الحمل السليم الثابت وتفرحين بشوفته يارب

 

[حبيبة ملوكي]

حبيبتي انا نفس حالتج وللحين منقلة بين الدكاترة دخلت بس عشان بدعيلج عسى ربي يفرح قلبج ويرزق عاجلا يارب الذرية الصالحه ويرزقني ويرزق كل محرومه معاج

 

[bambena]

نفسي 3 اجهاضات بالخامس والرابع

دكتور محمد صلاح الاشنيهي بعيادة جنين

والله يرزقج الذريه الصالحه

 

[خلود ناصر]

اب بعد

 

[أأأميرة الورد]

صراحه ماكو احسن من عيادات الحكومه

اللي بمستشفى الصباح عيادة الاجهاض المتكرر

تحاليل شاملة ومنظار وادويه