دكتور لعلاج الثقه بالنفس !!

[موت وميلاد]

السلام عليكم ورحمة الله وبركاته


بنات الله يعطيكم العافيه دلوني على دكتور او اخصائي نفسي شاطر يقوي ثقتي بنفسي

الصراحه صاير ماعندي ثقه نهائيا يعني كلمه اتييبني وكلمه توديني

راي الناس فيني اهوا الي قاعد يحدد رايي بنفسي


مابي دورات لا ابي دكتور اقعد معاه فيس تو فيس على قولتهم


وجزاكم الله خير​

 

[bigsmile66]

رفع لعيونج ..ان شاء الله البنات يفيدونج

 

[موت وميلاد]

الله يرفع قدرج ان شاءالله

 

[نمله معصبه]

ماعرف والله .. وان شاء الله يفيدونج البنات..

 

[$ بنت علمي $]

ماااااادري بس اشوف على قناة سكوب (الدكتور أيوب اشكناني )اهو دكتور نفسي انا مااعرفه ولا مرة رحتله بس شوفيه يمكن يفيدج

 

[فديت_روحي]

انا مانفعني الدكتور ولا المعالج
عطوني خطوات بس وقالولي كل التغيير لازم ينبع منج انتي ومن ارادتج
دخلي على الرابط الي بتوقيعي انا حاطه مخطط بفقره شلون يصير الواحد ماعنده ثقه بالنفس
( افكار بسلبيه , بعدين تتحول مع الوقت حق مشاعر سلبيه , ومع الوقت تتحول حق سلوكيات الي اهي التردد وعدم الثقه وجدي ) اقريه راح يعطيج فكره

وبعدين روحي مكتبه العجيري بحولي , تلقين كتاب فوزيه الدريع اسمه:

ثقتي بنفسي , حلو وفيه اخر شي فصل صغير عن الخطوات الي تسوينها وشلون تغيرين تفكيرج ,

وفيه كتاب ثاني هم حبيته بعد تفصيل اكثر عن الثقه وفن التعامل مع الناس وفن الكلام ولخجل وكل هالاشياء حده عجيب ,, اسمه :
المفاتيح السبع للشخصيه الناجحه حق الدكتور محمد ممتاز , حاط لج حتى طرق الاسترخاء وكل شي جنج قاعده مع دكتور واسلوبع وايد حلو وكل موضوع يتكلم عنه بصفحتين حده يشجع على القراااايه

شوفيهم والي يعجبج اشتريه ..

انشالله اكون فدتج

 

[موت وميلاد]

مشكوره فديت روحي ماقصرتي

الصراحه انا عندي كتاب فوزيه دريع بس ماكملته بس ان شاءالله بكمله

 

[وهج الخير]

رد : دكتور لعلاج الثقه بالنفس !!

حبيبتي الله يعينك ويعافيك يارب
1804447
باذن الله يفيدك هالرقم اتمني ما يكون تغير لان عندي من فتره