ماشاء الله عليكم خواتي ردودكم قمة الابدااااع حبيت اشارك معكم وتعطوني رايكم في جرثومة المعده وشنوعلاجها ومنو احسن دكتور لهاوش رايكم في الثوووووم
جرثومه المعده جرثومه تكون ساكنه بجدار المعده
تدخل للمعده عن طريق الخضروات
لم تاكلين تحسين على طول بحرقه والم بزايه القفص الصدرى بالاسفل مع شعور بالتخمه ولوعه وعدم ارتياح تستمر لساعات طويله حتى لو تاكلين شى بسيط اييلج هذا الشعور
اول شيئ لازم تروحين لدكتور عشان يسويلج منظار عشان يعرف اذا فيج الجرثومه ولا ل
اذا كان فيه جرثومه يعطيج علبتين مضاد حيوى وعلبه تغليف المعده
عشان يقتل الجرثومه
انصحج تروحين مستشفى الحكومى افضل مالهم مصحله فى تمديد فتره العلاج
واذا مالج خلق مستشفى حكومى روحى
عندج دكتور (المخيزيم والسريع والعصفور)
انا ما انصح تروحين دكتور محمد الشمالى يمدد العلاج يعنى مايعطيج العلاج الكافى عشان يقضى على الجرثومه
عشان تكثر المراجعات والحسابه بتحسب
انا كان يعطينى مراجعه كل اسبوعين 15 دينار زائد ادويه الى اشتريها من صيدليته ماتقل 35 دينار
يعنى كل اسبوعين اصرف 50 دينار من دون اى فايده
صرفت عليه من بدايه مراجعاتى لغايه اليوم فوق 500 دينار
انا الى فهمته انه يمطط بالعالج بعد ماسويت المنظار عنده كان يعطينى موعد لم اراجعه بس يقولى شلونج من غير
مايفحصنى ولايسويلى شيئ وعلى طول يكتب الدواء
زين افحصنى سو شيئ مايفحص
عرفت ان الريال يمطط بالعالج والحسابه بتحسب
تركته وشفتلى احد معارفى يعرف دكتور صقر السريع
الحين ارجعه ببلاش بمستشفى الفروانيه
لم فحصنى لقى ان الجرثومه موجوده مامتت والمعده ملتهبه
انا انصدمت قلت صار لى اشهر اراجع على الفاضى وفلوسى طارت على الفاضى
المهم عطانى مضادات حيويه قالى بعد ماينتهى العلاج راجعينى
والله حالتى افضل احساس لوعه الجبد وانتفاخ الغازات خفت بدرجه 80 بالمئه
وعطانى نظام غذائى امشى عليه عشان ما اهيج المعده
دكتور شاطر
روحى دكتور حكومه على الاقل دكتور الحكومه ماعنده مصلحه فى تمديد فتره العلاج مثل مايحصل فى عيادات الخاصه
يمدد فتره العلاج عشان يسحب فلوس اكثر
