دكتور نايف المشروخ

[روح راشد]

مرحبا




بنات ابي رايكم بدكتور نايف المشروخ
في محضراته

تاريخ حضاره الاسلاميه

تنصحوني اخذ عنده:eh_s(11):

 

[jen2n]

اذا انتي مستجده وتخصصج مو تاريخ لا تاخذين عنده

لان امتحاناته مو صعبه بس دقيقه ويركز على الاسماء والاماكن وايد في طرح الاسئله

 

[آخـر إْلـعنقود]

مرحـبتين يآ هلآآ

حسب معلوماتي انه شوي شديد ويطلب من الطالب انه يجتهد .. يعني شوي يكرف

وهذا تقييمه :eh_s(17):

المختصر المفيد- معظم الطلبة يقولون[SIZE=+2]5/2.2[/SIZE]
ان مستوى الاختبارات صعب جدا
وشرح المدرس شرح متوسط
والأغلبية حصلو على تقدير D
بإختصار لا ننصح به
عدد الطلبة الذين شاركوا في التقييم 46


التقييمملاحظات الطلبة- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: تاريخ حضاره التاريخ: 2011-01-11الطالب: hayona رقم التقييم: 22398

دكتوووووووووور ولا اروع والله
دكتور محترم حقاني
يقدر الطالب الشاطر
وحرررام واااايد ظالمينه الدكتور يعطني نوت ومرتب الماده والشي اللي يقول عنه تلاقيه بالامتحان
وتوزيع الدرجات وايد حلو والبرزنتيشن شرح وايد سهل من مذكرته وغير البونص اللي يعطيه اخر الكورس وهو عباره عن مقاطع فيديو او اي شي يخص المقرر

بصراااحه والله نصح فيه وليت بتعامله وشرحه يكونون كل الدكاتره مثله
وبصراحه حبيت التاريخ وانا بنت علمي
الله يوفقك
​

- النجوم:
- المستوى: سهل
- الشرح: شرح ممتاز
- حصلت على: B
ننصح به
المـادة: تاريخ حضارة عربية اسلامية التاريخ: 2010-09-22الطالب: p l a t o رقم التقييم: 21981

دكتور شرحه ممتاز يفهم صح اخذت عنده مادة تاريخ حضارة عربية اسلامية جبت فيها +B وماخذ عنده مادة هالكورس اهي تاريخ الدولة العباسية ونتمنا يكون ممتاز معانا
والغريب بالامر ان الشباب بالجامعة ينفرون منه مع اني اشوفه دكتور جيد جدا بس انه حريص شوي بالدرجات
​

- النجوم:
- المستوى: سهل جدا
- الشرح: شرح ممتاز
- حصلت على: C
ننصح به
المـادة: تاريخ حضارة التاريخ: 2010-09-04الطالب: cicinho رقم التقييم: 21801

دكتور ممتاز بالشرح
وممتاز بطريقة الامتحانات

الميدتيرمات , عليك بحفظ اسامي وبس , وكانت هذي طريقته مع كل الشعب

الفاينل يعطيك جم سؤال واكتب على كل سؤال صفحة او صفحتين " طبعا تأليف " ههههههه

والله لو تشد حيلك معاه شوي راح تعرف ان هالدكتور اهو المثالي

بس احنا طلبتنا يبون الاي تجيهم لي باب بيتهم . وين قاعدين احنا !!!! الله المستعان وهالدكتور والله وردة
​

- النجوم:
- المستوى: متوسط الصعوبة
- الشرح: شرح ممتاز
- حصلت على: C
ننصح به
المـادة: تاريخ الدولة العباسية التاريخ: 2010-07-22الطالب: moon رقم التقييم: 21401

الدكتور أكثر من رائع وجدا محترم وشرحه ممتاز ومسهل علينا ويقدر الطالب ويحترمه وانا خذيت عنده للمره الثانية هالكورس نفس المادة واول مرة خذت -c حقي وماقصر الدكتور ولو انه يعطي مواد ثانية اقدر آخذها كان خذتها الله يعطيه العافيه وانشا الله اطلع عنده هالمرة A ، الحضور مهم والتزموا بالنوت والاوراق اللي يوزعها ، طبعا أكثر شي حبيته عرض الفيديو عن الافلام التاريخية ومعلوماته العامة عالية جدا فعلا انسان عارف مادته عدل ، وحبيت التاريخ العباسي على ايده
​

- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: دولة العباسية التاريخ: 2010-04-25الطالب: الحسيني11 رقم التقييم: 20332

الدكتور الشمروخ والله انها دكتور عارف بالمادة وشرحه ممتاز ويحترم الطلبه المحترمين والاختبارات عنده متوسط الصعوبة
لكنها كله كان شرحها
وترى على فكرة الدكتور يخاف الله وما يحب الواسطات
واقول بالاخر
اللي يبي علم وتعلم يأخذ عند الشمروخ وراح يأخذ حقها وزيادة
ومشكورررين
​

- النجوم: - المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: تاريخ الحضارة التاريخ: 2010-02-24الطالب: TLLX رقم التقييم: 20189

و الله ان تعليقاتكم غريبة
تصدقون انه و لا مره فتحت الكتاب و كله اعتمد على شرحه و على مذكرته و غايب 4 مرات و عطاني A-
وبدون ما اكلمه او اترجاه انه يرفع قريدي
يعني و شتبون اكثر من هذا تقريبا 95% من اسئلة امتحاناته من المذكرة و الباقي صدقوني لو تركزون مع شرحه شوي صدقوني تقفلون الامتحان
و تدرون المدتيرم كم صفحة ...... 20 صفحة
يعني و شتبون اكثر
و صدقوني ان كل من اخذ عنده F او D هذا لادرس و لا داوم
يعني شنو لانها ماده اختيارية لازم تقفلها بسهولة
و الله لا تخافون من كل هالتعليقات و انصحكم تاخذون عنده
​

- النجوم:
- المستوى: صعب جدا
- الشرح: شرح ممتاز
- حصلت على: D
لا ننصح به
المـادة: تاريخ حظارة التاريخ: 2010-01-28الطالب: Mr.abooooood رقم التقييم: 19596

الدكتور بالتعامل ولا اروووع

صج مرات يخورها بس بشكل عاام خووش تعامل


بس امتحاناته عباله دكاترة وياه

تشق شق

شدعوه 3 مديرمات وفاينل

والفاينل 100 سؤال


بالدرجات ما يندي


انا يبت D والحمد لله

كنا 71 طالب

بس 1 ياب A

و 5 او 6 B

و10 C

والباجي يا D يا F

​

- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: A
لا ننصح به
المـادة: الدوله العباسيه التاريخ: 2010-01-14الطالب: om kisha رقم التقييم: 19425

يـــاربي حـــاشنـي اكتــئاب مــن الـتعليقــات زيـــن اذا اهوا محتكر الــماده شنسوي انـــابـاخذها الكورس الثاني ولازم اخــذA ولييييييييييييييه ياربي يتغير ويصيـر طــيـب
​

- النجوم: لا يستحق نجوم
- المستوى: صعب جدا
- الشرح: شرح ضعيف
- حصلت على: D
لا ننصح به
المـادة: تاريخ الحضارة الاسلامية التاريخ: 2010-01-02الطالب: noor alsalem رقم التقييم: 19340

اول شي المادة دسمة وكلها حجي
مليووون اسم بالكتاب
يعني المفروض الدكتور يساعد شوي
بس اهوا كللللللش
يعني امتحناته مو صج
واااااايد صعبة
وااايد أسئلة مو موجودة لا بالنوت ولا بالكتاب
لمن نسأله يقول انا قلت الاجابة مع شرحي
يعني شنو احنا شكو بلي تقوله
شي مو موجودة بالكتاب احنا مو ملزومين نحفظه
او الكتاب اصلا مو مقصر

او دمه ثقييييل حييل
يبي ينكت اب اي طريقة

يصدع الواحد بالمحاضرة

كرهنا بالتاريخ والي حط التاريخ
نصيحة محد ياخذ عنده
لو مافي ولا دكتور بالجامعة محد ياخذ عنده
وانا بالنسبة لي اشوف ان ما يستحق ولا نجمة
لأن لا شرح ولا اسلوب ودرجات

​

- النجوم: لا يستحق نجوم
- المستوى: صعب جدا
- الشرح: شرح ضعيف
- حصلت على: F
لا ننصح به
المـادة: حضارة اسلامية التاريخ: 2009-08-26الطالب: Fajer رقم التقييم: 18706

الماده دسمـــة ويشرح وااايد عالفاضي مايقول الملخص يعطي شغلات زياده عن المقـــرر ..


ووااايد دمه ثقيل :\


وووايد يطب بالمجلس وعمومــا الكويت بكبـرها ..



وامتحاناته حدددها صعبـــه .. ومايعطي وقت كافي بالامتحــان ..


ماتعبـــت نفسي وماحضرت الفاينــل



الصراحه ما انصح فيه اهو الي يصعب الماده
​

- النجوم: لا يستحق نجوم
- المستوى: صعب جدا
- الشرح: شرح جيد جدا
- حصلت على: D
لا ننصح به
المـادة: ثقافه اسلاميه 102 التاريخ: 2009-08-05الطالب: وردة الاجتماعية رقم التقييم: 18536

السلام عليكم ,,,,,,,,,,
نصيحتي لكل الطلبه لا تاخذون عند هالدكتور .دكتور معاناه لأبعد الحدود كرهة الجامعه بسبته مع اني كنت طالبه مستجده, نظام امتحاناته اكثر من سيئ, ثلاث اختبارات كل واحد من 15 درجه و الإمتحان 45 سؤال بثلث ساعه وكله اسامي .مع اني ما غبت ولا يوم مع هذا ما ساعدني بالدرجات عطانيd .كله يتكلم عن الحكومه وعن البدون ولا احدعاجبه .لا يغركم كلامه والله مثل ما قالوا حلو لسان قليل احسان . الله يسامحه
​

- النجوم:
- المستوى: صعب جدا
- الشرح: شرح جيد جدا
- حصلت على: D
لا ننصح به
المـادة: تاريخ حضارة التاريخ: 2009-08-02الطالب: وردة الاجتماعية رقم التقييم: 18511

الله يسامحه قال لنا اللي تجيب 46 او 47 من 50 بالامحان النهائي .. أقفز معاها قفزة قويه بغض النظر عن درجات ميدتيرماتها اللي فاتو ...
يعني حتى لو كانت درجات الميدتيرم مو حلوة رآح يرفعها حيل اذا يابت درجه كبيرة بالفاينل ..
وشديت حيلي بالفاينل .. وكل الاسئله حليتهم صح ..يعني
جبت بالأربعين ..
وللأسف حط لي دي بلاس >> يعني هذي القفزة اللي يقول عنها .. الله يساامحه ...

اللي بــايع عمره ياخذ عنده ..
لو مافي غيره بالجامعه كلها لا تاخذون ..

شرحه حيل حلو يدخل المعلومه بالمخ ..
بس الامتحانات تموووووت من الصعووووبه ..

وحيــــــــــــل يدقق على الاسامي
يعني إمتحاناته كلها اسامي شخصيات وكتب >> كل أسئلته جذي

وللعلم : انا حطيت له نجمه وحده عشاان شرحه بس مو عشان شي ثاني .. الله يسااامحه وربي تعقدت منه
والله ما أقول إلا الله يسامحه ..
​

- النجوم:
- المستوى: صعب جدا
- الشرح: شرح متوسط
- حصلت على: F
لا ننصح به
المـادة: تاريخ حضاره التاريخ: 2009-07-30الطالب: mab رقم التقييم: 18478

أعووذ بالله من هالدكتوور

اول مره اشوف دكتوور يحط امتحاان كله أسامي

انزين بالمقرر ألف اسم شنو يعني نحفظهم علشان ننجح ؟؟ مو معقووله تره مخنه مو كمبيووتر

بختصاار تبي تنجح احفظ الخمسين الف اسم بالمقرر ودش لختبار ولا داوم عنده وادوخ راسك

وصووته عالي ووايد يطلع بالمحاظره
​

- النجوم:
- المستوى: متوسط الصعوبة
- الشرح: شرح جيد جدا
- حصلت على: B
ننصح به
المـادة: تاريخ حضارة اسلامية التاريخ: 2009-06-26الطالب: humax رقم التقييم: 17949

د. نايف حقاني ومايظلم احد كثر ماتعطيه تاخذ يعني تحضر وماتغيب وتابع معاه من البدايه راح تحصل قريد , طبعا لازم تدرس وتحفظ اول باول مو تقول ماده سهله وتطنشها وآخر شي تتوهق ترى امتحاناته سهله للي يدرس اما اللي مطنش ...! ترى كل الاسئلة تلقاها بالمذكرة مايجيب شي من برى ويركزلك بالمحاظرة على الاشياء المهمه.




​

- النجوم: لا يستحق نجوم
- المستوى: صعب
- الشرح: شرح ضعيف
- حصلت على: D
لا ننصح به
المـادة: تاريخ الحضارة العربية الاسلامية التاريخ: 2009-06-20الطالب: Maldino رقم التقييم: 17575

السلام عليكم ...

و الله انا انغريت بالدكتور اول شي ، كان يعطي نوته كاملة و يقول درسوا منها بس و قاشاته حلوه ، بس بعدين طلع على حقيقته من المدتيرم الاول .

1- ما يخليك تشوف الامتحان

2- يضيف معلومات بالمحاضرة ما تيي بالامتحان و يقول الي ما يبي يسمع يصك إذنه

3- محد عنده جنسية غيره ، يطب بالمجلس و المشاكل الي تصير بالكويت بعدين يقول أنا كويتي و بشوف منو ياخذ جنسيتي


باختصار لا ينصح به لا من قرايد و لا من فايدة .
​

- النجوم:
- المستوى: صعب جدا
- الشرح: شرح ممتاز
- حصلت على: F
لا ننصح به
المـادة: تاريخ حضارة عربية إسلامية التاريخ: 2009-05-04الطالب: الوطري رقم التقييم: 17314

السلام عليكم
الواحد يقول كل صراحة الدكتور نايف الشمروخ من الدكاترة القلائل اللي تستمتع بالمحاضرة معاه شرحه حلو النقاش في المحاضرة ممتاز ولكن من توصل للإمتحان تكره الساعة اللي سجلت فيها المادة الفاينل جانا 100 سؤال مو اختياري كلهم يعني 20 اختياري والباقي اكتب معظم الشعبة طلعت درجاتها نازلة وانت وكيفك اذا تبي تسجل عنده او لا
​

- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: F
لا ننصح به
المـادة: تاريخ حضاره التاريخ: 2009-04-27الطالب: mnoora رقم التقييم: 17194

بصراحه الي ياخذ عنده يموت احسله كل الامتحانات صعبه ولله كنت احضر وقدمت برزنتيشن اخر شي :| F ولله قعدت ساعه اتاكد هذا اسمي يمكن الي تحت يمكن الي فوق وقاعد بمكتبه يضحك ومستانس لا تاااخذووون عنده دكتاتوري
​

- النجوم:
- المستوى: صعب جدا
- الشرح: شرح ممتاز
- حصلت على: D
لا ننصح به
المـادة: تاريخ حضارة التاريخ: 2009-04-26الطالب: craziya f9la رقم التقييم: 17166

اممم

نايف الشمرووخ ... حرام شرحه عجيييييييب بس مشكلته انه وايد دقيق بالامتحانات وامتحانا حيل صعيه من بين الاسطر يعني الماده اتقث ويايب الاسئلة غير مباشره !!!ّ
​

- النجوم:
- المستوى: صعب جدا
- الشرح: شرح ضعيف
- حصلت على: C
لا ننصح به
المـادة: تاريخ وحضارة التاريخ: 2009-02-17الطالب: dema رقم التقييم: 16741

الله يسااامحه ..
شخص يموووت على الاسامي تبي قريد احفظ كل الاسامي اللي بالكتاااب ...مدن ناس كتب اللي يصير
وموفقين يا المقرودين اللي بتاخذووون عنده
​

- النجوم: لا يستحق نجوم
- المستوى: صعب جدا
- الشرح: شرح ممتاز
- حصلت على: F
لا ننصح به
المـادة: تاريخ حضاره التاريخ: 2009-02-02الطالب: mab رقم التقييم: 16373

دكتوور سيء

شلون خذيت f مادري

معنى اول مره اسقط اب ماده اختياره !!

وكنت كل أحرض ع الحضوور

امتحاناته وايد صعبه

نصيحه لاتاخذون عنده
​

- النجوم:
- المستوى: سهل
- الشرح: شرح متوسط
- حصلت على: B
ننصح به
المـادة: حضاره اسلاميه102 التاريخ: 2009-01-11الطالب: Torres رقم التقييم: 15956

السلام عليكم ورحمه الله وبركاته
((((اولا )))):
الماده اغلبها حفظ ( فللي مايعرف يحفظ ,, لا ياخذها )
((((وثاني))))ا :
امتحانات الميدتيرم والفاينل كلها مو طالعه من المذكره
الي ( طبعاً ) تلاقونها بالتصوير عند المدخل
((((وثالث))))ا : ( خاص للي يذمون ) اكيد مايحفظون عدل او بالاحرى
( ما يدرسون ) فشالفايده ؟( ليش مداوم ؟ ) لول
دكتور جاد بمحاضراته ,, والي جاد معاه بياخذ الي يستاهل(بي بلس)
وعليكم السلام ورحمه الله وبركاته
​

- النجوم: لا يستحق نجوم
- المستوى: صعب
- الشرح: شرح متوسط
- حصلت على: F
لا ننصح به
المـادة: تاريخ حضاره التاريخ: 2008-10-01الطالب: super-Architect رقم التقييم: 15569

هالدكتور .. اعتقد عنصري .. لأن ساعد غيري .. و انا لأ ..

شدييييييييييييييييييييييييد و غير متسامح .. جنه ابوك بالصف .. ابدا ماعنده حنيه .. صارم .. كأنك بالجيش .. وكل اسبوع امتحان قصير على الي فات .. و الي يأجله يمتحن دبل .. الله ..

الله يسامحه

يريت يغير اسلوب تدريسه .. لأن ممكن الي درستهم يصيرون دكاتره على عيالك فيوم من الايام و مايرحمون
​

- النجوم:
- المستوى: صعب جدا
- الشرح: شرح ممتاز
- حصلت على: D
لا ننصح به
المـادة: تاريخ حضارة العربية الاسلامية التاريخ: 2008-09-08الطالب: ooo881 رقم التقييم: 15269

شرح قوي...بس

لااااااااااااااااااااااا تفكر تاخذ عندا....
لأن امتحاناته صعبة جدا..
تخيل في شعبتنا محد خذا اي إلا واحد اي ماينس والباجي سي ودي والأغلبية اف...
وكل التعليقات الي انقالت صح..
​

- النجوم: لا يستحق نجوم
- المستوى: صعب جدا
- الشرح: شرح متوسط
- حصلت على: C
لا ننصح به
المـادة: تاريخ حضاره التاريخ: 2008-09-03الطالب: GuBonSh رقم التقييم: 15208

دكتووور مآآسآآآآه .. بالمختصر المفيد
​

- النجوم:
- المستوى: صعب
- الشرح: شرح جيد جدا
- حصلت على: B
ننصح به
المـادة: الدوله العباسيه0330343 التاريخ: 2008-08-23الطالب: alkhshf رقم التقييم: 15056

الماده ممتعه ومشوقه وطريقه شرح الماده بالمحاضره مشوقه جدا لكن لللي عنده معلومات سابقه عن الدولة العباسيه لكن اللي مو فاهم شئ مثلي ولا سامع اي شئ عن الدوله العباسيه يروووووووووووح وطي راح يقعد بالمحاضره مو فاهم ولا شئ لكن امتحاناته على الرغم من انها صعبه ودقيقه جدا وكميتها كبيره لكن نفس الكتاب بالضبط اللي مالفه عبدالعزيز الدوري واسم الكتاب تاريخ الدولة العباسيه في العصر الاول
له كوزين ومتيرم واحد وتلخيص كتاب وعلي شرط لو خلصت تلخيص تعطي نبذه عن الكتاب اللي قريته جدام الطلبه يعني برزنتيشن بالعربي لكن بشكل عام دكتور يعامل الطلبه بكل احترام ويعاملهم معامله لابو لابنائه ونعم الدكتور
​

- النجوم: لا يستحق نجوم
- المستوى: صعب
- الشرح: شرح متوسط
- حصلت على: C
لا ننصح به
المـادة: تاريخ حضاره التاريخ: 2008-08-05الطالب: نورر رقم التقييم: 14841

دكتور سيئ جدا

ما يقبل أحد يشوف الفاينل
نفسيه حده ومزاجي

ما أنصح أحد ياخذ عنده
​

- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: D
لا ننصح به
المـادة: تاريخ حضارة التاريخ: 2008-04-20الطالب: هبونة رقم التقييم: 13624

وانا وياج يا مستجدة متوهقة بكل كلمة قلتيها

انا كنت مستجدة مثلج و انخسف معدلي حييييييييل

بسببه و الحين الله يعيني عشان اقدر ارفعة

الله يسامحه ظلمني مع اني كنت ادرس حييل و ما اطلع من البيت ادا عطانا امتحان

نصيحة اخوية من القلب

لا احد ياخد عنده ابدااااااااااااااااااا


ما ابيكم تشوفون الويل اللي انا شفته


والله يوفقكم طلبة الاداب
​

- النجوم:
- المستوى: صعب جدا
- الشرح: شرح جيد جدا
- حصلت على: C
لا ننصح به
المـادة: تاريخ حضارة عربية و اسلامية التاريخ: 2008-01-25الطالب: مستجدة متوهقة رقم التقييم: 12811

دكتور حده حده اسلوبه مو حلو بالامتحانات و الدرجات يعني بالكورس سب او ثمن امتحانات و كله اسامي عنده عقده مع الاسامي امتحاناته كلها اسامي يعني بالكورس تحفظ مة100 الى 130 اسم يعقد الطالبات بس اهو متمكن من ماداته و شرحه زين بس ما انصح فيه ولا 1 بالمية بس عشان امتحاناته صعبة والا اهو حرام خوووووووووووش دكتور من حيث التعامل بس لا تاخذون عنده انا حدي درست عدل بس ما يبت درجة زينه عنده
​

- النجوم:
- المستوى: صعب
- الشرح: شرح ممتاز
- حصلت على: D
لا ننصح به
المـادة: تاريخ الحضارة العربية الإسلامية التاريخ: 2008-01-20الطالب: ABCD..F رقم التقييم: 12656

المختصر:
بصراحة ما أنصح فيه لأن غيره أحسن منّه

التفصيل الممل:

المميزات:
1- شرحه حلو بصراحة ، ويغيّر الجو لما يطب بالعالم ، أحلى شي لما يطب بالرياضة هههههههههه صج يمصخرهم عدل ...وناسة
2-لما تروحله المكتب ، يتعامل معاك جنّك ولده
3- حقك حقك مو أكثر ، هذا نظام الدكتور ، ماكو واسطة ولا بطّيخ
4- بالنسبة للأسئلة المقالية ، احفظ النوت مالت الدكتور بالحرف الواحد ، وسو Copy حق النوت ، وعطه Paste بالامتحان

العيوب:
1- يسجل الغياب كل يوم ، ويطبق قانون الجامعة بالحرف الواحد ، تغيب ثلاث أيام تاخذ انذار ، تغيب أسبوعين تاخذ FA (هذا بصراحة ما يعتبر لأن عيب لأن الدكتور من حقّه إنّه يسوي جذي لكن لأن احنا طلاب كويتيين وفاهمين بعض ههههه)
2- الاسئلة الموضوعيه صعبة ، لازم تفتح الكتاب وتلخّص أمّ التلخيص ، لازم تقرى الكتاب سطر سطر
3- لا تحاولون تدورون واسطة مني مناك ، ترى يحقد عليكم الدكتور ، وثانيا لأن ماكو فايدة من الواسطة معاه

بس اللي سجل عنده لا يضيق خلقه ، شد حيلك وتقدر تاخذ A ، آنا أخذت D لأني ما درست قبل يوم واحد من الفاينل ، ولا كنت أقدر أييب B

ملاحظة مهمّة: إيّاكم ياللي تاخذون عنده تأجلون الامتحان ، اهوه يرضى تمتحن مؤجل حتى لو ما عندك عذر ، لكن احذر لأن اغسل ايدك تييب درجة زينة ، يعني راح تزفت عدل
​

- النجوم:
- المستوى: صعب جدا
- الشرح: شرح غير مفهوم
- حصلت على: C
لا ننصح به
المـادة: تاريخ حضارة التاريخ: 2007-12-27الطالب: fofo رقم التقييم: 12428

اتمنى ادخل المحاضرة وافهم شيء واااااااااااحد بس
الامتحانات صعبة جدااااااااااااا وكل البنات اساميهم دلال ومريم ليش ماااااااااااااادري ..... أتمنى يحفظ الأسماء عدل
​

- النجوم: لا يستحق نجوم
- المستوى: صعب جدا
- الشرح: شرح ممتاز
- حصلت على: C
لا ننصح به
المـادة: تاريخ حظارة عربية اسلامية التاريخ: 2007-12-25الطالب: bo__s3ood رقم التقييم: 12400

الصراحة مدرس شرحه قوي ويجذب الطلبة بس كويزات ومدتيرمات فلم يبيك تحفظ كل الاسامي بالكتاب والنوت
يعني عادي يقولك شنو اسم اللي طبع الكتاب ولا يزيد نص درجه ولا حتى ينقص انا قتله نقصني بعيد المادة ما رضى
​

- النجوم: لا يستحق نجوم
- المستوى: صعب جدا
- الشرح: شرح ضعيف
- حصلت على: C
لا ننصح به
المـادة: تاريخ حضارة اسلامية التاريخ: 2007-07-09الطالب: oMr رقم التقييم: 10795

دكتور ظالم ما يعطي الواحد حقه امتحاناته صعبة وتخربط الواحد ويشك باللي يأخذ فول مارك انه غاش وعادي يعطيج F
وما يعطي بونص ولا اعمال اضافية
كلاسة بصــــــــــــــــــــراااحه
مــلل
​

- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: F
لا ننصح به
المـادة: تاريخ حضارة102 التاريخ: 2007-06-29الطالب: mrs.h رقم التقييم: 10629

اول مرة في حياتي اسقط من عرفت الروضة .. ما ني قايلة شي غير (( الله يسامحة )) هذا و انا كنت ملتزمة بالحضور والغياب والتاخير..و الامتحانات جدا صعبة فهو كثير التعليق على الطالبات
​

- النجوم:
- المستوى: صعب جدا
- الشرح: شرح ممتاز
- حصلت على: D
لا ننصح به
المـادة: تاريخ الحضارة العربية التاريخ: 2006-08-26الطالب: جامعيه رقم التقييم: 6758

الدكتور محترم حيل .. ومعاملته لنا اكثر من بناته
بس الامتحانات صعبه جدا جدا جدا
وكمية المقرر كبيييييره حيل حيل والمعلومات اتدش ابعضها
واذا شرح شي يتعمق فيه وايد بشرح
ساعات اكتبنا طول المحاضره وماييب شي منه
باختصار ماراح اخذ عنده مره ثانيه
​

- النجوم:
- المستوى: صعب جدا
- الشرح: شرح ممتاز
- حصلت على: C
لا ننصح به
المـادة: تاريخ و حضاره التاريخ: 2006-07-09الطالب: اداريه رقم التقييم: 5821

ابييييييييييييه والله ما ادري شلوون طلعت من الماده!!! الدكتور حده حبوب و يتغشمر بالكلاس بس امتحاناته تعجيزيه اول مره امتحن 3 اوراق كلها اسماء 100 سؤال اسماء, من القائل؟ منو المؤلف؟ عهد منو؟ من الفاتح ؟ منو المترجم ؟.... هذا غير المقالي اللي لازم نكتب التسلسل التاريخي القضاء و الجيش و علم الكيمياء و..و..و.. وبعدين كل كورس يغير ستايل الامتحانات مره 3 و فاينل مره بس 2 . انا على حظي 3 موضوعي و 1 مقالي و فاينل :S
​

- النجوم:
- المستوى: صعب جدا
- الشرح: شرح ممتاز
- حصلت على: D
لا ننصح به
المـادة: تارخ حضاره التاريخ: 2006-06-10الطالب: كويتية رقم التقييم: 5063

شرحه اينن وممتع ونندمج ونفهم وكلشي بس .. امتحاناته صعععععععععععبه !
ووايد دقيق ! ما يعطي درجات كلش والي يروحله ويساحله يعطيه !
ماكو ضمير !
​

- النجوم:
- المستوى: صعب جدا
- الشرح: شرح غير مفهوم
- حصلت على: F
لا ننصح به
المـادة: الدولة العباسية 0330343 التاريخ: 2006-06-09الطالب: الريم رقم التقييم: 4981

دكتور الله يسامحه , كرهت مواد التاريخ بسببه , يتهم الطالبات اللي تدرس عدل بالغش ويبهدلها علشان حلت الأمتحان عدل و غير هذا الأمتحانات صعبة حييييل وخيالية
ويعطي F بكل سهولة مع اني اول مرة اخذ F في الجامعة
واغلبية طالبات المقرر حصوا على نفس هالتقدير , وغير هذا محتكر المادة يعني متى نتخرج اذا هالدكتور هذه استراتيجياته بالتدريس ؟؟
​

- النجوم:
- المستوى: صعب جدا
- الشرح: شرح متوسط
- حصلت على: D
لا ننصح به
المـادة: تاريخ حضارة التاريخ: 2006-05-14الطالب: مم رقم التقييم: 4201

سيء جدا,,,
شرحه زين بس مايعطي درجات..نحيييييييس بشكل خيالي..اكره تعامله يعيب و كله مو عاجبه شي...اذا تبون تاخذون دي او اف سجلوا عنده مايقصر..
​

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: تاريخ حضارة التاريخ: 2006-04-08الطالب: سوسن رقم التقييم: 3208

خــوش دكتور ومحترم ومؤدب وهو أحسن دكتور شفته يتعامل مع الطالبات امتحاناته شوي صعبه ولكن كل هذا يهون بالنسبه لتعامله الحلو مع الطالبات
​

- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: تاريخ حضارة التاريخ: 2006-04-08الطالب: الكويتية رقم التقييم: 3202

الدكتور بصراحة جدا ممتاز و طيب وتعاملة مع الطالبات من أروع ما يمكن و يعاملهم مثل بناتة والحلو فية انه حقاني يعني بالعربي ما يظلم أحد يعطي كل واحد حقه و زياده شوي
​

- النجوم:
- المستوى: صعب
- الشرح: شرح جيد جدا
- حصلت على: D
لا ننصح به
المـادة: تاريخ و حضارة التاريخ: 2006-04-04الطالب: SomeOne رقم التقييم: 3107

تعامله مع الطلبة رائع

بس امتحاناته المقالية سهلة
و الموضوعية حيل تحير و صعبة
و الدرجات ظالم و يفرق !!
​

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: تاريخ الحضارة العربية والإسلامية التاريخ: 2006-02-10الطالب: YassaFy رقم التقييم: 2323

حبوب و محترم و يعطي مذكرات ملخصة للمقرر.
​

- النجوم:
- المستوى: سهل
- الشرح: شرح ممتاز
- حصلت على: B
ننصح به
المـادة: تاريخ حضارة التاريخ: 2006-01-23الطالب: اجتماعية رقم التقييم: 2096

دكتور طيب وشرحه ما شاء الله لا يعلى عليه
تتعايش مع المواضيع اللي يشرحها
امتحاناته المقالية ســــهـــــــــــله
الموضوعية شوي محيرة

أنا حبيت بهالموقع أنصح الكل ياخذ عنده
​

- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: تاريخ حضاره التاريخ: 2005-08-03الطالب: طااااااالبة شريعه رقم التقييم: 548

الدكتور تعامله جدا محترم و رااااااقي ......

اسلوبه رائع و يقدّر الظروف و يشجع الطالبات على المواصله و التقديم .....


المحاضره مع ان وقتها كان متأخر (من الوحده الى الثنتين الظهر) الا انه ما كنا ننتبه للوقت .... لأن بصراحه شرحه ممتع .....


الماده حلوه بشكل عام و كمعلومات عامه و ثقافيه لكن كميتها كبيررررررررررره جدا ...


امتحاناته المقاليه سهله ....... لكن الموضوعيه مرات فيها تفنتق

​

- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: تاريخ حضارة عربية إسلامية التاريخ: 2005-07-03الطالب: فرس الليل رقم التقييم: 291

دكتور بكل ما تعنيه الكلمة دكتور عادل وحقاني يحب الإنصاف وملتزم بالحضور درجة أولى مراعي للأخلاق ولشعور الطلبة ويقدر ظروفهم ويعرف شلون يستقل وقت المحاضرة بالمناقشة المفيدة والفعالة بطرح القضايا والقصص ويحب يعطيك كل اللي عنده من أمور متعلقة بالمقرر .. لكن كمية المقرر كبير وعدد الطلبة كبير جداً ووقت المحاضرة مو حلو ويتعب الدكتور أحياناً نتيجة الضغط علية بتتابع المحاضرات وبعض الأحيان يمل الواحد ولكن مع ذلك يبقى المقرر حلو واللي محلية زيادة هو الدكتور نايف نفسه .. والله على ما أقول شهيد ..


​

- النجوم:
- المستوى: صعب جدا
- الشرح: شرح ممتاز
- حصلت على: D
ننصح به
المـادة: تاريخ حضارة التاريخ: 2005-06-20الطالب: Jaree7 رقم التقييم: 80

شرح ممتاز و يشجع على الدراسة

لكن للاسف تقييم الدرجات مو منصف والامتحانات صعبة..


​

 

[روح راشد]

يمال العافيه فديتكم

 

[يالبيه 17]

اب



اب

 

[Miss McDonald]

• لا تاخذين عنده
• الشمروخ مو المشروخ خخخخ

 

[قطامية]

يما يما يما وخخخري عنه
ارفيجتي الكورس اللي طاف كل اثنين واربعا تتحلطم بسبته
واطلعت من الماده c بطلعة الروح