دلوني: جيس شعر..

[ناني سيكرتس]

السلام عليكم... بغيت اعرف منو فيكم طلع لها جيس شعر بالبطن او اي مكان؟ وشنو سوت واي دكتور راحت؟ ياليت ما تطنشوني لان طالعلي جيس شعر والدكتور قالي اني لازم اسوي عمليه واشيله.. فانتوا شرايكم..؟

 

[حبيبته آنا]

طبعا لازم عملية وسويها عند الهيفي أو خورشيد

 

[ناني سيكرتس]

انزين بس مو لازم اسوي اشعه وتحاليل قبل ولا بس اسوي العمليه.

 

[شواطئ]

اول شى سلامتج

كان فينى جيس شعر وراا( انتى افهميها )

ورحت عند طيبه كلينك عند دكتور وحيد وسوالى العمليه00 بدون اشعه بس يحولج عند دكتور التخدير وياخذ وزنج وطولج ويعرف اذا عندج امراض وتتعالجين منها00 انا فينى ربو ولله الحمد سويتها00 بس نصيحه سويها قبل لا يكبر الجيس لانه اذا كبير بعد العمليه يحط لج فتايل واذا صغير عادى خياط عادى00 طبعا الدكتور شرحلى شلون يطلع واثره اذا تركتيه على الظهر 00 وسلامتج يا الغاليه

 

[روزالكويت]

سلامتج امى طلع لها في بطنها وسوتها بس ناسيه وين جنه في طيبه كلينك والحمدالله ماكو الا العافيه بس شيليله قبل يكبر.

 

[ناني سيكرتس]

الله يسلمكم, انا الجيس الي طالعلي ب سرتي والطبيب قالي اشيلج السر كله واسويلج سر ثاني, والطبيب هذا انا رايحتله بالواسطه بالاميري واهو قالي ان احسنلج تشيلينه. بس انا ابي راي ثاني فالي تعرف دكتور زين بعياده خاصه تقولي وانا اروحله.

 

[ناني سيكرتس]

محد رد علي. الله يعافيكم ابي اسم دكتور زين عشان اروحله.

 

[مس يو]

أنا زوجي كان فيه كيس شعر وسوا العملية وما شاء الله مافيه الحين الا العافية وهو سواها في المستشفى العسكري طبعا مجانا وتعرفين الدكاتره هناك كلهم اجانب وبروفسيرات يعني إذا عندج احد في وزارة الدفاع روحي معاه المستشفى العسكري صراحة مستشفى راقي جدا واحسن من الخاص

 

[ناني سيكرتس]

مشكوره حبيبتي على الرد .