دلوني على الفنادق والاماكن السياحيه بالكويت

[بنوته سعوديه]

السلام عليكم بنوتات الكويت

ان شاء الله جايه بعد اسبوعين للكويت

ابي فنادق اسعارها حلوه واي احسن مكان لسكن ناس اول مره يجون للكويت وطبعا تخصص زوجي لازم نضييييييع بالساعات ونرجع محيوسين ويضيع يومين من غير تمشي بس تعب على الفاضي

قالو لي ايبيز حلو اسعاره بس زي قولة انت اخدم نفسك بنفسك وضيق انا معي ولد وبنت غرفهم ماتجي احجام والا كلها كذا صغيره

طيب اذا فيه فنادق ثانيه بس ماتكون غاليه مرره

ايش احسن الاماكن للاطفال تنصحون فيها ماابي ملاهي المولات ابي حديقة حيوان شي جديد

التسوق ومين مايعشق التسوق وين القى محلات تقليد للماركات او محلات ملابس اسعارها معقوله
ذكروي لي محل مكون من عدة ادوار بالكويت ورخيص
اتمنى القى مجمع القى فيه احتياجاتي كلها تكرمون جزم وشنط ملابس جلابيات
زبدة الشيا وين القاها والا اطلبها من مندوبه؟؟ اختي موصيتني عليها

ابي المحلات اللي تسوي كب كيك باشكال حلوه وبسكوتات غريبه

السينما في سنيما خاصه بالعوايل لان عيالي طبعا بيكونون معي

الفنادق لازم احجز قبل بوقت والا القى بدون حجز ؟؟؟؟


هريتكم اساله بس شسوي مالي الا انتم :yaaaaaarb::eh_s(7):

 

[بنوته سعوديه]

بنات محد رد عليييييييييييييييييييييي؟؟؟؟؟؟؟؟؟؟؟؟؟:rgewrg::eh_s(2):

 

[فرووتي]

يا حياااااج الله بديرتج

الفنادق ماعندي فكرة

الاطفال وديهم المركز العلمي حلووو فيها الاكواريوم وسينما آي ماكس (ثلاثية الابعاد)
رروحي الفروانية عندهم 3 مولات يم بعض عربيد بلازا وحمرا مول فيها اللي تبين ان شاءالله
روحي الافنيوز لازم للتمشي والشوبينغ والمطاعم

وان شاءالله البنات يفيدونج اكثر بمحلات الكب كيك والفنادق
في وحده بالمنتدى تمدح شقق نوبل روز بالسالمية عاد انا ماعرف
شوفي في موضوع هنيه عن الفنادق ان شاءالله يفيدج

وحياج الله مرة ثانية وسإلي عن اي شي تبينه

 

[بنوته سعوديه]

اختي وين محلات اللي يقولون بلوكات مدري خياطين دراريع او سرداب سامعه اماكن زي كذا

وووين القادراريع حلوه وخفيفه تصلح للمناسبات باسعار حلوه وكذالك الجزم والشنط وملابس الاطفال

 

[فرووتي]

الله يسلمج الدراريع روحي الفروانية العربيد اللي يم الجمعيه محلات كلها دراريع حلوةواسعارها زينه مو غالية يجون من برى عشانها
اما البدل والجنط والشحاطات عربيد بلازا بالفروانية بعد

البلوكات داخل الديرة محلات خام وفوق خياطين حلوو دراريعهم وبدلهم راقية عالموضة في جاهز وفي تخيطين عليه واسعارهم زينه بعد موغالية

سرداب الشايع قريب من البلوكات مكياج ومادري شنو يشترون منه بعد

 

[بنوته سعوديه]

لمركز العلمي اي مكان بالضبط اشوف صور له بقوجل يجنننننننننننن

وشلون طريقة الدخول له بتذاكر واي وقت اقدر ادخله؟؟؟تراي غشيمه

 

[فرووتي]

المركز العلمي بالسالمية عجييييب عالبحر
اي تذاكر واي وقت تقدرين تروحين له عادي
اي نسيت اقولج فيه صالة الالعاب الاستكشافية للاطفال

 

[بنوته سعوديه]

حلو جزاكي الله خيييييييييييييييير الله يكتب لي واروح الكويت

 

[زين الوصايا]

يعطيج العافيه الله لايهينج ....
الاماكن والمجمعات العامة ":
1) الافنيوز
2)360 mall
3)مجمع الفنار
4)مرينا مول
5)الكوت
6)المنشر
7)كويت مجيك
8)ستي سنتر
اما بخصوص الاسواق الشعبيه :"
1)سوق كرز
2)سوق رامز
3)سوق الصالحيه
4)بازار :اللي بالفحيحيل
وان شاء الله اكون افدتج
والمجهود انا اللي كاتبتة مو منقول

 

[ام رهووفه]

للرفع

 

[ReeM ^ Style]

بالنسبه للهدايا تقدرين تروحين للمباركيه ساليهم عن سرداب الشايع كله جناط تقليد ماركه
واكسسوارات وساعات
وكل اللي يخطر ببالج باسعار مناسبه
ودايما اشوف الخليجين فيه
اما الاماكن الترفيهيه عندج المدينه الترفيهيه- حديقة الشعب - الاكوابارك اذا تحبون الالعاب المائيه
المجمعات الافنيوز-مارينا-شرق-
المطاعم انصحج بفيلا فيروز بمنطقة الشعب - ولع فرع بالافنيوز
الريوق انصحج بمركز سلطان شرق ريوقهم عباره عن بوفيه
عندج للريوق بعد ليلي+زعتر وزيت مجمع الافنيوز
تقدرين تدشين السينما
في سينما اي ماكس بمول 360 مشرف
طبعا القعده عالبحر جدا مميزه
للاطفال روحي المركز العلمي عندهم اكواريم وقاعة الاستكشاف وسينما اي ماكس
البدع روحي للمطاعم اهناك القعده مميزه وتعشوا بجيليز وبعدين حلو بجوكليت بار
الدراريع تحصلينهم بالفروانيه بسوق العربيد قولي لهم ابي العربيد حق الدراريع وروحي محل اسمه اعتقد السيده الجميله مو ذاكره عدل الاسم بس عندهم دراريع باسعار مناسبه
اممم المطاعم انصحج بمطعم الصنوبر وميس الغانم على شارع الخليج العربي
دشوا الابراج بس لاتاكلون فيه الاكل الله يديم النعمه
عندج مطاعم صوب حديقه الشعب ايام زمان ومطعم النوخذه انصحج بايام زمان قعدته والاكل جدا ممتاز
واي سؤال لاتتردين حبيبتي
واتمنى لكم رحله موفقه