دليل كويتيات لحضانات الاطفال&&&ياللة الكل يشارك&&&*تم دمج المواضيع المتشابهه

[سمحة]

رد: إعلان من حضانة البلازا النموذجية هام وتوضيح للكل

انا بصراحه وحده من اولياء الأمور وعيالي بحضانة بلازا
والحقيقه الحضانه اكثر من روعه والله كافي اخلاق الأبلات
وحسن تعاملهم وعيالي صج للحين كل مادشوا الحضانه يبجون
بس تعلموا واااايد اشياء ماكنت متوقعه انهم راح يستفيدون شي
والحين ماشاء الله تبارك الرحمن حافظين سورة الكوثر ويقولون الارقام بشكل صحيح

الى الامام حضانة بلازا وبالتوفيق يارب
والناجح اهو اللي يقلد

الف شكر لك اختي ام عبدالله وجزاك الله خير وان شاء الله تشوفينهم ماسكين احسن الشهادات ويوفقك

 

[SILVER ROSE]

رد: إعلان من حضانة البلازا النموذجية هام وتوضيح للكل

الله يوفقكم

 

[أسرار الطبيعة]

حضانة بالساعة (نادي هواية ) في السرة

مرحبا كويتيات ، وحده من الأخوات أسألتني في الخاص- ونسيت أسمها- عن الحضانة اللي تطرقت لها وتستقبل الأطفال على نظام الكروت المسبقة الدفع ، فكل طفل له الحق خلال سنة الدخول بإستخدام كرته وفيه عدد الساعات المحدده ، وتستطيع الأم قضاء وقتها دون تركه في البيت أو أي مكان آخر ، وبالمقابل بإمكانه- عبر كروته المسبقة الدفع- دعوة أصحابه لللعب معهم -دام السالفة على حسابه-أتوقع الاشتراك فوق المئة دينار أو ميتين والله ناسية
اتصلوا واستفسروا أكثر
نادي هواية في السرة 25343334

 

[دانه البحر]

رد: ابي حضانه زينه بجنوب السره

السلام حبيبتي عندج حضانة ليلى بالزهراء بالكورس 325 والشهر 75 بس صراحة وايد زينة وحضانة كمبردج العالمية هم بالزهراء الشهر 95 غالية اشوي وعالم الطفل لا تنسينها عند جمعية الشرطة يمدحونها بعد حضانة وروضة الشهر 100 واللي تشوفينه ؟؟

 

[نـــــور]

رد: دليل كويتيات لحضانات الاطفال&&&ياللة الكل يشارك&&&

و الله ولد اخوى بعالم الطفل بالقرين ترى مو شى كلش و احسهم ماديين اكثر


دار الفرح بالقادسية


و بلازا النموذجية

 

[زينة2008]

رد: ابي حضانه زينه بجنوب السره

عندج في حطين الحضانة البريطانية وايد زينة وقسطها بالشهر 110 ت:5033040 أو 5030612

 

[toto2006]

حضانة ريبورن بجنوب السره

انا وايد كانت عاجبتني..
في احد جربها ؟؟
انا دخلت بنتي توني يومين و لما ييت اخذها لقيتها لابسه نفس البامبرز مالت الصبح اللي وديتها فيها ..يعني من 8 لما 12 ونص لاني البسها نوع و اللي موديته لهم نوع ثاني .. هل هذي غلطه و الا انتوا شايفين عليها شي ثاني وتدرون اهيه مورخيصه 130 بالشهر و فتح ملف 55 فالمفروض اهتمام اكثر

 

[Dancing^Queen]

رد: حضانة ريبورن بجنوب السره

والله انا ماعندي تجربه فيها
بس وايد سمعت حجي طيب عنها
انزين كلمي الاداره
اخاف يمرون بازمه عماله او مشكله بالخدم؟
نبهيهم وان تكرر هالتصرف لاتجديدين

 

[P!ng P!ng]

رد: حضانة ريبورن بجنوب السره

لا نبهيهم

سلامة بنتج فوق كل اعتبار

 

[اطياب طيبه.أم عبدالله]

رد: إعلان من حضانة البلازا النموذجية هام وتوضيح للكل

انا مددت وياكم هالشهر بعد حق عيالي
لأني شفت الإستفاده وايد حلوه
ومناهجكم مبسطه وروعه
ويعطيج العافيه ابله نهى وابله سعاد وابله ريبال وابله منال
والكككككككككككككل

 

[ros]

رد: حضانة بالساعة (نادي هواية ) في السرة

مشكووووووووووووووووووووووووووووووووورة

 

[nice-girl]

رد: حضانة بالساعة (نادي هواية ) في السرة

زين والله
بدق عليهم

 

[سيدة الكويت]

رد: ابي حضانه زينه بجنوب السره

زينه شلون الحضانه البريطانيه فى حطين زينه ودى ادخل عيالى شنو يعطون يهتمون ولا

 

[ام انس انا]

رد: ابي حضانه زينه بجنوب السره

في عندكم بعد حضانه النوابغ بالسلام ق 4 جبال كنتاكي وهارديز وبالشهر 70 دينار ورقمهم 5211042
بس ماعندي اي فكره عنها

 

[دمعة يراع]

رد: ابي حضانه زينه بجنوب السره

حضانة فيوتشر واااايد زينه بحطين ق 1 ... رقمهم 5226024

 

[al-3azeza]

رد: ابي حضانه زينه بجنوب السره

كيمبرج وعالم الطفل جم ارقامهم ؟؟

كيمبرج وين مكانهم

 

[حلم الطفولة]

شنو أحسن حضانه بصباح السالم ؟ أرجووكم بسرعه.

يالغاليات أبي حضانه زينه بصباح السالم أو قريبه من صباح السالم ... ومشكووريييين

 

[BlackRose]

رد: شنو أحسن حضانه بصباح السالم ؟ أرجووكم بسرعه.

حضانة الابداع

انصحج فيهم

ولها فرع بصباح السالم والفرع الثاني بالمسيلة

 

[برونزية رشيقة]

رد: شنو أحسن حضانه بصباح السالم ؟ أرجووكم بسرعه.

يقولون حضانة المسلم الصغير زينه ... أنا ما جربتها بس ناس وايد يمدحونها .

 

[omajiad]

رد: شنو أحسن حضانه بصباح السالم ؟ أرجووكم بسرعه.

في حضانة اسمها بروي يقولون مو زينه بس الباجي ما عندي فكرة عنهم