دليل نوادي الكويت الصحية

[كويتية عسل]

السلام عليكم ...
طرت على بالي فكرة .. ان يا ريت نسوي لنا دليل للنوادي الصحيه بالكويت وكل وحده تحط اللي تعرفه .. ويكون على هالترتيب

اسم النادي : .....
عنوان النادي : ....
قيمة الإشتراك الشهري : .....
نسبة النظافه : ممتازه - جيده - مقبوله - غير مقبوله
هل يوجد حمام سباحة او لا : ...
مميزات النادي : ...
عيوب النادي : ....


وانا راح ابدي ...

اسم النادي : نادي الهلال الأحمر الصحي
عنوان النادي : نقابل نادي الكويت الموجود بكيفان وبجانب مركز كونا الاخباري
قيمة الاشتراك : من 35 الى 45 على حسب عدد المشتركين وعدد الاشتراكات
نسبة النظافة : جيد
هل يوجد حمام سباحة : نعم
مميزات النادي : اظن ان من اهم مميزاته كبير وان يتقسم الى صالات والوقت مفتوح طول اليوم
عيوبه : ان للنساء 3 ايام من الاسبوع والرجال 3 ايام يعني مو طول الاسبوع


يالله دوركم

 

[حبيبي الوطن]

رد : دليل نوادي الكويت الصحية

اسم النادي : champions
عنوان النادي : الجابريه
قيمة الإشتراك الشهري : 150 دينار و السنه 500
نسبة النظافه : ممتازه
هل يوجد حمام سباحة او لا : اي وايد حلو وكبير ومافيه وايد ناس يسبحون
مميزات النادي : أكو مضمار مشي يونس وايد أحبه
عيوب النادي : عيبه الوحيد أنه ما يبطل يوم اليمعه

 

[@ الرسامة @]

رد : دليل نوادي الكويت الصحية

فكرة حلوة وايد

حبيبي الوطن يعطيج العافية قلبي

 

[xxx]

رد : دليل نوادي الكويت الصحية

خوووووووووش فكره مشكورة

اسم النادي : المبرور
عنوان النادي : السالميه
قيمة الإشتراك الشهري : 45 دينار (يوميا) واذا يوم وترك 30 دينار
نسبة النظافه : جيده
هل يوجد حمام سباحة او لا : يوجد
مميزات النادي : المدربات وايد زينين
عيوب النادي : ان للنساء 3 ايام من الاسبوع والرجال 3 ايام يعني مو طول الاسبوع

 

[لبيه لكن!]

رد : دليل نوادي الكويت الصحية

روووعه الفكره يا عسل
يعطيج العافيه ان شاء الله اذا ذكرت احط

 

[**فلونه**]

رد : دليل نوادي الكويت الصحية

بنوته شلون 45 يوميا ........وعيوبه ان 3 ايام نساء و3 ايام رجال ........مافهمت


اسم النادي : .....نادي الفتاة الصحي ..اللي في صالون مو القديم اليديد
عنوان النادي : ....الخالديه
قيمة الإشتراك الشهري : 3 شهور 150 على ما أعتقد
نسبة النظافه : ممتاز
هل يوجد حمام سباحة او لا : ...اي متوسط
مميزات النادي : ...يفتح كل يوم من ال9 صباحا الى ال 10 مساء حتى يوم الجمعه و في صالون
عيوب النادي : المدربات مو ذاك الزود يهتمون

عيوب النادي : ....

 

[Dancing^Queen]

رد : دليل نوادي الكويت الصحية

انا اايد تشامبينز مع حبيبي الوطن
وميزاته بعد انه ماتحسين انج بنادي
وناسه جنه فندق مريح
قعدات علي البسين والقعدات حلوه
وفي اكثر من غرفه بخار
ونظيف
ومسااج
ومكان حيل حلو وراقي
وكل مشاي له تلفزيونه
وفي متابعه حلوه وفيه صالون منه وفيه واسعاره حيل معقوله

 

[سمسميه]

رد : دليل نوادي الكويت الصحية

مشكوره على الموضوع الحلو..ولو اني اشوف النادي يمتن ما يضعف!!

اسم النادي : نادي جمعية المعلمين(ما ادري شسمه)
عنوان النادي : الدسمه
قيمة الإشتراك الشهري : 100
نسبة النظافه : ممتاز
هل يوجد حمام سباحة او لا : يوجد وكبير و يشوق وايد حلو
مميزات النادي : كبير ويديد وكل شي فيه حديث ونظيف وطريقته صفوف مثل تشامبيز وعندهم يوغا بعد
عيوب النادي : غالي

 

[دلوعة الكويت]

رد : دليل نوادي الكويت الصحية

يعطيكم العافيه ولي رجعه ان شاء الله

 

[@ الرسامة @]

رد : دليل نوادي الكويت الصحية

النادي : جمعية الاصلاح
المكان : الشامية
نوع النشاط : سباحة
قيمة الاشتراك : بيت 30 و35
نسبة النظافة : ممتاز
مميزات النادي : نادي يتميز بالطابع الاسلامي وواضح من اللبس
عيوب النادي : الحوض حجمه مناسب بس مو كبير وبعدين 3 ايام فقط بالاسبوع ويفتح بس العصر الى الليل

 

[BaiTotia]

رد : دليل نوادي الكويت الصحية

وايد مفيد الموضوع
و أنا عمري مادخلت نادي
بس مدحولي تشامبينز وايد و مفكرة أدخل بس متىما أدري
وياريت البنات يفيدونا بنوادي أكثر
وياريت نوادي خاصة بالحريم بس مو حلو قطيعة يوم رياييل
ويوم حريم وع
ويكون نظيييييييييييييف

 

[^SwEeTa^]

رد : دليل نوادي الكويت الصحية

مشكوره حبوبه على الموضوع

الصراحة وايد مفيد

 

[BaiTotia]

رد : دليل نوادي الكويت الصحية

وين البنات بعد نبي نوادي أكثر علشان ناخذ فكررررررررررررررررررة

 

[مطفوقه^ملقوفه]

رد : دليل نوادي الكويت الصحية

فلونه
ما يصير نشترك بالنادي شهر واحد؟؟؟ لازم 3مع بعض؟؟؟

 

[jolie_q8]

رد : دليل نوادي الكويت الصحية

روعه الموضوع

بالنسبه الي شامبينز نمبر 1
انا مشتركه فيه
وخواتي سنتين
ورفجتي ثالث سنه
صج مستواه روعه ويزيد ..ما ينقص
اما بالنسبه لنادي جمعيه المعلمين..اتوقع حلو
لأن من جم سنه كانوا امأجرينه حق شامبينز..وكنت مشتركه فيه تقريبا سنتين
كان حلو ونظيف لأن (الاداره قويه)
بس اعتقد الحين استلموه جمعيه المعلمين من يديد..ومجددينه

 

[معلمه متميزه]

رد : دليل نوادي الكويت الصحية

تشامبينز ايهبل رحت شفته مره نظيف ومافيه زحمه بس غالي 150 دك الشهر غمضي فتحي الا المده خالصه ..

 

[إشراق]

مشاركة: دليل نوادي الكويت الصحية

حبيبتي الرسامة ابي اعدل شوي على بياناتك لان اختي مسجلة فيه
النادي : جمعية الاصلاح
المكان : الشامية
نوع النشاط : سباحة + سويدي
قيمة الاشتراك: 30
نسبة النظافة : ممتاز
مميزات النادي:1- الطابع الاسلامي
2- يوميا ساعتين صباحا او مساءا
3- ايام الدوامات يكون في مرونة بالتسجيل ممكن يعني ساعة واحدة يوميا بـ15
4- المدربة تعطينا تمارين مائية نص ساعة
عيوب النادي : حجم الحوض متوسط

وسلامتكم وتعيشون

 

[كويتية أمورة]

مشاركة: دليل نوادي الكويت الصحية

مشكورين عالموضوع
انا تشجعت اسجل بنادي فليكس ارخص من تشامبينز ووايد مدحوه
لا اشتركت اقولكم عنه ان شاء الله

 

[MaYoOoma]

احسن نادي صحي؟؟؟؟؟؟

بنات بغيت اعرف شنو احسن نادي صحي جربتوه او سمعتوا عنه وشنو ارخص نادي ؟؟؟؟؟؟

 

[q8q]

مشاركة: احسن نادي صحي؟؟؟؟؟؟

انا جربت نادي فلكس اللي بالشعب البحري رووووعه روووعه نظيف وحلو والسعر بالشهر 120 اذا كنتي بروحج و111 اذا كنتو قروب اكثر من بنت