دموعي بعيني واكتب المووضوع

[جبسوفيليا]

السلام عليكم ورحمة الله وبركااته

شلوونكم بنات ....... انشالله طيبييين


بنات بدخل بالمووضوع على طوول ،،،، الحمدلله الله انعم علي زووج ممو مقصر معااي بشي ومشااعره حلووه ويخااف ربي
ويحبني واما ماقلت يحبني الا وانا متأكده >> بنات انا ماقاتوجذي الا وبسووي مقارنه لحد يفهمها هياط ولا فضاوه قاعد اسوولف .

المهم ،، بس في نقطه حيييل مكدررتني وهي انه ررجلي عصبي ولا عصب يمد ايده علا طوول وعلا اي شييي يعصب
انا من تزوجت صارلي سنه وشهر ين تقرريباً ومد ايده علي مررتين والله ياابنات انه ترك اثر علي من الطق على ايدي ومرره فوق عيني وبسااقي

بنااات انا هذاا الشيي ماااقدرت انسااااه مع العلم انه السااالفه صاارلها 9 شهوور يعني ورب البيت مثل الفلم اتذكرر هالمووقفين واشووفهم قدااامي ودموووعي تنزل لا اررادي
وزووجي دااايم يرردد كلمه يقول انتي مستحيل افررط فيج اقوله ليش يقوول مررت علينا مووقف كنتي حييل صبوره معااي
وتصوونين بيتج يعني قصده مااعلمتي احد عن اللي صار ويقوول هالموااقف خلت لج غلا بقلبي

واحس صاار عنده طاابع بمخه انه هالبنت اقوولها على قاانون تمشي عليه واذا ما مشت عليه امد ايدي
والله يابنااات جذي اهوو يقوول بس ماايقول امد ايدي يقووول انا اعررف اتصرررف عااد ،، وانا من الخووف صررت ارااقب تصوررفاتي بشكل مجنووون اخاف اقوول شي غلط واذّكر كل شي ماايحبه عشااان ما اطيح فيه .. ورب البيت انه ماااااتطلع مني العيبه والله بنات تعبت بس افكر اخااف يمد ايده
مع العلم بنااات دااايم وودي اقووله يافلان مااتنمد الايد علا طوول القران قال فأعضلووهن، واهجرووهن ، بعدين قال فاظربوووهن ضربا غير مبررح قال مذي لتتررتب مو للاختيار بعدين الضرب موووولي عشان غلطت غلط تاافه الضررب للناشز
وووودي اقووله جذذي بس وري البيت مااااافيني شجاااعه
واللحين بنات انا مفكرره بس يصيررر مووقف فيه مدة ايد راااح اززعل واروح بيت اهلي
بس افكر انه يغير وجهة نظررره فيني يووم يقول انتي صبرتي معااي ..إلى آخره.


ابي نصيحتكم انا عجززت انسااا هالمواااقفين ..
وابي تقوولون راايكم هل صحيح لازم ان مد ايده ثاني مره ارووح لاهلي
او اعاالج الموضوع بروحي

 

[صبرت ومل الصبر]

يااختي حطي له حد لايمد ايده ابد
خلاص ان تعوود ماراح تقدرين تسوووين شي وبعدين انتي توووج مالج سنوات طويله من تزووجتي

لا حطي حد ولا ترضين يمد ايده

 

[يونييك]

بصراحه
انا ودي مثل ماسردتي السالفة علينا تروحين أتقولين له نفس الأسلوب
مؤ لازم تنطرين لين يطقج لا لا
قولي انا في شي حافزا بخاااطري وحاز بخاطري من تسع شهور
وكل شي باللطف واللين راح ينحل
ترى مؤ كل المواقف لازم تبينين له انج قويه لألا
انا مسكييينه عند ريلي وكل اللي ابيه أخذه بالمسايس
ترى القوه ما تجيب شي

وذكريه بالقران
بكره بتيبون يهال بيقعد يطقج قدامهم؟
هذا اسلوب مش حاضري
والله يهديه
وعشان تتغلبين على هالحزن اللي
بداخلج لازم تصارحينه

 

[فدوووش]

لا يااختي لامد ايده مره ثانيه على طول روحي لااهلك

بيني له ان عندك ظهر يخافون عليك

 

[Tom ♥ Jerry]

,


الي يمد ايده على مره مو ريال
لازم تحطين له حد !

 

[عروسه حلوه]

اهوه قاعد يقولج جذي لانه شافج خوافه واي غلا واي بطيخ اللي من ورا مدة الايد انتي من صجج شلون سكتي ؟ اهوه مستانس لانه شافج تنرعبين منه وتحسبين الف حساب له لا حبيبتي الاكرامتج لا ترخصينها لحد وبينيله انه شخصيتج قويه ترى الريال مايحب مثل شخصيتج وكيفج اذا بتضلين جذي ماراح ترتاحين وحطيله حد واعتقد لو اهلج درو ماراح يسامحونج لانج ساكتتله

 

["tala"]

مثل م قالو لك البنات حطي له حد

 

[Maaax]

هذا شافك مسكينه طيبه قويت يدها اذا طقك مره ثانيه سيده ع بيت اهلك

 

[امـ خــزامـى]

لا حبيبتي لااتنتظرررررررررررين يمد ايده عشان تقولين له

قولي له اللحيييييييييييييييييييين

قولي فلان صرت اخاااف منك والسبه هالمووقف

صرت مرعوووبه جتني حاله نفسيه

انا فقدت الاماان اللي المفرووووض تحتويني به

ابوي امنك علي مو تسبب لي رعب

الله يخليييييييييك هالاسلوووب تعبني

وانا احيانا ابي شي او اخالفك بموضوع بس اسكت خوف منك
وبصراااحه انا بديت اطفش
لاني انا متربيه على الاحترام والتقدير والثقه

وكل شي يصير بيننا لازم نتناقش فيه بهدوووء وبالاقناااع

وااااااالخ .................

انصحك تكتبييين بورقه وتحطينها بجيبه او بسياارته
منها تكتبين كل اللي بخاطرك باسلوب منمق وحلو

ومنها بعد عشاان يقراها بتمعن وتدخل كلماتك قلبه وعقله

لان يقال الرجل لا يسمع بس يرى

واهم شي بقوله لك قبل ماتكتبين اللي بخااطرك
اكتبي عن حبك له وتغزللللللللللللللللي بصفاته
وباااااااااااااااااااااااااااااالغي بالمدح


وباأأأذن الله بيجيب نتييييييييجه معه صدقيني

تشجعي واكتبي

وربي يسخرلك ويهدي بالك ويووفقكم

 

[ظبية بوظبي]

والله انفذي بجلدج وكرامتج
يخسي احد يمد يده على
وبعدين هذا الكائن كيف جته الجراه يمد يده عليج وانتوا توكم معاريسسسس !!!!!!
جد فضيييييع الواحد يستحي من مرته اقلها لين ما تجيب له عيال ذيك الساعه تبدا الحواجز تخف بس مب معناته ان يمد يده
لا قصدي ان هذا ما مداه حتى يعرفج ويقوم يضربج
ليش شايفج من الشارع!!
والله حتى لو بنت هوى ما يحق له يمد يده
يا يعيش انسان طبيعي مع مرته ولا كلن يروح وله طريقه
وبعدين ترى هذا قاعد يعزف لج سمفونية تخدير ان والله انتي صبوره وما بفرط فيج ولج غلا
يا عمي طير ولا انتحر وريح البشريه من شرك ومراضك
هذا بيتم يساحلج ويدف لين ما يفكر انه بيمكنج بالعيال وذيكي ساعه استلمي الوجه الاخر العمر كله
هم كذا المرضى تطلع امراضهم في صوب ويروحون يرقعون ويضبطون حق نفسهم فالصوب الثاني لين ما خلاص يحس ان المره الي معاه صارت حمار وتتحمل الضرب ولا عاد قامت تشوف ان فيها شي وتكمل الحياه على هالحال
سوررري اذا كلامي ما كان فيه ذوق بس مرات في مواضيع يبغالها اسلوب مباشر وعلى بلاطه بلا تجميل
صدقيني بتندمين لو استمريتي معاه

وتذكري كلامي
وبعدين ما بتوقف الدنيا بس عليه
مثل ما كنتي عايشه من قبل لا تعرفين وجهه تقدرين تكملين باقي حياتج من غير وجهه في حياتج
ولا تظلمين عيالج الي بتجيبينهم منه يوم انج تفكرين تستمرين معاه
هذا ضرب عارفه اش يعني ضرب يعني تدمير لنفسيتج وشخصيتج العمر كله
اصلا حتى لو تركتيه بيتم تاثيره باقي فيج

انتي كل يومك تعيشينه معاه قاعده تخسرين نفسج وفي امور ما بتقدرين تستعيدينها
غيرج مستانس في حياته وانتي تحترقين وتنطحنين فاليوم الف مره
ليش منتي مجبره على هذي العيشه
هو له ماضيه الي اثر في حياته اوكي الله يكون في عونه لكن انتي مالج علاقه في امراضه النفسيه والعقليه
وقولج صعب على هالنوعيه من البشر يتغيرون
واذا اراد انه يتغير عشان نفسه فهالشي بيكون قضيته طول عمره ومره بينجح ومره بيفشل
فاذا انتي قابله تكونين مضحيته ومعالجته النفسيه ؟؟!!
فهالشي راجع لج بس ترى على بال ما يتغير وهذا ان تغير
انتي بتكونين خسرتي احلى واجمل سنين عمرج

قال ضرب قال ما بقى الا هذي
الناس ويين وهو وين قاعد مسوي له عالم مريض خاص به وعايش فيه ومدخلج فيه

محد يتعايش مع هالاشكال الا ناس تتحمل وعاجبها هالجو يشوفونه حماس وما ياثر عليهم

 

[فرزاشيهـ]

صحييح كلام البنات و انا مره زوجي كنا نلعب جان يهفني طراق ! انا هني انصدمت تدرين شنو سويت !! قربت عل اسا اهفه عل ضحك و غشمره و اردها بس قلته بالحرف الوااحد <<<


انا اهلي ما مدوا ايدهم علي انت منووو عشان تمد ايدك!!! و رحت الغرفه اسوي اغراضي عل بو زعلانه عليه و بروح لاهلي

و قعد يترجاني اضحك ولله اضحك ومادري شنو ..سوري بس اللي يبدا بالضحك باجر يصير صج و عادي


ف من يومها وحاطتله حد و حت عل ضحك مايصير الحياه الزوجيه مو عسكريه ! مو اب و ام يفرضون رايهم عل عيالهم !

لا زوج و زوجه نتناقش مو شرط كل مبادئك اقتنع فيها ! طيب غلطت بشي مثلا كثرت الملح بالاكل بيطقني مثلا !!

هذي مو حياه ولا عمره صار زواج هذا !!

حبوبه حطيلج حد لا ينتهي الموضوع فيج تنطقين جدام عيالج و حريم عيالج واللي يسوا و مايسوا

 

[قطوووة]

مادري شقولج بس باين من كلامج انج انسانه عاقلة

كلميه احنا مانعرف شخصية زوجج مثل ما انتي تعرفينه

اذا لا سمح الله وصار شي وبيمد ايده وقفيه قبل لا يسويها

لان ان شافج ساكته بيزيد هذي طبيعه البني ادم

 

[sh_mashael]

إذا هذا عذروبه فـ حاولي تبتعدين عن اللي يضايقه

و شكله ريلج ايده تسبق تفكيره

شوفي قعدي معاه على رواقه و قوليله شنو اللي تبينه منه

و قوليله انه لمن طقيتني المره اللي طافت عورتني
و انا متضايقه من عصبيتك و مابي هالتصرف يتكرر مره ثانيه

الله يعيينج و يحقق اللي بـ بالج

 

[منـــاي]

اممم شكله طيب بس الريال متعود عالعنف عباله واحد من الربع

لا تقولين حق احد الناس ما تفهم وراح تشوهين صورة زوجج وترى واضح انه طيب ويحبج وايد

انا اقول اشتركي بنادي كرتيه احسن شيييي صدقيني بعد ماراح يقرب صوبج اذا عصب *

 

[منـــاي]

لا تتاثرين بردود العضوات الغاضبات لان كل وحده قاعده ترد من وجهة نظرها وطريقة حياتها

انتي زوجج طيب مو جحش

 

[$قطوه$]

تبيني نصيحتي لا تسكتين على تصرفاته ولا تخلينه يطقج بعد لان راح يتمادى ويطقج على اتفه الاسباب

اختي من تزوجت ريلها تعلم ان يطقها ويعصب ويكسر الدنيا اذا عصب بس كانت تصبر وتتحمله وتحاول ان تسكت وتطوف لين صاررت العيشه وياه مستحيله وصار يطق عيالها بعد عيلت منه ثلاث صبيان وللحين ما يفهم لان اهي ما وقفته عند حده


والنتيجه الحين عند اهلي تنطر المحكمه تطلقها لان ما كو فايده فيه


اعذريني بس من حره قلبي على اختي ما ابي موقفج ينعاد نفسها


تيك كير

 

[ربيع_الروح]

بصراحه
انا ودي مثل ماسردتي السالفة علينا تروحين أتقولين له نفس الأسلوب
مؤ لازم تنطرين لين يطقج لا لا
قولي انا في شي حافزا بخاااطري وحاز بخاطري من تسع شهور
وكل شي باللطف واللين راح ينحل
ترى مؤ كل المواقف لازم تبينين له انج قويه لألا
انا مسكييينه عند ريلي وكل اللي ابيه أخذه بالمسايس
ترى القوه ما تجيب شي

وذكريه بالقران
بكره بتيبون يهال بيقعد يطقج قدامهم؟
هذا اسلوب مش حاضري
والله يهديه
وعشان تتغلبين على هالحزن اللي
بداخلج لازم تصارحينه

^
^
^
انا رايي معاها

 

[قلب الزعابي]

الا الضرب الغاليه لييش عطيتيه مجال وفتحتي له المجال
ترا اللي يمد مره ليمد ايده مرات ويمكن تتطور يفر اي شي جدامه عليج وبيقوول
كنت "معصب"
المفروض من اول مره وقفتيه عند حده
ماظن عند اهلج ابوج او حد ضربج
انا أبوي ماضربني هالمره ريلي يضربني وأسكت لا والله اوقفه عند حده عشان مايتمادى
لازم تيلسين معاه وتقولين له هالكلام اللي قلتيه فوق
ولا تتريينه لين مايمد ايده عليج

 

[Patcholli]

يعتمد على بعض المواقف الريال ماينلام فيها لو مد ايده
ساعات الوحده تطلع الريال عن طوره وتعانده بشكل ينرفز ماكو ريال يرضى ان مرته تجرح كرامته
ومدام الحين ماقام يمد ايده كلميه بكل هدوء قوليله اتصدق حيل احبك بس مو قادره انسى يوم تمد ايدك حيل هالموقف معلم بقلبي
خليه يحس انج ماتنسين بسهوله وان هالشي مأثر على غلاه بقلبج بس بدون نجره وهواش

 

[(حكاية قلب )]

تعقدتي من ضربة لج
معلية انتي واجهيه قولي له اذا بتضربني مرة ثانية لآ اعلم ابوي عليك
خيعرف انه انتي وراج حد تشدين الظهر فيه غيره
صدقيني هو بنفسة بيخاف انه يضربج

والله يوفقكم