دم بعد ترجيع الأجنه؟؟؟؟

[أحلى عيونm]

السلام عليكم ورحمة الله وبركاته..


بنات انا ابي مساعدتكم...تكفون اللي تعرف شي مثل جذي او سامعه تقوولي محتاااجه كلامكم حييييل تعبااانه حدي ونفسيتي زفت متضاايقه..

انا سويت حقن مجهري عند فوزيه القطان..
واليوم لي 11 من ترجيع الاجنه..
المشكله
اني امس نزل علي شي بني وبعدين الفجر دم...وزااد الدم لي حد اليوم..والم مثل الدوره
المهم دقيت وقلت للدكتورة قالت ماراح اسوي تحليل الحين لان مابين النتيجه عدل هذا امس..وقالت اني واجد جذي....ادعي انه يكون في حمل..ليش تقول هالحجي مع انه الدم نازل يعني الاحتمال الاكبر انه مافي حمل..تقول لانه نزل الدم بدري يعني بالتاسع من الترجيع..والفروض حتى لو دوره ينزل ب 14 من بعد الترجيع..
المهم هذا امس اليوم ماقدرت اتحمل العوار رحت وسويت تحليل ودخلت ع الدكتورة النتيجه مافي حمل..بس اهي تقول انطري بعد جم يوم وسوي التحليل الثلااثاء..بنات انا نفسيتي تعبانه مو قادره حتى اشرب شي دافي يخفف عني الألم..ردوا علي بليز اي وحده مرت بهالتجربه بعد ماحللت طلع حمل بعد ماكانت نازل عليها دم..

 

[bnt_kwt]

حبيبتي والله ودي افيدج
بس للاسف ماعندي اي فكره
الله يآجرج ان شاء الله وان شاء الله ما يضيع لج تعب

 

[أحلى عيونm]

مشكوووره حبيبتي تسلمين يكفي دعائج لي....




وينكم بنااااات ليش محد رد؟

 

[WaChoCha]

انا ما عرف حبيبتي بس حبيت ادعي لج ...يا رب يثبت لك الاجنة ويحفظهم لج وتفرحين بحمالج اللهم آمين

 

[ام تركي2008]

احلى عيون ماتشوفين شر ان شاء الله نصيحه ارتاحى ونامى على ضهرج لان اكثر الى يسوون طفل انبوب وحقن ينزل عليهم دم انتى خليج لى يوم التحليل وان شاء اللله تكونين حامل
والله يرزقج ويرزقنى
ربى لاتذرنى فردا وانتى خير الوارثيين

 

[ام مسااعد]

حبيبتي والله حاسة بمعاناتج!!

انتي توكلي على الله سبحانة مايخيب رجاج ودام الدكتورة قالتلج صبري صبري شوارج غير الصبر واهيا ادرى بشغلها

كثري الدعاء وكلمة يارحييييييييييييييييييييييم

ويارب اسمع عنج اخبار طيبة..

ربي لاتذرني فردا وانت خير الوارثين

 

[أحلى عيونm]

حبيباااتي ماتقصرووون....
بصبر ماعندي غير هالشي....

 

[بدون هويه]

احلى عيون أسال الله العلى العظيم ان يرحمك برحمته ويحتويك مع جنينيك برحمته ويحفظكم من كل شر وان يثبته فى بطنك معافى من كل مكروه ويقر عينك به 0

انا قريت فى المنتدى بنات وايد نفس حالتك وبعدين طلع حمل اللهم لك الحمد لا تنسين تطمنينا عليك اذا طلعت النتيجه

 

[Emanova]

الله يكتب لج اللي فيه الخير ان شاء الله ....لا تحاتيين توكلي على الله و فوضي امرج لله ...و ان شاء الله ماكو الا العافيه و ان شاء الله تبشرينا

 

[أحلى عيونm]

بدون هوية.......
حبيبتي تسلمين على هالدعوه الحلوه...ويارب الله يرزقني ويرزق كل وحده ناطره هالشي....يارب



بس انا خلااااااااااص قطعت الامل هالمره...لان النزيف زاد..وشكلها فعلا دوره.....وبعدين خلاص مابي اقص على نفسي...

الله يعوضني انشالله قريب

 

[أحلى عيونm]

حبيبتي ايمانوفااااا

تسلميين ....بس مثل ماقلت خلااااص قطعت الامل....اللله كريم ويرزقني قريب

 

[Coffee-Girl]

انشالله حامل يارب اكثييييييييييير بنات صارلهم جذي وطلع حمل ان شالله ايصيرلج مثلهم وتطلعين حامل

 

[BNT_NAS]

الله يعوضج يااااااااااارب

 

[ألمأأس]

الله لايخسر عليج تعبج ويرزقج بالذريه اميييييييييييييييين

 

[أحلى عيونm]

تسلمين اختي كوفي...


بس مثل ماقلت مابي احط امل............


اشدعوه بنات القراءه 50 ومااافي ردود...عفيه ابي احد يكلمني اذا ساامعه عن احد جذي

 

[.>حــــــــ(و)ـــراء<.]

حبيبتي لا تيئسين فوضي امرج لله


روحي المختير و سوي تحليل الحمل الهرموووني وااااااااايد احسن من العادي

حتى لو صارلج اسبوع راح يبين نسبة الحمل بالضبط


و ان شاءالله تكووووون النسبه مرتفعه و تبشريني​

 

[أحلى عيونm]

حباايبي كلكم تسلموووون...
انا بنطر لي باجر وبسوي تحليل هرموووون...
بس انا عارفه من الحين النتيجه....لاني مو حاسه باي شي من اعراض الحمل!!!!!

 

[ام يوسف القمر]

عادي بعكس هذا دليل انغراس الجنين بالرحم ان شالله الله
مراح تحسين باعراض الحمل لانة تصاحب مثل الم الدورة
وان شالله تكونين حامل يارب عادي لايضيق خلقج لانة النفسية تاثر وايد وتنزل الهرمون واحنا نبية مرتفع وتطلعين حامل وان شالله تيبين احلا تؤام يارب

اسال الله العظيم ان يثبت اجنتج يارب

 

[cute_angle]

والله ماعندي فكره
بس الدكتورة ادرى
الله يرزقج انشالله

 

[eng.q8]

الله يرزقج انشالله