السلام عليكم و رحمة الله و بركاته
مساكم الله بالخير جميعا خواتي الصابرات و اذكركم ان الله يحبكم لما ابتلاكم بتأخر الإنجاب لأن هذا الابتلاء في حقيقته رحمة لنا و زيادة أجر
قبل ما اقولكم عن الدوا بقولكم قصتي باختصار انا صار لي سنتين متزوجة و عقب الزواج اب 4 شهور سوينا تحاليل انا و زوجي و تبين انه يعاني من انعدام الحيوانات المنوية و الحمدلله على قضائه و انا كل تحاليلي سليمة بفضل الله .
و بعد ما طلب منه الدكتور خليل العوضي يسوي تحاليل الهرمونات و الغدد تبين ان كل شي سليم سبحان الله مافيه مشكله محنا عارفين ليش مافي حيوانات المهم سوى عملية تفتيش بالخصية و حصلوا عدد بسيط من الحيوانات و حالتها ضعيفه شوي بعدها سوينا عملية حقن مجهري كنت اراجع عند الدكتوره هدى الزكري سوتلي العملية لكن الله قدر عدم نجاح العملية و عدم حصول الحمل والحمدلله الذي لايحمد على مكروه سواه
بعد العملية زوجي بدا يراجع عند الدكتور احمد الكندري اللي فحص زوجي واكتشف انه يعاني من الدوالي للاسف الدكتور خليل العوضي ما اكتشف الدوالي ولا قالنا
قرر الدكتور احمد يسويله عملية الدوالي بمستشفى السلام و طبعا تكلفتها عاليه جدا تقريبا 1800 دينار لأن سواها بالميكروسكوب بدون جراحه
بعد العملية اب 3 شهور زوجي سوا تحليل و كان مافي اي تحسن ليلحين صفر
بعدها و هذا اللي ابي اقوله لكم ان الدكتور احمد وصف لزوجي دوا يديد يقول ليلحين يسوون عليه دراسات لكنه جدا مفيد حق حالات الصفر والضعف الشديد و اهم شي انه جدا آمن و مافيه اي آثار جانبية الدوا اسمه arimidex
اهوا عباره عن حبوب صغيره ياكل حبة باليوم و تحفز الهرمون و يقول ان وايد ناس نفس حالة زوجي نفعهم و طلعت حيوانات منوية ، الدكتور وصفله اياه لمدة 3 شهور طبعا مو موجود بالكويت حصلناه بالبحرين سعر العلبة تقريبا 60 دينار
مادري خواتي احد سمع عن هذا الدوا ؟؟
و حاليا زوجي ياخذ هذا الدوا مع بروكسيد بلس و زنك و فيتامين اي و خلطة عسل بالإضافه الى حبوب شريناهم من الدكتور خالد الطيب اذا سامعين عنه كلم زوجي و قاله انه عنده حبوب عباره عن اعشاب و شغلات طبيعية ماتضر بالعكس تفيد و تساعد على ظهور الحيوانات بإذن الله
سامحوني طولت عليكم بس حابة افيدكم و ان شاءالله الشهر الياي زوجي راح يعيد التحليل و راح ابلغكم اذا ياب هالعلاج نتيجه بس قبل ما اي وحده منكم تعطيه حق زوجها لازم تستشير الدكتور لكن للامانه دكتورنا وايد مدح ارميديكس و قال انه يديد و يعالج هالحالات وجدا فعال
في النهاية و قبل كل شي رب العالمين بقدرته اذا شاء راح يرزقنا والله ان كل هالادوية ما تغني عن شيء و هالدكاتره كلهم عاجزين امام قدرة الله احنا بس نبذل الاسباب لكن اعتمادنا في كل الاحوال على الله الرازق الوهاب
اي سؤال خواتي انا حاضره .. و مشكورين على تحمل الاطالة
مساكم الله بالخير جميعا خواتي الصابرات و اذكركم ان الله يحبكم لما ابتلاكم بتأخر الإنجاب لأن هذا الابتلاء في حقيقته رحمة لنا و زيادة أجر
قبل ما اقولكم عن الدوا بقولكم قصتي باختصار انا صار لي سنتين متزوجة و عقب الزواج اب 4 شهور سوينا تحاليل انا و زوجي و تبين انه يعاني من انعدام الحيوانات المنوية و الحمدلله على قضائه و انا كل تحاليلي سليمة بفضل الله .
و بعد ما طلب منه الدكتور خليل العوضي يسوي تحاليل الهرمونات و الغدد تبين ان كل شي سليم سبحان الله مافيه مشكله محنا عارفين ليش مافي حيوانات المهم سوى عملية تفتيش بالخصية و حصلوا عدد بسيط من الحيوانات و حالتها ضعيفه شوي بعدها سوينا عملية حقن مجهري كنت اراجع عند الدكتوره هدى الزكري سوتلي العملية لكن الله قدر عدم نجاح العملية و عدم حصول الحمل والحمدلله الذي لايحمد على مكروه سواه
بعد العملية زوجي بدا يراجع عند الدكتور احمد الكندري اللي فحص زوجي واكتشف انه يعاني من الدوالي للاسف الدكتور خليل العوضي ما اكتشف الدوالي ولا قالنا
قرر الدكتور احمد يسويله عملية الدوالي بمستشفى السلام و طبعا تكلفتها عاليه جدا تقريبا 1800 دينار لأن سواها بالميكروسكوب بدون جراحه
بعد العملية اب 3 شهور زوجي سوا تحليل و كان مافي اي تحسن ليلحين صفر
بعدها و هذا اللي ابي اقوله لكم ان الدكتور احمد وصف لزوجي دوا يديد يقول ليلحين يسوون عليه دراسات لكنه جدا مفيد حق حالات الصفر والضعف الشديد و اهم شي انه جدا آمن و مافيه اي آثار جانبية الدوا اسمه arimidex
اهوا عباره عن حبوب صغيره ياكل حبة باليوم و تحفز الهرمون و يقول ان وايد ناس نفس حالة زوجي نفعهم و طلعت حيوانات منوية ، الدكتور وصفله اياه لمدة 3 شهور طبعا مو موجود بالكويت حصلناه بالبحرين سعر العلبة تقريبا 60 دينار
مادري خواتي احد سمع عن هذا الدوا ؟؟
و حاليا زوجي ياخذ هذا الدوا مع بروكسيد بلس و زنك و فيتامين اي و خلطة عسل بالإضافه الى حبوب شريناهم من الدكتور خالد الطيب اذا سامعين عنه كلم زوجي و قاله انه عنده حبوب عباره عن اعشاب و شغلات طبيعية ماتضر بالعكس تفيد و تساعد على ظهور الحيوانات بإذن الله
سامحوني طولت عليكم بس حابة افيدكم و ان شاءالله الشهر الياي زوجي راح يعيد التحليل و راح ابلغكم اذا ياب هالعلاج نتيجه بس قبل ما اي وحده منكم تعطيه حق زوجها لازم تستشير الدكتور لكن للامانه دكتورنا وايد مدح ارميديكس و قال انه يديد و يعالج هالحالات وجدا فعال
في النهاية و قبل كل شي رب العالمين بقدرته اذا شاء راح يرزقنا والله ان كل هالادوية ما تغني عن شيء و هالدكاتره كلهم عاجزين امام قدرة الله احنا بس نبذل الاسباب لكن اعتمادنا في كل الاحوال على الله الرازق الوهاب
اي سؤال خواتي انا حاضره .. و مشكورين على تحمل الاطالة
