دوام يوم الخميس

[jello]

شلونكم بنات شخباركم

يوم الخميس وماادراك مايوم الخميس

من قبل جم سنه كان يوم الخميس احلى ايام الاسبوع

كان له طعم ماكان فيه دوام

ويوم الاربعا هم كان حلو بداية الاسبوع

الحين يوم الخميس ثقيل

وعطلة الويك اند موحلوة

شرايكم بنات هل انتو من مؤيدي الدوام بيوم الخميس وله معارضين

 

[a7la sho sho]

والله حبيبتي اول ما حطو القانون كنا مو متقلبين الفكره

بس الحين لا غصب طيب

وصج احس الواحد مايعرف يطلع الخميس نرد ونام

واليمعه ننطر لييين العصر عشان نطلع يعني طاف نص اليوم والسبت مادري شلون

يعني احس الاسبوع غثيث

ومشكوووره عالفضفضه

 

[jello]

اشكرج حبيبتي على المشاركة

اي صاجه ماكنا متقبلين الفكرة

يوم اليمعه مافي طلعات الصبح ف نص اليوم طار

ويوم السبت بتجهزين حق دوام يوم الاحد

 

[وهج الحب]

السلام:
والله عني وعن من حولي اشوف الامر عادي ولا شئ تغير ..بالعكس اول اذا جينا نسافر الاربعاء زحمة الشوارع باللاد اللي نسافر لها وللاسواق والمطاعم ويالله نلقى حجز بالفنادق الحين لما نسافر تساهيل بكل شئ ..
اول اذا جا يوم الخميس وقت اللمة كل يتكلم وهو معصب لان براسهم النومة ..ومن تيجي 11 لقيتي فيه ناس حاطة راسها على الكرسي ونايمة ..والحين عادي ما اعرف ايش السر رغم انها اول من اول اليوم اجازة والحين يرحون الدوام ويرجعون ..
اول يوم الجمعة يوم ميت من اوله الى اخرة ما فيه متعة وقسم بالله كنت احس بالكأبه من يجي عصر الجمعة ..( وكنت ماطلع فيه لانه يا زحمة يا اقعد ابرز عمري لباجر بس الحين صار يوم الزوارة والمناسبات ) ..وكنت اظن انا بنفسي عندي هذا الشعور ..الى ان تفأجأت ان معاي ناس وايد بالدوام وبالاهل ..والسبب ان من يجي يوم الجمعة العصر خلاص بيجيك شعور ان باجر دوام تصك الدنيا بوجهك ...اما الحين لا والله صرت احس انه يوم حلو لانه عادي وباجر مش دوام لا باجر بعد اجازة ..وتغيرت نظريتي له ..
بصراحة عاجبني الوضع على ما هو عليه الحين ..

 

[وهج الحب]

اشكرج حبيبتي على المشاركة

اي صاجه ماكنا متقبلين الفكرة

يوم اليمعه مافي طلعات الصبح ف نص اليوم طار

ويوم السبت بتجهزين حق دوام يوم الاحد

السلام:
حبيبتي طيب نفس اول الخميس اجازة يا تسافرين يا ترقدين الى الظهر ويبدي اليوم باليل والعصر واكثر الاوقات اعراس ..والجمعة نفسه نفسه ما تغير الصبح ما فيه طلعة وبالليل نجهز لليوم الثاني ..
بس الحين كسبنا من عصر الخميس وليل الجمعة والسبت كله فكري بها عدل بتشوفين ما شئ تغير ,,
بدال انج يوم الجمعة الصبح يوم ميت والعصر كأبة ان وراك عمل وبالليل تجهزين الحين تكسبين من عصر الجمعة كله والسبت كله من الصبح الى الليل اللي بترجعين تجهزين نفسك به ..

 

[$$ صعبة الوصوف $$]

مازلت مو متقبلتها

 

[الحــــياة]

السلام:
والله عني وعن من حولي اشوف الامر عادي ولا شئ تغير ..بالعكس اول اذا جينا نسافر الاربعاء زحمة الشوارع باللاد اللي نسافر لها وللاسواق والمطاعم ويالله نلقى حجز بالفنادق الحين لما نسافر تساهيل بكل شئ ..
اول اذا جا يوم الخميس وقت اللمة كل يتكلم وهو معصب لان براسهم النومة ..ومن تيجي 11 لقيتي فيه ناس حاطة راسها على الكرسي ونايمة ..والحين عادي ما اعرف ايش السر رغم انها اول من اول اليوم اجازة والحين يرحون الدوام ويرجعون ..
اول يوم الجمعة يوم ميت من اوله الى اخرة ما فيه متعة وقسم بالله كنت احس بالكأبه من يجي عصر الجمعة ..( وكنت ماطلع فيه لانه يا زحمة يا اقعد ابرز عمري لباجر بس الحين صار يوم الزوارة والمناسبات ) ..وكنت اظن انا بنفسي عندي هذا الشعور ..الى ان تفأجأت ان معاي ناس وايد بالدوام وبالاهل ..والسبب ان من يجي يوم الجمعة العصر خلاص بيجيك شعور ان باجر دوام تصك الدنيا بوجهك ...اما الحين لا والله صرت احس انه يوم حلو لانه عادي وباجر مش دوام لا باجر بعد اجازة ..وتغيرت نظريتي له ..
بصراحة عاجبني الوضع على ما هو عليه الحين ..

صااااااااااااااااااااااااااااااجه والله

 

[وجدان الكويت]

بالعكس انا الوضع اليديد عندي احلى واحس العطلة صارت طويلة

 

[Hello_kitty]

اول ما كنت متقبلين بس الحين وناااااسه احسل تتمنى العطله جنها صاااااااااااارت وايد

وبالعكس بعض الدول تتمنى اجازتهم تصير يمعه وسبت مثلنا علشان يوم اليمعه تقدرين تتعبدين فيه

عكس اول كان يوم اليمعه كله حل وواجبات ودراااااااااااااسه

 

[aso00ora]

بالعكس اما احب العطله مالت الحيين مادري ليش

 

[Tutti-Frutti]

احـس انـه لـيـلـحـيـن مـو مـتـقـبـلـه الـخـمـيـس دواام

بـس عـادي تـكـيـفـنـا مـع الـوضـع

 

[costa chic]

بالبدايه ما كنت متقبله هالشي و كنت احس ان ضقه خلق بس بعدين عجبني الوضع لان يوم اليمعه مو مثل اول يكون ضقه خلق و دوامات و مدارس الحين خفيف و العطله صارت طويله

 

[ملآمح يوسفية]

.
.

اييه احس موو حلوو .. :eh_s(1):

,

بس ونــآسة كله اتشمت في رفيجاتي الكويتيآت يوم الخميس ..
و اهم يتشمتون فيني يوم السبت هههههههههـ .. :dddds:

 

[الحــــياة]

ملامح يوسفيه شخبارك طلعتي سعوديه يا الغاليه؟؟

 

[ملآمح يوسفية]

الحيــــاة ..

هلا ولله فديتج..

بخير عســآج بخيير انتي شخبآآرج ..
ايييه انــآ من السعوودية ^_^ ..

 

[tolay]

مافرقت يوم الخميس ولا اليمعه

نفس الشي لا اهم نقصو يوم ولا زادو يوم

ودام الديره سوت جذي اكيد لها مصلحه بهالموضوع

واهم شي مصلحة الديره

 

[happy&single]

من 2007 تقريبا القرار والتغيير.. للحين ما تأقلمتوا؟؟

صار عادي الموضوع ،،، واليمعه والسبت صاروا من الايام الحلوة جدا في الاسبوع
الله يحلي ايامكم جميعا

 

[بنت بابا جابر]

جان زين يرجع الدوااام مثل قبل

 

[pretty sarona]

اول الايام كانت صعبه بس الحين عادي تعودنا على الوضع ,, بس اللي ما احبه قبل كنا نطلع الخميس الصبح الحين محد يطلع على شان الصلاة تحدهم ,, و يوم الخميس محد يقعد بالدوام كل من يطلع

 

[توته وااااااااو]

بالعكس حلو بس فعلا تحسين انه اليمعه بسرعه يروح