دوانيه البطاليه حياكم (للبطاليه فقط)!!

[ام قدووور]

 

[ام قدووور]

بسم الله الرحمن الرحيم

افتتح الدوانيه

يلا يالبطاليه خلونا نبدي بالدعاء...

(اللهم مالك الملك تؤتي الملك من تشاء وتعز من تشاء وتذل من تشاء بيدك الخير انك علي كل شئ قدير
تولج الليل في النهار وتولج النهار في الليل وتخرج الحي من الميت والميت من الحي ترزق من تشاء بغير حساب رحمن الدنيا والاخرة ورحيمهما تعطي من تشاء وتمنع من تشاء ارحمني رحمة تغنني بها عن رحمة من سولك)


(اللهم فارج الهم وكاشف الغم مجيب دعوة المضطرين رحمن الدنيا والاخرة ورحيمهما انت ترحمني فارحمني برحمة تغنني بها عن رحمة من سولك)

 

[فز1عه]

يالله ياربي ياكريم ترزقنا وتشغل وقتنا بالوظيفه السنعه اللي تفيدنا وتفيد الكويت

مشكوره بنبونا على هالموضوع اللي فعلن محتاجينه

صار عندي شي روتيني كل يوم لازم ادش الحياة العمليه ادور اخبار ساره عن التوظيف شي


ويوم شفت هالموضوع استانست حيل قلت اخيرن كل هالموضوعات اللي عن البطاليات صارو بمكان واحد




والله مليت من قعدة البيت ان شاء الله خير

الحين صارلي 7 شهور من خلصت الدراسه


ياربي ترزقني وترزق كل البنات البطاليات اقل شي نكسر هالروتين اللي صرت مثل الخفاش انام بالنهار واقعد الفجر

 

[*شمعة الجلاس*]

اي والله يالفزاعة


انا مثلج الحين

احسن تصير مواقف بالبيت وانا ما ادري عنها

وصرت مااشوف ابوي الغالي الا باليليل لما يجي من الديوان

لاني اقعد الساعة 6 او 5 العصر ويصادف اهو طالع من البيت..


بس ان شاء الله اتغير

بس ادعوا لي اكمل دراستي

انا بطاليه صارلي 3 شهوور

 

[ATaHMeEeNaH]

مشكوره اختي على الموضوع
وانا بعد بنضم معاكم بالديوانيه لاني بعد بطاليه وشكلي مطوله بعد
ب س انشالله ربي يرزقنا بالوظايف السنعه

 

[rayoomah]

انا صارلي 7 شهور يارب اكتبلي وظيفه زينه واشتغل
لاعة جبدي من القعده بالبيت مليييت

 

[go0omar]

والله انا مثلكم جدى النفسيه كلش تعب وعندي لكم ابشاره حلوه حطو اعلان حق دعم العماله الي حاب يسجل بتاريخ 29 _3 روحووو
ودعولي

 

[^^ROSE^^]

قمر قصدج بدل البطاله مو دعم العماله صح؟
دعم العماله حق اللي يشتغلون بالخاص
بدل البطاله حق اللي مثلنا خخخخخخخخ
انزين انا توني صارلي شهر مقدمة عالديوان بس بطاليه من سنين يدي
يصير اخذ بدل بطاله ولا لازم 6 شهور

 

[go0omar]

لاء اهو لازم تقدمين على دعم العماله بالاول عشان يمر عليج 6 اشهر وتاخذين بدل بطاله تكونين مار على تقديمج 6 اشهر بالديوان

 

[ام قدووور]

يا هلا والله بالبطاليات خخخخ حياكم الله حبايبي

والله انا حاسه بمعاناتكم عشان جذي سويت داونيه

عسى ربي يرزقنا ويرزقكم بالوظيفه السنعه وتعطي كل وحده على قد نيتها ياااااااااااااااااارب



تصدقوون حتى انا صارلي 7 تشهر من تخرجت بس على تقديمي صار 4 شهوووور والله كرييييم انشالله

قموره ...

عن بدل البطاله ما اظن لازم تقدم على دعم العماله !!

لازم يكون مار على تاريخ تقديمج بالديوان 6 شهور ....والله اعلم

الي تعرف بنااات ومقدمه تفيدنا...

 

[ام قدووور]

مرحبا بنات
انزين والي ارفضو مرتين يصير يمشولهم دعم البطاله؟؟؟؟؟؟؟؟؟؟؟

هلا والله اختي

عادي يمشون لج بس لازم مار عليج 6 اشهر من التقديم بالديوان

 

[ATaHMeEeNaH]

انا صارلي مقدمه من اخر شهر 8 على الديوان يعني صارلي 6 شهور او اكثر ورشحوني مرتين رفضت اول مره و طنشت ماراجعتهم المره الثانيه وصارلي شهرين من اخر مره رشحوني ومارفضتها ولا اهما ارفضوني اقدر اقدم على بدل البطاله ولا لا ؟ ياريت اللي تعرف تفيدني

 

[fashion girl]

وانا ويااكم بطاليه صارلي سنه ونص

طاااقه جبدي من البيت ..

 

[مستشاره قانونيه]

السلام علييييييييييييييييييييييييكم

كلنا بالهوى سوى

انا بعد بطاليه حالي من حالكم

حياتي صارت نادي نت نوم

لووووول اشوى اني سجلت بالنادي شوي غير الروتين عليي صار النادي ياخذ وقتي واتسلى وما احس بالكآبه
لدرجة اني قلت تو الناس مابي اتوظف الحين لووووووول

الله يرزقنا يارب الوظيفه السنعه والراتب القوي

 

[الاسطورية]

هالووووووووووووووووووووووووووووووووووووووووووووووووو

انا معاكم لووووووووووووووول
صارلي 7 شهور انقبلت بالعدل والشؤون ومابيهممممممممممممممممممممممممممممم

ووانقبلت بالساير تويوتا لووووووووول اي شي المعاش


والحين بطاليه حدي وكل الي سويته بالعطله اني تعلمت اشتري من النت وبس كله نوووووووووووم

يارب ترزقنا يارب

 

[الاسطورية]

اذا رفضتي حتى لو اول مره ماتاخذين بدل بطاله

 

[شندوخه]

وااي انا بطاليه بس الفرق انه انا ماقدمت لان ودي اكمل دراستي بعد والله كريم يسهل علي وعليكم
مو عن سالفه المعاش حمدالله مافي احد يوعان بالكويت بس الملل قاتل انا افكر اسويلي شي الصبح اشغل نفسي بس ماادري شنو النومه معفوووووووسه حدها

 

[ATaHMeEeNaH]

الاسطوريه متأكده ان اللي ترفض ماتاخذ بدل بطاله انزين واذا ماتاخذ لييييييييييش ؟

مستشاره قانونيه قريتلج رد بموضوع ثاني تقولين ان البترول راح يحطون اعلان اخر الشهر حتى انا

سمعت بس سمعت شهر 4

 

[الاسطورية]

لان انقبلت وطلع اسمها وماتبي وجذي في بنات بيرفضون على اساس ان يمشيلها فلوس بدون شغل
مايصير مجرد يطلع دورج معناته الحكومه شغلتج وانتي ماتبين فمايمشلوج

 

[go0omar]

انزين ماعندكم فكره وين انسجل بدل بطاله خلاص مر علينا 6 اشهر