دوانيه شلة منتظرات نتيجه عملية اطفال الانابيب والحقن المجهري

[mashaeil.a.al]

اختي اسالت عنهم دكتوري اللي اخر مره سوى لي العمليه ومانجحت
قال زينات استمري عليهم لين موعد العمليه الجايه والله كريم
الله لايخسرنا جميعا ويجبر بخواطرنا ويفرح قلوبنا عاجل غير اجل يارب

 

[mashaeil.a.al]

حبيت سالج عن تجربتج مع منصور العرف كم كلفت عليج المراجعات سويت عنده طفل انبوب ولا شنو

 

[BARBI]

حياتي الله يرزقنا

بالنسبه للعرف سويتها عند مدحت كلفتني 2000 من غير العلاجات
وتكلفة العلاجات والابر كل وحده وحالتها ..

 

[منوة الزين]

مساء الخير


ربي لاتذرني فردا وانت خير الوارثين

 

[عيون عمشة]

قووه بنات شلونكم بشرو عنكم ..
امس خلصت عمليه السحب الحمدالله وحسيت تعبت فيها اكثر من المره الي طافت الحمدالله على كل حال ..
وان شاءالله الترجيع بعد ثلاث ايام دعواتكم يا بنات الله يرزقني يا رب..
بس للحين الم السحب فيني خاصه البطن وعالجنبين خاصه اني بعد السحب نزل معاي دم مره وحده بعدين وقف خفت والله لان المره الي طافت ما نزل دم بعد السحب منو صار معاها جذي طبيعي يعني ؟؟والالم اخاف ما يروح لموعد الترجيع الله يستر

 

[ماي الورد]

انا مثلج جاني الم فضيع وينزل مني دم لاتخافي طبيعي وماراح مني الا بعد الترجيع احس روحي منفوخه حيل
الله يسهل لج هالمره وطمنينا عليح

 

[منوة الزين]

ربي يسهلها لج عيون عمشه


صباح الخير

 

[عيون عمشة]

بنات شنو الاساسيات بايام الترجيع من ناحيه الاكل والراحه انا اول مره كنت دايما بالفراش ومتشدده وحريصه حيل وصراحه كان شي متعب وااالايام ما تمر...
اما المحاوله الثانيه ظليت بفراشي اول ثلاث ايام بعدين قمت اتحرك بس ببيتي ما اطلع وكله منسدحه بالصاله واكلي عادي بس اكيد ملتزمه بالماي والحليب والتفاح والخيار بس هالمره افكر اغير اظل منسدحه خمس ايام بعدين ابتدي اتحرك شرايكم...
احس اني ناسيه كنت مسيفه كل شي بتليفوني بس خرب للاسف... والخس زين او لا والعصاير بس تفاح ؟؟ البرتقال لا شاركوني

 

[عيون عمشة]

حبايبي ( منوه الزين) و( ماي ورد ) اجمعين يا الغاليات

 

[ماي الورد]

انا فتره الانتظار كله في البيت ماطلعت مكان اتحرك في البيت طبيعي ما اجهد نفسي ولا اعصب ولا اتنرفز ابتعدت عن اكل الدجاج وليمون والبهارات وتركت اكل المطاعم

 

[BARBI]

عيون عمشه ربي يكتبلج الحمل والله اهم شي راحه والاكل الصحي

انا اذكر اول ماسويت الانابيب بعد الارجاع بساعتين قمت ورحت البيت وحملت بس ماكملت الحمل 6 اسابيع ونزل بعد ماسمعت النبض ثاني مره سويتها وظليت 5 ساعات بعد الارجاع ماتحركت وماكتبلي ربي الحمل ..

بالنسبه للاكل في المره الاولى كثرت بروتينات وهمن كنت اشرب قهوه عالخفيف

المره الثانيه اكلت بروتينات بس مو نفس اول ومره ولا شربت قهوه وماصار الحمل


المره الاولى صار الارجاع باليوم الثالث من السحب وطلعت بعد اسبوع لبيت ابوي وتميت هناك ليوم التحليل

المره الثانيه صار الارجاع باليوم الخامس من السحب ماطلعت في بيتي


انا ذكرت حالتين عشان تقارنين بينهم اللي بوضحه انه اهم شي الراحه النفسيه والاكل الصحي ...

 

[عيون عمشة]

جزاكم الله خير بنات على ردودكم ...
باربي سبحان الله هو توفيق من الله مو شي ثاني الله يرزقنا اللهم امين ..
انا توني بلشت ثاني يوم ترجيع .. العاده ما اطلع من بيتي كلش لكن هالمره حاطيلي اربع ابر مثبت خذيت اول وحده يوم الترجيع والباجي كل اربع ايام وحده يعني راح اضطر ارروح المستوصف الله يستر.. دعواتكم ان شاءالله الثالثه ثابته

 

[ماي الورد]

بااذن لله ثابته هالمره وتحملين بتوم بنت ولد حلوين مثلج ان شاءالله الله لا يحرمكم من الذريه ان شاءالله

 

[عيون عمشة]

بااذن لله ثابته هالمره وتحملين بتوم بنت ولد حلوين مثلج ان شاءالله الله لا يحرمكم من الذريه ان شاءالله

بعد عمري ماي ورد ما تتصورين شكثر اسعدتني دعوتج الحلوه.. ياررب الله يسمع منج ويرزقنا كلنا انا وخواتي الي معاي هني بالتجمع يا رب

 

[عيون عمشة]

مساء الخير بنات ..
وينكم غاااطين!!
بستشيركم انا امس كنت خامس يوم ترجيع وفجاه بالليل حاشني الم مو طبيعييييي ع حنبي اليسار واخر ظهري واسفل بطني المممم فظيع بجيت منه ظل اربع ساعات لدرجه اني حسيت ريجي ناشف ولوعه جبد وبالنهايه استفرغت وخفت ان الاستفراغ خطر واثر على الاجنه ما ادري!!!!!! بس الحمدالله تحسنت وراح الالم وانا بخير الحمدالله بس استغربت الي صار وخايفه عالاجنه الله يثبتهم لي ويرزقني ادعولي

 

[منوة الزين]

هلا عموش تفائلي يارب خير ويفرح قلبج وتبشرينا

 

[BARBI]

إن شاء الله خير يارب لاتفكرين ..

 

[ماي الورد]

لا ما ياثر عادي

يارب تطلعين حامل هالمره بوادر خير يارب

 

[منوة الزين]

يارب تباشير خير

 

[ماي الورد]

الترجيع عادي ما يخوف لا تفكري بهالاشياء ربي يثبت اجنتج ان شاءالله