دوانيه شلة منتظرات نتيجه عملية اطفال الانابيب والحقن المجهري

[nonlove]

السلام شلونكم.... للصمت أن شاءالله سهالات يارب وتطمنينه عليج يارب.... هلا باربي انا تحليلي بإذن الله السبت الياي إذا الله احيانا..... والله يعدي هالايام أن شاءالله... وأي انا عند د. ناصر العازمي...... وبصراحه وايد مرتاحتله وايد.... انا اهم شي عندي احترام المريض والله....انا لمه كنت عند فوزيه لمه ينا بنسوي التحليل قالولنا دفعوا مو من ضمن العلاج لأن علاجي على شركه خاصه واتذكر عطتني يمكن ٣ دريبات حديد ووقفت بدون لا تجيك ارتفع ماارتفع بس د. ناصر قالي ماراح اخليج لمه يرتفع وفعلا معطيني دريبات ليه عقب التحليل ماشاءالله عليه.... والحمدالله كل شي بيد الله اكيد وثم بيد اللي يسخرهم الله لنا أن شاءالله... والله اني ارتاح لمه اكلمكم احس الوحيدين اللي تفهموني

 

[nonlove]

السلام... توني سألت د. ناصر عن الراحه.... قال يفضل تريحين ليه يوم التحليل والله يسهل يارب

 

[BARBI]

الله يكتبلج الخير يارب نون وانا ارتاح لما اكلمكم .. اي ارتاحي وخلج في البيت ترى انا كنت شوي اتحرك داخل البيت بحذر عشان همن الدم يتحرك بالجسم بعد كل صلاة تلقيني اخذلي فره بالصاله 

 

[BARBI]

نون انتي جم كلفتج عمليتج كامله عند الدكتور ناصر انا اذكر كلفتني عمليتي 4000 من غير الدربات والتحاليل .. 

 

[زمرد Q8]

نون راح اسبوع وباقي اسبوع تحمليولاتطلعين مكان لين تعدي هالايام على خيروالله يثبت اجنتج ويفرحجلصمتي بشري سحبو وشنو تحسين فيه بعد السحبباربي انا و لصمتي عند دكتور ناهض ونون عند دكتور ناصر

 

[زمرد Q8]

بنات انا الخميس شفت الدكتور قالي فيج توسع باخر انابيب فالوب وفيها شوي مايشنو معناتها سمعتو بشي جذي او احد مثلي

 

[nonlove]

هلا باربي... أي انا جيذيه وقت الصلاه اروح داري اصلي واقرى شوي قرآن... وساعات أمر المطبخ... ووالله يا باربي ولا ادري جم العمليه لأني على حساب الشركه بس خذيت موافقتهم ووديتها حق دكتور ناصر وخذيت موافقه خطيه على المنظار بس اذكر سألت الدكتور عن تكلفتها قال ١٦٠٠ هذا بس المنظار... واتوقع الشركه عارفه تكاليف... بس غالي دكتور ناصر اذكر مره ماكانوا يدرون اني على حساب الشركه قالولي دفعي ١٢٠ على الدخله والسونار.... والحمدالله على كل حال

 

[nonlove]

زمرد حبيبتي والله مو سامعه في هالشي بس جان سالتيه شنو يعني وشنو احتاج ساليه عدل عدل..... وهم راح اقرالج عن هالشي أن شاءالله.... والله يسهل عليج يارب

 

[nonlove]

للصمت حكايه.... يارب تطمنينه عليج وتكون العمليه سهله ويرزقج أكثر من اللي تتمنينه يارب

 

[BARBI]

زمرد والله ماسمعت بهالشي سألي الدكتور احسن نون جم جنين رجعولج .. انا اذكر الدكتور ناصر قالي من 4000 لي 5000 وحسب الحاله عرفتي  .. لصمت حكايه بعد السحب ضروري تمشين عشان للغازات كثر ماتمشين كثر ماراح ترتاحين من الغازات 

 

[nonlove]

السلام.... باربي والله ماادري بس اتوقع زادت أسعاره زادت اتوقع وصل ٨٠٠٠ ماادري احساس بس عادي اذا صار موعدي اسأل السكرتاريه عادي... زمرد توني قريت عن توسعه أو انسداد قنوات الفال ب اهيه تحتاج شي بسيط عمليه بسيطه عشان يفتحهم وان شاءالله تكون خيره حقج وتحملين بدون علاج ماتدرين إذا كانت المشكله عندج... وإذا عند زوجج عيل سوي مالت القنوات وعقب الانابيب وكل تأخيره خيره يارب عليج... وادعي الله يسهل عليج يارب...... للصمت أن شاءالله تكونين مرتاحه بالبيت و اي الغازات راح تاذبج شوي بس اول يومين وعقب أن شاءالله عادي بس اهم شي البطن مايكون إمساك... انا عطوني ملين وحبه غازات.... والله يسهل عليكم ياربباربي اللحين بيبيج جم عمره؟؟ وانا رجعولي اثنين لان كانوا ثلاثه بس ليه اليوم الخامس صاروا اثنين والحمدالله رب العالمين

 

[l9amty7kayh]

هلا بنات توني قاعده من النوماليوم عندي اخر يوم امتحان رحت امتحنت وانا صايمهعلشان العمليه ورحت لموعدي وكنت بيني وبينكم ابي النوم فمافرقت يبنجوني ونسيت الخوف من البنجصحيت من البنج وحسيت بالالم صوب المبايض جنه الم دوره بس على اقوى ورديت البيت وكلمت صابرين قالت بس بنادول اكلي كليت ونمت توني قاعده واحس في الم بس قادره اتحملهوبفراشي للحين مادري شسوي

 

[BARBI]

هلا نون ربي يتمم عليج ويبارك فيهم ويثبتهم ربي لج انا بيبي عمره 9 اشهر من الولاده وشيلي 3 اشهر يعني 6 اشهر العمر المصحح .. لصمت حكايه امشي لا تتمين قاعده .. عشان تخف الغازات وشربي بروتين 

 

[l9amty7kayh]

شكرا باربي بس والله مالي خلق اتحركلان تو عطلت ف احس ودي انسدح واطالع تلفزيونبس بقوم اروح الجمعيه واتحرك شوي بالنسبه للعوار يسير اخذ ينسون لان احس هالام يبيله شي دافي مثل الينسون يريح الام الدورهلان ماعندي بروح اشتري

 

[BARBI]

حياتي اجازه سعيده اذكر بيوم السحب قالتلي رائدة شربي بروتين وامشي

 

[BARBI]

بلشت مشي ثاني يوم اذكر فريت فريجنا والله حتى مارحت للممشى ..

 

[nonlove]

الحمدالله على سلامتج للصمت... وأي دامج خلصتي امتحانات ارتاح بس مثل ماقالت باربي تحركي بالبيت بس عشان الانتفاخات وان شاءالله يبشرونج بالاجنه والعدد

 

[nonlove]

حبيبي والله توة صغير ن... الله يرزقج بره يارب

 

[nonlove]

صباح الخير... والله امس حيل تضايقت رايحه المدينه الترفيهيه.. اقصد رويال حياه... ههههههالمهم قعدت انطر الطوارىء ومسكين المصري يقول لهم مريضه د. ناصر.. طبعا قالوله خل تروح وترد بعد ساعه او تيي باجر الصبح....ليش لأن زحمه ماكو مكان لج انزين شلون طلعتي بالغصب المهم ريلي عادي رضى ورحنا وعقب ساعه ردينا وخذيت الدريب بس معقوله مستشفى مافي مكان حق الطوارىء.... الله المستعان شكله المرضى ياين عقب الويكند.... المهم عرفت انه اذا كان يوم سبت وبليل ماكو مكان.... وبصراحه خفت اتمشى بالسياره لأن الشوارع مطبات وتكسر مو طبيعي... فقعدنا في مطعم بس هم كان متعب وظهري من تحت عوار وفوق هذا فجأه المطعم يبي يسبقه الارضيه اللي بره وكل مافتحوا الباب أدخلت الريحه...والحمدالله على كل حال.... باربي شلون وليدج وقعدته ونومته... اذكر عيالي لا ليلي ليل ولا نهاري نهار?للصمت... شكلج بس نايمه... وعليج بالعافيه... زمرد أشصار عليج شنو ناويه تسوين؟ 

 

[l9amty7kayh]

لا والله مو نايمه نومي مقطع وافكر واحاتيمادري شراح يصير علي ذبحتني الغلقه والضيقه ذبحني التفكيرالحمدلله على كل حال