دوانيه شلة منتظرات نتيجه عملية اطفال الانابيب والحقن المجهري

[فنر7]

عسا الله يوفقج ويرزقج بالذريه الصالحهانا السحب كان معاجبس قررت مارجعوبسوي repeat cycle ببلش لما تيي الدوره

 

[الأوركيد~]

آمينو لج بالمثل يا ربيليش قررتي ما ترجعين؟اهم ردوا عليج ان مافي اجنة او شنو؟و هل عادي تعيدين المحاولة الشهر اللي وراه سيدة؟

 

[فنر7]

مارديت لان ابي اختار نوع الاجنه والعدد قليل ان. ٢ حرام ادفع الفحص احسن اكرر  المحاوله واسوي فحص واحدومافي مشكله تكررين متواصل اصلا في دراسات تقول ان افضل 

 

[لـــمـى]

السلام عليكم زين والله في احد هني بسنه 2020

 

[لـــمـى]

جان زين احد يرد مرجعه وياااااطول هالمده 

 

[لـــمـى]

السلام عليكم زين والله في احد هني بسنه 2020

 

[عيون عمشة]

مرحبا بنات ..في احد يشارك غيري الحين.. ????في احد ناوي على علاج قريب

 

[brat]

هاي بنات شلونكم؟لمى سويتي إرجاع؟ ومتى التحليل عبون عمشة عند منو ناوية تسوين ومتى إن شاء الله؟

 

[تغآريد]

السلام عليكم بنات انا عضوه جديده وهذي اول مشاركه لي .. انا حملت طبيعي مرتين وصارلي الحين ٨ سنوات ما صار حمل كنت اراجع عند مستوصفات خاصه ابره تفجير ومايصير حمل وقررت الانابيب اول مره عند عاليه وماتم حمل الحمدلله وثاني وثالث مره قلت بجرب تلقيح صناعي وسويت وماصار حمل الحمدلله ورابع مره قررت اسوي عند اليزافيت انابيب وللاسف ماصار حمل الحمدلله والحين المره الخامسه سويت عند فوزية وسوتلي كحت للرحم والحمدلله سليمه واليوم لي ست ايام من ترجيع الاجنه .. مع العلم اني مافيني ولاشي وكل شي سليم عندي وعند زوجي .. حيل محتاره بس الحمدلله مقتنعه باللي كاتبه ربي


والله عندي اساله واجد بس كل الاجوبه اعرفها بس ابي دعوة بظهر الغيب انه الله يتمم لي على خير وافرح هالمره ..

وبصراحه ابي اعرف شنو الاعراض اللي حسيتوها بعد الترجيع
انا رجعتهم باليوم الرابع والحين صارلي ست ايام
تجيني الام خفيف نفس الدوره وبس
وعزكم الله البول متى يتغير لونه
والسموحه طولت عليكم

 

[glby7sas]

يااه هالتجمع لي فيه ذكريااات كثيره وانا اليوم ارجعله مره ثانيه لاني مقبله على عمليه وقلت بسترجع المعلومات كل البنات ماقصروو معاي في السنين اللي طافت واستفدت منهم وجبت احلا بنوتين وهذا انا اليوم راجعه استفيد من هالمعلومات مره ثانيه اللي تشوف تعليقي تدعيلي بالحمل وثبات الاجنه والله يرزق كل محروم يارب

 

[Almeem]

السلام عليكم ورحمة الله وبركاته

يعطيكم العافيه على هالتجمع تابعته من بدايته

لين وصل اليوم اللي اكتب فيه تجربتي باطفال الانابيب
ولو اني للحين في فترة الانتظار ربي يكتب لي الحمل السليم ويقر عيني بشوفتهم .


١- دكتوري : ناهض حماديه ( مستشفى المواساة )

٢- تكلفتها :
السحب : ١١٦٠ دك
الارجاع : ٦٧٥ دك
كانت عملية الارجاع عباره عن :
نقل الاجنه ١٥٠ - ليزر ثقب جدار الجنين ١٢٠ - تجميد الاجنه لمده سنه ٢٥٠ - فترة الحضانه اللي من يوم السحب لي يوم الارجاع ١٥٥

وبجذي مجموعهم ٦٧٥ دك

 

[Almeem]

اليوم لي سابع يوم من الارجاع

وابدا ما احس بأي أعراض لانزول افرازات ولا دم ولا لوعه ولا اعراض دوره ولا الم في الصدر كأنه يوم طبيعي .

ما أدري هل هالشي طبيعي ومنو فيكم مرت نفس اللي مريت فيه وطلع حمل ؟

 

[glby7sas]

هلا والله حبيبتي انا مسويه تحديد اجنه وصارت المباين عندي نشطه لانه بالتحديد يزيدون ابر التنشيط فيها
احسن وايد خذا منج٢٥٠ انا بعد جمدولي ياهم كلهم لمده سنه ب٢٠٠ بس
دكتوري عمرو مدني في بوشهري كلينك
هالشي راح ابلش ان شاءالله ارجاع اجنه اول مره ارجع مجمد دعواتكم

 

[Almeem]

انا ماسويت تحديد اجنه بس جمدلي كل الاجنه بعد
يقولون هذا سعرهم اول سنه وقال لما تمر عليه سنه ثانيه ٢٠٠ دك .


ربي يسهل عليج ويثبته ويحقق لج اللي تتمنينه يارب.

 

[glby7sas]

حبيبتي يارب ويرزقج ان شاءالله وبالنسبه عن احساسج بقولج انا اول عمليه فشلت لي كنت وايد مدققه بالاعراض وصرت اتخيلها بس للامانه سمعت كلام الدكتور قالي ريحي اول يومين بعدين عيشي حياتج طبيعيه وفشلت للاسف
العمليه الثانيه غيرت الدكتور ورحت للدكتور عمر للامانه كنت حيل حريصه عالحليب والبيض والماي واهو عطاني ورقه الممنوعات وماكو تسبح لمده اسبوعين وله حركه وترا ماحسيت بوله شي ماحاشتني اعراض نهائيا الا اخر جم يوم حسيت الدوره بتيي وبس الحمدالله نجحت ااعمليه والحين بعد ٧ سنين قررت اسوي تحديد واييب ولد لبناتي وصار عندي فرط تنشيط بالمبايض واجلو العمليه والحين محتاجه حبوب وطلعت مقطوعه من الخليج لقيت صيدليه بقطر تيبلي ياهم وجبتهم بس ناقصين يارب يعدل الوضع وترد هالحبوب قالي بدونها مانقدر نسوي عمليه ارجاع اجنه مجمده وبس حبيت افض فضلج لانه ماتوقعت ليلحين في ناس بالمنتدى حيل فرحت لما لقيت احد لانه العمليه محد يدري عنها نهائيا واحس محتاجه اتكلم مع احد نفس وضعي وبس حبيبتي ازعجتج اي سؤال بما اني مجربه من قبل قوليلي

 

[Almeem]

انا جذي بعد ملتزمه بالبيض يوميا وحليب وبروتينات لان هم بعد التنشيط قال المبيضين متضخمين واحتمال يصير سوائل بس قالولي اكثر بروتين والحمدلله خلال ايام بسيطه راحت النفخه وكل شي رد طبيعي .

انا فبداية التنشيط كان استجابة المبايض عندي بطيئه بالحجم والعدد وبعدها زاد جرعة التنشيط دبل ليما وصل العدد زين والحجم مناسب الحمدلله .

ويوم السحب الحمدلله ١٧ بويضه ناضجه ياربي لك الحمد والشكر .

انا هذي اول تجربة انابيب ومتزوجه ٦ سنين
حملت مرتين واجهضت بعد التحليل على طول

واليوم لي ٨ يوم انطر الخميس واروح احلل باذن الله .


ياحبيبتي والله حتى انا زين لقيت احد موجود
لاني تابعت المنتدى واقرى التجارب واستفدت منكم

واذا قصدج عالحبوب الللي نصها ابيض ونصها بني موجوده بالحكومه بالعيادات الخارجيه يصرفونها لج بوصفه .

 

[glby7sas]

اي هذيل الحبوب انا رحت مستوصفنا قالي خالصه ومايابوها لنا بعد مادري ليش انقطعت والله اني مرتين ايبها من قطر لين الصيدلي اللي بقطر قالي ماقدر اوفرلج اكثر والدكتور طالب مني ٢٠ علبه مو هين العدد بعد اشلون اقدر اخذها من الحكومه ممكن تفيديني لانه صيدليه المستوصف ماعنده

 

[Almeem]

اي انا بعد كاتب لي ١٥ كرتون وماحصلتهم بكل مكان مقطوعين واصلا بس العيادات الخارجيه اللي تصرفهم لج انا صرت كل جم يوم اروح العيادات الخارجيه تبع مستشفى الفروانيه ويصرفون لي كرتونين بس وقبل لا يخلص اروح مره ثانيه وادش عالدكتوره وتصرف
وجذي . لانها حيل ضروريه ترى

انتي على حسب منطقتج شوفي المستشفى العيادات الخارجيه بالذات عندهم

 

[glby7sas]

بييه والله لويه اتوقع بعد لازم ابطل ملف عندهم انا مستشفى العدان

انا بصراحه خايفه لانه مجمد اول مره ارجع مجمد ناس اطمن وناس لا بس اطريت اني اجمد لانه قالي اذا رجعتلج ياهم الحين راح تنامين بالمستشفى
وعطاني ابر يالله طخ بطني وراح العوار ناطره بس الدوره تييني ان شاءالله وراح ابلش حبوب واراجع عشان يشوف سماكه الرحم وطبعا حاليا مشتركه بعايده وجبات معنه وزني ممتاز بس خايفه امتن من الحبوب والابر استغفر الله مادري اشفيني متردده هالمره عكس اللي قبل كنت متحمسه وانا اللي احن على زوجي الله يرزقنا يارب ونفرح فيهم وانتي بعد طمنيني عليج بين فتره والصانيه ادري حاليا الله يعينج بتحسين بملل ليش كله منسدحه بس ما اوصيج اقري البقره واقري على بطنج الرقيه وطبعا الاستغفار لاتنسينه

 

[Almeem]

اي والله شنسوي حتى مافي بديل حق هالحبوب
وامي الله يخليها اهي تروح تاخذ بطاقتي المدنيه وورقة الوصفه وعادي يصرفون لها .

بالعكس سمعت شكثر ناس ماحملوا فريش وحملوا بالمجمد سبحان الله ، ودكتور ناهض لما سألته عن المجمد لانه كان ناوي يأجل عمليتي اذا صارت عندي تجمع سوائل قال المجمد نفس نتيجة الفريش ومافي اختلاف واحد بالميه ، بس اهم شي تتبعين خطة الدكتور كامله وماتطوفين العلاج والابر وكل شي

وانا فتره بعد زادت عندي سماكة بطانه الرحم وخذيت حبوب ورجعت طبيعيه الحمدلله كل شي وله علاج بالالتزام والراحه
انتي توكلي على الله ولاتفكرين وايد وخلج متفائله وباذن الله ربي يسهل امورج حبيبتي .

صح والله ملل النطره وكله منسدحه بس الحمدلله على كل حال .