دوانيه شلة منتظرات نتيجه عملية اطفال الانابيب والحقن المجهري

[العين]

السلام عليكم
في احد حالياً بمرحلة العلاج او الانتظار ؟
.
والله ياريت نرد للمنتديات كانت حيل مفيده ومرتبه مو نفس الانستقرام ، هني كل شي مرتب ومنظم والدليل بعد سنين نرد ونقرا المشاركات والتجارب

 

[glby7sas]

اهلين حبيبتي حاليا في مرحله العلاج والله المستعان

 

[العين]

اهلين حبيبتي حاليا في مرحله العلاج والله المستعان

عسى الله يسهل عليج يارب
منو دكتورج
انا عند ناهض

 

[glby7sas]

دكتوري عمرو مدني

للاسف توني طالعه من تجربه فاشله وحاليا في فتره راحه عشان الشهر الياي اسوي منظار نشوف سبب فشل العمليه والله المستعان المفروض هالشهر بس ما الله كتبت يتلي كورونا واجلنا كل شي

وانتي؟!

 

[العين]

الحمدلله خيره بإذن الله
انصحج بالدكتور ناهض مختبرهم ممتاز
والدكتور صج ماتشوفينه الا مرتين
بس كل الادويه وخطة العلاج منه

 

[glby7sas]

انا الحمدالله مرتاحه مع دكتوري هم حيل ممتاز والله رزقني على اييده من قبل واحسن مافيه ماعنده مساعدين دايركت تدخلين عليه ورقم تلفونه يكون عندج يرد عليج بنفسه الله يباركله بصحته ريال كبير وفاهم بس اهو خايف لانه مسويه قيصيرية من قبل وبعدها حملت واجهضت عشان جذي طلب مني منظار عشان يطمن

 

[تغآريد]

السلام عليكم
شلونكم شخباركم الميم و قلبي حساس ..

الحمدلله على كل حال ربي ماكتب لي الحمل عند فوزيه
انا الحين سويتها مره ثانيه بس مو عندها
وصارلي 4 ايام مرجعه اجنه عند دكتور ناصر العازمي
وردهم لي باليوم الخامس ومادري شالفرق بس قريت انه افضل
ويارب يتم حملي ويثبت اجنتي
ومادري شعور غريب يحوشني مرات ماحس بشي ومرات تقلصات دوره مابي احكم واتوهم
بس ادعولي يثبتهم ويفرحني

 

[تغآريد]

الف مبروك الحمل الميم الله يهون عليج يارب ويسهل عليج الحمال
وربي يرزقني ويرزق قلبي حساس وكل وحده محرومه بالحمل السليم يارب العالمين

 

[Almeem]

اهلين حبيبتي تغريد
الله يبارك فيج حبيبتي اللهم امين


ربي يفرح قلبج ويرزقج ماتتمنين
انا كنت نفسج ماكو شعور ولا اي شي سبحان الله شكيت بنفسي ماتوقعت ب يتم الحمل وحتى تحليل الحمل عدته كل يومين وكان ارتفاع النسبه بسيط بس ياربي لك الحمد

انتي طمنينا شنو صار معاج ؟؟؟

 

[Almeem]

قلبي حساس شلونج سويتي منظار ولا للحين ؟

 

[glby7sas]

هلا والله الميم انتي اشلونج بشريني عنج

انا والله على حطت اييدج ماسويت شي قلت بعد رمضان ان شاءالله لانه مابي اسويها برمضان سويتها من قبل برمضان وتحسفت

وزني وايد زاد من بعد تجربه الانابيب والمشكله مو راضي ينزل يصعد بسرعه بس ماينزل حاليا اشتركت وجبات ورياضه عل وعسى ينزل الوزن ٩ كيلو صاعد تخيلي بس

 

[Almeem]

الحمدلله ياقلبي تمام اموري ماشيه

عسى في الامر خيره والوزن مو عائق ابداً بس احرصي عالمشي والحركة
واستغلي هالشهر بالدعاء والصلاة والتراويح والقيام
وباذن الله بعد رمضان ربي يرزقج انتي وكل اللي يتابعون بكل ما تتمنون

 

[glby7sas]

حبيبتي اللهم اميين يارب

 

[تغآريد]

هلا الميم
ماصار حمل وتاخرت يمكن 5 ايام وبعدها نزلت علي الدوره الحمدلله لعلها خيره يارب
بس الحين جا وقتها ومانزلت وانطرها يمكن متاخره علي مادري ليش
وعندي اجنة مجمده برجعها بس مو الحين برتاح شوي و بعطلة الصيف ارجعهم ان شاء الله
ً
شنو جديدكم انتو

 

[glby7sas]

االله يعوضك يارب تغاريد

انا والله ماكو بعد فشل العمليه كل ما ابي اروح للدكتور يصير شي وتتأجل حاليا قلت باخذ فولك وفيتامينات على ما اروح للدكتور مره ثانيه احس حماسي راح بعد الفشل كلش مو متحمسه اسوي شي

 

[glby7sas]

اشلونكم بنات بشرو عنكم اشصار عليكم؟!

 

[Almeem]

الله يكتب لكم كل الخير بنات
لا تيأسون من رحمة الله توكلوا وسووا اللي تقدرون عليه



انا اموري كلها تمام ومستقره الاوضاع عندي الحمدلله
و اليوم دشيت الاسبوع ال ٣٦ وحدي خايفه

نصيحه بنات والله جربوا عند دكتور ناهض
يمكن الله يكتب لكم على ايده

 

[glby7sas]

ماشاءالله حبيبتي الله يتمملج على خير ياارب

بنات دعواتكم باقي جم يوم وابلش ابر
يااارب يرزقني وكل محرومه بالحمل السليم

 

[glby7sas]

اليوم اليوم الخامس لي
من اليوم الاول نزل عليي دم بعد عمليه الارجاع واول مره يصير معاي جذي خفت بس السستر قالتلي عادي
خف ثاني يوم حيل وصار ينزل مايل للاصفر بس نقاط
واليوم الثالث اختفى الحمدالله
ماشيه على المثبتات والكرتزون وابره سيوله
والابره جدا مؤذيه بقعت رجولي الله يصبرنا ويآجرنا يارب
ومن اليوم وانا بلشت احس بالم الدوره ودوخه خفيفه
يمكن لانه ما اتحرك كله منسدحه
الغازات كانت جدا قويه اول الايام وخفت حيل باليوم الخامس يمكن لانه ماكان فيه خروج والحمدالله اليوم بلشت اخرج فارتحت
وبس يارب يثبت حملي ياكريم ويرزق كل محرووم يارب

 

[glby7sas]

في اليوم السادس من الارجاع نزل عليي قطرات بنيه والم شديد كألم الدوره الشهريه وحسيت خلاص بتنزل عليي
الم اسفل الظهر قوي جدا

يارب سلم يارب سلم
وارزقني وارزق كل محروم يارب