دوانيه شلة منتظرات نتيجه عملية اطفال الانابيب والحقن المجهري

[glby7sas]

باجر يوم التحليل يوم ١٢ ما احس باي اعراض علما اني سويت تحليل منزلي ديجيتال باليوم العاشر وطلع مافي حمل وما احس باي افرازات تنزل عليي
يارب لا تخيب ضني ياكريم يارب ارزقني بالحمل السليم انا وكل اخواني يارب العالمين

 

[Q8L]

الحمدلله خيره بإذن الله
انصحج بالدكتور ناهض مختبرهم ممتاز
والدكتور صج ماتشوفينه الا مرتين
بس كل الادويه وخطة العلاج منه

مساء الخير العين شفت انج في مرحله علاج مع الدكتور ناهض الله يسهل عليج يا رب، بسألج شلون طريقته انا ناطره موعدي معاه عشان ابدي العلاج

 

[glby7sas]

اشلونكم بنات منو في مرحله العلاج الحين؟!

 

[Q8L]

اشلونكم بنات منو في مرحله العلاج الحين؟!

اهلا الحمدلله بخير شلونك
انا حاليا في مرحله علاج مع الدكتور ناهض
انتي في مرحله علاج؟

 

[glby7sas]

اهلين اي نعم حاليا بمرحله العلاج
مع الدكتور عمرو مدني

طبعا بعد ثلاث محاولات فاشله والحمدالله على كل حال
المحاوله هذي غير الطريقه
قبل الدوره بدأ معاي بأبر تنشيطيه واليوم اول يوم للدوره وباجر موعدي باذن الله عشان اكمل باقي الخطه العلاجيه ونحضر للانابيب

انتي وين واضله وشنو خطتج العلاجه
طبعا انا محاولاتي كانت كلها بتحديد جنس والحين محتاره احدد وله لا اىاخاف التحديد واللعب بالاجنه اهو اللي قاعد يفشل العمليه وبنفس الوقت قريت كثير انه ماله علاقه ومحتاره

 

[Q8L]

انا حطلي خطه البرتوكول الطويل
بلش معاي ابر ديكابتل من ٢١ الدوره لمده ٢١ يوم
و بعدها ٤ يوم دوره بلش معاي ابر التشيط ،
الصراحه مشوار طويل ربي يسر ان شاء الله.
طبعا الدكتور ماشفته الا مره الله يسهل ..
و ترا سمعت مره من دكتور نسيت اسمه انه فحص الاجنه تقلل من نسبه النجاح لانهم ياخذون خزعه من الاجنه. انتي تبين تحددين جنس البيبي؟

 

[glby7sas]

اي انا سمعت بعد بس قعدت مع دكتور اجنه وشرحلي بالضبط شنو يسوون وقالي هالكلام مو صحيح اي انا ودي احدد لانه عندي بنات من قبل الله يحفظهم وعارفه احنا فرصنا بالحمل قليله فقلت احدد افضل

بالنسبه للدكتور انا ما اتعامل الا معاه اهو معنده مساعدين وهذا احسن مافيه

 

[glby7sas]

سؤال اليوم لفيت على الصيديىليات كلها غصب حصلت ivf يقولون مقطووعه فسألي دكتورج اذا تحتاجينهم حسبي حسابج تدورينهم من الحين عشان لا تتوهقين

 

[Q8L]

شنو ال ivf اهوا دواء ؟

 

[glby7sas]

هذي الابر بالعضل لازم تاخذينها مع ابر المنشطه انا بلش معاي فيهم ثاني يوم دوره عاد انتي ودكتورج متى يحطلج ياهم بالخطه بس سأليه اذا بيعطيج دبري نفسج من الحين شوفي بره الكويت او لفي على الصيدليات عشان لا تتوهقين مثلي قعدت اتراجهم ومن كل صيدليه خذيت البواقي وكلهم قالولي مقطوع من الكويت

 

[Q8L]

ترا سألت المختبر الاجنه عن فحص الاجنه اذا يأثر بالجوده قالتلي لا ما يأثر.
الدكتور قالي نحتاج نسويلج منظار لانه بطانه الرحم سميكه، و بيشوفون شنو الاسباب
خايفه ما ادري ليش صارت جذي و اول مره بسوي المنظار

 

[glby7sas]

توني مسويه منظار لا تحاتين سهالات ان شاءالله بنج كامل ماتحسين بشي بس اذا اداومين افضل تاخذين طبيه تريحين فيها بعدها بيوم او يومين مافيك شي وراح ينزل دم بعد المنظار ولا تحاتين طبيعي

 

[glby7sas]

Q8L بشري عنج حبيبتي اشصار عليج؟!

 

[Q8L]

والله للحين ناطره الدوره اتيني و اراجع الدكتور،
اجلو لي الاجراء
انتي شصار عليج عسى كل شي تمام ان شاء الله

 

[glby7sas]

الحمدالله اليوم خذيت الابره التفجيريه
للاسف النقص اللي صار بحق ال
Ivf
اثر عليي كان المفروض يطلعون اكثر من جذي بويضات واكبر بس الحمدالله على كل الحال عالاقل النقص صار باخر شي احسن من نص العلاج هم هذي نعمه من الله

الاثنين باذن الواحد الاحد السحب والفال لج يارب
جسمي كله يعورني من كثر الابر اللي خذيتها المشكله بعد باقيلي ابر سيوله وابر تثبيت الله يآجرنا ويصبرنا يارب ولا يحرمنا ويرزقنا لذت الفرحه بشوفه الضنى يارب

 

[Q8L]

الله يسهل عليج يا رب

 

[glby7sas]

حبيبتي اجمعين

 

[glby7sas]

بشري Q8l
اشصار عليج عسى بلشتي علاج

 

[glby7sas]

اليوم لي الخامس الحمدالله على فضله ونعمته بس مافي اي احساس نهائيا وانا بعد احاول ما افكر بالموضوع لانه وايد متعب

 

[Q8L]

حبيبتي الله يسهل يا رب و يكتب لج كل ما هر خير
انا اجلت الاجراء ليه الشهر الجاي و بنشوف البطانه شلونها