دوانيه شلة منتظرات نتيجه عملية اطفال الانابيب والحقن المجهري

[BARBI]

امبله انا ليش مقهوره لانه عودته بعد عملية السحب بآسبوع
مادري شقول عنه وايد حرني

 

[BARBI]

شوي وتحسب عليه حيل ضيق خلقي
الحمدلله موعارف شي ولا عارفه اتصرف
بهالموقف دخلني في مشكله ثانيه

 

[عيون عمشة]

شوي وتحسب عليه حيل ضيق خلقي
الحمدلله موعارف شي ولا عارفه اتصرف
بهالموقف دخلني في مشكله ثانيه

باربي سبحان الله ما تدرين ان شاءالله خيرة لج .. انا بعد اجلتها مرتين قبل لا اسوي عمليتي الاخيره والحمدالله .... والرياجيل هم جذي مو نفسنا يملون بسرعه ما عندهم صبر .. ان شاءالله بس يرجع تسوينها وكل شي خيره لا تتضايقين

 

[BARBI]

آه ياعيون عمشه كلش مادرى شنو وضعي مو عارفه افكر والله انا تايهه من امس تقولين مينونه زين ليش جذيه علمني قولي ماتدري اني اخذ ابر انا كنت حاسه
لانه ماكان يلتزم بالعلاجات

 

[عيون عمشة]

باربي حبيبتي اكثري استغفار .لا تقهرين روحج وهومسافر ولا سأل ... اقعدي معاه اذا رجع واتفقو ع وقت مناسب وبلشو وبينيله اهميه الموضوع عسى ربي يرزقج ويفرح قلبج قريب يا رب ..... وبلغي الدكتوره عشان تعرف تتصرف او تأخر السحب لان انتي اخذتي ابر شلون عليهم؟؟

 

[عيون عمشة]

حتى لو كانت العمليه بوقت دوامات عااادي اهم شي مصلحتج كل شي ملحوق عليه

 

[BARBI]

وقفت الابر حتى بدون لا استشير الدكتوره
وبحاول ابلش بالعلاج فترة عطلة الربيع

 

[عيون عمشة]

وقفت الابر حتى بدون لا استشير الدكتوره
وبحاول ابلش بالعلاج فترة عطلة الربيع

باربي ليش تنطرين للربيع انا سويتها مرتين بفتره دوامات استغلي الوقت لا تتاخرين نصيحه

 

[BARBI]

ماقدر بالدوامات كلش صعبه الاجازه مايعطوني ..

 

[BARBI]

اسبوعين وبعدها اشلون اذا تم الحمل ماودي اداوم برتاح
انا قبل جذيه سويت العمليه وتميت اسبوعين تالي حللت وطلعت حامل ومن اول ماحللت كان معاي دم المهم داومت وكنت اخذ مثبتات وسمعت نبض البيبي وبعدها اجهضت .. ابي ارتاح لو بعد العمليه همن اسبوع او اسبوعين .. يعني بسويها قبل لاينتهي الكورس الاول اخر شي واشبك معاها عطلة الربيع

 

[:: عائشه بقلبي ::]

باربي كلمي الدكتوره اهي تكلمه وتشرح له صديقتي نفس موقفك والدكتوره ساحلته وامدحته وخلته يرجع ويكمل العمليه لا ودفع تكاليف بعد
نصيحه كلمي دكتوره لا توقفين علاجك ابدا
ولهم طرق حتي لو زوج مو موجود يقدرون يحفظون البويضه وما يروح عليك تعبكً

 

[BARBI]

انا الحين لي 4 ايام وقفت الابر// ماتوقع بعدين انا زوجي عنيد ماراح يرجع
هو الحين بأسبانيا صعب يرجع مستحيل ..

 

[BARBI]

صباح الخير ..
اخباركم ياحلوات

 

[عيون عمشة]

اهلييين اخبارنا الحمدالله .. انتي شخبارج شصار معاج كلمتي الدكتوره..
بنات وينكم غاطين ما في احد بيعالج هالفتره مختفين!!

 

[BARBI]

هلا عيون عمشه .. رحت لها قبل جم يوم قالتلي غلط انج وقفتي چان كملتي وجمدنا البويضات بعد كل هالابره .. قالتلي مره ثانيه استشيري قبل لاتسوين شي يالله الحمدلله الحين هي ماشيه معاي عشان الدوره ماتتخربط وتنزل ..

 

[am_kshaa]

بنات ودي اسئل عن المغذي اللي تصرفه الدكتوره رائده لمرضاها

هو حق شنو بالضبط ، مادري تتوقعون له لزمه اخذه

دكتوره رائده اتيبه من بره والي اعرفه اهي الوحيده بالكويت تستخدمه ينزل مناعه الجسم ويقاوم الاجسام المضاده علشان ماتهاجم الاجنه
وانا سويت عندها العمليه مرتين اول مره فشلت والحين عدتها هاللشهر واليوم 12 من الارجاع وناطره تحليلي بعد يومين
والدرب اخذته 5 مرات

 

[am_kshaa]

السلام عليكم??? الصراحه ماتوقعت للحين في احد بالمنتدي وفي جذي تفاعل

ربي يرزق كل محروم بالعيال ويبلغنا فيهم كاملين الخلقه والخلق
مشكلتي الاساسيه ضعف بالتبويض المنشطات والكلوميد مافادو معاي وحولوني مستشفي الصباح علشان ابلش اعالج وبواسطه طلبت هنوف السميط لان نظامهم كل ماتراجعين تشوفج دكتوره وكل وحده تعطيج من خبرتها وتجاربها وانا كلمت دكتوره هنوف اني اتم معاها علي طول او دكتوره موزه وجدا روعه اخلاق واسلوب وتعامل
وقت موعد العلاج السنه الي طافت سكرو قسم اطفال الانابيب والدكتوره نفسها قالت طلبي تقرير وبنحولكم علاج بالخارج داخل اللويت واانا احدد الدكتوره الي ابيها
وتمت موافقه اللجنه وطلبت الدكتوره رائده البدر بالسيف وانا كنت مسويه كل الفحوصات والتحاليل والسونارات بالولاده قبل لايسكرون وهذا وفر وقت علي مع رائده
وسويتها السنه الي طافت والله ماكتب ومن 5 يوم وانا ينزل علي دم وكانت وايد بني واسود ولي يوم التحليل ماكو حمل
والشهر هذا ربي يسر وعدتها وعندي 3 اجنه مجمده ورجعتهم لي كلهم
الحمدالله مرتاحه ماحس بشي غير الالم بالبطن والظهر من كثر السدحه و وموعدي بعد يومين وربي يبشرني بالحمل وكل محرومه يارب
والبخور والعطور ممنوعه لي يوم التحليل لان تقتل البويضه والاكل الممنوع الزنجبيل والدارسين والاناناس والبهارات الحاره

 

[BARBI]

حبيبتي ربي يرزقج يارب .. انا المفروض هالشهر اسوي العمليه بس الله يسامح زوجي بعد ما اخذ الابر سافر ولارد علي انا اللي قطيتيه تقريبا 1000 مع المغذي كل اسبوعين كنت اخذه .. وإن شاء الله بعيد التجربه

 

[BARBI]

ام كشه رجعتي اجنه مجمده اي يوم الثالث والا الخامس

بنات يصير يرجعون اجنه باليوم الثاني والرابع والسادس والا لا

بالنسبه للمغذي اشدراج انه لهالشي يعني بس حق اللي عندهم اجسام مضاده
انا مافيني .. وشنو فايدته اذا ماعندي اجسام مضاده

 

[am_kshaa]

ام كشه رجعتي اجنه مجمده اي يوم الثالث والا الخامس

بنات يصير يرجعون اجنه باليوم الثاني والرابع والسادس والا لا

بالنسبه للمغذي اشدراج انه لهالشي يعني بس حق اللي عندهم اجسام مضاده
انا مافيني .. وشنو فايدته اذا ماعندي اجسام مضاده

الاجنه الي رجعتهم باليوم 5 والمغذي سالت الدكتوره واهي قالت لي وفايده ينزل مناعه الجسم علشان الجسم مايرفض الاجنه
لما يدش شي غريب علي الجسم لازم يدافع والدرب فايده يقلل من مناعه الجسم