دورة إلزامية لمعلمات رياض الأطفال

[قوطي نيدو]

دورة إلزامية لمعلمات رياض الأطفال

كشفت الموجهة العامة لرياض الاطفال هيفاء الغانم عن اعتماد 14 دورة تدريبية لجميع معلمات الرياض مشيرا الى ان جميع هذه الدورات الزامية وسيتم تقييم اداء المعلمات على ضوئها.

وقالت في تصريح للصحافيين ان عشرة من هذه الدورات تتضمن تدريب المعلمات على اللغة الانجليزية دعما لهن قبل ادخال مهارات الانجليزية والرياضيات في هذه المرحلة والذي سيطبق خلال بدء الدراسة في 27 نوفمبر المقبل.

واضافت ان الدورات المتبقية مقسمة بواقع دورتين لمهارات الكمبيوتر فيما ستكون الاخريين دورات عامة لتطوير اداء المعلمات

.تاريخ النشر 09/10/2009

http://www.alwatan.com.kw/Default.aspx?tabid=205&article_id=541648

 

[عبارات العيون]

والله جان زين يسوون لنا هالدورات المفيدة بدل من هالاشياء السخيفة اللي قاعدين انسويها بالروضة وياريت هالقرار علي كل رياض الكويت مو محافظة معينة

ويعطيج العافية علي هالخبر

 

[^ليلاس^]

حلووو

تسلمين حبيبتي عالخبر

 

[KG-Teacher]

مشكورة على الخبر

وبلا قعدتنا فاضييين بلا شغل ​

 

[قوطي نيدو]

موفقين ان شاء الله

 

[وطن عمري]

صح احنا ناظرتنا قالت لنا انه ارسلت اسماء معلمات المستوى الاول عشان تعليم اللغه الانجليزيه والرياضيات

واتوقع دورتنا بعد سبوع

 

[قلبي تركواز]

اهما بدوره وحده بيأسسون المعلمااااااااااات ؟؟؟؟
ترى بعض المدرسات ماااايفهمون شئ بالانجليزي هذيلا شلون يبونهم يدرسون انجلش ؟؟
اصلا غلط لازم يجيبون مدرسات انجليزي يتولون هالشئ احسن لنا بدال مانعلم الجهال غلط

 

[أم الجوري]

14 دورة عاد !!!!!!!!!!!!!!!
صج يبون يكرفونا كرف

 

[remoo_007]

والله قهر احنا مديرتنا الله يسامحها دورات تعطيها لمعلمات محدودات الي اهما طبعا طايحيلا ترزز بل الاداره والباجي ماكووو

 

[bnoOotaaa]

الله يعين وبس...

 

[*أم*خالد*]

هيه يا هيه

بنرجع طالبات يا ابلاتي يا زميلات الكفاح بنرجع طالبات عنونات يدرسونا ويعطونا امتحانات
كلولولولوليش

وناسه حلو التغيير
بس ان شاء الله ماتصير ابلتنا عصبيه وتوقفنا بآخر الصف

ثانكيو يا حليبن تنمو معهو الأجيالوو

 

[*أم*خالد*]

اي على الطاري .. حبيباتي مو كل صاروخ يتصدق

هالحجي بس حق الجرايد 14 دورة .. ولا بالصج 14 طل بعين العدو

كلهم دورتين ولا ثلاث وبس توكلو على الله
وحده انجليزي والثانيه كمبيوتر ويمكن يعطونا رياضيات مو أكيد ولا الباجي خرطي بس حبر على ورق وفلوسهم بالجيب المصون

 

[*أبلة*]

اي على الطاري .. حبيباتي مو كل صاروخ يتصدق

هالحجي بس حق الجرايد 14 دورة .. ولا بالصج 14 طل بعين العدو

كلهم دورتين ولا ثلاث وبس توكلو على الله
وحده انجليزي والثانيه كمبيوتر ويمكن يعطونا رياضيات مو أكيد ولا الباجي خرطي بس حبر على ورق وفلوسهم بالجيب المصون

اذا الصج الحجي اللي تقولينه راح تصير فضايح بالجرايد​

 

[*أم*خالد*]

يا ابله يا حبيبتي

جم مره الوزارة حطت اعلانات وتصريحات وصواريخ بالجرايد وبالصج احنا ماكلين (( تبن )) وساكتين ؟؟

الوزارة اعلنت جهوزيتها لاستقبال العام الجديد وتم التعاقد مع شركات العماله وصيانة المياه في المدارس الخ الخ
وبالصج ؟؟
نياهاهاها كل وحده منا ساحبه خدامتها والوي مغبر من الصف والعبايه تقولين متكوكسه بالرمل

هذيلي يقولون 14 دورة ماشفنا منهم ولااا شي

والفضايح خو منزمان مفضوحين يت على هالسالفه ؟

 

[معلمة رياض اطفال]

ونااااااااااااااااااااااااااااااااااااااااااسه

 

[معلمة شيسمونه]

لووووووووووووووووووووووووول

حتى احنا بنات الميداني ما عرفوا شيسوون فينا جان يقولون لنا بندخلكم بهالدورات مع باقي المعلمات شنسوي احسن ما تقعدون فاضين

 

[المرام]

اتوقع مجموع الدورات اللي منظمينها 14 ,,,مو كل معلمة تاخذ 14 دوره ,,,اتوقع جذي