دورة تهاني الأيوب اونلاين منو مشترك معاي ؟

[Samurai]

السلام عليكم

في مصورة اسمها تهاني الأيوب .. اعتقد كانت تصور بمون لايت
تعطي دورات اونلاين على موقعها
وطريقتها تسجلين بموقعها بصفحة الاشتراك (بس الحين سكر) وتعبين بياناتج والعنوان
وادز مندوب لعنوانكم ياخذ رسوم الاشتراك 30 دينار
بعدها بساعه تدز على ايميلج اليوزرنيم والباسورد وصفحة المشتركين
تدخلين على الصفحه باليوزر والباسورد
بتشوفين فيديوهات مقسمه على 4 فصول
وكل فصل يتكلم عن شي
الفصل عن الاضاءه بانواعها
وطبعا في تعليقات تحت كل فيديو اذا عندج سؤال
للحين انا بالفصل الأول

انا اللي ريحني انه اونلاين لأن صعبه اروح دورات خارجيه

بس ان شاءالله استفيد

موقعها
www.tahanipro.com

 

[Şhώasha . . ~]

واااايد زين صرآحه وشرحها واايد حلووو
بس للآسف انا مب بالكويت جان شـآركت
ماعليه خيرها بغيرها بس الطريقه وايد مريحه بعد ومبتكره
الله يوفقج حبيبتي

 

[Eng.shosha]

حسآآفه خلص الاشتراك =)

 

[Samurai]

شواشه. يصير تشتركين عادي

شوشه. اي حسافه خلص بس حطي ايميلج عشان دزلج متى ما نزلت دورات جديده

 

[Q8stylle]

يسلمووو

 

[UniquẼ ♥ ώomaN]

انا كنت بشترك فيها بس ماتشجعت مادري ليش

اذا خلصت قوليلنا رايج فيهاا

 

[Samurai]

ان ناطره اخلصها واقولج
عشان احكم عدل
ولو ان اافصول الثانيه للحين ما اشتغلت

 

[groori]

اشتــــركت فيـــهآآ ...



و استفدت من بعض الاشياء

 

[bal8es]

امممممممم

انا اشتركت بس كلام وايد لاعت جبدي

مادري بس ماعجبتني

اتمنى لج التوفيق انا ماكملت ولا ابي اكمل لن ماحب الحجي وايد

 

[Angel_store]

جربت اشتري ديفييات وايد في التعليم بس ما يفيد كثر ما يكون احد يشرح جدامج و تطبقين عملي

 

[Samurai]

السلام عليكم

بصراحه انا انا انسحبت من الدوره وردولي المبلغ

تعاملهم كان حلو وفعلا حسيت مو همهم الفلوس بس

مثل ما قلت وشرحت اسبابي لها بقولكم

المستوى وطريقة الشرح ما عجبتني كنت اتوقع افضل
طريقة شرحها كان على سبورة
تشرح الاضاءه على سبوره وتورينا شوية امثله توقعت بما اني شفت فيديوات مصورين على اليوتيوب
وكانت اغلب شرحهم من الاستيديو او من مكان التصوير ويورونا صورهم بعد كل تجربه وكان بعضهم مصورين هواة
واهي مصوره محترفة ٢٠ سنة كان الافضل يكون شرحها اكثر بروفشنال

مثل ما قالت الاخت اللي قبلي كلام كلام كلام يملل شوي

بس فعلا الله يعافيها اللي فكرت بهاافكره وكنت اشوف ردود مشتركين بانهم استفادو
بس اتمنى ان شاءالله تغير طريقة الشرح للأفضل

*

 

[قلم كحل]

فكره روعـــــــــــــــــــــــــه

 

[g76aniya]

انا اليوم اشتركت واسمي ع الويتنق ..

 

[كما الريشة]

انا مشتركة و خلصت الدورة واايد تغيرت بالتصوير من ميح لي بروفيشونال

 

[Teddy Bear]

آنا مشتركـه معاها و ونااسـه استفدت و احس بستفيد اكثر .. بس توني بالفصـل الاول و ورااي مشواار ..
بس مادري ليش أحس نفسي ضايعه ماني فاهمه طريقتـها ..
يعني بعد كل فصل لازم نطبق و ندز لها الصور ولا شلون .. !!

صج انه كلام واايد مثل ما قالوا البنات بس احس كلاامها كلله مفيييد واايد قاعده تحمسني انني اصوور وجذي

 

[غربه الروح]

انا عندي احسن الدورات اللي انتي تروحين لها ويكون جدامج المحاضر
بس اللي خلصت من الدوره جان زين تكتب لنا شنو استفادت