دورتي وتأخيرها اللي من دون معنى بعد استخدامي لحبوب التنظيم من فتره

[قاهره عذالي]

:eh_s(11)::eh_s(11)::eh_s(11):


الســـــــــــــــــــــلآآآآآآآآآآآآآآآآآم علــــــــــــــــــــــــــيكم :eh_s(7):

تعبت تعبت نفسيتي
من دورتي

قبل لا اتزوج تقريبا كانت منتظمه ومرات لها عرات تاخر اسبوع اسبوعين بس تنزل

المهم

اول ما تزوجت

هرموناتي كل ابوها اعتفست وما نزلت شهرين وكانت تاخر تاخير طويل

لحد ما كتب لي طبيب المستوصف حبوب تنظيم اسمهم البريجليتون

واكلهم 4 شهور وصارت منتظمه الحمدلله

بس بعد جم شهر

صارت مرات دورتي تاخر اسبوع او 5 ايام وعقب تنزل

لحد اهني مافي مشاكل وعادي عندي تاخير اسبوع بدون معنى

رحت رددت عند مره واول شهر من الترديد الدوره اللي وراها نزلت الدوره باليوم الـ30 بالضبط
وفرحت انه هذي اقصر مدة بين الدورتين يمكن بحياتي كلها
لان كانت عندي حتى بالحبوب لازم تاخر يومين او ثلاث وتنزل :eh_s(2):

المهم الشهر اللي طاف انا لازلت اردد عند مراه

الا تاخرت 8 ايام واستغربت
تاخير اسبوع عادي
5 ايام عادي
بس 8
واليوم التاسع نزلت فرحت للمراه اللي اردد عندها وسالتها جان تقولي يمكن من القهر او التفكير والحره قلت يمكن

المهم الشهر هذا
هم نفس القصه
الحين احنا داشين باليوم التاسع لتأخيرها

وبس احس ببلل من تحت الافرازات الشفافه العاديه زايده شوي علي
مرات عبالي دوره اكشف والقى ماكو شي

مع اني والله ما افكر بالحمل خير شر

وهالشهور اللي طافت كله هوشات مع زوجي
ودي يتعلم ع المسؤوليه تعبت من اهماله وبروده فكنت خايفه اجيب جاهل ويطيح بجبد اهلي مثل ما شالوني يشيلونه

فمعطيه الساالفه طاف
بس وقت الدوره اردد واكل اعشاب المراه وبس
عشان صحتي
لان فيني تكيس

بسيط بالمبيض اليسار والطبيب يقول ما يعتبر حتى تكيس بس انه مضعف عندج التبويض شوي
ومخلي البويضات صغار مايكبرون للحجم المطلوب للتلقيح عشان جذيه تاخر الدوره

الحين انا باليوم الثامن لتاخيرها وبكره يكون التاسع

وانا رايحه مع زوجي الجمعيه من شويه

والا اسئله لو اطلع حامل شتسوي

ابتسم وتغير وجهه وقال راح ارقص

قلت له طيب البيبي اذا جا يبي طبيب يبي تطعيمات يبي حفاظات وحليب يبي ابو يسهر عليه
قال شرايج يعني اكيد بسوي له كل شي اهني انا تأثرت :eh_s(1):
مدري اصدقه مدري اجذبه

ورجعت البيت ورجعت لقسم تاخر الانجاب اللي صارلي كم شهر لا نزلت فيه موضوع ولا اتابع معاه لاني ما افكر اصلا :eh_s(22):

ومدري شلي خلاني من شوي ادش على منتدى الحوامل السعودي واقرى قصصهم وتدمع عيوني

والله مو زعلانه لاني ما حملت انا عندي ايمان بالله وادري ربي له حكمته واكيد هو ابخص بحالي وانا متكله على ربي يمكن الحين مو من صالحي يكون عندي بيبي وكل شي رزق

بس اللي مزعلني تأخر دورتي من دون معنى وصايره مو مثل قبل اول يومين افرازات بنيه عقب تنزل

فما ادري محتاره
انا بكره ان قدرت بروح احلل دم
وامي قالت لي خل تكون متاخره 10 ايام ونروح نحلل لج

انا كانت كل هالشهور اللي طافت عندي خوف مسيطر علي اني احمل
خايفه من زوجي يكون مو قد انه يرعى جاهل يعني انا شايله نفسي بنفسي خاف مايساعدني عليه ولا يرعاه لان انا بروحي الحين راسي براسه لايقوم لا يودي الا بطلعة الروح وياما طلعات ضروريه ما وداني لها ومخليني على الله والسايق ودخلت ابوي من جم يوم وصار شوي ادمي عقب
قلب السالفه علي
لو سنعه ماتغثين ابوج وتقولين له
انا صبرت الحين بيصير لي سنتين
معاه وهو بهالحال
وما قلت لابوي الا عقب سنه وشهرين من زواجي
وهو وعد وعود انه يتسنع ويقوم بواجبي بس ارد له
بعد انا بنت ناس ماخذني زوجه مو لعبه
حتى الهنديه تبي احد يوديها طبيب وتاكل من الثلاجه وترتاح ومحد يسبها ولا يطقها لانها بشر

فسبحان الله والله مو مفكره وعندي تخوف

ففودي تنتظم من شوي فكرت وسلمت امري لله لو بيكون تأخيرها حمل يمكن زوجي يصير زين ويحس ويتسنع او انه اللي قرر انه يخلق هالجنين برحمي يرعاه ويدبر اموره

تعب قلبي من هالدوره والتاخير حتى كرهت شي اسمه تحليل

يمكن دوختكم بموضوعي طويل
...........................

اتمنى لكم يارب انه يرزق كل وحده تمنى الضنى

وشكرااااااااااااااا:eh_s(7):

 

[خشف بدو]

اصبري جم يوم وان شاء الله تكونين حامل

 

[قاهره عذالي]

الله يكتب اللي فيه الخير والصالح لي يا خشف البدو

 

[فانتا ستروبري]

حبيبتي الله يوفقج وتكونين حامل ان شاء الله

وصدقيني زوجج ان شاء الله راح يتغير مع البيبي ويصير قد المسؤلية

انا ريلي جذي مرات اهمال ولا يدري عن هوا دار البيت ولا اغراض

الله يفرحج ويطمن قلبج قريب يارب =)​

 

[ابدا يالغالي مانساك]

حبيبتي
بالبدايه من زماان عنج المهم شوفي مابي اخوفج
داااااام تنضيم الدوره مو منتضيم راح يكون فيه تاااااخير بالحمل
المهم ليه لان التبويض اللي هو سبب في تنضيم الدوره
يكون سبب بالحمل واللي قريته من موضوعج
ان دوررررررتج
تنضميها مو منتضم
وانتي غلطانه ليه تاخذين تنضيم
للدوره حبوب من دون مااااكشفتي
علي نفسج
في عيااااااده
غلطانه والرداده علي عيني وراسي
لاكن المفروض يكو ن تاخيره او تلخبطها من يكون فيج غده
او عندج هررمون حليب مرتفع

حبيبتي لازم عليج تسووي سوناااااار
داخللي بعد
روحي مع امج وكشفي ان زوجج مايوديج

وعن انها متاخره ليه تنطرين بعد 10 ايام غلطاااااانه
تدرين ان التحليل الهرموني للدم
يكشف لج الحمل لو يووووم
توكلي علي الله باجر وحللي الهرموني
وان مافيه روحي راجعي لج بعياااده وسوي هالتحاليل اللي قلتللج عنها
وربي يرزقج ويرزقني ويرزق جميع بنات هالقسم
موفقه حبيبتي

 

[سعودية بالكويت]

صباح الخير شلونك

روحي حللي والله الكريم بهالوقت المبارك

يرزقك ويرزق كل محرومة ويرزقني معكم

وإذا على زوجك لاتسبقين الأحداث ماتدرين

يمكن هالجاهل إذا الله عطاكم إياه يكون سبب

بأهتمام زوجك وتحسنه وتحمله للمسؤولية

الله يرزقك ويهدي زوجك ويسخره لك ياكريم​

 

[قلبي القرآن]

الله يهديه ويسخره لج
ماتدرين يمكن هالبيبي يغيره
الله يكتب اللي فيه الخير
وطمنينا عليج​

 

[الفيروزيه]

حياااتي كل شي له علاج

وصح كلاام ابد يالغالي ماانساك
روحي لعيااده وسوي سونار داخلي
والزوج يااااااكثرهم اللي مهملين حرييمهم ومااتسنعوو الا لما جاابو عياال وحسوو بمسؤووليتهم غصبن عنهم ....وليش تخاافين من الحمل ؟؟ بالعكس المفرووض يكون تفكيرج ايجابي وتتمنين هالشي وتسعين لتنظيم الدووره عن عيااداات وصدقيني التفكير والنفسيه تلعب دوور يااااااارب تبشرييينا بحملج وتفرحيينا​

 

[hello kitty84]

ربي يرزقج ان شاء الله عاجل غير اجل يارب

 

[قاهره عذالي]

مشكورين حبايب قلبي


ابد يا الغالي ما انساك

ترا انا رحت راجعت من قبل عند دكتورين
واحد بالعرف وواحد بالراشد

وقالولي تكيس هو اللي ملخبط الدوره

وسوولي اكثر من مره تحاليل

هرمون الحليب سليم + ان الغده الدرقيه سليمه الحمدلله

بس اللي ملخبط عندي هرمونين lh ,fsh
واخر تحليل كان يمكن من 5 او 6 شهور
كانت هرموناتي كلها سليمه
والتكيس رايح
كان في عندي بالمبايض اثنينهم

وعقب صار عندي مبيض سليم والمبيض اليسار فيه شوية تكيس بسيط مضعف التبويض شوي

فالدكتور من قبل لما سوالي اول مره تحليل وسونار عطاني حبوب تنظيم اكلهم اربع شهور
ورجعت له وجبت له تحليل زوجي الجديد لان كان في مشكله بسيطه بتحليله القديم فقال ما اقدر اعطيج علاج بس تنظيم دوره لحد ما زوجج يصير تحليله زين
وجبت له التحليل السليم
وعطاني كلوميد وفي استجابه بس ضعيفه
البويضات حدهم حجم 16 ويموتون
مايوصلون 18 او 20 اللي هو الحجم المطلوب للتلقيح واللي يعطوني عشانه ابرة تفجير ويحددون ايام تبويض وجماع

فقالي الشهر هذا ماراح يصير حمل
تعالي الشهر الجاي

ابر تنشيط
لان الكلوميد اخف تنشيط وانتي محتاجه جرعه اقوى عشان البويضات تكبر اكثر وتصير عندها قدره انها تلقح


مشكورين بنات
على دعائكم لي
احب ابشركم ان اليوم الصبح نزلت الحمدلله
صايره الشهر اللي طاف وهالشهر تاخر يوم زياده
الشهر اللي طاف تاخرت 8 ايام
والشهر هذا 9 ايام

 

[عطر الدوحه]

الله يعينج

والله يرزقج بالذريه الصالحه

خلي ايمانج بالله كبييير

 

[@فطفوووطه@]

حياااتي عسى ربي يرزقج ويرزق كل محروووم عاجلا غير اجلا

حبيبتي اخلطي لج خلطه دارسين وحلبه وقرنفل وزنجبيل وزعتر ومرقدوش فوحيهم مع بعض اكثر من مره واشربي قلاص عالريق قبل الريوق وقلاص قبل الغدا وقلاص قبل العشا وشوفي البلاوي اللي تنزل واستمري على الخلطه هذي لين اليوم من 12 الدوره وبعدها اقطعيها بس استمري عليها وشوفي نتايجها وخلي زوجج قبل ايام التبويض ماسك نفسه 4 او 5 ايام وعطيه عسل كل يوم واكلي سمسم بعد عالريق يقوووي المباايض عند المراءه ويقوي الطاقه الجنسيه عند الرجل وان شاء الله تبشرينا الشهر الجاي بس مثل ماقلتلج استمري على الخلطه وربي يرزقج انتي وكل محروووم​

 

[ابدا يالغالي مانساك]

نزلت
خير ان شالله حبيبيتي
ولاتتركين مراجعااااااااتج وخليج مواضبه عليهم
وان شالله ربي بيرزقنا اجمعين

 

[قاهره عذالي]

توني كنت اتناقش بهالموضوع يا ابد يالغالي ما انساك
وزوجي قال ودي ترجعين لمراجعاتج وعياداتج
قلت له شرط انت توديني
مليت من ريحة البنغاليه وعفنتهم سواق هالاجره
قال اوكي
وقلت له اذا حملت وجبت جاهل
ترا لازم مراجعات طبيب
ولازم مستشفى
والبيبي يبي اغراض وسرير وشغلاته واجد هم لما ينولد يبي مراجعات وتطعيم
يعني هل انت قد كل هذا
والا ما لك خلق
جان يقول اكيد بسوي كل شي
وما يندرى
الله يستر ويهدي
بروح دكتوري الدوره الجايه واعيد تحاليل الهرمونات ويمكن يعطيني ابر تنشيط