دورولي حل في حماتي؟؟؟؟

[ms gucci]

السلام عليكم يا حلوات



:27d66a9c24b146327bf


أبي منكم رايكم الحلو ويا ريت تلقولي حل .......... أنا ساكنة في الدور الثاني في بيت محدود طبعا أجار ....... مو هاذي المشكلة المشكلة ان حماتي ساكنة في الدور الأول..... ومو هاذي المشكلة ...... طبعا أجار البيت مشترك بين ريلي وبين زوج حماتي ...... هم مو هاذي المشكلة المشكلة يا بنات ان حماتي لما اسكنت ( اهي سكنت بعدي ) اعتمدت علي في كل شي لا شافتني رايحة الجمعية قالت اشتريلي معاج ... شافتني طالعة قالت قطيني على أهلي( اهي للأسف ما تسوق ) الحين المصيبة الكبرى تبيني كل يوم أقط عيالها مع عيالي لمدرستهم ومدرسة عيالي في منطقة غير عن مدارس عيالها وأنا عندي دوام ودامي بعيد أنا يا الله أقط عيالي ..... يا ناس شسوي معاها وهذا ريلها على طول نايم ليش ما يودي عياله ..... لما كلمت ريلي يقول ودي عيالها صار الموضوع واجب علي وهو ما يقدر يوديهم لأن دوامه من الفيرما ودى عيالي عشان يوديهم

 

[رق رق]

اذا تستاهل سويلها بعد شنو اتسوين
او قولي حق ريلج انج ما تقدرين وهو يكلم اخته وصح وين ريلها اشلون يعني انتي اتقطين اعياله ما ينحرج جنها قويه....

 

[Miss McDonald]

رد : دورولي حل في حماتي؟؟؟؟

.

وعليكم السسلآم والرحمه ,

انا كل شي اششوفه عآدي لأن يمكن الظروف الوحشه حدتها عليج !
بس المدآرس .. طقيها بويهآ قوليلهآ وآبووهم شيسسوي ! ,

 

[طيب^الكويت]

نفس رقرق

 

[قلبي سلومي]

رد : دورولي حل في حماتي؟؟؟؟

والله عادي
بس الشي لا زاد عن حده يقث
حاولي تفهمينها انج مو ملزومة فيها وان وراها رجال عيب قاعد وانتي اللي تودين وتجيبن

 

[ms gucci]

رد : رد: دورولي حل في حماتي؟؟؟؟

اذا تستاهل سويلها بعد شنو اتسوين
او قولي حق ريلج انج ما تقدرين وهو يكلم اخته وصح وين ريلها اشلون يعني انتي اتقطين اعياله ما ينحرج جنها قويه....

يا حبيبتي الله يعينها على زوجها زوجها علة .... أنا ما لومها كل يوم عيالها متأخرين ليته بس على تودية لعيال المدارس الله يصبرها عليه بس هم أنا مو ذنبي.... أنا كلمت زوجي يقول انت قولي مو مشكلة والحين عطلة وأنا راح أتصرف .... بس أنا أعرف زوجي يرحم خواته على حسابي أنا واعيالي

 

[ام دليار]

رد : دورولي حل في حماتي؟؟؟؟

الله يعينك

 

[لمسه حزن]

رد : دورولي حل في حماتي؟؟؟؟

حبيبتي

كل زوج يحب اهله

ويرحمهم و يحن قلبه عليهم

ويضعف جدامهم

وتذكري اذا مافيه خير لهم

مافيه خير لج

بس موضوع المدراس حاولي تتكلمين معاها

بصراحه و قولي لها انج تتاخرين

وماتحبين تردينها بس ظروفج صعبه

وذا على زوجها اذا كان يحب الرباده

يوفر على نفسه و مرته و يحط لهم سايق

والله يكون بعونج و عونها

بس لا تتضايقين

 

[ولهااااانه]

.




طيب اذ هي ماتسوووق في شئ اسمـه ساايـق
بعديـــــــن عااادي حاجيه قوللهـا ماقدر اوديهم واتأخر عـ دوااااميـ

آما اذا كانت حماااتج تستاهل انه الواحد يقدملها خدمه .....فـ بعد شتسويـنـ

 

[جـــواهر]

الله يعينج ياشين اللي جذي
كلميها قولي ماااقدر اقط عليالج اتاخر ع دوامي

 

[MisS^MesSY]

الله يعينج عيل وين ريلها؟؟؟

 

[أنفاسي دخون]

كل شي يهون الا انش تودين عيالها المدارس وزوجها منشكح ومكبر المخده !!!!!

انتي كلمي زوجش وقولي له ما يصير هالوضع روحه الجمعيه واهلك واي مشوار تبيه على عيني وراسي وكله لعيونك واختك تستاهل اما المدارس يا قلبي ما اقدر انت تشوف بعينك انا يالله الحق اودي عيالي وكل يوم وانا متأخره اجل لو بودي عيالها بتجيني خصومات الدنيا ولو هم بنفس المنطقه ميخالف بس منطقه ثانيه وهو مو على شي بس ما يصير انا اودي واجيب وابوهم نايم انت ما ترضاها علي اشتغل سواق لزوج اختك ولا تجيبين طاري اخته بالمره وجهي انتقادش وكلامش لزوجها وان شاء الله ينفع معاهم

 

[^أم يوسف^]

رد : دورولي حل في حماتي؟؟؟؟

يابنت الحلال من صجج انتي
قولي لها والله كل يوم أتاخر عن دوامي ع ماقط عيالي وبعدها عيالج
الا ماكو وقت
وتعذري منها

 

[أميره الدوسري]

رد : دورولي حل في حماتي؟؟؟؟

آحتسبي كل شي تسسوينه آجر إن شآآء الله

,

 

[شقرديه كيوت]

رد : دورولي حل في حماتي؟؟؟؟

الله يعينج عفيه عليج الصراحه امتحمله

 

[Om eL'3aLe]

رد : دورولي حل في حماتي؟؟؟؟

اهوا شي يحر بس حرام شكل حماتج حليوه وعلى نياتها وفي شي بينها وبين ريلها الله بس اللي يعلم فيه يمكن ماتقدر تكلمه او شي بس انتي قوليلها اذا يقدر يحط لهم سايق بس حق المدرسه في ناس يسوون جذي واذا كلش ماتقدر تكلمه بعد شتسوين كله بأجره ان شاءالله وتأكدي كله بيرد لج ولا تحاولين انج تتذمرين عن حماتج جدام ريلج وربي يساعدج ويصبرج

 

[عيش و مرق]

خل ايبون سايق او يتعاملون مع وحده بس توديهم وتيبهم اشهلحاله الله يعينج الواحد عساة بعياله

 

[ديانا سبنسر]

اذكر في اختراع اسمه باص يدور على عيال الفريج كلهم ويلمهم وبلاش حلو الواحد يساعد الناس بس موحلو يستغلونه

 

[داريني]

عفوا هذا استغلال ميخالف و انتي مو ملزومه لو انها حماتج و بعدين دام تعرف ريلها ربادي خل تسوق و تفتك ولا تاجر لها من هالسواق الي يحطونهم بالوسيط حق توصيل مدارس صدقيني ترا باجر تتمادى و اذا احتجت منها شغله ما راح تعطيج اذا ظروفها ما تسمح

 

[مــســك]

كل شي يهون الا انش تودين عيالها المدارس وزوجها منشكح ومكبر المخده !!!!!

انتي كلمي زوجش وقولي له ما يصير هالوضع روحه الجمعيه واهلك واي مشوار تبيه على عيني وراسي وكله لعيونك واختك تستاهل اما المدارس يا قلبي ما اقدر انت تشوف بعينك انا يالله الحق اودي عيالي وكل يوم وانا متأخره اجل لو بودي عيالها بتجيني خصومات الدنيا ولو هم بنفس المنطقه ميخالف بس منطقه ثانيه وهو مو على شي بس ما يصير انا اودي واجيب وابوهم نايم انت ما ترضاها علي اشتغل سواق لزوج اختك ولا تجيبين طاري اخته بالمره وجهي انتقادش وكلامش لزوجها وان شاء الله ينفع معاهم

معــآهــآ ... :/






​