دورولي حل

[أم مريومه]

مرحبا للجميع خواتي في المنتدى

أبيكم تساعدوني أنا متزوجة صارلي سنة وريحة هالكبت ودروج والتسريحة تعبت منها عشان غرفة جديدة وريحتها ماتحملها

حطيت خلطات وبخور تآخذ يومين وترجع قالولي حطي فحم أسود حق الشيشة مانفع قالوا حطي بطاط مقطع ومانفع بعد قالو حطي بصل وماحطة لو شنو

وألحين قاعدة أتوحم وتعبت منه تكفون دورولي حل

 

[sara3]

واشفية البصل حطية عقب بطلى الدرايش ولا خلصتى بخرى الغرفة

وعندك الخل الابيض حطية فى بوادى هم يمص الريحة.اللى يعينك حبيبتى

 

[DoDo2004]

هلا اختي

فيه بالجمعيات من ماركة glade معطر للكبت تعلقينه مع الملابس مكتوب عليه الرائحه لمدة 30 يوم
جربته وبصراحه اخذت اكثر من شهر منعشه
علقي وحده في كل كبت
جربيه وبتدعين لي

 

[الجوهرة الثمينة]

انا صار معاي كذا في غرفة اولادي وحطيت القرنفل وقشرالبرتقال في قطع قماش صغيرة وعملتها على شكل صرر ووضعتها بداخل الاثاث الجديد والحمد لله راحت الريحة

 

[أوركيدا]

بخرى بخور واوراق الشايع للادرج وعلقى الاكياس الصغيره للملابس بالكبت وزعى بالكبت صابون المسك الى عند القرشى ونثرى

كربونات الصوديم بالكبت @وهوى الكبت اذا طلعتى

 

[أم مريومه]

الله يعطيكم العافية جميعا