دولتنا الحبيبة والزراعه

[coffee]

أهلين بنات ديرتي

اذكر وانا صغيره كان اكو انشطة زراعة في المدارس ومن يومها وانا احب الزرع لي درجة اتحسر امشي على الحشيش ههه طبعا جونا ما يساعد بس هذا ما يمنع ان نقدر انطور هالنشاط ونخليه عادة من عاداتنا اليومية

وانا لاحظت الاوليين وايد يهتمون بالزراعة وخاصة بالنخيل

ودي تشاركوني مناقشة هالاسئله

- شنو احلى نوع من الزرع في الكويت تحبونه؟

- هل اتحسون ان الحديقه سواء خارج او داخل المنزل عنصر اساسي بالمنزل؟ وليش ؟

- هل زرعتو من قبل وشنو زرعتو؟

بالنسبة لرايي النخله اروع نبات عندي واحب النوير لان احسها نبته وطنيه واحب شكل الهالوك والثندى لما تتراقص مع الهوا.. واحس ان الحديقة جزء مهم في البيت وللاسف البعض يتجاهله بحجه استغلال المساحه في اشياء اخرى وطبعا جزء مهم لانه من الناحية الجماليه والبيئية وكافي القعده بالحديقة ترد الروح
ونعم قمت بالزراعه واتمنى اتعلم اكثر بهالمجال المهم

اترككم مع صور واسماء النبات في دولة الكويت

العرفج

الطرفه

الرمث، والذنون أو الهالوك

شداد أو جداد

أرطى

عاقول

عشر

عوسج

الينبوت

 

[coffee]

الثنده

القلمان

القرم

الربله

الحميض

الرخام

الغضراف

العضيد

اقحوان

هطايس

 

[coffee]

الأراك

الشري أو الحنظل

الهرم

الزريج

البروق

السليح

الخريزه

المسيكه

السعدان

عنصيل

 

[coffee]

الجثجاث

الحاذ

الحنوه

الضمران

الزملوق

شدق الجمل

حمبزان

حندقوق

حرشا

قطبه

 

[coffee]

قطب أو شرير

القراص

الصفار

بطيط الحجل أو دحريج أو شحوم

الخبيز

الرغل

الشعران

عكرش

الرقرورق

القرضئ

 

[coffee]

القصبة

البردي

الجريد أو الارجه

الحسكه

الهراس

القفعه أو أصابع العروس

الشنان

البسباس

الخزامي

شكاعه

 

[coffee]

حلاوي

الحلمه أو الحماطه

العلندي

النصي

مكر

كف الكلب

الرمرام

المليح أو الغاسول

الدعاع

باجي ثلاث صور مو ضابطين معاي من موقع alsirhan

 

[جاي الضحى]

[SIZE="5][CENTER][COLOR="red"]شنو احلى نوع من الزرع في الكويت تحبونه؟[/COLOR]

الله يسلمج كلشي لونا خضر بارد على قلبي وأحبه....

هل اتحسون ان الحديقه سواء خارج او داخل المنزل عنصر اساسي بالمنزل؟

وليش ؟....الزرع يخفف الحراره ويقلل الغبار كلا صحة ومنظر مريح منو مايبي هل أشياء... أنا ييه من عيايله الحديقه عندها أهم من البيت....نص بيتنا من ورى وجدام حديقه.....مو من الحدايق إلي ماخذين من أراضي الحكومه لأ ماخذين من بيتنا نفسه....أبوي عندا نقعد نتجعس في بيت مجكنم و وحديقه كبيره ولا إنا نستغني عن الزرع ...في بيوت من تفجين الباب إلى انتي بالشارع سيده ..ما حب جذيه كلش..هل ناس طايفتهم أشياء وايد من راحة نفسييه....حتى لو عندكم مزرعه لازم زرع بل بيت....موضوعج ذكرني في الله يرحما بابا جابر كان يموت على الزرع ويحب حديقته


هل زرعتو من قبل وشنو زرعتو؟ وايد والله...ورد أنواع كثيره...أحلاهم الفل...حتى أنا كل ما أطلع قصيتلي وحدة وحطتها في مخباتي و رحتها تفوح تعالي شمي...يا والي من أبوي...:050103nbh_prv:.....وزرعنا تين.....وخضره بنواعها....أشجار وايد....نخل...كنار...يعني من إلي انتي خابرا...بس بل صيف وعليه على الزرع يروح وطي مهما نرويه و نظام تنقيط ورشاش ماي وهل سوالف بس من الحر ماكو شي يلاحق....مشكور coffee حبيبتي على الموضوع الزقرتي.....خوش صور :tek::tek::[/CENTER][/SIZE]

 

[coffee]

جاي الضحى صراحه ردج يبرد الجبد وعلى فكره قورييج غير نمونه وعجيب والله ياليت الكل يهتم بالحديقه مثلكم وعلى قولتج راحه نفسيه.. والله يتمم عليكم.. ههه فل للفل في ناس وايد يحبون المشموم

الله يرحم الشيخ يابر ويغمد روحه الجنه
انا اشوف الناس يسوون مثل نظام تظليل في الصيف ما اتوقعين يفيد الزرع من الاشعه المباشره ؟

حياتي والله نورتي الموضوع وبمناسبة الزرع اهديج هالأغنيه العزيزه على قلبي

http://www.youtube.com/watch?v=TQ1CR7WwnjE

 

[جاي الضحى]

مشكوره coffee....ترى جايج الضحى اليوم عندنا بل حديقه....خلينا ننشوي شوي ....لول ....توني الاحظ حتى قورييي على زرع... لول....تراني قاعدة أسمع الغنيه....ثانكس​

 

[coffee]

العفو عسوله هههه بيصير شواي الضحى .. قورييج على طاووس اعتقد

 

[زيـنـه]

شنو احلى نوع من الزرع في الكويت تحبونه؟

الثيل و شجر الكانوكاربس لانه يتكيف مع جو الكويت و على طول اخضر و الورد بانواعه حلو .

- هل اتحسون ان الحديقه سواء خارج او داخل المنزل عنصر اساسي بالمنزل؟ وليش ؟

اي عنصر اساسي .. تعطي جمال للبيت و شراحه للنفس .. حتى لو كانت صغيره .

- هل زرعتو من قبل وشنو زرعتو؟

زرعنا ورود بالشتا .. و اول بعض انواع الخضار مثل الجزر و الطماط و الورقيات .. و الفواكه للاسف ما توفقنا فيها .

و مشكوره وايد على الموضوع و الصور

 

[coffee]

تسلمين زينه على التعليق الجميل وانا سمعت ان الكنكابرس تسبب سرطان يكافينا الشر ما ادري عاد عن صحة هالدراسات

وناسه صج ودي أزرع ورد.. حياج الله وتوقيعج عجبني