دويات النفاس

[انتيكا]

صباح الخير بنات

شلونكم مع الحماله الله يتمم علينا على خير ويسهل علينا ويرزقنا شوفه عيالنا بصحه وعافيه

بنات بسالكم ضروري انا بنفاسي الاول ماكنت اعرف شي وبجر و رفيجتي علمتني طريقه دويات وسويتها بس كلش كلش مو شي حدي ندمت وماتنفست عدل

وانا دايم اسمع مدح على ام خالد الهاجري ودوياتها و غنوه ستيل ام خالد المطيري ودوياتها والحين محتاره اخذ من اي وحده منو اللي دوياتها احسن ومنو جربت الاثنين

بليز بنات ساعدوني ماعندي احد غيركم كل وحده تقول منو جربت وشنو حست فيه لما طلعت من النفاس

ونفعتكم الدويات ولا لا

الله يوفق كل وحده يارب ترد علي وتنولها اللي ببالها:eh_s(9):

 

[انتيكا]

شدعوى بنات ٦٣ مشاهده ومحد رد ترى محتاجه تجربتكم حيل متوهقه وماعندي احد

 

[fofo90]

انا اللي قريت عنها ام خالد اعشاب طيبه الكل يمدحها اهني بالمنتدى
وبالانستغرام هذا اكاونتها شوفيه وان شاءالله يعجبج
والله يسهل عليييج

a3chab_taiba

 

[# غنوجة بيبي #]

بنات تكفون للامانه.. ادويات ام خالد الهاجري نفعتكم ؟؟ خرعتني خالتي اخت امي تقول لا تاخذين من الحريم تخربين و انا ودي من حريم

و هم احترت بينها و بين ام فيصل جابر العلي..مادري من منو اخذ

 

[انتيكا]

بنات قولولنا تجاربكم حسيتوا دويات ام خالد تنشف وتضيق ورديتي بنت ولادويات غنوه ؟

 

[يبقى الوله]

ولله انا ماافكر اخذ ان شاءلله بنفاسي الا من ادوية جدتي عسى لله يطول بعمررررها

 

[mi corazon]

غنوجة حبيبتي أخذي من ام خالد و توكلي

انا مرتين أجهضت والبيبي كان مو صغير وما كانوا مخيطيني

بس تنفست بأعشابها وعقب النفاس حييل فرق علي رديت بنت بدون مبالغة جني لا ولدت ولا مر بيبي

والاحلى من جذي انها نصوحه تعطيج اللي تحتاجينه مولازم باكيج كامل .. بس اللي ينفعج

الأصوات والرطوبة والتوسع كله يروح

بس هم لازم بأخر شهر للحمل تبدين تسوين تمارين كيجل .. وعقب ٣٠ يوم من النفاس لما يبرأ الجرح ردي سويها

معروفه تعدل المسائل كلها

وتولدين بالسلامة باذن الله

 

[انتيكا]

مشكورين حبايبي ماقصرتوا

اب اب

نبي بعد تجارب

 

[Banota22]

للامانه امي تسوي مردود وحلبه وتخلطهم وماعنرنا شرينا من حريم ولله الحمد ودايمن انفاسنا من احسن ما يكون وبعدها صرنا نعطي رفيجاتنا عقب كل ماحملو صارو يطلبون مردود امي ومني جتنا فكرة البيع والفائده للناس اتمنى تتابعوننا ع انستغرام al_mohraa1 وعلى هاشتاق #مردود_المهره وراح تستفيدون ان شاء الله

 

[روان_الكويت]

جربت ام خالد الهاجري حلو شغلها وبرنامجها
وهمن ام فيصل الي بجابر العلي حيل يمدحونها

 

[noshii92]

ام فيصل حلوه اعشابها بس حسيتها ثقيله ع المعده
وام خالد انا اخذتهم الحين عشان نفاسي وادويتعا تهبل وخفيفه ع المعده بما انه معاي قولون وماتحمل اشياء ثثقيله وتعور المعده
ورفيجتي وكل اللي اعرفهم يمدحونها ماعليها كلام توكلي ع الله واخذي ادويتها ومعاها نوته تعليمات سهله عمر الاعشاب ماتضر واطلبي منها ادوية النفاس كامله ب 50 اخذتهم وريحتهم مووقويه تهبل
وهذا رقمها ام خالد ‪6614*2185‬
ومثل ماقالت لج اختي فوفو دشي حسابها بالانستقرام وشوفي الكل يمدح فيها وموفقه ان اشاءالله :ggdw:

 

[انتيكا]

اب اب مشكورين بنات

محد جرب دويات غنوة ستايل ؟؟؟

 

[لسووعه]

انا جربت أم فيصل تهبل ماشاء الله وكلنا انا واهلي ناخذ منها أم خالد سمعت عنها بس ماجربتها

 

[ملامح بريئة]

النفاس عالاكل الزين الدافيء المفيد والمفيد اللي اسمع عنه الحسو عالريج والخبز الاسمر مع السمن والتمرة المعبوطة وتحطين معاها رشاد او لهوم تخلطين معاها اهي الافيد والحلبة ماتتعدا اسبوع وابتعدي عن الجوع لان الرطوبة من نقص الاكل وعدم الاهتمام والدوا انا نصحتني راعية ادوية ان اذا خذيت دوا لازم استمر عليه والحريم مايعلمون شيحطون فالافضل انك تطلبين من العطار خلطة المردود حب نص كيلو ويشيل منها الرزنه والسوالف اللي مو زينه وانتي تشخلينها وتطحنينه انظف لك واحسن لاني اشوف خالاتي يسوون الادوية بنفسهم وماشالله خفيفة وتنظف والحلبة تقللينها بالدوا وتحطينها معاه محموسه عشان ماتسبب رطوبة وهذه معلومة عرفتها من وحدة واهم دوا ينظف الرحم ويشد التمرة تحطين معاها رشاد وحبة سوده وينسون وسمن وتشربينها مع الحليب والمرة مو القهوة عشان تستفيدين اكثر ودوا القهوة هو اللي ينظف الرحم تقدرين تاخذينه من العطار جاهز او تطحنين مرة وعنزروت ومحلب مع بعض وادعيلي عاد

 

[زينانه]

انا اخذ الادويه من ام محمد بالعارضيه
طبعا لجانب اهتمامي باكلي ولبسي وتدفا عدل
اول الايام اخذي حلبه مع ادويتج ومن يوم 20 و ورا اقطعي الحلبه وخليج عالرشاد والفلفل الاسود والمسمار

 

[مرت الغلا]

اخذتمن ام خللد وكانت النتيجه حلوه بس بعد اول دوره اعتفست لاني ماهتميت واساسا بالنفاس مالتزمت بكل شي

 

[saroooonh2]

ام خالد الهاجري كل خواتي متعاملات معها بنفاسهم . وانا بجريه وشريت منها . وامي تشم رسحة اعشابها فالبدايه خايفه ع خواتي نفس امج. بس شمتهم قالت ماشاءالله كل الدويلت اللي تخلطهم ام خالد معرووفه وزينه اشوى. اشتريهم وانتي مغمضه . حتى معاهم دفتر فيه 20 صفحه عن طرق استعمالهم . وعن الاكلات اللي لازم تتجنبينها بالنفاس جزاها الله خير

 

[virgo88]

ام خالد الهاجري انا ماخذه منها شغلها نظيف ومرتب وييلج معاه كتيب شلون تاخذين كل دوا بوقته
بس الصراحه لان انا قيصريه وتعبانه ما مشيت على الادويه يدوب كليت شويه ووقفت
بس الصراحه شغلها مضبووووط

 

[بنت عطا]

تجربتي ام فيصل ادويتها روعه

تحصلين رقمها بالنت اكتبي ام فيصل معالجه هي بجابر العلي

 

[randomy]

النفاس عالاكل الزين الدافيء المفيد والمفيد اللي اسمع عنه الحسو عالريج والخبز الاسمر مع السمن والتمرة المعبوطة وتحطين معاها رشاد او لهوم تخلطين معاها اهي الافيد والحلبة ماتتعدا اسبوع وابتعدي عن الجوع لان الرطوبة من نقص الاكل وعدم الاهتمام والدوا انا نصحتني راعية ادوية ان اذا خذيت دوا لازم استمر عليه والحريم مايعلمون شيحطون فالافضل انك تطلبين من العطار خلطة المردود حب نص كيلو ويشيل منها الرزنه والسوالف اللي مو زينه وانتي تشخلينها وتطحنينه انظف لك واحسن لاني اشوف خالاتي يسوون الادوية بنفسهم وماشالله خفيفة وتنظف والحلبة تقللينها بالدوا وتحطينها معاه محموسه عشان ماتسبب رطوبة وهذه معلومة عرفتها من وحدة واهم دوا ينظف الرحم ويشد التمرة تحطين معاها رشاد وحبة سوده وينسون وسمن وتشربينها مع الحليب والمرة مو القهوة عشان تستفيدين اكثر ودوا القهوة هو اللي ينظف الرحم تقدرين تاخذينه من العطار جاهز او تطحنين مرة وعنزروت ومحلب مع بعض وادعيلي عاد

انا معاها