دياي كنتاكي أقول اصفط على صوب .. بالخطوات والصور^_*

[mi corazon]

قوة ياحلوات

ازيكم؟ عيدكم مبارك

احم .. بنات ادري حدي متأخره .. بس يالله لحقوا آخر يوم رمضان او حتى ينفع حق يوم الزوارة .. كشخي فيه علشان يقولون سنننننننننننننننعه *_^

المهم .. مو تقولون صعبه وماعرف اطبخ او تقولون المقادير مو موجوده .. يالله جدامي عالمطبخ .. شوفو خطواتي

اول شي راح تحتاجين دياية مقطعة 10 قطع ومنزوعة الجلد ومغززة عدل علشان تتشرب الصلصة ونشفيها عدل

وتحتاجين : ربع قلاص طحين - ملعقتين طحين نخي - ملعقة صغيرة بهار تندوري " لو ماعندج نفسي خلطي فلفل اسود وكمون وكزبرة وهيل وكاري او كركم وببريكا وثوم مطحون واخذي قفشة أكل منها مو متروسه " - ملعقة صغيرة خميرة -ربع ملعقة كاري - ربع ملعقة صغيرة فلفل احمر- نص قلاص ماي - ( صويا صوص ) << اختياري

راح تكون الخلطه ثقيله نفس الكستر .. اهو المطلوب علشان تلزق بالديايه

خلطي المكونات السابقة عدل وحطي الدياية فيها ودخليها الثلاجة نص ساعة









بعدن طلعيها واقليها زين .. تقريبا تاخذ 5 دقايق او عشر مو اكثر





وقدميها بالعافيه




آنا قدمتها مع المعكرونة بالصلصة الحمره ^_*




ملاحظه مهمة : الدياي قبل لا تحطينه في الصلصة نشفيه عدل علشان الصلصة تلزق فيه مو تطلع بسهولة نفس دياي كنتاكي اللي نسويه قبل بالبيت ​

 

[أم@الحلوين]

تسلم ايييييييييييييييييدج

وعيدج مبارك

 

[$أنوووثه$]

روووعه باذن الله بجربها تسلم ايدج على الشغل السنع..

 

[mi corazon]

ام الحلوين

تسلمين حياتج واميامج وايام حلوينج بخير يارب :*


انوثه

حياتي انتاي ماعليج زود انتي السنع كله مشكوره :*
جربيها وقوليلي رايج

ترى بنات حلوه لزوارة العيد كشخه بجربها ثاني يوم زوارتنا

 

[بطوووووطه]

تسلم ديااااااااااااااااااااااااتج حبوبه

 

[<<لمار>>]

تسلم الايادى

 

[<miss botamba>]

بجربه باجر ان شاء الله بس شكلي بسويه على دياي مقطع طوال Chicken Fingers

 

[زمردة الكويت]

لا لا هاليوميين مبدعه بالمطبخ ههههههههههه تسلمييين عالطبق وان شاء الله نجربه

 

[قَلبيْ صُويبكْ !]

,



تسلم هـ الأيآدي يآقلبي ~

 

[mi corazon]

بطوطه

لمار

عشق

تسلمون حبيبات ألبي :*


مس بوتمبه .. يا اموره اخاف مايطلع حلو لأن الطبقه اللي بره مو مقرمشه .. لو بخاطرج عيل لمن اطلعينها من الصلصه صفيها شوي وغطيها بطحين بعدين بيض بعدين كورن فليكس مكسر صغااااار

عاد يالله صوري وقوليلنه شلون الطعم :* عوافي


زمردة الكويت .. يابعد قلبي انتاي خو اللي يشوف اكلاتكم اكيد بيتحمس .. تشجعون ندخل المطبخ ونألف .. هني وعافيه حبي

 

[جارة القمر]

رد : دياي كنتاكي أقول اصفط على صوب .. بالخطوات والصور^_*

مشكووووووووووره


وتسلم ايدج

 

[اشتياق]

يم يميييييييييييييييي تسلم ايييييدج

 

[ام يوسف الكويت]

شوقتيني شكلي بجربها حق فطورنا اليوم
يسلمو

 

[Om_Ksha]

يمييييييييييييي يعطيج العااااافيه والله شغل البيت انظف من هالمطااعم خاصة كنتاااااكى :\

 

[مسك81]

تسلم الايادي

 

[أحلى همبه كويتية]

عليكم بالعافية ويسللللللللللللللللللم الديات المبدعة

صاجة خلي كنتاكي الزفر يسترييييييييييييييييح

بعطيك 10/10

تشتاهلين

 

[أحلى همبه كويتية]

حبيبتي سؤال

الدياي راح يستوي عدل والا نحتاج ندخله الفرن يكمل استواااااااااااااااااء ؟؟

 

[Tom ♥ Jerry]

.


مشكورة حياتي و يعطيج العافيه
شكلهم آينن حده تسلم ايدج =)

 

[mi corazon]

تسلموووووووون حبيبات البي عوافي عيدكم مبارك يارب

الهمبه البوتمبه اول شي يسلمو ياقلبي على الفل مارك :*

ثاني شي الديايه لمن ننقعها بالتتبيلة تسرع السوا .. واحنا مغززين الدياية علشان تستوي بسرعة

يعني مجرد تتحمر نفس بالصورة وتغزينها بالسجينه نلاقيها استوت لمن تطلع السجين بسرعه .. 5- 10 دقايق بالكثير مو اكثر .. حسب حجم الديايه انا استخدم حجم 700

وعوافي على قلبج

 

[بـ سـ كـ وتـ ة]

رد : دياي كنتاكي أقول اصفط على صوب .. بالخطوات والصور^_*

أحلى شي دياي البيت وايد أحلى من كنتاكي

كانت أمي دايما تسوينا اياه واحنا صغار

تسلم ايدينج شغلج وايد مرتب وحلو وتقديمج حلو

​

​

​