ديزني لاند باريس ساعدوووني

[غلاتي الكويت]

السلام عليكم ورحمه الله وبركاته


قررت اني اروح ديزني لاند باريس


ومحتاره وين اسكن شفت الفنادق عجبني فندق دريم كاستل


بس مادري شرايكم فيه وبعيد حيل عن ديزيني ولا لا


واكو باصات توصل حق ديزني اذا بعيد


وتذاكر ديزني لقيتهم بالموقع يومين ب95 دينار حق شخصين غالي ؟ولا احجز من اهناااك


واذا وصلت مطار شارديقول اكو باصات تودي دايركت حق دزني ولا اروح عن طريق التاكسي


:eh_s(22):

 

[لولوة الكويتية]

اب اب اب
لعيوونك

 

[غلاتي الكويت]

يسلموووو لوولووة :*

 

[غلاتي الكويت]

upppp

 

[غلاتي الكويت]

upp

 

[برميتا]

أول شي الفندق مادري عنه
شوفي هالموقع وشوفي تقييمه booking.com

وثاني شي
التذكرة مالت مدينة الالعاب تقدرين تشترينها من الفندق نفسه
وما تفرق ترى بالسعر بس لازم تحددين تبين التذكرة حق يوم وإلا يومين
وحق مدينة الالعاب بس وإلا مدينة الالعاب والاستديوز

وكل الفنادق اللي حول ديزني لاند عندهم مواصلات حق المدينة
وحتى المطار فيه باصات تودي ديزني بس لازم تسئلين بالمطار

 

[غلاتي الكويت]

حبيبتي برميتا ما قصرتي


يعني اسعار تذاكر ديزني ما تفرق اذا قصيتها من الفندق ولا بوابة الملاهي كلها نفس السعر ؟


انزين شنو ترشحيلي فندق انتي مجربته

 

[ام مهاوش]

فندق دريم كاسل وايد زين وعندهم باص يمشي من الفندق كل ربع ساعه او عشر دقايق يوصلج لي ديزني
اشتري التذاكر من الفندق تكون اقل
واذا تقدرين سكني بفندق ديزني بس موموجود في بوكنق الفندق بالضبط يكون مع بوابة ديزني واتوقع اللي ساكنين بالفندق يدخلون ابلاش

 

[ام مهاوش]

هذا موقع حجز فندق ديزني
http://hotels.disneylandparis.co.uk/hotels/disneyland-hotel/index.xhtml#

 

[غلاتي الكويت]

هذا موقع حجز فندق ديزني
http://hotels.disneylandparis.co.uk/hotels/disneyland-hotel/index.xhtml#

هلا حبيبتي ام مهاوش

الفندق طلع علي حق 3 ايام ب 670 دينااار حيييل غاااالي ولا ودي فييه

 

[Tender Heart]

هلا حبوبه ماعندي علم انا ماسكنت بدزني رحتله من فندقنا مريديان اتوال

 

[غلاتي الكويت]

مشكووورة حبيبتي تندر ما قصرتي

 

[غلاتي الكويت]

upppppppp

 

[ام مهاوش]

صح اهوا غالي بس هالسعر يشمل الضرايب والتذاكر حق البارك والاستيديو وطبعا موقعه توب بدخلت ديزني
واذا تبين فندق ثاني سعره زين عندج دريم كاسل وهم حلو بعد

 

[jojowa]

انا شهر 11 رحت ديزني و سكنا في فندق نيويورك داخل ديزني غرفه زينه و نروح الحديقه مشي و يمنا بعد الفيلج الي فيها المحلات و الكافيهات ,,,و التذاكر كانت شامله سعر الغرفه و الدخول 4 ايام حق الحديقتين بس الاسعار مااذكر صراحه بس ارخص من انج تحجزينهم بالحديقه و عشان بعد لا توقفين بالدور و زحمه ,,,,وهم كانوا يخلون الي ساكنين الفندق يدخلون قبل الناس بساعتين فرحنا الساعه 8 و لعبنا جم لعبه قبل الزحمه بس هالشي حق الحديقه العاديه مو الاستيديو ,,,وان شاءالله تروحون و تستانسون ,,,

 

[غلاتي الكويت]

انا شهر 11 رحت ديزني و سكنا في فندق نيويورك داخل ديزني غرفه زينه و نروح الحديقه مشي و يمنا بعد الفيلج الي فيها المحلات و الكافيهات ,,,و التذاكر كانت شامله سعر الغرفه و الدخول 4 ايام حق الحديقتين بس الاسعار مااذكر صراحه بس ارخص من انج تحجزينهم بالحديقه و عشان بعد لا توقفين بالدور و زحمه ,,,,وهم كانوا يخلون الي ساكنين الفندق يدخلون قبل الناس بساعتين فرحنا الساعه 8 و لعبنا جم لعبه قبل الزحمه بس هالشي حق الحديقه العاديه مو الاستيديو ,,,وان شاءالله تروحون و تستانسون ,,,

مشكووورة حبيبتي ما قصرررتي

 

[ام خلوودي حبيبي]

حبيبتي احنا حجزنا فندق بالشانلززيه بس والله نسييت اسمه ورحنا بالقطار ديزني لاند

 

[om_7sin]

اب اب

 

[جوري 2007]

سكني بديزني ونااسه وفيه كذا فندق

وترى ماتحتاج يومين بيوم واحد تخلصينها

اهما حديقتين

الاولى اللي تتسمى بالاستديو تسكر الساعه 7 روحيلها اول وبعدين طلعي روحي الثانيه لي الليل

ترى حطي ببالج انه بالصيف زحمة والالعاب عليها طوابير طويله يعني ماراح تقدرين تلعبين كل الالعاب فراح تخلصينها بيوم واحد

 

[غلاتي الكويت]

جووري حجزت اليوم فندق اسمه ماجيك

وان شا الله بروح قبل الصيف على اخر شهر 5 وان شا الله يااارب ما تصادفني زحمه


تسلمووون حبايبي