ديزني لاند والنقـاب ؟!!

[رنيـم]

مثل ماهو واضح بالعنوان
منو راحت ديزني لاند من غير ماتشيل نقابها :eh_s(4):
وهل واجهت مشاكل بخصوص قانونهم منع النقاب ؟؟

والله يجزاكم خير​

 

[ام مهاوش]

والله مادرى يمكن يضايقونج خصوصا بعد القانونالتزمي بالقانون مولازم نقاب او لفي ملفعج على ويهج ونزلي اذا شفتي شرطه او امن

 

[دلوعة أبوهآ]

مآدري
بس آنتبهي وآلله الحافظ ..

 

[اريج الجوري]

اذا قصدج يور دزني باريس ،،

النقاب ممنوع في فرنسا وعليه غرامه ماليه ،،

 

[رنيـم]

الله يعطيكم العافيه على الرد مشكورين حبايبي

 

[my world]

السياح ما ياخذون عليهم غرامه بس المقيمين بس سمعت ان بعض الاماكن حتى السياح ما يدخلون المنقبات مثل اللوفر
انا انصحج دشي منتدى مسافرون العرب كللللللللل شي فيه

 

[نياره]

اذا فرنسا ممنوع

 

[ام نواف 5]

حتى السياح ممنوع النقاب من تنزلين من الطياره تشيلينه المطار كله بوليس الله يعين عاد الحين بعد قتل اليهود في تولوز ووقت انتخابات متشددين اكثر

 

[الحياة تجربه]

حبوبه حبيت افيدج
سنه الي طافت رحت امريكا ومدينه ملاهي نسيت اسمها
بس مو ديزني ورحت كذا مكان العاب وجذي وكله في حريم بنقابهم عادي بس كان ابيض مو اسود

 

[*شآنيل*]

السلام عليكم

مش ممنوع النقاب للسياح

هذا الموضوع مايخصني ///// منقــــــــــــوووووووووووووووووول


_


هذا ماحصل لي بنقابي عند برج ايفل

بسم الله الرحمن الرحيم

السلام عليكم ورحمة الله وبركاته

مســاء الخير للجميع

توني وصلت امس من أوربا،، وبصراحه ترددت كثييير في الذهاب إلى فرنسا بسبب ماورتنا من أخبار بمنع النقاب

وأنا عن نفسي بصراحه مستحيل اتركه سواء باوربا او السعوديه لأن الرب واحد سبحانه.۔
وبعد مشاورات ومناقشات مع زوجي أصر على الذهاب وقالي كلها غرامه وانا اللي بدفعها.۔

وتوكلنا ع الله ومشينا من جنيف لباريس .۔

وصلنا ولله الحمد ،، وبعد ماارتحنا بالفندق طلعنا لبرج ايفل وأنا والله جداً متردده ونزلنا ومسكنا السرى لتذاكر المصعد والساحه بصراحه كانت ملياااانه من الشرطه

كل ماتمشي كم متر تلقى شله
أحسهم بس يدوروني أنا وأمثالي

وكل شوي اتخبى ورى زوجي

،، (لاتلوموني لأني كنت خاااااايفه مررراا من كلام بعض الأعضاء ومن بعض الناس والإعلام ماقصر)


وصلنا السرى ورقينا في المطل واستمتعنا بالأجواااء الباريسيه الرائعه وخصوصاً الوقت كان ع الغرووب

وخلصنا من البرج وبصراااحه زاااال الخوف ولله الحمد ,لأني وأنا أمشي مريت على كم شرطي ولا صار اي شي ،، ومشنا بعدها لقوس النصر وتمشت بشارع الشانزليزيه واستمتعت بيومي ولله الحمد

ومن بكره رحنا لديزني لاند وحصل لنا موقف عند شباك التذاكر كان زوجي بيحاسب وجاء من ورانا رجل زائر للمدينه يبدو انه من أصل مغربي ، وجلس يتكلم مع زوجي ويمدح في تمسكي بحجابي رغم الكلام المشاع عن النقاب وفي النهايه مد لزوجي تذكره دخول لي يقول هذي هديه لزوجتك

وكان سعر التذكره بحدود الـ300 ريال (والله ونااااسه)

واستمتعت بجميييع ألعاب المدينه وكانت من أسعد رحلاتي ولله الحمد

حبيت أكتب موضوعي هذا ليستفيد منه كثييير من المتمسكين بدينهم وحجابهم الكامل ,الله يثبتنا واياهم يارب

الإنسان يضع الله نصب عينيه في هذه الحياة الفانيه ،، وسوف يجعل الله في كل أمر له فرررج


استودعكم الله أخوتي.۔

شاكره لكم مروركم جميعاً

العرب المسافرون


http://travel.maktoob.com/vb/travel646136/
​

 

[*شآنيل*]

وهنااااااااا
http://travel.maktoob.com/vb/travel701075/

وكثيرررر ماشاءالله بمنتديات عالم حواء منقبات ولا أحد أعترضهم

 

[رنيـم]

الله يعطيكم العافيه حبايبي
شانيل
الله يجزاك خير على النقل وانا قريت هالموضوع في المسافرون العرب
بس كنت ابي تجارب اكثر والله يعطيك العافيه حبيبتي

 

[Miss Cherry]

موفقه ان شالله

مادري عن وضع فرنسا الحين

 

[>الحنان كله<]

اب
اب
بنات فيدونا ♡

 

[Behtar]

روحي بنقابج وتوكلي ع الله