ديوانية اغاثا كريستي

[rawona]

رووووونه....


خلاص باخذهم كلهم .... ذو البدله البنيه دام فيهاا مغامرات واااااو احب جذي....

بس لا تقولين المحقق بوارو يموت


هذي راح استبعدهاا واخليها بالاخير....


ثانكس سويتي:tek:

شوفي انا بالاول قلت جذي مابي اقراها بس الفضزل <<< ملازم للانسان خلاني اقراها واتصدقين عادي قريت قصص لبوارو عقبها ما أثر فيني ولا احسه مات!!​

عندي موت اللورد ادجوير

و القضايا الأخيرم للأنسه ماربل

شاريتهم من 5 سنين و لي يومج ما قريتهم

اذكر هبيت بقصص ارثر كونان دويل مخترع شخصيه شارلوك هولمز عجييييييييييييييييب

انا عندي كل قصص اغاثا تقريبا الاجم وحده!! المترجمه طبعا وعندي باللغة الانجليزية جم وحده بعد .. عاد انا عكسج ماحبيت قصص شارلك هولمز ... مادري يمكن لاني قريتها عقب قصص اغاثا وكلش ما شدتني !! :0bee2e8d89: المجموعه عندي للحين مو قادره اقرا منها شي! احس بملل اذا بلشت قرايتها! ​

 

[chocolat]

هلا حبوبات و مشكوره علة الديوانيه الصراحه انا بعد قريت جم قصة و الله ماني ذاكرتهم كلهم بس القصة الي ادورها الستاره و الصراحه لقيتها في سايت وسحبتها طبعا" باللغه العربيه

 

[امراة من زمن الحب]

انا احب رواياتها
كنت اقراها من 9 سنوات
الحين كلش ماقمت اركز
انا قريتها كلها تقريبا بس باقي لي كم وحد منهم الستاره اللي يموت فيها بوارو
شهيتوني
بكره ان شاء الله ببدا اكمل الباقي
عندي مكودات
وصج احسن طبعه الاجيال
وبعض الطبعات تجيب روايات مو لها اصلا وتنسبها لها ومع ذلك قريتها
يااااااه ذكرتوني بالذي مضى قبل الزواج والاولاد
كنت اموت في الكتب
الحين انا اشتري وما اقرا
بس ارتاح لما اشتري الكتب

 

[احلى دلع]

وااااو خوش ديوانيه على كثر ماهي مشهورة هالكاتبه وعلى كثر مايقرون لها الناس ماقد قريت لها بس صراحه شوقتوني اقرا لها ودي بكتب ابتدي القرايه لها تكون حلوة وتشوق وافضل تكون بالانجليزي اللي تعرف تساعدني واكون ممنونه ومشكوووورين على هالديوانيه الحلوة

 

[cadbury]

شرايكم في رواية ابجدية القتلى ؟؟
توني امبلشه فيها

 

[مستقبل]

ذكرتوني بالذي مضى، كان عندي هوس اجاثا كريستي لما كنت بالمتوسط و قريت كل رواياتها بس عاد الحين خلاص كبرنا على هالسوالف
بوارو حده عجيب و العجوز نسيت اسمها الملقوفه اتونس حدها فاضيه

 

[C'est La Vie]

قوة بنات
شفت تجمعكم وذكرت اني كنت حاطة روابط وايد كتب حق اغاثا كرستي بس انجليزي
انشالله يفيدكم

http://q8yat.net/showpost.php?p=14025417&postcount=30

http://q8yat.net/showpost.php?p=14025765&postcount=31

http://q8yat.net/showpost.php?p=14026095&postcount=33

 

[ساره اخت منال]

رووووعه رواياتها

اذكر اول قصه قريتها قبل [اربع سنين]<يوم كان عمري 12 سنهـ <اسمها الحادثه>

من الرروايات اللي قريتها:

القاتل الخفي

الطائرة المفقودة

جريمه في العراق

المتهمة البريئة

*شفرة القتل =الستاره <~~اهيا نفسها

*سكرات الموت =المرآه الكسورة <~~سيم سيم

*وصايا ابليس



^
هذولهـ شريتهم من [ مكتبه ذات السلاسل ]اللي بــ المطار
بس مو اصليه .حتى اسمائهم غريبه.و مو كامله

وبس..




والحين بآقراء

[ ســفــراء الــجــحــيــم ]

 

[LA TROO7]

هبيت فيها بالثانووي ادمااااان قرريت كل رواياتهاا تقريبا

بنات عندي فوق 50 روايه لها منو تبيها انا جاده اطرشها لها لبيتهاا هديه مزحمه المكتبه عالفاضي

 

[عادت ذكرياتي]

خووووووووووووووش تجمع ...


شوقتونا أقرالها ...

 

[ألايانفس......]

آآغاثا تتميز أنها تعيشج بجو الروآية وبآلاحداث :$$
وتخلي آلمخ والتفككير شغال :d


قريت روآية ( مفتاح الجريمة ) ,,, كآنت رووعة

وللحين باقي جم روآية مافتحتهم .. !!

أقرآها وآقولكم رأي فيها

 

[Riro]

انا قريت لها وختفى كل شي وشتريت روايتين بعد جثه بالمكتبه وجريمه قتل بالمعبد
بناات شنو تنصحوني اقرا لها روايات
انا اشتريهم من جرير

 

[british rora]

انا شريت الاربعه الكبار و كلش ما عجبتني لانها عن جواسيس و حسيتها سياسيه
وايد امدحولي جريمه في سكن الطالبات بس ما حصلتها افتريت الكويت كلها وما حصلت للاسف

 

[frawlah_83]

اي طبعه احسن من ناحيه الترجمه طبعه جرير ولا ذات السلاسل .?

 

[البارونـه]

اذا قريت لاغاثا اخلص الروايه فـ يومين فعلا تعيشج بموود غير وتفكيرج شغال
قريت لها
البيت المائل <اول رواية قريتها لها
الرجل ذو البدله البنيه
الاصابع المتحركه

(اخذهم من جرير الي لونهم اسود)
والحين عندي لها روايه Sad cypress
بس خلني اخلص من جين اير

 

[british rora]

انا توني خلصت رواية جزيرة الموت خذيتها من ذات السلاسل مطبعة المنصور
واااايد حلوووه وبصراحه ماقدرت انام الا لما عرفت النهايه وكلش ما تتصورين منو القاتل

 

[frawlah_83]

الي من ذات السلاسل ماعجبني الغلاف والرسمات الي على الغلاف ماتشجع ولون الورق ابيض اكتشفت انه اللون الاصفر الورق الي جنه قديم اريح حق العين عجبوني ملوت جرير وعندي وحده من ذات السلاسل من الطبعات اليديده ليلحين ماقريتها بس مادري ايهو ترجمه احسن جرير او ذات السلاسل ؟ انا وايد شفت اهني بنات اقولون احسن طبعه اهيا اجيال اهي الاصليه بس مادري وين احصلهم رحت العجيري ولا نفس الي بجرير

في احد عنده فكره*

 

[british rora]

حتى انا توني راده من العجيري ولا نفس الي في جرير
ذات السلاسل الحلو فيها انها تعطيج الاحداث على طول وانا اخذ طلعة المنصور مو طبعة مصر اما طبعة جرير طوووويله فوق ال٤٠٠ صفحه وكلها تفاصيل ممله ما تستمتعين فيها

 

[كراميلا مرة]

بصراحه مامره قريت لها شيء
عندي نسخ الكترونيه لكم روايه بس حييل الكتابه صغيره وماقريتها

 

[frawlah_83]

لقيت النسخه البيضه في مكتبة لندن بحولي وهم اطلس بحولي بس ماعندهم تشكيله كبيره مو كل شي موجود