ديوانية شموسه ورينبو...الي ولادتها بالصيف تتفضل تقرق معانا

[TooToo]

nonia حبيبتي مشكورة وdonat قلبي لا اتحاتين ترا اهيا زينه امولدتني قيصرية من قبل --بس صج عيادتها القديمة كانت ملمومة واهيا كانت اتباشرج ابنفسها ما كان عندها مساعدين --وانا هالمره استغربت حاطة ثنتين مصريات --وترا انا ما دخات على معصومة الا 3 مرات من بداية حملي اتصدقين --بس عندي اخر موعد معاها باجر عاد غصبن عليها اتيي واجابلها ولادتي على اخر الاسبوع اذا الله سهل .

rainbow اشوا انج خلصتي شغل الصالون انا باقيلي شيره وحف حواجب وبدكير ومنكير ما ادري متى اروووح حدي مالي خلق اطلع من البيت


وام حمودي افتكيتي ودي اغمض وافتح الا انا خالصة من هذا كلة من شيرة ولويه

 

[ام حمووودي]

اي والله توتو حده راحه ... بس باقيلي حف ومو لاقيه وحده زينه اتييني البيت ولا لي خلق زحمه الصالونات والنطره ... كانت عندي وحده اتيي خوش وحده بس الله يسامحها خلتني بهالوقت العصيب وسافرت:eh_s(16)::eh_s(11):

 

[nonia]

يسلموااااا يانونيا
وعسى ربى يسهل عليج وعلينا الولاده ويفرح قلبنا بسلامتنا وسلامة البيبيات يااااااااارب .....

حبيبتي تستاهلين . . .

الله يسمع منج ويسهل علينا ويفرح قلوبنا كلنا .

وعسى الله يرزق كل محرومة يارب والله بنات بليز لا تنسون وانتو تطلقون تدعون هالدعاء لأن ربي اللي فرح قلبنا انشاءالله ما ينساهم ويفرح قلوبهم .

 

[nonia]

احب اشكر الاخت nonia على الترحيب فيني

تستاهلين يالغاليه .

 

[nonia]

أوشال والله مكانج مبين , حتى احنا ولهانين عليج

 

[nonia]

مساء الخير كروشات ... شلونكم شخباركم يمه ....

واااااي اليوم مادري شفيني حدي تعبانه حتى مااعبر امشي احس بعوار ببطني وظهري وريولي :eh_s(2):

لا وفوق هذا ماتبت رحت سنتر بوينت عشان اشتري معقم المميات ... ماخليت شي ماشريته منهم عاد الحين حدي متفججه ...

وعلى الغسيل والتشحيم امس يتني وحده شالتلي شيره وسوتلي بدكير ومنكير نفس ويهاااااااا شققت ريولي طلع منهم دم واهي الخبله اتقولي اي ماما بس شويه يطلع دم بس بعدين يروح هذا كله جلد ميت :eh_s(14):

باقيلي احف بس قالتلي احفلج قلتلها مابي ريولي وسوت فيها جذي عيل لو اسلمها ويهي شبتسوي بتعفسلي ملامحي خشمي بلقاه بيبهتي لووووووول

والله حتى انا يبت لي وحده بالبيت تسوي شيره وبدكير ومنكير وحف بس والله زينه عاد انا أول مره أجربها عاد قالتلي بعد الولاده انشاءالله ب25 يوم اتييني وتسويلي حمام مغربي عادي وعقبها ب 10 أيام حمام مغربي ملكي تقول علشان السواد مال الحمال كله يروح .

اي نسيت أقولكم بنات قالت لي من ألحين أسوي هالخلطة :
هرده + ليمون + حليب كرنيشن .
تقول بعد الشور والتفرك العادي احط هالخلطه على جسمي كله وحتى ويهي وأخليها 5 دقايق واتشطف بس عقبها , بيني وبينكم ما سويتها أحس لراح أدبق لازم شوية صابون بس والله حسيت انها مفيده .

 

[ملاك هدية]

قوه بطات
شلونكم
شخباركم صرلي يومين احاول ادش المنتدي يقول الرقم السري غلط بط جبدي
ابشركم نمت اخيرا عدل من الساعه 3 الفجر لما الساعه 11 الصبح
والله يابنات من كثر ماني فرحانه اني نايمه اقول حق روحي دامج نايه خل بعد نامي لاتقعدين
اوشال وينج؟؟

 

[ام حمووودي]

واااي نونيا عاد عقب الولاده يبيلنا نتفرغ شوي لروحنا نتفرك ونتعدل ونشيل الجلحه والملحه مالت الحمال

 

[ملاك هدية]

بالنسبه لموضوع المنطقه الحساسه كنت حاطه موضوع
والبنات ماقصرو
دشو هذا الرابط اوكي
http://www.q8yat.net/showthread.php...3%C4%C7%E1+%E3%CD%D1%CC+%E1%E1%CD%E6%C7%E3%E1

 

[ام حمووودي]

ملوكه انا نفسج النومه صايره عزيزه عندي واذا نمت مالي خلق اقووم

 

[ملاك هدية]

بغيت اسوي صيانه شامله هذي اليومين بس قلت خل انطر لي اخر الثامن
علشان شوي قبل لا تتعب النفسيه دام انا صامده
اول ما تتدهور النفسيه بروح والله يعين الصالون اللي بروحله شكله بيدبل الاسعار
شموووووووووووووسه انتي ابرك من المليون بس لا تصدقين
لوووووووووول
والله طلتج حلوه علينا

 

[nonia]

واااي نونيا عاد عقب الولاده يبيلنا نتفرغ شوي لروحنا نتفرك ونتعدل ونشيل الجلحه والملحه مالت الحمال

صاجه اتصدقين أحس اني داثره ما أدري ليش معني مو هامله نفسي بس ما أدري ليش هالاحساس الدايخ :eh_s(22):

 

[nonia]

بغيت اسوي صيانه شامله هذي اليومين بس قلت خل انطر لي اخر الثامن
علشان شوي قبل لا تتعب النفسيه دام انا صامده
اول ما تتدهور النفسيه بروح والله يعين الصالون اللي بروحله شكله بيدبل الاسعار

والله يا حبيبتي أنا أقول سوي ألحين وبعدين والله اتحسين نفسيتج تتعدل وتستانسين .

النظافه تونس وتحسين انج سويتي شي حق نفسج .

 

[nonia]

سلمى حايك حامل . . .

بنات شوفو سلمى حايك واهي حامل . . .
أشوه مو بس احنا اللي ننتفخ :eh_s(2):

 

[nonia]

اليوم وايد قرقت على راسكم بس والله أحب أقولكم عن الأشياء اللي أحس انها تفيدكم

شفتو شلون انا زينه

ذاك اليوم رحت مع رفيجتي البحر سنتر ودشيت محل اسمه ماكس اهو أدوار فكرته نفس سنتر بوينت المهم عندهم تحت بقسم الملابس الداخلية وقمصان النوم مثل بجامات كامله ملونه بس مو بجامه عاديه لأ شكلها جنها الاندر وير مال الشتا تنلبس تحت الملابس أمي تقول تنفع حق النفاس بالليل علشان لا يدخلنا هوا .

وعندهم جم قميص نوم حلوين حق طلعت الأربعين والله جنهم ملوت فكتوريا سيكرت يهبلون على 4.500 دينار فقط "صدق أو لا تصدق" والله اسعارهم خياليه وستيانات حلوه والله أخذت أشياء بسيطه وبرد أروح مره ثانيه أكمل بس والله ودي أروح بعد الولاده أحس مالي خلق ألحين .

وأخذت من فوق شموع تونس وشمعدانات حق شقتي شكلهم وايد حلو .

وانشاءالله يعجبكم .

 

[Cute Kitty]

هلا بنات شلونكم ؟

هاليومين صايره حدي تعبانه وكله مالي خلق شي احس الجو ممل والعوار ذابحني حايشني عوار ببطني من تحت يروح ويرجع والحين صار بريولي بعد جنه شد ايي ثواني ويروح

مو شي اكون طالعه ويصير معاي جذي

المهم امس رحت حق الككاو بصراحه مرت اخوي ودتني عند خالتها ماشاء الله عليها شغلها رووعه ماتوقعته جذي فأكيد ان شاء الله باخذ من عندها

 

[ريماااااس]

هلا نونيا شلونج ......
من زمان ماكس شغله حلو وعنده لقط واسعااااره حيييييييل رخيصه ....
وعليج بالعافيه حبيبتى ...
أم آلاء
سلامات حبيبتى بس عادى الحال من بعضه آنا وصلت لمرحله انى كل نص ساعه اقلب وعاد شوفى الخدار والشد وكل شى ولا النوم وانا قاعده يمااا يماا ياعوار الظهر وخدار الحووووووض
عسى الله يأجرنا ويفرح قلبنا بسلامتنا وسلامة البيبيات قووولوا آمين

 

[أوشال]

هاااااااي بالوونات

شخباااااركم


ودي ارد على كل وحدة فيكم لكن زبدة الحجي

نعيما لكل اللي سووا غسيل وتشحيم

ومثل ما قلتوو ماكو على الموس فترة الحمل ..الرؤيا محجووبه


بنات ما بديتوو مشي ؟؟ عموما أنا اعتقد مشي 3 ساعات بسووق

وايد زين ما اقدر اطلع ممشى ولا حتى صوب البحر احس بختنق

والجو رطوبة ولا مغبر ...

ونونيا أنا بعد أحس أني داثره شعوووور حده طبيعي خلال هالفترة
لا وأحس بعد طارت الأنوثة ومافيني شي حلوو ..وكل مكان بجسمي لوون
صرررررت باهته ...وأمي تقول وتحلطم جني ماما عوده :eh_s(11):


وكل اللي يعانوون من الشد والضغط اللي من تحت تصبررو
إن شاء الله مابقى شي ونرتاح

شخبار ازقرتيه إن شاء الله تعدلت وضعية البيبي !!


وشخباركم

رينبو .دونات.نونيا.شموس.أم حمودي.أم الاء.ملوكه.أزقرتيه

 

[أوشال]

امبييييييه نونيا

ما صدق هذي سلمي ليييييييش جذي متفووخة ؟؟
جوليا روبرتس كانت حامل بتوم ما صار فيها جذي
أكيد علشان سلمي جذورها عربية ..خخخخخ
وايد منتفخه ..
ما تدرين متى تدش شهرها ..خلينا نعزمها هني معانا بديوانية

ووو على الطاري ماكس حلوو وايد وأنا رحت فرع الري من فترة
يمكن قبل خمس شهور
الانجرري صج جنها ملوت فيكتوريا سيكرت ..
وملابس اليهال حلوه كد ومد ...

 

[أوشال]

اهلين رينبو

كنت شابكه الاربعا الصبح قبل لاروح المستشفى

والاتصال جنني............ عاد خذيت شريحة الانترنت وحطيتها بجهازي ووصلته باللاب توب وشبك

وفجأه خلص شحن الموبايل .............. قلت ياربي مووقته

عاد رحت المستشفى الظهر وانا كل شي فيني يرجف من الخوف

مع انها مواول مره اجرب الربط

واصريت عليهم يخدروني

والحمدلله عدت على خييييييييييييير


شنطة المستشفى ليلحين ماجهزتها!!!! ادري حدي فاهيه بس ياربي مالي خلق

حتى ملابس النونو يوم انتبهت اثاريها كلها نيو بورن يعني صغيره علبالي راح تكون الي ابطني صغيرونه مثل خواتها

بس بالسونار ماشالله طلعت كبيره الله يستر من ولادتها يعني اتوقع ماراح تكون اقل من 3ونص ماشالله تبارك الله


الدكتور يقول تبين تولدين على السبوع الجاي نوبروبلم !! شرايكم!! اتهور واروح اولد!!



وبناتي الحمدلله بخير

الصغيرونه توها الاسبوع هذا تعلمت تحبي يووووووووووووه تجنن صارت اعصار مدمر

تفتر بالشقه تخرب وتكسر

اكون بالغرفه اسمع صوت كفوفها على السيراميك ههههههههههههههههه

وماشالله بعد طلعلها 3 اسنان من فوق

وهالايام جننتني كله تعبانه من اسنانها

وجسمها قب كله اكزيما!! الحين الحمدلله صارت احسن مع الكريمات

ونونو كاسره خاطري
اخليها عند امي باليوم واليومين............ مقدر عليها حدي ثقلانه وظهري ذابحني

واصلا حمولتي كلهم بالشاليه وهي يضيق خلقها

امس وديناها حولي بارك والله وناسه بس زحمه

وتشوفوني بس امشي وادور كرسي اقعد عليه ههههههههههه






انتي شخبارج وشلون عيالج الله يخليهم لج

هلا شموس

والحمدلله على سلامتج بعد الربط

وانتي اشفيج كله مستعيله على الولادة ..والله باسج قوي
وما تخافين شكلي بنضلج:eh_s(10):

عموما خلي البيبي يستوي عدل وبيطلع بروحه إن شاء الله

والله يخلي لج أحلى البنات