ديوانية شموسه ورينبو...الي ولادتها بالصيف تتفضل تقرق معانا

[ام حمووودي]

اهلا وسهلا مدام شموسه انتي فينك من زمان يختي ؟؟؟ سايبانا ليه ياوحشه احنا مخاصمينك :eh_s(4):...


توتو لحقي على روحج وروحي الصالون ولا كلش كلش دقي على وحده اتييلج .... وعسى ربي يهون عليج ويخفف العوار ...

ام الاء شكرا على المدح والاطراء :eh_s(9):....

رينبو الحمدلله تطمنتي على البيبي .... و على طاري مراهقة ولدي شكلها بتطول وياااه الله كريييييييييم :eh_s(16):

 

[rainbow_brite]

بنات قريت كل الردود ومن حلاة سوالفكم ودي اقراهم مره ثانيه


ام حمودي نصيحه قبل لا تولدين اشتري لعبه يحبها ولدج وحطيها بجنطتج مع اغراض المستشفى ويوم تولدين قوليله هذي من اخوك انا سويت جذي في بجري بس الحين ما اقدر اسوي نفس الحركه لان الصغير ما يفهم وشكله من يطلع الياهل بيطيحلج فيه طق وعض وتشمخ وتقرص الله كريم

 

[ام حمووودي]

رينبو انا ناويه اسوي جذي عاد ذاك اليوم كنت اتناقش مع حمود (حلوه هذي اتناقش وياه) لووووووووول

قلت له ماما شنو تبي عبودي اييبلك يقولي ابي بقي ... بذمتج رينبو وين احطله البقي بالله ؟؟ مو قلتلج متمرد هالولد

 

[rainbow_brite]

ام حموووودي عاد بقي مره وحده انا قلت يعني تشتريله لعبه من سوالف نيو بوي اللي يطلعون على سبيس تون عاد يموتون عليها الصبيان



ام حمودي حتى انا بسمي البيبي عبد الله ان شا الله


عاد انتي بعدين شدي حيلج وييبي خلودي عشان يصيرون مثل اسامي عيالي خالد ومحمد وان شا الله باذن الله عبد الله

 

[كاشونه الاصليه]

اشلونكم بنات شخباركم عسى الله يسهل عليكم وعلي والله امس باديه فيني انفلونزا واما ابي اروح الطبيبه اخاف تعطيني مضاد حيوي وما ادري شسوي ومشكورين على ترحيبكم فيني حلو اللقب اخر العنقود دونات استانست وناسه يله دلوعوني <------ مريضه وتتشرط

 

[rainbow_brite]

كاشونه سلامتج وما تشوفين شر وفي مضاد عادي يعطونه حق الحوامل بس كثر ما تقدرين تجنبي الادويه فترة الحمال وعليج بالاشياء الدافيه وفيتامين سي



وافا عليج انتي عاد لج دلع خاص وان شا الله قبل لا ادشون شهركم اندور وحده تولد عقبكم خخخخخخ عشان ما تقعدون بروحكم بالديوانيه

 

[ام حمووودي]

شفتي رينبو ... المشكله مايقتنع بهالالعاب من اييبله لعبه يكسرها بس يموت على السياكل والبقيات لا تشوفينه اذا طلعنا وشاف سيكل او بقي يسويلي فضيحه ....

يلا انشالله عقب حمود اييب خلود ولا يهمج واذا طلعت بنت اسميها خالده شرايج ؟؟؟؟


كاشونه سلامات حبيبتي وماتشوفين شر انشالله ....

 

[كاشونه الاصليه]

الشر ما اييكم بس انا خايفه مره عطوني مضاد حيوي وقالولي ما منه مضره واجهضت وخايفه عقب هالتعب كله والله لا يقوله ويصير بالياهل شي خايفه

 

[nonia]

مشكوره حبيبتي ملوكه ماقصرتي ياقلبي .... الفحيحيل بعيده علي والله ابي مكان قريب بالديره ... ارد واقولج مشكوره خيتوووووو

حبيبتي شوفي فياصل أنا أخذت منهم خوش مطاطير .

 

[Cute Kitty]

رينبو بصراحه ما الومج يوم تحليل السكر سويت نفس الشي ما سويته لي وقت مراجعتي الثانيه لانه مالي خلق اروح مخصوص حقه

ام حمودي
العفو حبيبتي
هههههههه يبيله بقي لاسلكي صغير وقوليله هذا بقي

كاشونه
سلامتج ما تشوفين شر همممم شربي عصير برتقال وهالسوالف زينه للانفلونزا

 

[nonia]

أهلين بنات شلونكم ...

أتصدقين رينبو أنا بعد علق معاي المنتدى امس قمت وصليت الفير ونمت ومن قعدت اسم الله عليكم عوار بظهري مو طبيعي ونازل على بجي ما أدري ليش أحس جنه حايشني اكتئاب أعوذبالله .

 

[rainbow_brite]

كاشونه ما الومج اذا تخافين الوحده لم تجهض تتعقد وتخاف اذا خايفه لا تاخذين وخليج على الاشياء الطبيعيه :eh_s(15):



:eh_s(17)::eh_s(17):



ام آ لاء اي والله يالله اشيل نفسي حق الموعد بعد اروح حق التحليل واي انا لو بيدي حتى موعدي ما اروحله بس بعد لازم


:eh_s(17)::eh_s(17):


نونيا سلامات حبيبتي عاد عقب الوناسه امس والسوالف جذي يصير فيج :eh_s(3): والظاهر عوار الظهر من مجابل الكمبيوتر ترا يذبح بس ما اتحسين وانتي اطقطقين

بس اتقومين او تنسدحين تعالي شوفي العوار :eh_s(16):

 

[Cute Kitty]

نونيا انا المنتدى كله يعلق معاي او وايد انقهر اكون ودي اسولف بس شسوي اشيل نفسي واروح انام حزتها
المهم سلامتج والبجى حبيبتي من النفسيه عادي انا ساعات تييني حاله بس ابي ابجي على اتفه سبب

رينبو
اي وابيخ شي انج لازم تروحين كل اسبوع بالتاسع انا كنت كل اسبوعين ومنغثه شلون الحين كل اسبوع

 

[nonia]

نونيا سلامات حبيبتي عاد عقب الوناسه امس والسوالف جذي يصير فيج :eh_s(3): والظاهر عوار الظهر من مجابل الكمبيوتر ترا يذبح بس ما اتحسين وانتي اطقطقين

بس اتقومين او تنسدحين تعالي شوفي العوار :eh_s(16):

اتصدقين رينبو مع اني طول الوقت كنت منسدحه بس ما يندرى شنو هالعوار !!!

 

[nonia]

نونيا انا المنتدى كله يعلق معاي او وايد انقهر اكون ودي اسولف بس شسوي اشيل نفسي واروح انام حزتها
المهم سلامتج والبجى حبيبتي من النفسيه عادي انا ساعات تييني حاله بس ابي ابجي على اتفه سبب

ما أدري شفيه المنتدى يعلق بهالطريقه , الظاهر من قرقتنا

اتصدقين انا صار لي يومين على هالسالفه بس بجي وحرام ريلي لاعت جبده من البجي يقولي ليش ما تسوين قيصريه وتفتكين عباله سهاله .

 

[Cute Kitty]

نونيا
ههههههههه
تهقين مل من القرقه قال خل اسوي فيهم جذي
تدرين لما يصير معاي جذي الهي نفسي باي شي قصدي لما احس انه نفسيتي تعبت واخلي تركيزي على هالشغله

 

[آخر ذكرياتي]

مرحبا بنات شلونكم

انا ولدت قبل شهر تقريبا ويبت عموري والحمدلله عدت الولاده على خير

ها منو فيكم ولدت ومنو دخلت شهرها ؟​

 

[ملاك هدية]

شلونج اخر ذكرياتي الحمدلله على السلامه
و ربي يخليلج عموري
يالله الحين ماراح نرحمج ارتحتي شهر
قولي كل شي صار وياج من اول الطلق ليما الاستقبال

 

[ملاك هدية]

عندي لكم سوالف شكثر بس راح
اخليها للمساء والسهره
جهزو النفيش و الحب

 

[TooToo]

هلا بنيات

اليوم رحت موعدي وقالتلي صح البيبي ضاغط عليج حيل لأنه نازل وايد بالحوض فيبيلج راحة ولا تطلعين بس انسدحي ..انا شكلي هاليومين بولد

المهم طلعت منها قلت مدامني طالعة طالعة خل اروح الصالون واشيل شيره واسوي بدكير ومنكير ---رحت وسويت ونفسيتي ارتاحت

بنات اتعرفون وحده اتيي البيت زينه اتسوي سشوار واتحف حواجب وحفها عجيب.