ديوانية شموسه ورينبو...الي ولادتها بالصيف تتفضل تقرق معانا

[fjnt]

عاشت أيامج حبيبتي شموسة....
واللة أنا سمعت أن قانون المرضيات تطبق من شهر يناير والكلام وايد بس بالنسبة لوزارتنا من شهر 12 إلي طاف وزعوا تعميم ووقعنا علية على إن الوزارة بتمشي على هالقرار من شهر 1 بس الكل معطيهم طاف وآنا أولهم أهم ماعلي راحتي ولو إن عندي مشروع قاعدة أسوية بس شكلي بحولة على وحدة ثانية لأني ماراح أوقف مرضيات...:eh_s(13):

 

[rainbow_brite]

رينبو

هلا والله

اي والله تصدقين الظاهر انها تسنن

تفرك بلثتها فرك

ذاك اليوم تركض بدراجتها ووصلت عندي وانا قاعده على الكنبه تبي تعض اصابع رجولي خخخخخخخخخخخخخ

الله يعينها ويعيني المشوار طويل ليلحين ماطلعلها ولاسن

وانتي شخبارج وشخبار عيالج

والله انا عيالي الحمد الله بخير

شموسه عطي بنتج جزر خليها تعضض يقولون يريح

 

[شمس و قمر]

خخخخخخخخخخ

رينبو والله كل يوم جزرتها بيدها وتعضض فيها

بس راسها يابس موراضيه تطلع لها اسنان باقي لها اسبوع وتكمل 8شهور

فطّوم.... والله مادري شتسولفون عنه مرضيات وقرار ومادري شنو خخخخخخخ

تصدقون بديت احس ان قعدة البيت عازلتني عن العالم الخارجي

 

[fjnt]

هذا إلي بيصير رينبو وأنا قاطة قاطة سواء بالبيت أوبالمستشفى واللة يعيننا أجمعين...

شموسة شكلة وايد حلو إلي يابة زوجج بولادتج ...عليج بألف عافية وإن شاللة هالمرة يجيب لج أحلى وأحلى...واللة يعينج على تسنين بنتج والسخونة وهالسوالف....تصدقين أحس نسيت هالسوالف وشلون وضعي مع البيبي لأن بنتي عمرها 3 سنين...اللة يعين

 

[fjnt]

واي شموسة أحسن لج ياحلو قعده البيت والراحه بس واللة لوما هالمعاش جان ماشتغلت وريحت بالي ....ومرات أقول حسافة على هالخمس سنين إلي درست فيهم يروحون هباء منثورا

 

[rainbow_brite]

شموسه شكله الكاكاو اللي توصفينه ايشوق طبعا مبين ريلج مدلع الكبيره وايد صح خاصه انها يت بعد فتره من الزواج الله يخليها لج


وانا نفسج شموسه ما احب الخبه ولا عمري سويت استقبال اعزم في الكل في بجري خبيت عمري في الكاكاو اثاري مثل ما قلتي الكاكاو اييج وانتي قاعده بالبيت واشكال والوان وانا رفيجاتي بالدوام ايحددون يوم وايونلي واهل ريلي يوم واهلي بيوم بس اهلي عاد قطاعي يعني كل مجموعه بيوم وبالعكس ايونسوني واحسب حساب ان في ناس ادش على غفله اكون مستعده دايما والكاكاو والحلو ما يخلى البيت منه موجود على طول وانا افضل ايونلي لي اليوم الثلاثين لاني بصراحه عقبها ما يصيدوني اللي بيزورني لازم ايدق لاني اطلع خلاص اجهز وصالونات واسوقه

امبيه ودي بسرعه اولد واطلع من الاربعين وارد سنعه مثل قبل

 

[rainbow_brite]

وي شموسه خليها على راحتها متى ما طلعو تو الناس في يهال يكملون السنه وما تطلعلهم ظروس


وي عاد مو نشيشج على الدوام ويضيق خلقج ترا كل شي له ميزاته وعيوبه انا امنيتي اقعد في البيت واجابل عيالي وما اخليهم يجابلون الخدم وكل يوم شيل وحط من صباح الله خير انا اوديهم الصبح بيت امي والظهر ارد اخذهم وودي عيالي يلقوني لمن يردون من المدرسه ويفضفضونلي واكون لي خلق مثل امي قبل يوم احنا كنا صغار وتجابلنا على الغدا وادرسنا مو انا لمن ارد مالي خلق ولاشي حتى ريلي مالي خلقه بالمره


ونفس الوقت ما اقص عليج تعودت على الدوام اشوف الناس اللي بره ويكون لي فلوسي اللي اونس نفسي فيها واساعد ريلي ويكون مستوانا المعيشي احسن بس لكل شي ضريبته

 

[شمس و قمر]

فطوم

الله يعينج اكيد ناسيه كل شي عن الاطفال المواليد

والله بنتي الصغيره يوم جبتها عمر اختها سنتين وثمان شهور

صرت كني اول مره اربي جاهل واول مره اولد

اصلا حتى بالحمال كنت ناسيه كل شي


وبالنسبه للدوامات مرات اتحسر على عمري
ومرات اقول الحمدلله على الاقل مقابله بناتي وماتعودت على الفلوس تركض بيدي

اشوف شكثر موظفات تقول اتمنى اترك الدوام بس تعودت على صرف الفلوس


رينبو

يوووووووووووه والله صاجه

موبس مدلعها الا مايدري وين يحطها

وبيني وبينكم بنتي اسم الله عليها تكلمت بسرعه بسرعه

وحركاتها كانت تجنن

وماشالله تبارك الله عقلها اكبر من عمرها بسنييييييين

عشاني كنت طول فترة الحمل اقرا البقره كامله

وكنت متفرغه لها انا وابوها ماعندنا شغله الا نسولف عليها

بس هالدلع طلع من عيونااااااااااااااااا

قبل يومين طاردتنا انا وابوها برا الشقه خخخخخخخخخخخخخخ

ويوم رحنا بيت امي

تقولي يالله برا برا هذا بيت خوالي موخوالج

واخر كلام اخر كلام ترى جده مو امج وانتي موبنتها<<<< واذا رضت علي تقول انتي بنيت جده انا وانتي بناتها خخخخخخخخخخخخخ

 

[rainbow_brite]

اتحسون وحده فاضيه


شموسه شنو غداكم اليوم

 

[rainbow_brite]

يحلاتها بنتج سوالفها تونس الله يخليها وتشوفينها عروس انشا الله عاد اتصدقين شموس انا بين ولدي الاول والثاني بالضبط سنتين وثمان شهور ولمن ولدت كان بجري ما شا الله قاطع المميه والحفاظات وشايل نفسه فما حسيت الله يعين هالمره

والله يعينا عالغيره بيناتهم

 

[شمس و قمر]

وي شموسه خليها على راحتها متى ما طلعو تو الناس في يهال يكملون السنه وما تطلعلهم ظروس


وي عاد مو نشيشج على الدوام ويضيق خلقج ترا كل شي له ميزاته وعيوبه انا امنيتي اقعد في البيت واجابل عيالي وما اخليهم يجابلون الخدم وكل يوم شيل وحط من صباح الله خير انا اوديهم الصبح بيت امي والظهر ارد اخذهم وودي عيالي يلقوني لمن يردون من المدرسه ويفضفضونلي واكون لي خلق مثل امي قبل يوم احنا كنا صغار وتجابلنا على الغدا وادرسنا مو انا لمن ارد مالي خلق ولاشي حتى ريلي مالي خلقه بالمره


ونفس الوقت ما اقص عليج تعودت على الدوام اشوف الناس اللي بره ويكون لي فلوسي اللي اونس نفسي فيها واساعد ريلي ويكون مستوانا المعيشي احسن بس لكل شي ضريبته

ههههههههههههه

والله صج ترى شيشتوني

اااااااااخ خليها على الله

لي سبع سنين ونص من تخرجت من الثانويه

والله كنت مصدقه روحي وبدخل كلية الطب ومن هالسوالف خخخخخخخخخخخ

والله صاجه كل شي بالدنيا له سلبياته وايجابياته

وكل واحد يطالع الي عند غيره مايطالع الي عنده

بس الي قاهرني ان زوجي مسكين معاشه على قده

وانا وحده بيني وبينكم عندي عزة نفس عشتوووووووو ماحب اطلبه ابدددددد:eh_s(14):

احس اني طراره خخخخخخخخخخخخخخ

وهو بعد عمري مايقصر

وامي فديتها مافكيتها مني حتى بعد ماتزوجت:eh_s(13):

 

[fjnt]

شموسة....
اللة يخليلج إياها بسم اللة عليها....وبنات هالأيام يطلعون لج سوالف غريبة وعجيبة وتكون أكبر من عمرهم...بس اللة يعينج عليها هالدلع لة عيوبة...وبالنسبة للدوام لاتتحسرين ولا شي مثل ماقالت رينبو يصير مالج خلق لاعيالج ولازوجج ولا فية وقت حق نفسج .

رينبو حدج فاضية عاد ميتة من الجوع مهما أكل أحس إني يوعانة ومادري ليش الحمدللة والشكر وزني كل مالة وينزل

 

[شمس و قمر]

رينبو

هههههههههههههههههههههه

غدانا مقلوبة لحم

تصدقوووووووووووون!!! انا ماعرف اطبخ كللللللللللش كللللللللللللش

جميع محاولاتي باءت بالفشل




احسن شي لمن الفرق يكون 3سنين بس انا تلعوزت

بنتي متعلقه فيني بطريقه خياليه

ماتصدقون اني اول ماحملت حست هي قبلي

وكانت تمسك بطني وتقول هنيه فيه حصوصه<<<< عشان بنت خالي الصغيرونه اسمها حصوص

وتعلقت فيني بزود

صارت حتى ماتمشي بس تخليني اشيلها

والله العالم اني تبهذلت بهذله معاها

حتى مسكينه حاشها فري براسها من كثر ماصارت عصبيه

كانوا بنات عمي لمن يشوفونها شتسوي فيني يستغربون لانها قبل حبووووووووووبه ودلوعه

صارت لازقه فيني والله والله الحمام تدخله معاي


حطيت ايدي على قلبي قلت خلاص لمن اولد بتذبح اختها

والحمدلله انها تمووووووووووووووووت باختها وحنونه عليها اكثر مني اسم الله عليها

مع انها بالاول حتى لمن تشوفني ارضعها من صدري تنجنننننننن

وفطمت الصغيرونه من صدري وهي لها بس عشرين يوم

خفت السالفه تكبر وتحقد على اختها

واشوا عرفت اتصرف ليما صاروا اوكي مع بعض

والله يستر من الصغيرونه لمن اولد شبتسوي


يمه اليوم قرقت بطريقه موطبيعيه

 

[شمس و قمر]

شموسة....
اللة يخليلج إياها بسم اللة عليها....وبنات هالأيام يطلعون لج سوالف غريبة وعجيبة وتكون أكبر من عمرهم...بس اللة يعينج عليها هالدلع لة عيوبة...وبالنسبة للدوام لاتتحسرين ولا شي مثل ماقالت رينبو يصير مالج خلق لاعيالج ولازوجج ولا فية وقت حق نفسج .

رينبو حدج فاضية عاد ميتة من الجوع مهما أكل أحس إني يوعانة ومادري ليش الحمدللة والشكر وزني كل مالة وينزل

اي والله سوالفهم سوالف عجايز

انا تعقدت حتى مابي اختها تصير مثلها

كل الي حوالينا يقارنون عيالهم وبناتهم فيها:eh_s(14):

مسكينه مرات احس انها تصير منفوسه ومالها خلق كله بسبت سوالفها


والدوام الحمدلله الله دام انه كتبلي قعدة البيت اكيد فيها خير لي ان شالله



بنات وزني بكل مره احمل فيها لازم ينزل

يعني انزل كيلوين او اربعه باول الشهور وبعدين يثبت على هالوزن ليما اولد

ولمن اولد اصير اضعف مني قبل الحمال

وناسه

بس هالمره طاق وزني يمكن سبعه كيلو!!!!!!!!!!! صرت فيل صغيرون

اول مره يصير فيني جذي

 

[fjnt]

اللة يعينكم حبيبتي شموسة.... أنا مع معاشي وريلي معاشة على قدة أحس إن حالتنا المادية موذاك الزود وقاعدة ببيت حمولتي وشقتي كبر القرقور يعني مادري شلون بتكفينا لي ولدت خصوصا إن أنا وحريم حماني كلنا خمس ببيت واحد والبيت صاير كأنة بيت خالتي قماشة بالضبط... :d يعني لومأجرين شقة جان حالتنا أسوأ .....بس مانقول إلا الحمدللة على كل حال عايشين أحسن من غيرنا

 

[fjnt]

شموسة أنا مثلج حتى بحمالي الأول أول الأشهر أنزل وايد والاشهر الاخيرة يثبت...يعني أولد وأنا ضعيفة وهالمرة نفس الطريقة ليلحين نازلة 4 كيلو

 

[شمس و قمر]

الله يعينكم ويعينا

والله صج انا متوهقه لمن اولد بنصير خمسه بغرفه وحده

وغرفه للكوي والحوسه والخدامه

غرفه للمعيشه

مطبخ

وحمامين

ولو نطلع ناجر برا صج صج بنموت جووووووووووووووع

والبيت تخيلي ماشالله الف متر

وثلاث ادوار وسرداب

وماكو غير احنا وحماي الكبير وام زوجي

وفيه 3شقق تهبل مقفله وموساكنها احد

وماهان عليهم يعطونا حتى الممر نتوسع فيه

حمواني الوسطي والصغير طفشوا

واحد شرا بيت حكومه... طلع يبي الفكه بسسسسسسس

والصغير شال قشه ومرته وعياله وله سنه ونص ماشفناهم

وشققهم قعدت فاضيه

ان شالله نصبر ليما يطلعلنا بيت

 

[أم عواشي]

fjnt يه و الله وايد اريح بال بسنه ملينا الله اسهل عليج
rainbow شجعتيني حبيبتي

شمس و قمر ليش ما تستأذنون منهم ؟؟ واي الله اعينج و الله حاسه في مأساتج انا كنت جذي كنه 4 في غرفه وحده بس الله سهل علينا و ااجرنه بعد شنسوي
بس اذ في مكان خلي ريلج اتكلم يستأذن ما اعتقد بأثر في شيء

 

[د.شريفة]

شموووسه
شخبارج حبيتي
والله ذكرتيني بنفسي بس انا كنت قاعده بغرفة للنوم وثانيه للقعده واغراضي كلها فيها جنها غرفة صعايده بس توني طالعه بشقة بروحي صارلي شهرين او ثلاثه بس الحمدلله توسعت بس مساكين حمولتي ماقصروا بس ماعندهم مكان يعني شنو يسووون
بس انتوا عندكم شقق مسكره شحقه يعني ليش شنو السبب ....؟؟؟ وحق منو يخلووونها
خلي ابو العيال يشد حيله ويطلب شقة لكم ولعيالهم اللي اهما بناتج خل يتوسعون وعليه
الله يكون بالعون
الله كريم ان شا ءالله هونيها وتهون يالغاليه

 

[د.شريفة]

بنات قاعده تصير معاي حركات خايسه ولله اكتب واكتب ويطيح حيلي من الكتابة فجأة يختفي الكلام كله
والله بعيد شسوي

بنت النوخذه ماتشوفين شر يالغاليه
شربي ماي وايد علشان تخففين نسبة الاملاح اللي في جسمج وماتعورج الكله وسلاماات ان شاء الله