ديوانية شموسه ورينبو...الي ولادتها بالصيف تتفضل تقرق معانا

[fjnt]

شلونكم بنات وشخباركم مع الحمال.....

الفرحة السجينة.... أنا بنفاسي جربت مشد من الصيدلية بس مالبستة إلا 3 أيام ماقدرت أستحملة كان سميك وأحس لم ألبسه وأمشي إن رحمي بيطلع ويعورني عشان جذي هديتة وأغلب الناس ينصحوني بطريقة الغترة أو الشماغ يقولون مريحة ومفيدة عشان جذي هالمرة قلت بجرب المشد الاندونيسي ......المهم تروح هالكرشة...
بنات بغيت أسألكم إلي بالشهر السادس بديتوا تورمون ولا لأ؟ أحس ويهي متفخ وخشمي من ألحين كبر مو جنة توالناس؟

 

[برميتا]

بنات احنا الوحدة فينا لي ولدت تنبطح بالفراش 24 ساعة
ويدجونها قبوط لين تصير قبوطة عوده ههههههه
وفيه حريم الله يهديهم يحرمون بناتهم من الماي
مع انها بهالوقت محتاجة ماي فاقدة سوائل وايد

شوفو الإنقليزيات لا قبوط ولا هم يحزنون
وتلقونها ثاني اسبوع من الولادة تمشي..

 

[fjnt]

واللة صاجة برميتا.... بس شنسوي حتى لوتفكرين تمشين مافي وقت عيالج ولا البيبي شتلحقين عليه والرجيم يقولون موزين بالنفاس مع إن أعرف وايد ناس يسوون ريجيم بالنفاس ويمشون وماشاللة يطلعون من الاربعين أجسامهم تينن لابطن ولاشي

 

[fjnt]

شموسة....عسى ماشر من زمان ماسمعنا أخبارج.... طمنينا عليج وإشتقنى لسوالفج...:eh_s(7):

 

[rainbow_brite]

سكتوا بنات عن العوار انا يعورني تحت تحت العظم عظم العانه ذابحني ذباح والله مااقدر اقعد عدل ولا انام عدل امس بجيت بالليل من العوار
مادري اسال البنات يقوولون عادي هذا الحوض يتوسع والياهل يبدأ ينزل تحت والله مادري قلت حق الدكتور اخر مراجعة لي اول الشهر قالت لي البيبي نازل تحت وضاغط على المنطقة من جذي تحسين بعوار حتى ظهري ذابحني بعد اللي زايد الطين بله
قعدة الكرسي بالدوام
يالله الحمدلله راح الكثير مابقى الا القليل ويهون علي وعلى الجميع ان شا ءالله

شروفه هذا العوار اللي احس فيه بالضبط بهالمكان اللي وصفتي في بجري كلش ما ياني بس بحمالي الثاني وهالحمل ذابحني والمشكله لم اقول حق الدكتور يقولي عادي وشي طبيعي مع الحمل اتصدقين اكثر شي احس فيه لم اقعد من النوم احس بهالمنطقه يصير خدار وعوار
شروفه على قعده المكتب مو ناويه تاخذين اجازه والا تبين اتخلين رصيدج حق عقب الولاده باذن الله لان انا ناويه على نص السابع او الثامن اخذ اجازه شهر والتاسع اقزرها مرضيات

 

[rainbow_brite]

هلووووووووو صديقاتي شلونكم والله يبنات سكتوا قبل شوي رادة من دكتورة الجلدية طالع بريولي ورا ركبي بالمسافط الأثنيين أكزيما والله المشي على بالحسرة والقعدة والنوم ذابحتني شي مو طبيعي والله خوش دكتورها أسمها منى الفارس بالجابرية والله ومالي خلق بالحر بالشمس تزيد على ما أتحمل وعاد الدوام باطيين جبدي حاطين حطة على أستأذاناتي وينشبولي نشبة عاد أنا مالي خلقهم حدي. ونفسيتي صج صج تعبانة هاليومين من ريولي

الله يعينج اخت مرة حماي مسكينه نفسج فيها اكزيما ومع الحمال ترا يزيد عشان التغيرات اللي تصير بالجلد الله يعينج
انا اخذ مرضيات ورا بعض واستاذاناتي اخذهم كلهم بالعافيه رئيس قسمي الحمد الله متفهم وما عنده مشكله اصلا لم اداوم ما اقعد بمكتبي واهو ما قام يعطيني شغل والحمد الله القروب اللي معاي متفهم انتي عطيهم طاف وعقب الولاده والامومه انشا الله تعوضين وتشتغلين ترا انا على فكره قسمي كله رياييل ومعاي موظفه وحده بس مالها شغل بشغلي يعني اهي ماسكه شي وانا ماسكه شي وترا ميزه الرياييل يتفهمون ظروفج بالحمل اكثر من الحريم

 

[rainbow_brite]

بنات منو جرب كورسيه او مشد زين للنفاس؟؟؟

مابي جسمي يخترب عقب الولاده انا ناويه اجرب حق انور

والمشد الاندونيسي احسه صعب ويبيله معابله ( 10 امتار ) وانا حدي كسوووله

اكون صريحه معاج انا ما احب استخدم مشدات واهمل نفسي بهالشي بس مو شي صح في بجري ريلي يابلي شورت ما ادري شنو عشان يشد البطن والله لبسته يومين وقطيته ودي هالمره البس شي عشان الجسم يرتخي حمله ورا حمله لازم اسوي شي عشان اشده

 

[rainbow_brite]

شلونكم بنات وشخباركم مع الحمال.....

الفرحة السجينة.... أنا بنفاسي جربت مشد من الصيدلية بس مالبستة إلا 3 أيام ماقدرت أستحملة كان سميك وأحس لم ألبسه وأمشي إن رحمي بيطلع ويعورني عشان جذي هديتة وأغلب الناس ينصحوني بطريقة الغترة أو الشماغ يقولون مريحة ومفيدة عشان جذي هالمرة قلت بجرب المشد الاندونيسي ......المهم تروح هالكرشة...
بنات بغيت أسألكم إلي بالشهر السادس بديتوا تورمون ولا لأ؟ أحس ويهي متفخ وخشمي من ألحين كبر مو جنة توالناس؟

والله جنه بنجرب المشد الاندونوسي بس على قوله الفرحه السجينه عشر امتار يبيله خلق

وعلى التورم والله انا بلشت ايدي وريولي تخرع احس متروسه ماي وويهي بدا ينتفخ انا ما لاحظت بس وحده بالدوام قاعده تقولي ان ويهي بلش يورم عاد انا على الشهر الاخير اتقولين يايه من الصين جني يابانيه او وحده توها قاعده من النوم

 

[rainbow_brite]

بنات احنا الوحدة فينا لي ولدت تنبطح بالفراش 24 ساعة
ويدجونها قبوط لين تصير قبوطة عوده ههههههه
وفيه حريم الله يهديهم يحرمون بناتهم من الماي
مع انها بهالوقت محتاجة ماي فاقدة سوائل وايد

شوفو الإنقليزيات لا قبوط ولا هم يحزنون
وتلقونها ثاني اسبوع من الولادة تمشي..

شوفي انا طبيعتي ما احب اشرب ماي وامي عندها قوانين صارمه بالنفاس الماي طبعا من الممنوعات الا ستكانه صغيره وهذا الشي يسوييلي نفسيه واكتئاب اتخيلو ايصير اهم شي عندي الماي ادوره دواره وبالتهريب اشربه تقولين مخدرات ويا ويلي اذا طاحت علي وانا اذا شربت يانبني ضميري امي تقول تختربين مع اني ارضع واحتاج اشرب ماي وسوائل

 

[د.شريفة]

اول شي بنات الماي بالنفاس مايضر بس اهم شي لا يكون بارد
وابتعدي عن المشروبات الغازية
وبس
بخصوص المشد والله انا ودي اجرب المشد الاندونيسي وان شاءالله بطلبه من بنات المنتدى

بنت النوخذه
شلونج بخير ان شاءالله
شلون بنيتج شخبارها بخير
شلون الحمل معاج
ديري بالج على نفسج ولاتفكرين تسافرين لان السفر يبيله طلعات ومشي ووناسه والله احس شويه انتي ثقيله الحين واذا اتشوفين العكس اللي يريحج بس الراحة حلوه وخليها بعد الاربعين انشالله


رينبو
انا بالدوام الحين ما افكر اخذ اجازة ابد واقزرها على المرضيات خلي الرصيد ينفعنا
والله يعافي الحكومة ويعافي الخاص اذا مارضوا على المرضيه مني رحت مناك
هاهاهاهاي
وبس
احسن شي

الاسبوع اللي طاف اخذت مرضيه يومين بضغط على نفسي هالاسبوع بداوم ان شاءالله
وبحاول اخذ استئذانات وعندي عرضي بعد يعني مره جذي ومره جذاك
والله كريم ان شاء الله

شموسه شخبارج
شلون بنياتج
الله يخليهم لج انشاالله ماخذينج منا سيري علينا وعطينا اخر اخبارج

برميتا

مت من الضحك يوم قلتي كل وحده فينا تصير قبوووووطه عوووده والله ضحكت برووحي وانا اقرِأ شكلي غلط
الله يتمم علينا بالخير وانا عن نفسي بحاول من فتره النفاس مو رجيم بس تخفيف
يعني ماله داعي سوالف العيين ( العجين ) القبوط هذي مو ضروريه على الاقل مره بالاسبوع ممكن وبابتعد عن الخبز والسوالف الثانيه والله يقدرنا ان شاءالله

التورم وما ادراك ماالتورم
انا من القعدة على المكتب بالدوام واستخدام الكمبيوتر
احس ريولي اول ماارجع البيت مورمه حدها
بس لازم ارفعها وارتاح يصير كلشي اوكي بس من باجر ترجع حليمه لعادتها القديمه
وحتى اذا رحت مكان بعد وطلعت او مشيت البطن يتسمت والريوول تورم واصابع الايدين

الحمدلله الحمدلله اللهم اجرنا في حملنا وهون علينا ولادتنا يارب العالمين

 

[بنت النوخذة]

واي بنات سكتوا حدي لايعة جبدي من الحكة مالت الأكزيما ومادري شسوي بعمري ومريت الدكتورة مرة ثانية قالتلي نفس الطريقة أحاول كثر ما أقدر منحاول ناخذ حبوب والحبوب للضرورة مادري شسوي وماودي آخذ حبوب شسوي ذبحتني والحر الله خير قاعدة بالسيارة بس أتحكحك وووووع شكلي حدي وصخة صارلها 10 سنيين مو متسبحة من التحكحك

 

[الفرحه السجينه]

السلام عليكم


بنات موعدي يوم الاربعاء

بس بعرف شنو المفروض أسأل الدكتورة عنه ؟ انا كلششش ما عندي خبرة وبمواعيدي ما أسأل الدكورة عن شي بس اهي تعلمني وتقولي كذا وكذا بس انا ودي اعرف شنو الضروريات اللي لازم اعرفها خصوصا عن وضع الجنين وجذي

انا باجي لي 10 ايام وادش الثامن

متى المفروض راس الجنين يصير تحت ؟؟

 

[الفرحه السجينه]

hi again

بنات شسالفة الفحص اللي تسوسه الدكتورة او التوسعه لما تكونين حاسه بولاده ؟؟ شكله يخوووف يعوووور امبييه قاعده افكر بعوارها شلوووووووون

وصج شلون تفحص

اهو نفس السونار الداخلي ؟ انا مره سويت سونار داخلي والدكتورة دفاشه عورتني

كل ما اقرا قصة ولاده وحده بالقسم القاها تقول عواره مو طبيعي يذبح وان الطلق اهون من الفحص

 

[fjnt]

شلونكم بنات شخباركم...:eh_s(8):

الفرحة السجينة .....أنا في بجري قالت لي دكتورتي بتسوي لي فحص بالتاسع عشان توسعني بس أنا خفت ومارحت لها ولاشفتها إلا وقت الولادة بس الفحص شر لابد منة لما حسيت بالطلق فحصتني دكتورة المستشفى ومت من العوار والفحص يختلف عن السونار الداخلي لأن الفحص بالأيد وألحين كارهة أولد بسبة الفحص بس شنسوي اللة كريم....

 

[جاكليت]

هلووووووووووووووو اشلونكم
ها بنات عرفتو شنو فيكم والا بعد
اتصدقون اني للحين مو عارفه شنو فيني وماأدري شفيني هالمره ودي أعرف مع اني في بناتي الثنتين ما كنت أعرف شنو فيني ؟!

 

[fjnt]

صباح الخير على كل الحوامل.....

واي جاكليت...أنا ماأعبر أصبر من أدخل الرابع وتلقيني أحن على الدكتورة بين ولا بعد....ياللة مادام عندج بنتين اللة يخليهم لج اللة يقر عينج بالولد الصالح إن شاللة

 

[ملاك هدية]

قوه بنات
دونات شلونج الحين مع الرقعه بشريني
انا صاير لي شي غريب طلع لي مثل فراغ فوق سرتي قبل كان بطني كله مشدود الحين فيه دائره فوق السره راخيه ليش منو تعرف يحتاج اروح دكتور تكفون فيدوني

 

[fjnt]

ملاك هدية.... أنا صار فيني نفسج لما كنت بآخر الرابع وأول الخامس بس على نص الخامس رد بطني شد وألحين أحسة متسمت....لاتحاتين إن شاللة شي عادي

 

[شمس و قمر]

شلونكم ياحلوات يامورات؟؟

 

[rainbow_brite]

واي بنات سكتوا حدي لايعة جبدي من الحكة مالت الأكزيما ومادري شسوي بعمري ومريت الدكتورة مرة ثانية قالتلي نفس الطريقة أحاول كثر ما أقدر منحاول ناخذ حبوب والحبوب للضرورة مادري شسوي وماودي آخذ حبوب شسوي ذبحتني والحر الله خير قاعدة بالسيارة بس أتحكحك وووووع شكلي حدي وصخة صارلها 10 سنيين مو متسبحة من التحكحك

وي الله يعينج ولدي الصغير في اكزيما والله اذا شوي المكيف حار ما ينام لازم التكييف بارد ولازم يكون لابس خفيف ومع الحر يزيد عليه انتي حاولي تستخدمين كريمات بس وخري عن الحبوب كثر ما تقدرين
انتي اكزيما فيج على طول والا زايده بالحمال