ديوانية شموسه ورينبو...الي ولادتها بالصيف تتفضل تقرق معانا

[ملاك هدية]

والله يا ام حمود انا اشتريت مطارات من سوق شهبندر الامارات الثنتين ب20 حدهم كشخه عندنا بالفحيحيل مدري اذا انتي من اهل المنطقه العاشره بتدلينه

 

[ام حمووودي]

مشكوره حبيبتي ملوكه ماقصرتي ياقلبي .... الفحيحيل بعيده علي والله ابي مكان قريب بالديره ... ارد واقولج مشكوره خيتوووووو

 

[ملاك هدية]

طيب شوفي المعلم بحولي يمدحونه حيل

 

[ام حمووودي]

اي هذا قريب يمي وادله ... شكلي بروح اشوفه باجر إن شاء الله ميرسي خيتووووو

 

[ملاك هدية]

ولكم
اني تايم اني وير
وي ار ان سيرفس
شرايكم بابل انجلشششششششششش

 

[donat]

عاد لا تخلوني انا ودونات حرام طلو علينا باليوم مره لو جبر خاطر والا سلام من بعيد

اي والله اوشااااال لا تخلوووونا :eh_s(16):
صج على طاري وزن البيبيات انا بناتي الثلاث ولدهم بالموعد بالضبط و كلهم اوزانهم فوق 3.500 كيلو بس الرابعه ولدتها بنص التاسع كان وزنها 3 كيلو ... انا اتوقع الياهل باول التاسع وزنه تقريبا 2.500 كيلو لان بالتاسع الياهل يكبر كل اسبوع ربع كيلو.

ازقرتيه

لا تخلين الدكتور يفر البيبي ترا يفتر ساعات حتى حزة الولادة و اذا بيفرونه ترا هم يفرونه حزة الولادة اسهل لان الرحم يكون مفتوح و الدكتور يدخل ايده و يفره بسهوله...

صج بنات باركولي على التوقيع اليديد :eh_s(9)::eh_s(9):

 

[ملاك هدية]

مبروك دونات على التوقيع حده كيوت
شفتو يا بنات مو قلت لكم اني حسدت نفسي على النومه
اليوم ما قدرت انام صارت 7 الصبح ولي الحين مانمت
وبعد شوي عندي مراجعه في العدان صج مالي خلق

 

[ملاك هدية]

بنات منو مثلي
انا دشيت الثامن والى الحين اسوق ما اداني احد يسوق فيني
لا والبلشه سيارتي برادو جيب يعني اصير غورلا لين جيت اصعد
اللي يضحك في الموضوع دايم يلحقوني شباب لي صرت رايحه لمجمع الكوت وعندهم امل بس اوصل المصافط وانزل ويشوفون الكرشه تتحطم الامال والله ساعات اموت من الضحك
ذاك اليوم واحد لحقني من هديه لين الشويخ وهو وراي متامل خير ابو الشباب بس يوم نزلت احس جنه احد عطاه طراق يستاهل عمى بعينه فيه ناس فاضيه ماكو شغل علبالها البنات لعبه عندهم من يشوفون بنت على طول وراها طيب ليش؟؟

 

[شمس و قمر]

صباح الخير




بنات



وت ذس!!!!



يخرب بيت ابليس




كل هذا قرقه؟!؟!؟!



راعوا انه فيه وحده بطه حميسه مالها خلق حتى تتنفس



تعبت عويناتي وانا اقرا




اوش اوش

رينبو


دونات


ملوكه


نونيا



ام حمودي



ام الاء



زقرتيه


وكل كل كل البنات

هو ار يو؟؟؟


وهو ار يور بيبيز


ترى موبس ملوكه ترطن حتى انا ارطن



ملوكه والله شعوري نفس شعورج لمن اطلع المجمعات

احس اني بيت شعر متحرك

اسود بسود.... وعبايتي تسحب وراي تمسح الرخام والارضيات

والنقاب رافعته اخذ نفس وبالسياره اتمرد وانزل النقاب وزوجي يطق اصبع وانا انافخ مثل الضب

 

[شمس و قمر]

هههههههههههههههههههههههه

ملوكه

تلقينه يقول ياخسارة البانزين الي طار بهالمشوار

 

[TooToo]

ملاك هدية ضحكتيني على سالفة اللي لاحقج وعليا تحطمت آماله لووووووووووول

انا بنات امس حاشني مغص مو طبيعي كل دقيقتين ويروح قلت هذا طلق خلاص --عاد كنت قاعدة بمحل امي والناس اتدش وتطلع واتقايس وانا بعالم ثاني بس ماسكة بطني --رحت البيت وحطينا العشا لا واكل بعد بس عشان يروح المغص ويقوللي ريلي اوديج المستشفى الحين جان اصرخ لالالالالالالا مابيييييييييي مابيييييييييي

هااهاهاهاها ميته من الخوف وكشت فيه مسكين ورحت انسدحت بفراشي والبيبي يلوي ويلوي من تحت بشكل مو طبيعي اللي ما اقدر اتنفس --مت من الخوووووف

وقعدت اوسوس الحين لو صاير شي ولا منكت على الماي شسوي انا ويا الشعر اللي مغطيني ولا حواجبي المؤرفة هاهاهاهاها هذا اللي احاتيه

بعد اشوي عندي موعد مع دكتورتي --احس بألم خفيف ليلحين --ادعولي يروح عالاقل لي اخر الاسبوع

 

[donat]

TooToo
لي طلعتي من العيادة روحي الصالون نقذي ما يمكن انقاذه صدقيني ترا تتوهقين انا باخر حملة كنت بالليل بتحمم و حدي قلقة يومين مومغسله شعري و مدهن وحالته حاله بس تعيزت وقلت الصبح اتحمم وما صارت الساعه 5 الفجر الا الماي ينبط علي و ريلي حده خواف من هالسوالف ما وعيت الا اهوا قبلي بالسيارة و شايل جنطه المستشفى و موراضي اتحمم من صجه يلا يلا بسرعه و طلعت وولدت وانا مدهنة ومن يومها حلفت ان لو بموت من التعب لازم اتحمم احتياط.......بس اشوة اني كنت شايلة شيرة ورايحة الصالون قبلها بجم يوم

 

[Cute Kitty]

صباح الخير يا رشيقات وانيقات <=== تبي ترفع المعنويات :eh_s(11):

ما شاء الله عليكم سهرتكم كانت حلوه مريت عليها بسرعه
المشكله ودي اسهر بس احس اني خلاص تعبااانه ومو قادره بنام ولما اروح بنام كلش انام واقعد نومه تبط الجبد :eh_s(4):

توتو
اي صج روحي الصالون وخلصي نفسج احتياط انا كله يقولون لي هالفتره دايما خلج زاهبه ماتدرين باي لحظه تولدين الا وانتي مرتبه ونظيفه
عاد انا ما احاتي شي كثر الحواجب هذول الي اكسل اشيلهم صايره اخليهم اخليهم لين يصيرون لا تعليق وتالي اروح احف هههههه

 

[rainbow_brite]

بنات امس صراحه بدعتو والسهره كانت عجيبه :eh_s(9): والديوانيه انقلبت فوق تحت :eh_s(13):وانا بصراحه كنت بكمل معاكم بس المنتدى ما ادري شفيه ما قام يبطل معاي:eh_s(16): نطرت لي صلاة الفير وحاولت عقبها وماكو فايده قلت انام لان وراي موعد واليوم موعدي بنات الحمد الله كل شي زين راس الياهل تحت والضغط زين :eh_s(15): بس الدكتور زفني :eh_s(14): معطيني تحليل وما سويته مالي خلق يالله طاف مو باقي شي عالولاده اتصدقون قبل لا ادش وحده تسالني تقولي انتي اي شهر قتلها شهري تقولي بطنج صغير مو شكله وحده بشهرها عاد تقول اذا الياهل اصغير ما يساعد بالولاده عاد انا مت من الخرعه وسالت الدكتور قالي عادي بطنج حجمه طبيعي ووزن الياهل ما راح يكون اقل من ثلاث كيلوات تقريبا الله يسهل الولاده يا رب



يالله بات بقعد اقرا كل الردود الحين لان شكله وايد اشياء طافتني يوم فصل المنتدى :eh_s(8):

 

[rainbow_brite]

ملاك هديه اسم الله عليها بنتج اللي بتوقيعج الله يخليها لج ما شا الله حلوه على امها خلاص نخطبها حق خلودي ولدي وبنتج اللي يايه بالطريج اخطبها حق حمودي يصير اكبر منها بسنتين يعني الفرق مناسب
وبعد عمري من الحرمان ما الومج مبسطه عند النفانيف القصار والحفر



وام حمودي الله يخليه ولدج وانشا الله تعدي مراهقته على خير

واوشال جنج انا اموت عالحسو يمي يمي امي تسويه حلو حتى خواتي يشربونه معاي

 

[rainbow_brite]

دونات مبروك عالتوقيع اليديد حلو ونعوم زين سويتي عشان اعرف انتي باي اسبوع مو كل ساع نسالج :eh_s(9):

ملوكه انا بصراحه الحين شهري واسم الله علي اسوق بروحي ما احب اعتمد على احد بالسياقه بس اذا خواتي فاضين اروح معاهم السوق اريحلي بس نزلتي من الشقه وصعدتي وروحتى حق امي كله بروحي



تبين اضحكج ملوكه والله استغرب من شي :eh_s(10):انا لم اروح سوق او اي مكان لاحظت ان الشباب زادو تحرشهم فيني اكثر من قبل واقول بقلبي ما يشوفون كرشتي انا لايعه جبدي من عمري:eh_s(11): وهذول الظاهر عاجبهم والله اخر مره رحت سيتي سنتر مع عيالي والا واحد يلاحقني وشكله صغير هذا عاد اللي صج جني يدته وانا مو على بالي بعدين رحت محل بو اميه وانا داشه ادعم الاوادم في بطني ومسويه زحمه وقاعده اشتري ما الف ويهي الا الصبي داش المحل وراي وقاعد يسولف مع ولدي بعد ويعطيه لعبه ويضحك معاه عاد انا حاسبت ومشيت وطنشته عاد لا اتشوفوني وانا بسيتي سنتر اخر مره ركضه بركضه جني فيل يمشي

الظاهر جاذبيتي تزيد وانا بالحمال

 

[Cute Kitty]

هلا والله رينبو شلونج ؟
الحمد الله الي تطمنتي اليوم وطمنتينا بس ليش مو مسويه التحليل:eh_s(14): ؟؟!!
ييتي على آخر شهر تهملين :eh_s(4): <==== يعني معصبه وقاعد تزف :eh_s(7):

لا بس صج سوي التحاليل احسنلج ماراح تخسرين شي بالعكس
المشكله بالتاسع انكسل على كل شي

وعلى طاري البطن مادري شفيهم الناس لازم ينتفخ حده وتحسين انه بينبط يلا يقولون اي هذي بالتاسع هههههه

 

[rainbow_brite]

شفتي شموس طافتج السهره العجيبه وبصراحه عجيب الانجليزي عليكم يبيلي جم كورس عندكم خخخخ


توتو انا نفسج اذا ياني عوار ريلي لا اييب طاري المستشفى اخترع واقول مابي وضغطي على نفسج وروحي الصالون اليوم اتحسين براحه نفسيه ما تحاتين وان شاالله يروح العوار وتولدين بالسلامه وطمنينا عقب موعدج


ودونات انا لان مثلج ينزل ماي فاول شي اسويه اخذ دوش لو عالسريع عشان ارتاح بالولاده تدرون بعد بالولاده الوحده اتعرق فحلاته اتروحين نظيفه

 

[rainbow_brite]

ام آلاء لا تلوميني اذا ما سويت التحليل مالي خلق انا الدكتور عطاني لم طلعت من عنده وكنت متريقه والتحليل المفروض صايمه فاتخيلي اروحله ثاني يوم بس عشان اسوي التحليل طنشت بس مو ذات اهميه اهو تحليل حق تركز الاملاح اللي في الجسم لان اخر موعد الدكتور شاف ان ما فيني زلال بس ايدي وارمه بشكل يخرع بس خفت والحين عاديه عشان جذي ما اهتميت

 

[ام حمووودي]

بنات منو مثلي
انا دشيت الثامن والى الحين اسوق ما اداني احد يسوق فيني
لا والبلشه سيارتي برادو جيب يعني اصير غورلا لين جيت اصعد
اللي يضحك في الموضوع دايم يلحقوني شباب لي صرت رايحه لمجمع الكوت وعندهم امل بس اوصل المصافط وانزل ويشوفون الكرشه تتحطم الامال والله ساعات اموت من الضحك
ذاك اليوم واحد لحقني من هديه لين الشويخ وهو وراي متامل خير ابو الشباب بس يوم نزلت احس جنه احد عطاه طراق يستاهل عمى بعينه فيه ناس فاضيه ماكو شغل علبالها البنات لعبه عندهم من يشوفون بنت على طول وراها طيب ليش؟؟

ملوكه انا ليلحين اسوق بس مسافات قريبه ماابعد مع اني بشهري