ديوانية مغتربات usa

[miss-_-eng]

ماقصرتو بنات يزاكم الف خير صج فيكم الخير والله

انزين بنات سؤال عن الولاده هناك مو لاني بجر فخايفه حدي
ابي اعرف شيسوولج بالتفصيل عشان ارتاح يعني تروحيلهم بالموعد اللي يعطونه لج ولا متى ماصار فيج طلق رحتي ووين تروحين اي مستشفى اللي تراجعين فيه ولا الطوارئ
بعدين شيسوون فيج شلون هناك اكو كمام ؟ و شلون عالخياط التجميلي و عقبها جم يوم تقعدين بالمستشفى و هل تحسين بعوار ولاده ومتى يروح العوار لان انا ولادتي بالفاينل اخاف اولد بالامتحانات حدي قام احاتي هالشغله بعدين يضيع علي تعب كورس كامل
والبيبي حق المستشفى شنو اخذله معاي هناك
و شلون اتعلم الرضاعه الطبيعيه خصوصا ان صدري حييييل صغير
بنات عفيه فيدوني بهالشغلات عشان اذا حسيت فيها صعوبه وقفت كورس وقعدت بالكويت

 

[غلا شمر]

السلاااام عليكم..


شخبااااركم....

 

[غلا شمر]

قطااااوي يسلم روووحك

انا جدتي الله يرحمهاااا كانت تسويه..

 

[غلا شمر]

خوخه سلاامته وليدك مايشووف شر

انتي شلووونك مع الحماااال

 

[D.asmaa]

عزيزتي miss انشالله ماكو صعوبه اذا فيه احد معاج من اهلج .. بالنسبه حق الطلق اذا ياج راح تدقين عالعياده في رقم يصير طوارئ والمفروض انج مع دكتورتج تكلمتو بخصوص تنسيقات الولاده من ناحيه المستشفى واذا تبين بنج او بدون او ولاده طبيعيه او تفضلين القيصري ما تتخيلين اشكثر ياخذون رايج بهالامور..اذا ياج الطلق تدقين ويقولونلج روحي المستشفى احنا عطيناهم خبر تروحين بس تقولينلهم اسمج يدخلونج على طوول

 

[D.asmaa]

طبعا انا اللي صار معاي انه مو دكتورتي اللي ولدتني لانه كان يوم اليمعه واهيا اوف بس كلمتني بالتلفون ويتني دكتوره ثانيه وياني دكتور البنج وقزني الابره الظهر لما الله سهلها وولدت بالسلامه والخياط ممتاز الله الحمد بعد الولاده طبعا وحده تعلمج عالرضاعه وتييب معاها جهاز الشفط وتركبه علي صدرج علشان يساعد افراز الحليب وتقدرين تسوين معاها موعد تييج البيت طبعا تطلعين ثاني يوم عادي ..بالنسبه حق امتحاناتج يفضل تبلغين الدكاتره وتتفقين معاهم اذا يقدرون يأجلون المتحانات

 

[doode cool]

السلام عليكم بنات


شو اخباركم انشاءالله تمام

خوخه

شو اخبارك واخبار ولدك مايشوف شر يابعد البي الصغار يكسرون الخاكر لاتعبو

بطوط

لا الحمدالله كنت خايف انو حامل مع انو اكل حبوب بس توني راد من المستشفى الحمدالله ماكو حمل خليني الين انقل واستقر وبعدين افرح بالحمال


كويس والله دايت كير من غذاء سليم ومنها دايت ومنها تتعودين علا الاكل الصحي

ترا ماي الورد انا لقيته اهني وشرريت منه بطلين يعني لاتكلفون علا حالكم وتجبيونه من البلد لانو يتعب وجذي بس يمكن ماي الزهر مالقيته
​

 

[doode cool]

مج مج

شلون موعدوج اليوم وشو صار علا الدوخه قلتي للدكتورا

نسيتو شنول بالولاده تختمه لكم شنول

غلوي

الله يرحم جدتج من وين اصلا مشاءالله تعرف تسوي اقط انا كانت ام جدتي تعرف الله يرحمم ويرحم اموات الملسمين اجمعين ي رب

قطاوي

بالعافيه الحلوى اي علمينا شلون خل نسوي حلوى بحريني مع القهوا


بنات شنو تنصحوني اهلي بيرسلون لي اغراض

قلت لهم ابي طحين كويتي

ساقو جريش هريس خبز رقاق وقهوا وهيل وزعفران ودله لانو مالقيت اهني دلات<< ترامس للقهوا

تمر عاد اغتنينا بتمر عم زوجي بنييورك وارسلنا تمر الي تبي بنات تامر

شنو تتوقعون اقولها ترسلي بعد مادري شنو ينقص برمضان تتوقعون اقولها ترسلي لقيمات علب ولا مايحتاج
​

 

[مجنونة حبه]

السلام بنوتات اشلونكم
شلونك دودي
انا الحمدالله رحت الدكتوره وسمعت نبض البيبي وعرفت وين مكانه صاير الاخ قاعد بالعرض بس ان شاءالله ينزل وضعه ويصير راسه تحت

قالتلي بالنسبه حق دوخه شي طبيعي لان ضغطج يرتفع وينزل قالتلي استمري على حبوب الحديد وفيتامينات
وانصحتني بعد ان ابتعد عن الاكل دسم علشان لا اتحسين بغثيان
حتى تفاح قالتلي ان يثقل على معده لا تاكلين وايد

وعطتني ورقه ان اقراها شوفوا هذي ورقه يا اوافق ولا لا بموعدي الياي لازم اعطيها خبر بس شنو اهو
يقولون من بعد ماتولدين ياخذون من نخاع البيبي سائل بس اتوقع من المشيمه راح ياخذون منه
ويخلونه عندهم بالثلاجات لمده تفوق ٨٠ سنه علشان لا سمح الله ولدي مرض او اي احد من اخوانه يكون عندهم هالسائل

والله اول مره اسمع عنه وماادري اذا اوافق ولا لا

وصح شنول اخر وحده يالله اهي مسك الختام تستاهل

 

[ام كوشه منكووشه]

مساائكم ورد

اشلوونكم بناات

دودووي
حبيبتي اشلوونج وشخبارك
انا من راي قلبي شوفي البقالات العربيه اللي عندكم اكيد تحصلين فيها بعض الشغلات اللي ذكرتيها
واللى ماتحصلينه طلبي من اهلج ان يرسلوه لج بس ماادري في شركات شحن ماتسمح بالاكل وهالسوالف خل يتاكدون
اللقمات انا احصله بالبقالات العربيه متوفر

مج مج
الحمدالله دام تطمنتي عالبيبي وان شاءالله يتعدل وضعه ويفتر قبل الولاده
بس سالفة التحليل اول مره اسمع فيها ويمكن بس بولايتكم لان توا رفيجاتي اولدوا ماكلموهم عن هالشي

 

[مجنونة حبه]

ماقصرتو بنات يزاكم الف خير صج فيكم الخير والله

انزين بنات سؤال عن الولاده هناك مو لاني بجر فخايفه حدي
ابي اعرف شيسوولج بالتفصيل عشان ارتاح يعني تروحيلهم بالموعد اللي يعطونه لج ولا متى ماصار فيج طلق رحتي ووين تروحين اي مستشفى اللي تراجعين فيه ولا الطوارئ
بعدين شيسوون فيج شلون هناك اكو كمام ؟ و شلون عالخياط التجميلي و عقبها جم يوم تقعدين بالمستشفى و هل تحسين بعوار ولاده ومتى يروح العوار لان انا ولادتي بالفاينل اخاف اولد بالامتحانات حدي قام احاتي هالشغله بعدين يضيع علي تعب كورس كامل
والبيبي حق المستشفى شنو اخذله معاي هناك
و شلون اتعلم الرضاعه الطبيعيه خصوصا ان صدري حييييل صغير
بنات عفيه فيدوني بهالشغلات عشان اذا حسيت فيها صعوبه وقفت كورس وقعدت بالكويت

لا تحاتين حبيبتي ان شاءالله امورج تتسهل وتسهل ولادتج

اول شي بما انتي حامل لازم اتلاقين لج عياده حوامل وتاخذين موعد معاهم واهم راح يبدون معاج تحاليل وسونار وكل شي ويعطونج موعد كل شهر يسوون فيها فحوصات لج من تحليل بول ووزن وضغط ومرات تحليل دم وسونار سواء بالنبض ولا الشاشه
لما ادشين شهر الثامن راح يصير كل اسبوعين الموعد نفس شي تحليل بول ووزن وضغط وقياس نبض الجنين
واكيد بشهر التاسع تسالج اذا في عوار وتفحصج اتشوف في توسع بالرحم وين مكان الجنين داخل الرحم
واهي راح اتقولج اي مستشفى تبين تولدين او راح تعطيج لسته مستشفيات شوفيهم واختاري اي هو الافضل لج
اذا اخترتي راح تعطيج اوراق تسجيل للمستشفى اتعبينها واتودينها المستشفى لتسجيل فيها
واذا حسيتي بعوار نفس عوار العاده وان ظهرج يعورج دقي على عيادتج وقولي عن عوارضج وبعدها اتقولج روحي المستشفى واتروحين اهناك وراح يدخلونج بقسم ولاده بغرفه نفس غرفه ملاحظه ويحطون الجهاز التخطيط وويفحصون رحمج اذا في اي بوادر طلق او ولاده
اذا لا راح يطلعونج واذا اي راح يدقون على دكتورتج ويقولولها
وبالنسبه حق كمام اهني ماعندهم ( متقدمين ) عندج حلين يا ابره ظهر ( جربتها وكانت اريحلي ) او سمعت عندهم ابره فخذ ( بس يقولون يحسون بالطلق بس خفيف )
وبالنسبه حق الخياط اكيد اذا شقوج راح يخيطون الجرح بس اذا تقصدين التضييق او الخياط التجميلي ماراح يسوون لان هذي دكتوره تخصص حمل مو تخصص تجميل في دكاتره تخصصهم تجميلي يسوونه لج
بس انتي ساليها يمكن اتضيق لج ياه شوي ( لان انا طلبت منها وقالتلي ذكريني )

بالنسبه حق صدرج لوول لا تحاتين بتشوفينه يكبر ( كلنا كذا صغري صغير ويكبر يعني ينتفخ )
وكل مستشفى في دكاتره يمرون عليج بعد ولاده ويعلمونج رضاع الطبيعي فلا تحاتين

وبالنسبه حق اغراض البيبي
حطيله قطعتين ملابس كامله حقه ومصاصه وكريم حق الصدر حقج اما الباجي كلشي متوفر عندهم وملابس حقج
بس بالطلعه لازم اتيبين معاج كرسي سياره خاص لنيو بيرن
هذا الي بالي الحين وتابعي معانا وبالتوفيق

 

[ام كوشه منكووشه]

بطووط

ماشاءالله والله خوش عياده
ان شاءالله ينتظم عندج السكر وتتسهل ولادتج ياارب


انا اليووم دخلت شهري يالله ابتدي السباق منووو بعدي

 

[مجنونة حبه]

ام كوشه
شلونج وشخبار نواره ونونو
اي والله يمكن بس بولايتنا
اهو اسمه cord blood stem cells banking
وياخذونه من الحبل السري
بس اذا شخص كبير ياخذون سائل من حبل الشوكي

 

[مجنونة حبه]

يالله شدي حيلج مشي نبيج تولدين طبيعي ان شاءالله
ولا اتشيلين شي ثقيل ولا نواره بعد
علشان موضععه لا يتغير ( صار فيني بولدي )

 

[miss-_-eng]

مشكووووره سندريلا و مجنونه حبه مااقصرتو بعد عمري الله يوفقكم بكل خطواتكم يارب


انزين انا عطتني موعد ٢٢/١٢ هالموعد هذا راح اولد فيه يعني اذا حسيت بعوار بهالوم ادق عليها ولا عادي اولد قبله ؟
وانا سمعت عن ابرة الظهر ان موزينه فخايفه منها شلون كانت عوارضها عليكم عقب الولاده و متى خلص تاثيرها ؟
وانا راح اولد شهر ١٢ و نهاية ١ البيبي راح يرد ويا خالتي الكويت تتوقعون كافي شهر بس رضاعه طبيعيه ؟


ادري اذيتكم باسالتي بس انا مالي غير الله ثم انتو تساعدوني

 

[نظرة اعجاب]

نظرة اعجاب شلونك .. السموحه منك جم مره تسألين وماصادف اني رديت على سؤالك

بس اي شي تبينه بخصوص المدرسه والتدريس انا حاضره

لان اتوقع بناتي اكبر عيال الدوانيه ... والباجي كلهم بيبيات وحضانه

المدارس دواماتهم يوم 7 / 9 من 8 ليه 2.30 الظهر

الروضه 14 / 9 من 8 ليه 11 الضحى

والروضه اهني كندر غاردن سنه وحده بس لعمر 5 .. وعقب يروح اولى ابتدائي

يعني مو مثلنا الروضه سنتين ..

اتمنى قدرت افيدج ..

أهلا بطووطه

مشكوووره على الرد

انا بنتي خلصت اولى روضة والحين لازم ثانية روضة عمرها خمس سنين وكم شهر تتوقعين وين يدخلونها

وطمنتيني اشوه الدوامات شهر تسعه

مشكوووره وايد والله يسهل علييج غربتج يارب

 

[doode cool]

السلام عليكم بنات شلونكم شو اخباركم جميعا

ام الكوش

انا الحمدالله تمام سالله شدي حيلج صادقه مج مج نبي مشي نبي ولاده طبيبعه انشاءالله الله يهل عليج ي رب وتولدين ب 8_8<< مثلي عاد يطلع عسوله زيي كويس انو نبهتني انو ممنوع الاكل عند وسائل الشحن خليهم يتاكدون قبل يتعبون نفسهم

مج مج

انا تمام اسالتج عنج العافيه ي رب ينزل وياخذ وضعه الطبيعي ولبيي سلمه علا النبض ي رب يحفظها وتتهل عليج كويس انو الدوخه كانت سببها جذي اذا كذا انتي انبهي لنفسج وحافظي عليها

مسنج

كفت ووفت مج مج معاج ولاتحاتين كل شي اهني سهلات ي رب تتسهل لج ي رب

خوخه

شلونك وكيفك وشلون ولدك تمام الحين انشاءالله

نوني مريامه ضيون غلوي بطوط شنول لولو منور نظرة اعجاب سندرلا ام دونه وكل البنات شلونكم وشو اخباركم صايرين هادين
​

 

[ام دونه]

مساالخير

 

[غلا شمر]

مساااء الخيرااات

ع الحلوين اللي مااردو علي يخصوص.. جدول السياحه..

زعنااانه,,,

 

[غلا شمر]

هلاااا

ام دونه شلووونك.. والعياااال ...