مجنونة حبه
New member
شوفي حبوبه بالنسبه الموعد الي حاطينه لج معناتها هذا اخر يوم لج بالتاسع مو شرط تولدين بنفس اليوم يمكن قبلها ويمكن بعدها يعني اتوقع شهرج يبدي من 22-11 ويمكن تولدين من اي يوم من هالتاريخ ليه 22-12 وان ماولدتي راح ينطرون عليج اسبوع ويشوفون يا تولدين بالطلق الصناعي ولا قيصريه يعتمد على وضعج
بالنسبه حق ابره الظهر اي شي كانوا يقولونه لج بالكويت قطيه ورا ظهرج
سوري بس ناس مو مختصه لا تسمعين لهم مايعرفون شي ويحبون تفلسف
وابره ظهر نفس تخدير اذا فج النج خلاص اتروح عوارضها
والي يقول ظهرج يعورج وماادري شنو
يعني انتي والده ياهل اكيد ظهر وتعب يبين عليج من بعد ولاده عظامج متفججه تبين عادي جنه غزال تركضين من بعد ولاده
انا خذيت كمام بالكويت وبعد ولاده ظهري وجسمي متكسر حده
بعد يقولون من كمام لا اكيد هذي اثار من بعد ولاده لازم يصير فينا شذي عيل ليش نرتاح اربعين يوم كل يوم يتسكر عرق ويرد الرحم مكانه
شوفي بالنسبه حق رضاعه طبيعيه
انتي اكيد يبي او اشتري من اهني شفاط صدر الي يشفط الحليب
ثاني شي يعتمد على ياهل من بدايه اذا يبي يشرب من صدرج ولا لا
لان في يهال يرفضون الصدر طبيعه وفي بعضهم لا
انا بنتي رضعتها اربعين يوم وبعدها سافرت وخليتها بالكويت غبت عنها شهر تقريبا ولما رديت رفضت صدري وعادي صدري نشف وصرت اشربها مميه ( في حليب حق خاص للرضع )
بولدي ولدته اهني نفس شي تقريبا شهر من بعدها بنتي لعوزتني ماتخليه يرضع عدل وغير شذي صار فيني حساسيه صوب صدر ( اكزيما بس علي خفيف ) فصرت احط دوا على صدري واشفطه بجهاز الشفط وارضعه فيه لما نشف صدري وخلاص صرت اعطيه حليب حق بيبي
يعني عادي الوضع والحمدالله صج حليب الام غير وافيد من حليب قواطي
بس ظروف الواحد اتخليه يستخدم حليب قواطي بس ماتضر الياهل فلا تحاتين
اهم شي بالموضوع في احد يهتم بالبيبي لان يبيله رعااااااااااااااااااااااايه وغذاء لان من اول ماتيبيون البيبي
عنده مراجعات واهتمام وصحه وتغذيه يعني لازم اتكونين فاضيه له لما يكبر تقل شوي وترتاحين
فيعطيها الف عافيه خالتج اذا اهي راح اداريه وتهتم فيه خلاص ان شاءالله ماتحاتين باذن الله يكون بيد امينه وغير اميمتج اطل عليه بعد اشتبين حدهم امدلعينج وانتي الله يوفقج ودرسي عدل ولا تحاتين ترا
الام ماتتعلق بالياهل الا اذا كبر لان تفهمه ويفهمها ماادري عن الباجي بس انا شذي كنت عادي اغيب عنهم شهور بس اذا كبروا وتشيطنوا اتعلق فيهم لانهم واهم صغار بس بجي يبجون الي مرات يحوش المرأه اكتئاب منهم
لوول ماابي اخرعج وادري شديت شوي بالكلام وقرقرت واايد س ادري انج بجر واول وحده بالعايله فخلفيتج بالموضوع ضعيفه ( كنت نفسج )
واذا تبين اي شي ولا استفسار حاضرين ولا تقاطعين هالصفحه زورينا وطلي علينا وحطي استفساراتج ما راح انمل
