ديوانية مغتربات usa

[ام كوشه منكووشه]

مسااا الخير

حباااايبي الله يبارك بعمركم ان شاءالله ويسهل اموركم

هلا لوولو
شخبارج وشلوون البنات
وشمسووين مع البرد وطلعات البر والمخيمات ولا موو ربع معاهم

هلا دوودوو
حبيبتي شلوون الحمل معاج عسي بلشتي تجهزين اغراضج خصوصا الحين تنزيلات فررصه
جهزي الشغلات الكبيره واللي عليه خصم قبل لا ينتهي مثل السرير العربانه كرسي السياره جذي

اهليين غلووي
حبيبتبي الله يسهل رحلتكم ان شاءالله
بنوتج يوم السفر حاولي تقعدينها مبجر عشان وقت السفر تنعس
واخذي لج لعبه لها وبسكوت شغلات جذي تتسلي فيها بالطياره

 

[ام كوشه منكووشه]

سلام عليكم بنات ..

انا توني والده الحمدلله و انا طالبه ادرس بغيت اسالكم عن احسن شي للبيبي لان منطقتنا فيها دي كير و الدكتوره نبهتني منهم ان تعاملهم موزين مع البيبي و انا ماامن على بنتي مع البيبي ستر شيضمنلي انها زينه .. بنات انا حدي محتاره عفيه ساعدوني اللي عندها بيبي و تداوم وين تودي البيبي ؟
انا جريب اداوم فابي حل ويزاها الف خير اللي تساعدني .. وتعطيني الحل المناسب

شكرا

حبيبتبي الحمدالله علي سلامتج ومبرووك مايبتي تتربي بعزكم ان شاءالله
انا بنتي دخلتها لمن كملت 10 شهور وكنت اوديها بس ساعتين لان اول كورس سجلت بس محاضره وحده باليوم قلت لين اطمن علي وضعها بالحضانه وتتاقلم عالوضع ...
وبالنسبه للحضانات تختلف من وجده لوحده طريقه العنايه والاهتمام عندهم , انتي ممكن تسوين سيرج عن الحضانات اللي بمنطقتج وروحي قابليهم والقي نظره عالغرف عندهم وشوفي الوضع وشوفي حضانه جامعتج بعد ,,
انا كنت ساله دكتوره بنتي قالت يعتمد بعد علي عدد اليهال بالغرفه اذا كانوا اكثر من 4 ومدرسه وحده اهيا اللي معاهم بالغرفه توقعي ان العنايه ماراح تكون ممتازه هذا للاطفال اللي سنه واقل بالعمر لان صعبه تغير وترضع وتهتم باكثر من 4 بروحها..
وممكن لمن تسجلين بنتج تطلين عليهم بين فتره وفتره وتشوفين الوضع بعينج.. لان اول حضانه جذي بعد ماسجلت بنتي عندهم ماارتحت لوضعهم اسبوع وطلعتها وحطيتها بوحده ثانيه وماشاءالله صارلها الحين قريب ال 4 سنين فيها

 

[ام كوشه منكووشه]

ام دوونه- غلا الروح- دعووول- بطه- مج مج- ضيوون- شنوول- ام محمد- منووور- خوووخه- تووفي- قطريه-دلوووعه-عيون الريم- مريامه-هلا الكويت- زمرده - لوولوو-ام وهااابي-دوودوو-غلووي- والكل

شخباااااركم

 

[Zayoona"90]

ام كوشه مشكوره عالمساعده حبيبتي

بسالج اذا خذيتي ابره الظهر انا خذيتها وجسمي شاب علي من بعد ماخذيتها كله يحككني حك مو طبيعي وقالتلي الدكتوره من الدوا مال ابره الظهر بس بغيت اسالج انتي صار وياج جذي ومتى يروح مفعولها حدي تعبت جسمي محترق 

 

[De3La^85]

اشلونكم جميعا

شنو اخر اخباركم

لكم وحشه

 

[بنت ديرة العز]

مساء الخير :
انا سعوديه مغتربه معكم باامريكا ..
ودي اسألكم عن دراعات مرتبه وناعمه للحموله اذا احد منكم يقدر يفيدني ..لاني بصراحه ابي انزل للحموله بكم دراعه مرتبه خصوصا اني رحت منهم وانا عروس ..؟
المصممات حيل غالين من 75 وفوق ..
انا حدي شي ناعم وذرب بسعر معقول ..راح ادعي لكم من كل قلبي لاني جد محتاجه جواب ..

 

[ام كوشه منكووشه]

ام كوشه مشكوره عالمساعده حبيبتي

بسالج اذا خذيتي ابره الظهر انا خذيتها وجسمي شاب علي من بعد ماخذيتها كله يحككني حك مو طبيعي وقالتلي الدكتوره من الدوا مال ابره الظهر بس بغيت اسالج انتي صار وياج جذي ومتى يروح مفعولها حدي تعبت جسمي محترق 

هلا والله

العفوو قلبي ما سوينا شي
بالنسبه لابرة الظهر يمكن يفرق من وحده لوحده الاعراض اللي تبين معاها
لان الحمدالله انا خذيتها مرتين وماحسيت بشي

ماسالتي الدكتوره اذا ممكن تعطيج شي يخفف عليج او لمتي ممكن يستمر هالووضع
ماتشوفين شر ان شاءالله

 

[ام كوشه منكووشه]

قووووه بناات شلوونكم

ام دووونه
عسي ماشر مافي اخبار عن نواره

دودووي
تروحين وتردين بالسلامه
ان شاءالله الحق عليج قبل ماارجع سان انتونيوا تبعد عني ساعه و شوي
وتوا وحده من رفيجاتي سعوديه انتقلت لها ان شاءالله تتعرفين عليها

دعووول
هلا والله شلووونج وشلون الاموومه معاج عسي كل شي تمام

 

[لولوة الكويتية]

اشلووونكم بنات

ام الكوش اشلوونك
غلا شمر اشلووونك رديتوا بالسلامه
ام دونه وينك وليش كل هالغيبه ولهنا عليك
خوخة شنول بطوط مج مج منورة دودي دعول وكل البنات

اشلوووونكم

 

[بنتي حياتيي]

قوه بنات اشلونكم و اشلون بيبياتكم ولهت عليكم انا الحين بديرتنا الحبيبه الكويت و راده ان شا الله السبوع الياي لنكمل مشوار الغربه

 

[مجنونة حبه]

السلام بنات اشلونكم وشلون اموركم

ان شاءالله ساعات وادش بالسنه اليديده عسى تكون لنا ولكم فيها ايام حلوه وسعيده

شنول الف الف مبروك عالعروسه اليديده وتتربى بعزكم ان شاءالله

ادري بنات قطعه فتره بس لاتلوموني اليهال ومسؤوليتهم تكبر وتصعب كلما كبروا والله يعينا ويصبرنا

حتى مافي وقت حق نفسي

لولو حبيبتي مشكوره عالسؤال انتي شلونج وشلون جوكم بالكويت
والجميع من غير استثناء شلونكم وشلون غربتكم

 

[ضي]

السلاااااااام


شلونكم بنات؟؟



كل عام وانتوا بالف خير ياررب وعساها سنه سعيده عالكل ان شاءالله

 

[NOORALLAH]

السلام عليكم ورحمه الله وبركاته
وكل عام وانتم بالف الف خير وصحه وسلامه
انا عضوه قديمه بس بصراحه اول مره اعرف انو في تجمع خاص للمغتربات في امريكا وانا وحده من عدكم وارجو ان تقبلوني بينكم ​

 

[بدون أسم أحلى]

أخوووووووووووووووواتي المغترباات ربي يحفظكم ويسسعدكم

في قسسم بالمنتدى فيه موضوع تجمع للبنات ووتعارف وأنا غبت شهرين ورجعت ومدري وينه هالموضوع لان وحده من الاخوات ارسلت لي ع الخاااص وانا مقدر اردلها ع الخاص عشان مشاركاتي ..
اللي تعررف الرابط تفيدني ومشكووووووووووووووووورين حبيابي

 

[miss-_-eng]

بنات ولي يعافيكم بغيت مساعده ابي مربيات ايون وقت دوامي يقعدون ويا البيبي اللي تعرف وين احصلهم بليز تقولي لان حدي متوهقه قربت الدوامات دورت بقوقل ماحصلت شي

 

[NOOODii]

سسلام عليكم ,:wqedqw:,​

بناات حبيت اسالكم بما انكم متغربات ,:sfg:,​

الحين انتوو تقريباا كلكم مرافقة زوج عدل ,,, ​

الحين البناات ( الى يدرسوون بروحهم بعثه:s141: ) عندكم شلون طريقتهم بدراسه والسكن والمصروف اذا عندكم فكرره ممكن تفيدووني :flower: بلييييييز ​

 

[7rm_7bibi]

مرحبا بنات
محتاجتكم بخدمه
ولكم دعوه من القلب

بنت عمي توها من جم يوم والده بكر بامريكا
وتدرون عن روتين الجواز يبيله وقت على مايخلص
والبنت نفسيتها عدم مع النفاس والبيبي يبي مجابل واهتمام
بليييييز افيدونا
اللي مجربه مربيه للبيبي
شلون نقدر نلااقيهم بامريكا

وهل ينوثق فيهم بليز بنات
لاتطنشون وردو علي باسرع وقت
والله يجزاها خير اللي ترد

 

[7rm_7bibi]

اختي هذا موضوع مغتربات مو اعلاان لمواقع ومنتديات! !!!!!!!

 

[مجنونة حبه]

هلا انج
معقوله ماحصلتي بجوجل !!!
انزين شوفي دوري حضانات دي كير ان شالله اتحصلين بعمر بيبي
اذا ماحصلتي بجوجل دشي ييلب برنامج باب ستور yelp
يمكن اتحصلين حضانات ومعاه ريت

 

[عباير ديزاين]

شلونكم حبايبي انشالله بخير
الله يعافيكم اللي تعرف شركة شحن مضمونه من امريكا ( اورلاندو + لاس فيغاس ) الى الكويت ياليت تفيديني ويكون سعرها مناسب