ديوانية مغتربات usa

[لولوة الكويتية]

اهلين ام دونة يا بعد قلبي انا بخير انتي اشلوونك ونوارة اشلونها بشرينه عنها رديتي الكويت ولا ليما الحين بامريكا؟؟؟؟

حياتي والله دودي ميخالف كله باجره حبيبتي والحمدلله على السلامه والعافيه
انا بالكويت ياقلبي اتوصيني على شي ،،،،،،،،

 

[ام دونه]

الله يعينج دودي والحمدلله ولدتي بالسلامه
الله يهونها علينا يارب

هلا وغلا لولوه الكويتيه
انا الحمدلله بخير ونوره بعد ماعليها الحمدلله امورها زينه
والله للحين انا بامريكا ننتظر الفرج من رب العالمين
الله يرحم حالنا ويفرجها علينا يارب

انتو بالكويت خلاص ماراح تردون امريكا
باجي البنات شلونكم مع الغربه

 

[Mrs Al-Nasser]

حبيبتي دودي الحمدالله عالسلامه :*
شلونكم بنات

 

[ذكريات]

الحمدلله على سلامنكم ... البنات اللي ولدوا

بصراحة احسن انكم اقويا ولدتوا بامريكا بدون اهلكم

انا كنت بسويها بس بعدين فكرت احاف افقد الدلع هههههههههه

 

[doode cool]

اهلين صبايا شخباركم شنو مسوين


لولوة

امين ي رب ان شاءالله الله يكتب لما الاجر

لا ياالبي ابي سلامتك تردين بسلامه ي رب

ام دونه

الحمدالله ي رب دوووم ان شاءالله بخير

و الله يهون عليج وتولدين بسلامه ي رب

Mrs Al-Nasser

الله يسلمك ياعسل

ذكريات

وي وي وي الحمدالله ي رب اهو تهون الولاده اولد بعيد عنهم لاكن الاربعين وي مرا مو حلو عند زوجك وع الله يعدي ه الايام ع خير راح منها القليل والله يعديها لي 14 يوم بس جنهم 14 سنه لاكن الحمدالله ي رب اهم شي انو بصحه وعافيه وانا والمولد :yaaaaaarb:
بعدين افكر اقول اخلي ابو العيال الحاله مصيبه اهني اخليه لحاله خليه يتلعوز فيني :rgewrg::bbbiu:​

 

[ذكريات]

ههههههه اهم شي مو انتي تتلعوزين

يالله هانت ان شاء الله

 

[ام دونه]

مساءالخير
شلونكم شخباركم

 

[ام دونه]

بنات ياليت يفتحون بارت ثاني لانه الصفحات ماتطلع كامله

 

[om la6ofa]

السلام عليكم بنات ....
بليز محتاجة مساعدتكم ..
شهر 9 انشاالله راح نروح امريكا ولاية كاليفورنيا منطقة اسمها بومونا ريلي راح يدرس مناك و عندي بنتين ابي اسجلهم مدارس kg1 , grade 1 فا شلون اسجل من الكويت او لما اروح مناك وشلون اعرف افضل المدارس حكومة او خاصه صراحة سويت سيرج بس ماقدرت افهم او اميز الزين من الشببن بلييز محتاجنكم

 

[مشتطـه]

قريت اول صفحات موضوعكم ومت من البجي

ما قد رت اقاوم الحجي

انا خايفة من الغربة حيل

نتايج قبول زوجي بتبين هالاسبوعين اليايين

اهو حلمة يدرس برة

بس انا ما اقدر اتخيل اني اطلع 5 سنين من ديرتي

بنهاااار من البجي


اخ يا رب اكتب له الخير ولي يارب وصبر قلبي و حببني بالروحه يارب

 

[Sтγlish]

مشتطه لا تخافين ولا توسوسين صج الغربه صعبه بس مو لي هالدرجه
يعني مجرد انج تشتاقين حق اهلج
بس راح تلهين وتطلعين وتستانسين وكل ٤ شهور بتكونين بديرتج
فعادي جدا لا يخوفونج وبالعكس احنا مستانسين لولا انا نشتاق حق اهلنا بس

 

[ام دونه]

صباح الخير

 

[مشتطـه]

ستايلش شكرآ لج عزيزتي

 

[ذكريات]

om la6ofa

بامريكا ما عندهم سنتين روضة مثلنا يعني الروضة تبدا من ٥ سنين و سنة وحدة بس بعدها ابتدائي

يعني بس kg

 

[رقية // الكويت]

السلام عليكم ورحمة الله وبركاته
اسأل الله ان يصبر قلبج ويزيل همج وحزنج والغربه كربه مثل مايقولون

انا اختي سافرت امريكا مع زوجها يدرس طيران وقعدت سنه و4شهور والدموع اربع اربع وماقدر وتعبانه ولحقوا عليي وووووو
وبعدها بشهر نستنا ونست طوايف اهلها ماشاء الله ويابت بنوتتها هناك ورجعت بالسلامه وخلفت صبيان وبنات ومازالت مابين الحل والترحال والحياة سارت طبيعيه بتتعودين

وتصبري اختي في الله الله يكون في عونج ان شاء الله ويوفقج انتي وريلج

وياج اختج العضوه اليديده

 

[مشتطـه]

رقية الكويت عسى الله يحفظها اهي وعيالها

وتسلمين عالرد و حياج الله بالمنتدى

 

[طموحه بزياده]

السلام عليكم


شلونكم يا مغتربات امريكا


انا يمكن قبل سنه كنت اتابعكم وكتبت لكم حلمي اتزوج واحد يدرس بامريكا وياخذني معاه ونتغرب

ولي الحين هذا حلمي وان شاء الله يارب اكون معاكم يوم من الايام بأذن الله الواحد الاحد



مشتطه

ليش حبيبتي خايفه؟ عيشي حياتح وعيشه تجربه حلوه بحياتج فيها مغامرات وتغيير وتعيشين فيها انتي وزوجج بروحكم عالحلوه والمره بدون سوالف الحموله والناس والاقارب اعتبريها فتره نقاهه حلوووه بحياتج والله يوفقج انتي و زوجج

 

[doode cool]

السلام عليكم بنات

شخباركم كلكم شنو مسوين

كل اموركم تمام

شنو بتسون برمضان اهني بتجلسون ولا بترودن الديرا /)


استغفرك ربي واتوب اليك​

 

[doode cool]

ههههههه اهم شي مو انتي تتلعوزين

يالله هانت ان شاء الله

ههههههههههههههههههه

هانت الحمدالله بكرا اطلع من الاربعين
بس شكلي خربتها اخر يومين تعبت وجاتني كتمه حسيت انو بموت وجلست اتشهد خفت من الموت وانهرت ودوني المستشفى وحطولي اكسجين وتخطيط قلب واشعه لاحول ولاقوة الابالله تعبت يومين تعبت فيهم كل شوي اقول بموت وانهار واحس باحساس روحي بتطلع

قال الدكتور الضغوط والاسترس سبب لها كذا لازم ترتاح وترتاح من البيبي شوي وتنام تعبت كثير اي والله تعبت وخفت من الموت

ي رب ياكريم يامقلوب القلوب ثبت قلوبنا علا دينك ي رب واحسن خاتمنا ي رب ياكريم

 

[مشتطـه]

السلام عليكم بنات ....
بليز محتاجة مساعدتكم ..
شهر 9 انشاالله راح نروح امريكا ولاية كاليفورنيا منطقة اسمها بومونا ريلي راح يدرس مناك و عندي بنتين ابي اسجلهم مدارس kg1 , grade 1 فا شلون اسجل من الكويت او لما اروح مناك وشلون اعرف افضل المدارس حكومة او خاصه صراحة سويت سيرج بس ماقدرت افهم او اميز الزين من الشببن بلييز محتاجنكم

احنا بكاليفورنيا سان فرانسيسكوووو