ديوانيــة المنتــدى .. سوالف و وناسه .. حياكم الله

[لبيه لكن!]

رد : ديوانيــة المنتــدى .. سوالف و وناسه .. حياكم الله

هلااا وغلاااا كويتيات شخباركم ؟
الف مبروووووووووك افتتاح المنتدى ..
والله يجعله فاتحة خير علينا وعليكم
ولا يفرقنا قولوا امين

بعدين سويتووه ... رقيقه ماجات والقهوه ابردت انا شربتهاا <<علي بالعافيه
سوي لرقيقه ثاني ماعليج امر خخخخخخخخ ..

 

[رفرف]

رد : ديوانيــة المنتــدى .. سوالف و وناسه .. حياكم الله

صباااح الخيييرررررر
ازيكوووو

بنوتة الله يبارك فيج ومشكورة ....
وعليه على اختي نفيشو راحت الخيران واستمرضت طوووول اليوم وهي نايمه متكسره مافيها حيل اتقوم ما استانست ياقلبي وهم ماتدري عن المنتدى احنا طايحينله سوالف واهي ماتدري ... تكسر الخاطر اختي لي استمرضت ....

 

[BaiTotia]

رد : ديوانيــة المنتــدى .. سوالف و وناسه .. حياكم الله

السلام عليكم بنوتات
شلونكم و شخباركم؟
ألف مبروك عالمنتدى اليديد
إن شاءالله دووووووووووووووووووووووووووووووم مجتمعين مثل هالجمعة الحلوه
و مبروك رفروفه علىىىىى السيارة اليديدة
يراويج خيرها و يكافيج شرها يارب
بس ما قلتي شنو خذيتي لأني أنا بعد محتاسة و أبي سيارة حلوه وقدعه

 

[أغلى حبيبه]

رد : ديوانيــة المنتــدى .. سوالف و وناسه .. حياكم الله

قوه بنات شلونكم
ان شاءالله بخير
حبيت اسلم عليكم

 

[xxx]

رد : ديوانيــة المنتــدى .. سوالف و وناسه .. حياكم الله

هلا بنااااااااااااات

نفيشه حبيبة قلبي سلاماتها ماتشوف شر مسكينه

حيا الله كل بنات الديوانيه

 

[^SwEeTa^]

رد : ديوانيــة المنتــدى .. سوالف و وناسه .. حياكم الله

مســــاء الخير و الاحساس و الطيبة

اشلونكم بنوتات .. هلا و الله بربع الدوانية

شخباركم .. شو عاملين ؟

وعلية نفيشه ما تشوف شر و الله ما تستاهل .. رفروفة سلمي عليها و قوليلها ما تشوفين شر ..

و مبرووووك السياره .. يعطيج خيرها و يكافيج شرها ان شاء الله ..

***********

بنت البدو عليج بالعافية ان شاء الله .. مو بس القهوة .. و الحلو بعد .. افا عليج بس

و رقيقه انا بعاقبها .. ماكو قهوة .. ليش ما شربت بسرعه خخخخخخ ====>حشى دوانية من سبق لبق .. لا عاد كلش و لا رقيقه حبيبتي .. اذا ما كفتها القهوة انا اصير لها قهوه

***********

BaiTotia

أغلى حبيبه

هلا و غلا ..نورت الدوانية بوجودكم .. تلقون لق ماشاء الله .. يلا العشا اليوم على بنت الكويت ترى طالبه قوازي على شرف بنات الدوانيه

 

[xxx]

رد : ديوانيــة المنتــدى .. سوالف و وناسه .. حياكم الله

ههههههههههه قوازي وقوازي وقوازي >> بالثلاث

تامرون أمر بنات كويتيات

تستاهلون كل خير

 

[^SwEeTa^]

رد : ديوانيــة المنتــدى .. سوالف و وناسه .. حياكم الله

وي ما تقصرين بنت الكويت .. هذا العشم فيج .. بس لا تنسين الكنافه بعدخخخخخخخخخخخخخخخ (مصخت) .. و انا بييب كرتون الببسي .. شكلي بييب اثنين العائلي و خلاص .. اوفرلي ههههههه

انزين وين الباجي عاد ؟؟ ماكو احد ؟؟ خو ما يصير نلعب كوت بس احنا الثنتين .. تدرين بنت الكويت شكلنا بنقزرها شرطي حرامي على ما يكمل العدد .. شكلهم قازين .. اليوم اليمعه

 

[xxx]

رد : ديوانيــة المنتــدى .. سوالف و وناسه .. حياكم الله

سويتاااااا عاد قلتي قوزي وقبلنا

كنافه وسوالف يلا عاد صار الطلب وايد

خلنا على القوزي ومانبي بيبسي

نبي لبــــــن بارد مالح

 

[srabeel]

رد : ديوانيــة المنتــدى .. سوالف و وناسه .. حياكم الله

أبشركم إنحلت المشكله
أدرى فيها أنا عاد قلت يا أنا يا إيه منو هذى إلى تقولى ما أبيج والله تقوم القيامه أنا بنت بنت ....والله يا ويلها والله من أذن العصر على طول قلت حق سبع البرمبه يالله أوديها ما تقعد وأنا من داخلى ماودى أدور لأن أدرى أزمت خدم أمى غصب لقت لها وحده على كفالت المكتب يديده بقراطيسها هم من كوين من مكتب الرميح جنه بحولى المهم راحلها ريلى وقالها ها ترى بتروحين شوى وأنا قاعده ألبس وميته من البجى جان هذى إلى تدخل على وتحظنى إهى إحظنتى منى وانا الله وكيلكم ما أدرى شنو صار فينى إكسرت خاطرى بس بصراحه لاعت جبدى أوخر وإهى تحظنى وريلى ميت من الضحك على يدرى متوهقه أبى أنحاش
المهم قالت سوووووووووورى مدام مادرى شنو عاد والله كسرت خاطرى جان تقولى مدام أنا ما يبى أروح عاد أ،ا أدرى إنها مسويتها مثل الفلم حسبالها بقعد أترجاها المهم يوم إلى شافت الصجيه والله قامت تتبجبج وأنا معاها جان أقولها خلاص بس هذى آخر مره
بصراحه خل تحمد ربها قاعده عندى أولاً أنا إلى أطبخ والله إن قلاص ماى ما أحب أطلب منهم لأنى أصلاً وسواسيه وبعد إعيالى لو أموت ما تلمسهم أنا أصلاً لى وديتهم عند أمى وأبى أطلع أقعد أراقب أمى من كثر مانى وسواسيه ( والله مرض ) يعنى لا يهال ولا طبخ بس تنظيف ولى خلصت تنزل تحت عند خدامت خالتى نفس جنسيتها وسوالف وحش وتنقل حجى طبعاً عند خالتى عاد شتبى أكثر

بس المهم عاد أقوووووووووووووووولكم هذا إلى صار إيه وأنا أدرى إن كل حماواتى يدرون بس بس أمس والله كنت أحاتيهم لنهم متيمعين وماكان ودى أنزل لو مو بنتى قالتلى نزلى لأن اليهال محاربينها وعليههههههههه جان ما نزلت بس الحمد الله محد تكلم بس أدرى من وراى أكيد بس يقطون نغزات
بس عاد إشعلى منهم .
عاد لى تكلمو معاى جان ناديتلهم المعلمهههههههههه كوين مع بناتها علشان يأدبونهم شوى

وبس تعبت من القصه الماسخه إلى سدت نفسى أمس

المهم سويتا تقولين إسمى يذكرج بالدرابيل زين والله الله يبشرج بالخير تدرين خوالى شنو ينادونى فيه والله ينادونى

مو سرابيل لالا يقولولى حيا الله بصراوووووووووويل وأخوى يقول حق أمى يبى يشيشها على يقولها يما شفتى شمسميا روحا والله ما تستحى مسميه صراويل والله عقدونى وكرهونى فيه بس خلاص الحين الكل يعرفنى فيه بكل مكان صرت مشبوهه حمد الله والشكر شسوى بعد
واى إرقبتى قامت تعورى قرقت عليكم ويايد
محد قالكم تخلونى أنطلق

 

[^SwEeTa^]

رد : ديوانيــة المنتــدى .. سوالف و وناسه .. حياكم الله

أفــا عليج بنت الكويت .. بس كده .. الحين اروح الفرع اكودلج لبن اب الصغار و اوزع خخخخخ

 

[srabeel]

رد : ديوانيــة المنتــدى .. سوالف و وناسه .. حياكم الله

عاد نبى قوزى دياى لو سمحتو ما أبى لحم والتوصيل للمنازل

طراره وتتشرط

 

[^SwEeTa^]

رد : ديوانيــة المنتــدى .. سوالف و وناسه .. حياكم الله

درابيل حبيبة قلبي توني اشوف ردج لأنه صار بالصفحه اللي طافت

ذكرتني سالفتج بخدامتي .. هم اللي عندي يات تتحلطم جان ازفها و اشخلها شخال

قامت تبجي .. انا بروح و مابي اقعد .. اول ما يا ريلي جان اقوله ترى الخدامه تبي تروح

عاد انا عناد بسمعها .. قتله ودها باجر

عاد الصبح يوم قعدت ياتني تبجي و تحببني .. انا ابيج ماما انتي زين .. انا ما يبي روح

انتي خدامتج شنو ؟؟ هنديه ولا سيلانيه ؟؟

 

[xxx]

رد : ديوانيــة المنتــدى .. سوالف و وناسه .. حياكم الله

مشكورة سويتا على اللبن

سرابيل اشوا ان انحلت مشكلتج

لان حتى مسترجعات مافيه

شنو معنى سرابيل ؟؟

 

[سندريلا]

رد : ديوانيــة المنتــدى .. سوالف و وناسه .. حياكم الله

سلاااااااااااااااام
اشلونكم بناااااات شخباركم ولهانه على سوالفكم وايد وايد دود انشالله متيمعين على الخير وانا تمام والدوام تمام قاموا يخافون منيي يننتهمم تيننن عشون عيل بنت الكويت رفرف سويتا سرابيل اشلونكم وشخباركمم

 

[xxx]

رد : ديوانيــة المنتــدى .. سوالف و وناسه .. حياكم الله

هلا سندريلااااا

نور المنتدىىىىىىى

احنا بخير

انتي شلووووونج؟

 

[srabeel]

رد : ديوانيــة المنتــدى .. سوالف و وناسه .. حياكم الله

والله خدامتى يا سويتا أندونيسيه بس شسوى من قراتتى يبتها لأنى كان الحرب مع طدام وكنت أبى خدامه وكل يوم أروح أدور لين حصلت مالت مرت حمى أختى ما تبيها مع إنى لو أموت ما إييبلى ريلى أدونيسيه ولا فلبينيه بس من كثر ما فترينه وعندى ياهل علشان جذيه كلت والله أبها خلاص .

بنت الكويت الله يسلمج مذكره بالقرآن مرتين ومهناتها اللبس أنا ما كنت أدرى إنها البس إلا بعدين .

سندريلا والله بخير إنتى إشلونج يا الله توه نور الموضوع

 

[أنا وين ؟؟]

رد : ديوانيــة المنتــدى .. سوالف و وناسه .. حياكم الله

صبحكم الله بألف خير ياكويتيات

حبيت أبارك على المنتدى اليديد ... بس للأسف ما راح أقدر أدخل وايد بسبب البيبي ... بس ان شاء الله عقب ما تستقر الأمور ارد لكم مره ثانيه

 

[الشيف رقيقة]

رد : ديوانيــة المنتــدى .. سوالف و وناسه .. حياكم الله

السلاممممممممم عليكم حبوبات شلونكم ، والله ويمعتينا يابنوتة .. ماقصرت

سويتا بعد عمري والله مشكورة على القهوة الطيبة بس تراني مالحقت إلا على ريحتها ماشاءالله بنت البدو ماخلتني نتفة ، عليها بألف عافية ، وإنت كريمة وإحنا نستاهل وناطرين السكند كب ..

رفروفة شلون الابله العسرة خخخخخخخخ وشخبارها وشلون بنيتج عساها بخير يسلم قلبها والله .. ومبروك على السيارة اليديدة يعطيج خيرها ويكافيج شرها ، وسلمينا على نفيشة وقوليها ماتشوف شر وأجر وعافية ...

درابيل شخبارج ؟؟ يحليج والله في ديوانيتنا، خليج دوم متواصلة ويانا .. ترا أعجبك أنا .. خخخخخ

رحت معرض قرطبة صج إينن، أول مرة أشوف لبس وستايلات كلش غير عن اللي برة، يعني سوالف تشوق من قلب، وطبعا خميت سوالف حلوة رحتله يومين ورى بعض لأن أمس آخر يوم، عاد خذيت بديات وقمصان صينية حق البيت، وخذيت شبابيص ولبس حق بنتي حق القرقيعان بس صج يهبل وينفع حق الطلعة بعد ستايله غريب ، وخذيت الله يسلمكم بدلة عيد وإفتكيت .. صج تشوق تنورة شك كلها من فوق ليما تحت، طبعا بلبسها مع شي سادة لأن بصير قرقيعان لو لبست وياها شي مشير، المهم

ووياها جاكيت من نفس الشك هذا ينفع للعباة أو للجينز، ومرت أخوي شافته عاد خذت مثلي، ولا لمن نروح البيت ولا يطلع شوي كبير عليها لأنها عصلة حيل، خذيناه على 38 كامل الجاكيت وي التنورة، الحين التنورة تبيها لأنها لف وتنفع الضعيفة والمتينة بس الجاكيت شوي كبير عليها اللي تبيه تقولي ترى سعره 20 بروحه، عاد آنا شريت مثله ، ولو موشارية والله خذيته لأن صج يشوق، قولولي إذا تبونه أحط لكم صورته وكيفكم تبونه أو لا ..

وشنو بعد ياربي لفيناه كل وأخذنا بخور وملافع، والله لو عندي زود فلوس جان ماقصرت لأن صج فرصة ..

وسلامتكم

 

[xxx]

رد : ديوانيــة المنتــدى .. سوالف و وناسه .. حياكم الله

هلا بنات شخباركم عساكم بخير

أنا وين؟ حمد الله على السلااااااامه ومبروك ماياج يتربى بعزج انشاءالله

حسافه طافنا المعرض