ديوان الشاعر محسن المطيري

[امــــاني]

السلام عليكم ورحمة الله



ديوان الشاعر الكبير

محسن الهفتاء المطيري

كل جديد يخض الشاعر سيكتب في هذا الديوان ​

دارت بي الافكار فى كـل مافـات
..........واسترجعت بالذاكـره . ذاكرتهـا

مات الغياب وطاري الوصل مامات
..........يحيي قلـوبّ بالزمـن فاكرتهـا

الله على بعض المواقيف لا جاات
..........تاقف مشاعر خاطـري شاكرتهـا

يرتاح قلبي لا تذكرت الاوقاااااااات
..........يوم العيـون دموعهـا ناكرتهـا

اخذت لي في ماضي الوقت سجات
..........لـو الليالـي تتعـب مذاكرتهـا

وصار الزمن يمكر علينا بالاهات
..........حتي اصبحت بالذاكـره ماكرتهـا

ورااك يالذكرى على عزت الـذات
..........بين المفارق و اللقـاء حاكرتهـا

ما هوب حقّّّ تندفن مثل الامـوات
..........و تذكر بـليل و تنسي باكرتهـا

بعض المواقف تنحفظ بالملفـات
..........مزكرته مـن طيبهـا مزاكرتهـا

وبعض المواقف زحمة ّ بالمعانات
..........زين ,, المواقف لا لفت جاكرتهـا

دارت بي الافكار في كل ما فـات
..........واتسترجعت فيما مضى فاكرتهـا

دام الوصل عايش وللحين ما مات
..........تحيي قلـوبّ بالزمـن ذاكرتهـا​

 

[امــــاني]

اهل الردى ما يرخصون الردى فيك
..........طبع الردى وسط النفـوس الرديـه
واهل العلوم الغانمـه مـا تخليـك
..........لا بد مـا تلحـق عليـك و عليـه
يالأدمي وان كان خابـت هقاويـك
..........بيـن العلـوم البينـه و الخفـيـه
أصبر يجوز انك تحصـل مباغيـك
..........قـدام لا تلفـي علـيـك المنـيـه
دامك بخير و عايشّ فـي مباديـك
.........خلك على مبـداك صبـح وعشيـه
لا تلتفت باللى يحسـب خطاويـك
..........خلك على ممشـاك روحـه وجيـه
واحرص على اللى بالشدايد يخاويك
..........وقت الرخاء كلـن يحصـل خويـه
واحرص من اللي يبتسم لك ويخفيك
..........يخفى عنك بالقلـب عشريـن نيـه
نية ردى لـو قـال ربـك يعافيـك
..........نار الردى فـي داخلـه دوم حيـه
وده مـن الله كـل يـومّ بلاويـك
..........تكثـر عليـك و كـل يـومّ بليـه
جافه وخله يكتـوي مـن تجافيـك
..........فرقاه حسنـه يـوم لقيـاه سيـه
ولا تلتفت باللي يصـد و يناديـك
..........من صد .. صده يعتبر لـك هديـه
واللي من جروح الليالـى يداويـك
..........أجعل عيونك له عن الشمس فيـه
وأهـل النمايـم لا تعكـر لياليـك
..........تبقى النميمه بيـن اهلهـا عطيـه
وخلك على ممشاك واكمل مساعيك
..........ولا تلتفت باهل النفـوس الشقيـه
يمكن مـع الايـام تلقـى مباغيـك
..........و الا قبـل مبغـاك جتـك المنيـه​

 

[امــــاني]

صدفتن من دون موعد وأجتماع
..........بأن وجه الشر من وجه التقـاء

بانت وجيهن مغطيهـا القنـاع
..........القناع اللى على الوجه اللتقـاء

بان زيف الأقنعه والوجه ضـاع
..........بين حزبين العداء و الاصدقـاء

يا مكلمنـي عليـك الاستمـاع
..........ويا مرحبي يـدوم ابـك البقـاء

والسوالف طول كف وطول بـاع
..........من تبعها طول عمره ما ارتقـاء

والمحبه نور في درب الضيـاع
..........و المفارق يخلف اللي به هقـاء

يا قلوب ّ لا شبـاع و لا جيـاع
..........ما خسر حبّ على وضحاء النقاء

و الزمان يدور و الدنيـا متـاع
..........والحظيظ اللي يقّـدر مـا لقـاء

ماشين بالدرب والمقصد رفـاع
..........ولا كسبت من السنين الا شقـاء

أبذل المجهود قـدر المستطـاع
..........ولا تبعت اللى نزل و اللى رقـاء

والظروف احيان تعطيك انطبـاع
..........عن مقادير الزمان اللـى بقـاء

كل ما فكرت فـي فـل الشـراع
..........زاد عومي فيك يا بحر الشقـاء

أصعب اللحظات لحظات الـوداع
..........وأسعد اللحظات لحظات اللقـاء​

 

[امــــاني]

انا عزيـز وعزتـي راس مالـي
..........مابيعها لو هو بعشريـن مليـون

استـاذن اللـي ودهـم مايزالـي
...........وسط الضماير داخل القلب مدفون

يمكن يطول غياب محسـن ليالـي
..........والا يغيب شهور وسنين وقـرون

بس الوكاد اني مـن اول وتالـي
..........جيت الديار ورحت والعلم مدفـون

ولخطيت في حق الرفيق الموالـي
..........ولزعلت لي ناسأأ يجون ويروحون

اخذت لي عامين من طيـب فالـي
..........علي النقا لو قالوا اللـى يقولـون

العز عمي يومـه الطيـب خالـي
...........على سلوم المرجله جيت مفتـون

وان كان صارت بين مرأ وحالـي
..........وافترت النيات و أأبليـس ملعـون

ابقى على ذكرى الليـال الخوالـي
..........واشيلها بالقلب و القلـب ممنـون

حل الـوداع وعزتـي راس مالـي
..........مابيعها لو هو بعشريـن مليـون​

 

[امــــاني]

البارحه يوم غاب النجـم والنـور غـاب
..........عنانـي القـلـب والاقــدام عنيتـهـا

ومشيت رجلي غلا خطوه وخطوه عتـاب
..........يـوم المشاريـه سرتـنـي و سريتـهـا

والعين تنظر خطاء نظره ونظره صـواب
...........بيـن الخطـا والصـواب العيـن لديتهـا

وخليت بعض المشاعر فى طريقى زهـاب
..........حتـى ليـا بآنـت الأحــزان هديتـهـا

يمكن يطول الطريـق ولا يهـل السحـاب
..........ويمكن تلـوح البـروق اللـى تحريتهـا

والليل مظلم ولونه مثـل ريـش الغـراب
..........شبيـت نـاري ولا فــادت وطفيتـهـا

وجريت صوتي من الوحده بروس الهضاب
..........اللـى بعـد حضـر الهاجـوس عديتهـا

ياصاحبي كم وكم غنيـت والقـاف شـاب
..........كـم (ن)قصيـده علـى لامـاك غنيتهـا

يا صاحبي عينك المفتـاح والقلـب بـاب
..........والعين من صدها تقسـىآ علـى بيتهـا

كثر الجفاء لا تزيدة يـا عسـاه الذهـاب
..........كـم كلمة(ن)ودهـا تطـلـع ورديتـهـا

ما يستهين الحضـور الا كثيـر الغيـاب
..........ولا تستريـح الجـروح الا ليـا جيتـهـا

الود مثل الحياء والصـد مثـل السـراب
.......... كلمة وفاء قلتهـا لـك وأنـت موحيتهـا

ياما وياما نهيـت القلـب والقلـب تـاب
.......... عـن كـل حاجـه بهالدنـيـا تمنيتـهـا

يا صاحبي ضاق حرف السطر وسط الكتاب
..........وماتت حروفى علـى سطـري وعزيتهـا

وانـا سؤالـى لياهلحيـن مالـه جـواب
.......... أجـابـة الـوقـت خلتـنـي وخليتـهـا

اليا متى والخطا يشـره عليـه الصـواب
.......... والليـا متـى و المواقـف مـا تنسيتهـا​

 

[امــــاني]

على لحن الطيور اللي تجر الصوت بالأغصان
..........على نسمة عبيـر النـود لا هبـت هبايبهـا

على جور الغياب اللي يـزود علـة الولهـان
.......... على حزن العيون اللي تمنت شـوف غايبهـا

جمعت أحلى مشاعر خاطري من داخل الوجدان
.......... وغنت لي مشاعر خاطـري بأحلـى حبايبهـا

ودونت القصيده و القصيـده مالهـا عنـوان
.......... عناويـن القصايـد قدمهـا تدفـع ضرايبهـا

و خليت القصيده تفتخر في وقفـت القيفـان
..........وصفيت المعاني و الحروف أقفـت شوايبهـا

وغنيت القصيده والبحر يضرب على الجيـلان
..........وعلى نور النجوم الساطعه سـارت ركايبهـا

وأخذت من البحر ياقوت يومّ البحر عطشـان
.......... وأخذت من السماء نجمّ ينور لـي سحايبهـا

وقدرت الحنان اللى يقـدر بالشعـور أنسـان
.......... تقاديـر العيـال اللـى تقـدر دوم شايبـهـا

وخليت الوفاء نـوراّ ينـور سكـة الهجـران
.......... وخليت الغلا و الشوق فـي مقـدم كتايبهـا

وكفنت الجروح اللي منيتهـا مـن الحرمـان
.......... وخليت اللحد قلبي و مـن ضلعـه نصايبهـا

على شان أجمل اللحظات ما يقفي بها النسيان
.......... و تصبح ذكرياتي بيـن مخطيهـا وصايبهـا

جمعت الذكريات اللى لها في وسط قلبي شآن
..........و خليت الفرح ريس لهـا و الحـزن نايبهـا

على شان أجمل اللحظات تقفي بأخر الاحـزان
.......... وتاخذنـي مـن الاحـزان لا فلـة ذوايبهـا

على جور الغياب اللي يـزود علـة الولهـان
..........على حزن العيون اللي تمنت شـوف غايبهـا

جمعت أحلى مشاعر خاطري من داخل الوجدان
..........وغنت لي مشاعر خاطـري بأحلـى حبايبهـا​

 

[عزوتي خالديه]

رد : ديوان الشاعر محسن المطيري

لإ هـــــــــنــــــتـيـ

up

 

[الهوى الغايب.]

رد : ديوان الشاعر محسن المطيري

لاهنتي

 

[(النايفه)]

الله الله
رووووعه القصايد
لاهان الشاعر ولا هنتي يا
اماني على الديوان
وبنتظار كل جديد يخص
الشاعر محسن المطيري

 

[خيالة الـشـوق]

رد : ديوان الشاعر محسن المطيري

روووعــــــــــه...~


لاهنتـــــــــــــــــي يالغلااا...~

​

 

[(النايفه)]

اب
اب