د. احمد الشرهان ولا د. خالد العنزي ؟

[ĎєνiL.ĞιRL]

السلام عليكم ..


:eh_s(2):

انا وحده بصراحه خلاص لاعت جبدي من وضعي اضعف وارد امتن اضعف وارد امتن وصارلي على هالحال تقريبا 4 سنين وانا اعاني من زيادة الوزن من بعد ما كان جسمي مثالي :eh_s(2): !

وسويت دايت واشتركت بنوادي و بلعت بهالحبوب واشتركت بشركات تغذيه يعني ماكو شي ما سويته ..

كلها قطت فلوس عالفاضي لاني قاعده ارد امتن ..

فآخر حل الحين بلجأله من بعد ما حاولت كل شي وطاحت الاراده بالقاع اهو عملية التكميم ..

وزني حاليا 78 وطولي 158 ومحتاره بين الدكتور خالد العنزي وبين الدكتور احمد الشرهان ..

اتمنى تساعدوني بذكر ايجابيات وسلبيات الاثنين لاني من الحين وانا متصرقعه وقاعده احاتي معنه مارحت استشاره ولا شي بس ناويه خلاص بعطلة الصيف بسويها على شهر 6 ان شاء لله ..

وتنصحوني بمستشفى السيف ولا السلام ؟ لانه هم سمعت في اختلاف بوجهات النظر عن هالمستشفيين فبليز الي عندها خلفيه او معلومات مفيده ختساعدني وتطمني ..

وشكرا

:eh_s(7):

 

[barbie girl]

خالد العنزي و مستشفى السيف وبسسسسس وترى عن تجربه شخصيه .. وانا هم مجربه السلام مو شي السيف افضل

 

[اميره1980]

عن تجربة و نصيحة من اخت لا تسوينها اساسا
وزنج مو كبير و الدكتور ما راح يرضا تسوينها
اللي اعرفه ان يسوون التكميم للي وزنها 100 و فوق
حرام عليج تسوين جراحة ووزنج مو زايد وايد
سوي ريجيم و قطي 20 كيلو و خلاص ليش العملية
العملية اخر شي يفكر فيه الانسان مع اني مسويه تكميم و عند الدكتور خالد العنزي بمستشفى السيف بس لان كان وزني حيل كبير مو مثلج
انا كان وزني 140 و طولي 165 يعني شوفي الفرق بيني و بينج جم كيلو
مره ثانية اقولها حبيبتي لا تسوين تكميم وزنج ما يستاهل

 

[barbie girl]

اصلا الدكتور بيقيس كتلة جسمج وخالد العنزي راح يرفض يسويلج اذا ما تحتاجينها

 

[ĎєνiL.ĞιRL]

بنات انا مو مني والطريج قلت بسوي تكميم

قتلكم هذا كان اخر الحلول واسااسا ماكان ابالي بس تعبت وانا احاول بهالرجيمات والنوادي ..

الحين ارادتي 0 يعني مستحيل اسوي رجيم لانه كل الاوادم قاعده اشوفها جدامي اوزانهم كانت طن والحين صاروا اضعف مني والسبه العمليات !

محد قام يسوي رجيم فماقمت اتشجع , وحدي متأزمه ما قمت احب اروح السوق لانه كل شي حلو ما في سايزي :\ !

وناويه نيه عالعمليه لانه فاتحه اكل عالاخر بزيد وزني علشان لا يقولون ما نسويلج ..

فبليز ابي تشجيع لاني وايد متصرقعه لوول

 

[ĎєνiL.ĞιRL]

والي عرفته ان عادي يسوون الحين حق الي اقل من 100

قبل الي مايصير بس

 

[shams2008]

اسبوع الياي بسويها عند الشرهان وزني 86

 

[ĎєνiL.ĞιRL]

بشرينا اذا سويتيها , وقوليلنا تجربتج ..

الله يقومج بالسلامه