د عبير عوض(تم دمج جميع المواضيع الخاصة عن د. عبير عوض)

[shadona]

رد : رد: رد : رد: منتجات و اطباق خاليه من الكازين و الجلوتين !

وشحقه حلفي ؟ وثلاثمية مليون علامة تعجب!! :|



كل الي اعرفه انه الدكتورة عبير قالت هالمكزنات ممنوعه وعطتني لسته فيها - شلون الحين صار عادي بكميه بسيطه؟؟ وقالت لنا عن خبز الخالي من الغلوتين بمكان بمخبز نسيت اسمه
لي موعد قريب وياها راح اسئلها عن هالتوووست - اوكي حبوبه؟:eh_s(6):


عموما هدي اعصااابج !!!!! ما صار شي- الي عنده افادة ما يمنع نتشاركها - نبي مصلحه العامة والفايده حق للكل

اي حبووبة لاني مستغربة انه الدكتورة تمدحه لي .. و تال يطلع في مواد تخربط النظام الغذائي مالنا :eh_s(13):

عاد ولدي بعد قلبي يحبة و ما عندنا اختيارات حق ريوق وايدة .. ضاق خلقي صراحة .. بس هم ساليها بليز

 

[miss mama]

رد: منتجات و اطباق خاليه من الكازين و الجلوتين !

وولا يهمج

 

[& الذاهبه &]

رد: منتجات و اطباق خاليه من الكازين و الجلوتين !

بنات انتو سوو خبز نفس البان كيك بطحين الرز او الذرة نفس الجباتي

 

[حصووونه]

رد: خايفه على ولدي ان توحدي طمنوني اللي اتعرف بهالموضوع

بسم الله عليه مافيه شي انا بنتي ام سنه نفس الشي لما بالتلفزيون شي تحبه لو اموت ماترد علي اناديها وتنطش بس تخلص الي بالتيفي تلتفت لي اتوقع هذا طبع بالشخصيه

 

[أميرة الحور]

رد: خايفه على ولدي ان توحدي طمنوني اللي اتعرف بهالموضوع

هذا مو توحدي أبدا
التوحدي عنده صعوبة بالتواصل الاجتماعي
ويكون عنده صعوبة في التعلم واكتشاف الأشياء حوله وما يعطي اهتمام للمحيطين فيه

اما ولدج عنده تواصل اجتماعي واضح ماشاء الله عليه والدليل انه ينتبه انه يقلد حركات اللي حوالينه ويلعب معاهم
والتقليد صفة مستحيل يسويها الطفل التوحدي

اما سالفة انه مايرد عليج او ما يتفاعل مع اسمه يمكن تكون مشكلة غير عن التوحد وروحي للدكتورة وهي تحدد شنو السبب

 

[غند الراشد]

رد: خايفه على ولدي ان توحدي طمنوني اللي اتعرف بهالموضوع

حبيبتي انا ام لطفل توحدي وولدج ابدا مو توحدي ولافيه حتى سمات التوحد بس الي فيه اهمال منكم تكفيييين لاتهملينه اهم شي طفلج اهتمي فيه جابليه كلميه علميه حاولي تبعدين عنه كل شي يلهيه بالغرفه مثل اللوان او اللعاب او اي شي يلفت انتباهه واقعدي معاه وكلميه وحاولي انتي تلعبين معاه علميه الكلمات بالرسم يعني اقعدي ارسمي معاه علميه من الحين يمسك الملعقه وياكل خليه عاادي يوصخ ملابسه وكلميه بكل لحظه حتى لما تلبسينه وتبدلين له قولي اللون شنو النوع شنو حاولي انج تعلقينه فيج اكثر وخليه يختلط بالناس والاطفال ولاتهملينه بس انا ااكد لج انه مو توحدي بس عنده قله تركيز بس وعشان تتاكدين روحي لمستشفى سالم العلي واهم راح يعلمونج اكثر شلون تخلينه يركز والله يوفقكم ويبعد عنكم اي مرض

 

[miss-chocolate]

رد: خايفه على ولدي ان توحدي طمنوني اللي اتعرف بهالموضوع

بنات انا بعد بنتي

ما تركز اقعد معاها اقولها قصه

تلعب بايدها او بهدومها تلهي روحها باي شي

تطفرني اهي عمرها سنتين ونص

 

[العيناء]

رد: دكتور أسنان متخصص بالأطفال وذوي الإحتياجات الخاصة

دكتور وليد الديولي الحين وين راح كل موضوع يتغير مكانه مره بالفروانيه ومره بالجهرا الحين وينه ؟؟؟

 

[+بسبوسة+]

رد: دكتور أسنان متخصص بالأطفال وذوي الإحتياجات الخاصة

روحي دنتل ايت في مجمع البحر عندهم 2 اطباء اسنان اطفال

واحد احسن من الثاني اعنتقد واحد اسمه اسامه والثاني نسيت

اللعاب وتلفزيون ويساحلون الياهل


او روحي قماشة الجامع
تربطه وتشتغل!!!!
عقدت ولدي الله يسامحها

 

[بنت النخيل]

مدرسه هوب ؟؟؟؟

السلام عليكم ورحمه الله وبركاته[/center

حبيباتي كويتيات مالي غيركم اسالكم عن احسن مدرسه لعيالنا

انا حاطه ولدي في مدرسه التعليم الارشادي وصراحه اهي مدرسه فاشله بكل المقاييس

قالت لي الدكتوره عبير عن مدرسه هوب منو يعرفها وهل اهي زينه ولا لا انا سمعت ان فيها 9

اخصائيين تخاطب واهم ممتازين بس ماأدري عن اخصائيين السلوك فيها زينيين ولا لا ومنو جربها


واذا اهي مو زينه ياليت تحطون لنا المدارس المجربه الزينه تكفون لا تخلوني التعليم الارشادي لوعت جبدي​

 

[شيزيل]

رد: مدرسه هوب ؟؟؟؟

انا ولدي بهوب حاليا اهيا زينه بس مايكتب يكتسب لغه فقط ابيه يكتب حلوه مدرسته مهتمين بادق التفاصيل

 

[امبييه]

رد: مدرسه هوب ؟؟؟؟

مدرسة هوب فيها برنامج للأطفال العاديين والمدرسة تطبقوا على الأطفال الاحتياجات والمشكلة انو المدرسة ما فيها اي شي اسمه تعديل سلوك الطفل بروحه وما عليه اي رقيب داخل الفصل والامهات الي في المدرسة يكتبون عن سلوك ابنائهم

 

[بنت النخيل]

رد: مدرسه هوب ؟؟؟؟

شيزل /أمببيه

مشكورات حبيباتي

زين منو يعرف مدرسه النبراس بالجليب زينه ولا لا تكفون ساعدوني

 

[امبييه]

رد: مدرسه هوب ؟؟؟؟

اختي شنو تشخيص ولدج

 

[هيفــاء]

رد : خايفه على ولدي ان توحدي طمنوني اللي اتعرف بهالموضوع

طمنينا رحتي للموعد...؟

 

[المستغفرة 74]

رد : خايفه على ولدي ان توحدي طمنوني اللي اتعرف بهالموضوع

من صفات التوحدي انة يحب يعيش روتينة اليومي وما يحب التغيير .
وايحب الترتيب بدرجة موطبيعية مثلا ولدي اذا راح معاي الجمعية وبالغلط طاح شيء من الرف يتضايق ويعصب حيل الا يرتبة ويبية بنفس الترتيب الي قبل وتلاقينا بس نرتب الجمعية ونعدل اغراضها .
واذا عطيتة لعبة مكعبات يرتبها فوق بعض او ورا بعض ويحط الالوان المتشابه مع بعض .

 

[بنت النخيل]

رد: مدرسه هوب ؟؟؟؟

مشخصينه من زمان توحد
بس الدكتوره عبير تقول موتوحد ابدا وانما تاخر ادراكي

مشكوره امبييه ما قصرتي حبيبتي

 

[الصابرة المحتسبة]

رد : مدرسه هوب ؟؟؟؟

وعليكم السلام

هلا وغلا بالغالية

يقلبي لاتحاتين ولا شي استخيري قبل لا تختارين المدرسة وان شاء الله بترتاحين

هوب مريتها وعجبتني بس ما قبلوا الويل جير.

 

[الصابرة المحتسبة]

رد : خايفه على ولدي ان توحدي طمنوني اللي اتعرف بهالموضوع

باسم الله عليج ياعمري وعسى ربي يطمن قلبج

ما فيه الا العافية ان شاء الله وان شاء الله تبشرينا بالأخبار الطيبة

ولا تستسلمين للوساويس أعوذ بالله منها وتفائلي بالخير تلاقينه .

 

[q80_girl]

أمهات التوحد أنا بحاجة لمساعدتكم

السلام عليكم ورحمة الله وبركاته

خلوني اشرح لكم قصتي واتمنى من اي احد يقدر يساعدني ولو بأي معلومة تعيني بوضعي الحالي

أنا عندي ولد اخوي وعمرة 5 سنين و3 شهور وتم تشخيصة بالتوحد من سنين والولد أمه توها توفت من قبل كم شهر الله يرحمها
والحين انا احاول اتأقلم مع حالته واني ابدأ معاه برحلة العلاج إلى أن يصل ان شاء الله أنه يصير طفل طبيعي يا رب
قريت بمنتداكم عن الدكتورة عبير عوض (استشارية طب الاطفال التطوري) ودورت على رقمها واتصلت عليها واخذت منها موعد قبل اكثر من شهر الدكتورة جدولها مزحوم لأني يالله حصلت موعد بعد شهر ، عموما كان موعدي معاها الاسبوع هذا يوم الأحد 24/10/2010

حضرت بالموعد ومعاي الطفل وبعد ما سلمت على السكرتيرة أول شي قالته لي السكرتيرة (مين اللي حيدفع ؟؟) انصدمت منها بس ضحكت بقلبي وقلت من أولها !!!! :eh_s(14):

دفعت ال200 دينار ماعلية الفلوس تروح وتجي بس اهم شي ان شاء الله نشوف نتيجة ، الممرضة خذت الطفل وقاست وزنه وطولة ومحيط الرأس ، وبعدها دخلنا غرفة فيها ألعاب وطاولة بالنص وحولها كراسي أطفال
نطرت الدكتورة ومعاي الولد تقريبا 10 دقايق وبعدها دخلت وسألتني عن الطفل ، وليش راجعناها لأن الطفل كان له ملف عندها من قبل سنتين بس أهله انشغلوا عن تكملة العلاج معاها، وكانت فارضة عليه من قبل سنتين حميه منع من:
1- الحليب البقري ومشتقاته أو الحيواني بكل أنواعة.
2- ممنوع من الطحين والمعجنات.
3- طلبت أن يشرب حليب الصويا.

شرحت لها الموضوع وظروف الطفل واني راح ابدأ من جديد معاه واكمل العلاج ، طلعت الكتورة من ملف الطفل نتايج تحليل كانت باعثتها لأمريكا وورتني نتايج التحليل وشنو النسب اللي كانت مرتفعة عنده واللي سببها منتجات الحليب ، وقالت لازم يكمل الحميه واننا راح نلاحظ النتايج بعد 3 شهور أو 6 شهور بس أهم شي الالتزام بالحميه
ووصفت لنا فيتامينات تساعد الطفل

للريوق :
super nu-thera

يساعد على النطق والتخاطب
يساعد على تحسين عادات النوم
يساعد على الانتباه
يقلل من الحركة الزائدة
يحسن الصحة العامة

للغداء :

نفس الكبسولة السابقة
super nu-thera

+

Dimethylglycine (DMG) with Folinic Acid &B-12

يساعد على النطق ويحسن من قدرة الطفل على تركيب جمل بسيطة .
يحسن من القدرة العقلية للطفل .
يحسن من قدرة الطفل على التركيز واستخدام الألعاب.

للعشاء :

GABA with Niacinamide & Inositol

له مفعول المهدئ ويساعد على الاسترخاء.
يساعد على نوم مريح .
+
L-Taurine

يطلق عليه الحمض الأميني للدماغ
فوائدة:
- يغذي الخلايا العصبية للدماغ.
- يساعد على استقرار الأغشية المخاطية.
- لديه وظيفة مهمة جدا كمضاد للأكسدة في الكريات البيض في الدم والخلايا الليمفاوية. هذه الخلايا هي مهما في حماية الجسم من المواد الغريبة والكائنات الغازية.

قبل النوم:

omega-3 chocolate

والأوميجا 3 غني عن التعريف ومعروفة فوائدة
تعد الحوامض الدهنية أوميغا 3 أحدى أهم الأحماض الدهنية للجسم. هذه الدهونِ الخاصّة يمكن أن تساعد على خفض
ضغط الدمّ العالي، ومستويات الكولِسترول والالتهابات في الجسم.على أية حال، هناك أحماض دهنيةَ أوميغا 3 الموجودة في
زيوت الاسماك والتي يمكن أن تلعب دورا هاما جداً في النمو العقليِ والطبيعيِ لطفلك.

الأحماض الدهنية أوميغا 3 الموجودة في زيوتِ الأسماك:
) 1حامض (Eicosapentaenoic " EPA "
) 2حامض (Docosahexaenoic " DHA "

وجد العلماء بأن حمض " DHA " و حمض " EPA " يوفران العديد من الفوائد الصحيّة للنمو الجسماني. " DHA " أحد الحوامضِ الدهنية الأساسية الموجودة
في نسيجِ دماغِ الإنسان.هذا وقد وجدت الدراسات بأن الأمهات المرضعات عندما يأخذن مكملا غذائي يحتوي على حمض " DHA " فأنه يعبر إلى أطفالهن الرضع
. وتبين أن هؤلاء الاطفال الرضع يملكون قدرات عقيلة وبصرية أفضل من الطفال الرضع الذين لا يحصلون على " DHA " من أمهاتهن.

كما وجدت دراسات أخرى بأن بعض الاطفال الذين يعانون من التوحد يعانون من نقص حاد في مستويات الأحماض الدهنية أوميغا 3.
وينصح بإعطاء الأطفال مكملا غذائيا يحتوي على زيت السمك لتحسين السلوك والانتباه.

هذا وقد وجدت دراسة أخرى بأن الأطفالِ الذين يعانون من صعوبات في التعلمِ تَحسّنوا في القراءة والتهجّئة والسلوكِ بعد إكمال حميتهم بهذه الزيوت.

* جميع هذه الأدويه موجوده بمكانين فقط في الكويت عند محل فيتامينات (RESULTS) موجود بالأفنيوز والمارينا
طلعت فاتورة الفيتامينات تقريبا 80 دينار من غير الحليب لأنه ماكان متوفر عندهم

ونصحتنا الدكتورة بحليب خالي من حليب الأبقار اسمه Vance’s™ DariFree نشترية من نفس محل الفيتامينات(RESULTS) شريته بعدها بكم يوم

سعرة 9 دنانير

وفي منه بنكهة الكاكاو

سعرة 8 دنانير

وعطتني قائمة الأغذية المسموح والممنوع

1- نمنع الحليب الحيواني وكل مشتقاتة
البدائل : حليب الأرز Rice Milk

2- نمنع السكريات
مثل : الآيس كريم والشوكولاتة والحلويات والبسكويت.
البدائل : سكر الفواكة
جميع الفواكة
العسل الطبيعي
3- نمنع المواد الحافظة والملونة
مثل : المشروبات الغازية وغيرها.

المواد الغذائية المسموح بها

بيض
لحم
دجاج
سمك
رز
جميع الفواكة
جميع الخضراوات
جميع البقوليات مثا( العدس - الحمص والفول)
زيت وزعتر

وقالت ان القمح والشعير والشوفان مسموح فيه مثل : الخبز والمعكرونة والكيك بس لا يدخل بمكوناتها الحليب الحيواني

قالت ممكن نستخدم الخبز الايراني والخبز اللبناني لأنه ما يدخل بمكوناتة الحليب ، وفي توست موجود بمركز سلطان خالي من الحليب.


لاحظت الدكتورة أن الطفل بحاجة لتقويم سلوك وعطتني رقم اخصائي تقويم سلوك للإحتياجات الخاصة (أحمد البرماوي )
اتصلت عليه وحدد لي موعد ، يوم الاربعاء 27/10/2010

رحت لمركز سلطان ثاني يوم ، ودورت على منتجات خالية من الجلوتين وخاليه من الكازين لأني قريت بكل المواقع أن طفل التوحد المفروض نمنعة من أي منتجات يدخل بتكوينها هالمادتين

لقيت حليب الأرز

ولقيت منتجات شور

الحلويات

اللي تقدر تساعدني بوصفات اقدر اسويها من الطحين لأني حاولت اسوي خبز طلع مأساة

وانا حاليا متقبلة أي نصيحة لأني توني بادية مشوار التوحد واتمنى مساعدتكم لي

سمعت بشي اسمة تحليل بالرنين المغناطيسي ... وفي بس دكتورة وحدة بالكويت هندية بس للحين ما حصلت اي معلومات عنها ولا قريت عن هالموضوع أي شي
اي احد عنده معلومات يساعدني فيها وله الأجر ان شاء الله

تعبت من الكتابة وراح اكمل لكم شنو صار معاي لما رحت لأخصائي تقويم السلوك وشنو الأغراض اللي شريتها من الجمعية ان شاء الله