د.مني اتقي

[^لغموضي معاني^]

السلام عليكم ورحمة الله وبركاته
بنات ضرووووووووووووووووووووووووووووووووووووووووووووووووووووووووووري
ابي اسال عن الدكتورة مني التقي شلون نظامها من كل النواحي الدرجات والشرح والمعاملة والامتحان
مادة مدخل علم الاحياء :rgewrg:

 

[سكرة،]

وعليكم السلام
شوفي أنا أخذت عندها من زمان مدخل أحياء وطبيعة .
الدكتورة هذي أحبها حبوبه ومحترمه وحليوه بس عيبها امتحاناتها وااااااايد
نظامها تاخذ الحضور والغياب أول بأول وعادي إذا تبي تطلعين ما تبي أحد يستأذن منها ويقول بطلع عشان لا تشوشرين عليها شيلي قشج ومع السلامه .
واهي تشرح عن طريق البرجكتر شفيفيات وماله داعي تكتبين معاها كل محاضرة تعطيكم أوراق وإنتي تجمعينهم عندج وفي النهاية يصير عندج نوت هذي عبارة عن المقرر
أما بالنسبة للإمتحانات صمي المذكرة الامتحان مايطلع منها بالمررررررررررررره
صج ان امتحاناتها واااااايد بس على فترات وعلى فكرة الفاينل كان كل المقرر من أوله بس لا تخافين ترى سهل وانتي تكونين دارسته مجرد مراجعه
نصيحة ادرسي أول بأول لأنه إذا تراكم يصعب عليج الحفظ
أتمنى أكون فدتج وأي سؤال أنا حاضره .

 

[^لغموضي معاني^]

مشكورة حبيبتي
شرح وافي وكفيتي ووفيتي
عسي الله يوفقنا وسهل علينا