د مهجة البدر شرائكم فيهااا

[ابدا يالغالي مانساك]

السلام عليكم ورحمة الله وبركاته

بنات د مهجة البدر شرائكم فيهاااا
للي جربهاا وفادتهاا تقوول لي تجربتهااااا

 

[&هند&]

انا رحت لها الكل مدحها لي كان فيني التهاب وعورتني يوم فحصتني وغير جذي كلمني بطريقه ان ما افهم مدري شلون ما ارتحت لها كلش غير عن دكتورتي رائده سوت لي تلقيح مو فحص ولا حسيت بشي وتعاملها جدا راقي وحتى زوجي جننها بالاسئله وتجاوب عليه وهي تبتسم

 

[ابدا يالغالي مانساك]

تسلمي حيااتي هنود

نااطرين البناااااات وتجاربهم مع هالدكتوره

 

[الزيـــــ^^ـــــن]

،،

هلا ابووده قلبي
انا ساامعه انها وااايد زيينه بس للاماااانه بعمري مارحت لها
ان شالله البنات يفيدونج

 

[أم معاذ الكندري]

للامانه انا مارحت لها بس اغلب بنات الدوام يقولون راحت عليها واعتقد انها اكبرت

 

[لذه السكر]

مسكينة كبرت رحتلها اول عرسي وانا ما افهم شي بامراض النسا مع هذا حسيتها موذاك الزود

 

[Zaina-al-zaina]

اللي اشوفه انها فوق الممتازه روحي لها وتوكلي عالله !!

 

[زين ودلال]

الله يسخرلج الدكتوره الزينه يارب

 

[اخت خالتهم]

بالعكس وايد زينه وما تخرررعج نفس الدكاترة
كان فيني تكيسات مو تكيس لا اللي مثل اكياس صغيرة ..


ورحتلها قلت قالولي عملية و هذا جيس عالمبيض
قالت منو خرعج هذا عادي و بعد الزواج يتعدل
و سوي رجيم لو 3 كيلو وبيروح
وفعلا راح مثل ما قالت لي

توكلي على الله

 

[ابدا يالغالي مانساك]

تسلموون بناااااااااات


اب اب

 

[قَلبڪْ صًخرْ]

اللي اعرفه عنها انها كلش مو ماديه
ومو مثل باجي دكاتره بس
تبي تسوي لج اي علاج عشان تمص قلبج
في دكاترته يعالج النمله بدبابه
بس عشان يقولون عنه اني تعالجت عنده
وهو ممتاز على ان لو يصبر عليج
نفس اخت خالتهم بس رجيم نفع معاها
لو غيرها مصو قلبج بالادويه


بس هذا رايي

 

[أم ركووووووو]

والله انصحج فيها ابد ماانساك يالغالي انا امس بديت اعالج عندها والله تهبل وحبوبه وعسل والي يقول راحت عليها وماتريح هذا كل واحد واختياره والله جنها امج ولا اتقولين دكتورة وبعدين مو ماديه كلش فتح ملف مع فحص ب١٠ وسونار داخلي ب٢٠ ولا قالتلي اني اسوي تحاليل بالحكومه لان اجهزتهم احسن من الخاص عشان احتمال فيني غده وان شاءالله يارب رايحه ولا فيني يااااااارب
وعطتني موعد ثاني يوم الدورةالشهر الياي وسوتلي السونار الداخلي وقالت كل شي سليم الحمدالله وحتن دعتلي وقالتلي ان شاءالله اتكونين حامل يايتني حامل واهم شي انها نفسيتها عسل حيييييل
واذا بتروحين قولي عشان اعطيج ايام الدوام عندهم
وسلامتج ويارب انه الله يرزقج ويرزقني ويرزق كل محرووووووومه الذريه الصالحه عاجلاًغير اجل

 

[مناوووي]

رررررررفع

 

[رآآحٺ آيآمڪْـ]

آب آب لعيونج ً

 

[كستنائيـة ع ـسل]

ممكن مكانهااااا خالتي تبي تروح لهاا

 

[أم ركووووووو]

عنوانهم حبيبتي كستنائيه عسل
شرق شارع احمد الجابر عمارة العوضي يم مطعم التاوه التاوه يكون بالزاويه اهوا كملي شوي سيده نفس اللاين
رقمهم عشان اذا ضيعت خالتج ادق وتستفسر 22413282
وسلامتج وان شاءالله الله يرزق خالتج ويرزقني ويرزق كل محرومه الذريه الصالحه عاجلاً غير اجل يارب:yaaaaaarb::yaaaaaarb:

 

[ابدا يالغالي مانساك]

تسلمون بناات فديتكم

حبيبتي ام ركووو فديتكك

 

[كستنائيـة ع ـسل]

عنوانهم حبيبتي كستنائيه عسل
شرق شارع احمد الجابر عمارة العوضي يم مطعم التاوه التاوه يكون بالزاويه اهوا كملي شوي سيده نفس اللاين
رقمهم عشان اذا ضيعت خالتج ادق وتستفسر 22413282
وسلامتج وان شاءالله الله يرزق خالتج ويرزقني ويرزق كل محرومه الذريه الصالحه عاجلاً غير اجل يارب:yaaaaaarb::yaaaaaarb:

‏​​​ثآنكس يآعسل ..♡ ;

 

[أم ركووووووو]

العفو حبيبتي ابد مانساك ماسويتلج شي والله نصيحه مني لج روحي وانتي مغمضه

 

[أم ركووووووو]

العفو ياكستنائيه ياعسسسسل والله يثبت حملج ان شاءالله وتولدين بالسلامه انتي والبيبي يااارب