د.ناهـــــــدة العلي

[panadola123]

بنات شنو سالفة ناهدة العلي؟؟
انا سمعت ان مسكرين عيادتها صج؟؟ وليييش؟؟؟؟:eh_s(1):

 

[ضي2007]

لا حبيبتي كان عندها ظروف والحين اهيا فاتحه عيادتها من زمان .. انا اراجع عندها

 

[الاسطورة]

الحمد لله ردت عيادتها
بس كانت ماخذه اجازه ومسافره
وكان في تعديلات بالعياده

 

[panadola123]

بس في بنت في ركن الطلبات كاتبه إن مسكرينها لخطأ طبي!!!

 

[الاسطورة]

شوفي يا عمري انا راده على اختي الغاليه ام عفاف
بموضوع ثاني
وهذا اهو الرد:







ام عفوووووووووووف
حبيبتي
اخذيها مني والله وانا اختج
روحي عند ناهده وانتي مغمضه وجربي تروحين اول مراجعه
ومن عقبهاحكمي اذا ارتحتي لها او لأ




وصدقيني كل الكلام الي انقال عنها جذب
شوفي اختي الغاليه
دكتوره 25 سنه تشتغل بمجالها ماعليها اي شكاوي او مشاكل
وبس هالسنه الي صارت لها مشكله صغيره والكل كبرها
وزاد البهارات
وحده تقول شقت رحم وحده
والثانيه تقول شالت رحم وحده
مع الاسف هالكلام كله اشاااااااااااااااااااااااااااااااااااااااااااااعات صدقيني
والصج ان وحده من المدامات دشت المستشفى فيها ولاده ومثل العاده المستشفى دقو على ناهده
وناهده وصتهم يعطونها نوع مسكن
والظاهر هالمسكن ماطاح على هالمريضه
وبس
قامت وقدمت شكوى يعني لاشقت رحم وحده ولا شالت لها شي





وهالكلام موثوق فيه
لان اختي تشتغل بالتراخيص الطبيه واي شكوى تصير على اي دكتور عنده عياده خاصه
لازم تمر عندهم
واهي بنفسها قاريه الشكوى

 

[سيلينا]

انا اراجع عندها كانت مسكره لمده شهر عشان مسافره وبس رده عادي ردت مراجعاتها

 

[المحاميه]

يمكن ساحبين الرخصه لخطأ طبي لفتره مؤقته

 

[ام عفاف الكويت]

انا موعدي كان الخميس اللى طاف
سوت تعديلات على عيادتها وسافرت شهر بس
حتى الاثاث يديد
والصبغ والديكورات مبين من شكلها

 

[sweeta77]

حبيبتي انا امس عندها
وهي كانت مسافره....وبنفس الوقت جددت العياده
حتى باين الصبغ غير

 

[لؤلؤية]

انا مراجعة عندها

وبنفس اليوم اللي صكت عيادتها...كان عندي موعد بتاريخ 28 /5
دقوا علي وقالولي انه عندها ظروف..قلت لهم يعني باجر موجودة..؟؟
قالولي ماندري..احتمال

يعني مو مسافرة..يمكن سافرت عقب...العلم عند الله
وصح عيادتها الحين مصبوغه..

وسالفة الغلط الطبي صج...
والمعلومة قالها لي دكتور كان موجود بمستشفى دار الشفاء بنفس يوم الحدث
واهو بنفسه كان عنده عمليات...وقال انه طلبوا دم للمريضة وانحاس المستشفى وقال الشهادة لله انها ممتازة...والغلط وارد وممكن يصير للكل..وللعلم الدكتور تخصصه يختلف نهائيا عن تخصصها

بس هالشي مايمنع انها دكتورة ممتازة..وجلا من لايسهو

واستغرب من البنات اللي ماعندهم خبر بس ينكرون

المهم عقب دقوا علي وحددولي موعد يديد بتاريخ 30/6
وراجعت عندها...وماني مفكرة اغيرها..لاني مقتنعه فيها...واحب تعاملها واخلاقها
والولادة سهاله من رب العالمين..مو بيد الدكتورة ولا غيرها

البارحه كان عندي موعد معاها...
ودقوا علي قالولي لا اتيين لانه عندها ولاده..وراح ندق عليج نحدد لج موعد يديد...وهذا انا ناطرة

والحين عيادتها مفتوحه عاااادي..

 

[ktkota_we9we9]

ترى الدكتوره مافيها شي ولا عليها شي المره سافرت لضروف خاصه مالها علاقه بشغلها وردت

 

[-Bello-]

انا مراجعة عندها

وبنفس اليوم اللي صكت عيادتها...كان عندي موعد بتاريخ 28 /5
دقوا علي وقالولي انه عندها ظروف..قلت لهم يعني باجر موجودة..؟؟
قالولي ماندري..احتمال

يعني مو مسافرة..يمكن سافرت عقب...العلم عند الله
وصح عيادتها الحين مصبوغه..

وسالفة الغلط الطبي صج...
والمعلومة قالها لي دكتور كان موجود بمستشفى دار الشفاء بنفس يوم الحدث
واهو بنفسه كان عنده عمليات...وقال انه طلبوا دم للمريضة وانحاس المستشفى وقال الشهادة لله انها ممتازة...والغلط وارد وممكن يصير للكل..وللعلم الدكتور تخصصه يختلف نهائيا عن تخصصها

بس هالشي مايمنع انها دكتورة ممتازة..وجلا من لايسهو

واستغرب من البنات اللي ماعندهم خبر بس ينكرون

المهم عقب دقوا علي وحددولي موعد يديد بتاريخ 30/6
وراجعت عندها...وماني مفكرة اغيرها..لاني مقتنعه فيها...واحب تعاملها واخلاقها
والولادة سهاله من رب العالمين..مو بيد الدكتورة ولا غيرها

البارحه كان عندي موعد معاها...
ودقوا علي قالولي لا اتيين لانه عندها ولاده..وراح ندق عليج نحدد لج موعد يديد...وهذا انا ناطرة

والحين عيادتها مفتوحه عاااادي..

النفس اللي انتي سامعته ومتاكده منه انا سامعته وصارلي .. هم انا اجلولي موعدي وقالولي عندها ولادده وظرووف وبنتفس الحزه طول شهر خمسه وكنت تعبانه حدي وسبحان الله ربي ماكتبلي روحه عندها وولدي مات الله يعوضني خير

 

[الحور]

حبايبي لبش تكبرون السالفه الاخطاء وارده فليش مكبرين المسئله واللي صار كتبت الله وهيا مومتعمده ..
هيا الحين موجوده توني مراجعه عندها وماخذا طبيه من عندها الاسبوع اللي طاااااااااااااااف ..

 

[NoOoN]

حبيبتي الاسطوره
سالفه شايله رحم وحده انا أأكدلج اياها
لأنه انا اشتغل اب بنك الدم المركزي بالجابريه ودار الشفا اب يوم ولاده البنت هاذي على ايد د.ناهده صار لويه البنك عندنا واهل البنيه كلهم ياو يبجون يبون لها دم!! البنت نازفه لين قايله بس وصار غلط بالعمليه "قيصيريه" وياباو دكتور من مبارك ايوقف نزيفها!
مع كل هذا هم الدكتوره مهما كان انسان يعني الغلط لابد منه
بس السالفه صج ترا مو اشاعه

 

[لؤلؤية]

اختي اللي تقول كبرتوا السالفة...

يشهد الله ما كبرنا ولا زدنا اي شي...هذا الصج..

يعني لازم امدح وانافق..واقول جذب واشاعات...وانا اعرف الحقيقة وساكته ؟؟؟!!
حتى حراام علي ..ربي بيعاقبني..ماني ملزومة اجذب عشان ارضي البشر


والغلط وارد...هذا كلامنا من الاول...يعني ماكو شي جديد

والدليل انا كاني للحين اراجع عندها...واهي باذن الله اللي بتولدني...


ومنو قال متعمدة..؟؟؟
لا حشى ماقلناها..باجر ورانا حساب وعقاب...
ومستحيل اصلا تتعمد ..لاسمعتها ولا اخلاقها تسمح لها


والله يسهل على الجميع

 

[شمس الكويت]

ناهدة تكتورة زين واتباشر عملها بصدق وامانة واحسن دكتورة

 

[لؤلؤية]

البنوته

حبيبتي عسى ربي يعوضج بالخير
وعساه شفيع لج بيوم الدين

 

[MALHoOoFA]

الدكتوره ناهده رحتلها مرتين من قبل 6 شهور وليلحيني متحسفه وبالليل قبل لا انام افكر وابجي من كثر ما انا متحسفه، السبب انها سوتلي تنظيفات ومن ثاني يوم من العمليه لمدة اسبوع انا كله بالمستشفى آخر شي طلع السبب انها مو منظفتني عدل، تخيلوا الله رحمني وطاحت مني المشيمه عقب اسبوع من العمليه ورحمي انشق نصين، وكاني ليلحين دورتي كله تنزل بحبوب ومو قاعد يصير حمل، الله كريم والله ياخذ حقي منها، هالدكتوره تحب الفلوس والدليل انها تاخذ كل مريضه اتييلها وطبعا على حساب صحتنا احنا، الحمدلله على كل حال والله كريم انشالله​

 

[panadola123]

بس والله وكلمة الحق تنقال .. حرااام ربنا بيحاسبنا على كلامنا..
الدكتورة شاااااااطرة وتأدي شغلها بكل أماااااااانه..
واهي مو ملاك.. اهي بني آدم .. وبني آدم معرض للخطأ

 

[سفيرة العشق]

انزين انا رحت لها يوم الخميس ولقيت عيادتها مسكرة ؟

هي اجازتها يوم الخميس؟؟؟

ومتى مواعيد العيادة؟؟

لأني ابي اراجع عندها ...