مساء الخير عزيزاتي الحوامل
حبيت أنقل لكم تجربة ولادتي مع د. نجلاء الزعفراني ومستشفى رويال حياة لكل اللي يهمه الموضوع ..
راح أقول لكم بالضبط شنو صار معاي من بداية حملي ،، طبعا هذا أول حمل لي ،، بالبداية كنت أراجع بمستشفى السلام عند دكتورة منال زهدي بس أبدا ما عجبني الوضع زحمة وماكو مواعيد أروح وأنطر بالساعات وأنا كنت تعبانة وأتنسى ما فيني شدة عالنطرة ،، من جذي قررت أروح رويال حياة والدكتورة نجلا ،، والحمدلله ياارب اني غيرت ورحت لهم ،، المستشفى هدوء وجدا جدا مريح وزيارة الدكتورة بالموعد وبالساعة والدقيقة والمواعيد مضبوطة ،، والدكتورة تهبل عسل أنا وزوجي جدا ارتحنا لها ،، طول فترة حمالي كنت سعيدة وياها ،، وكنت أحاتي وقت الولادة مادري شلون بتصير خاصة ان هذي اول ولادة لي معاها ،،
دشيت شهري وطفت اسبوعين وقالت لي انها بتفحصني وبعد الفحص قالت ان الرحم فاتح 2 سم وانا ماكنت حاسة بطلق ،، قالت نطري بعد أسبوع ونشوف شيصير ، وعقب أسبوع نفس الشي رحت وفحصت وكنت فاتحة 3 سم سوتلي توسيع وقالت اذا ما ياج طلق تعالي بعد 3 ايام نولدج طلق صناعي لان عنق الرحم عندج جدا رطب والطلق الصناعي راح ينفع معاج بنسبة 100٪ باذن الله
ماياني طلق ورحت بالموعد اللي قالت لي عليه عشان تولدني وكنت حدي خايفة مادري شنو بيصير معاي ،،
دخلت ولبسوني لبس الولادة ويتني دكتورة الطوارئ تفحصني ومارضيت قلت محد يجيسني الا دكتورتي وفعلا والله ماقصرت خلت عيادتها وصعدت لي فحصتني ودخلوني غرفة الولادة ،،
طبعا الغرفة من أروع ما يمكن كبيرة وفيها تلفزيون وحاطين مصحف ومسجلة وكرسي هزاز وغنفة حق الشخص اللي يدخل وياج ،، ياتني دكتورة من قسم الطوارئ اسمها إلهام عشان تفتح الماي وكانت هالطبيبة عسل حيل متفهمة خوفي وكنت حيل مخترعه ومو راضية اخليها قامت وحطت لي كمام عشان ما احس بشي ،، وعقب طلبت ابرة الظهر وطلبت دكتور عمر الخطيب وكان الدكتور اينن وايده حيل خفيفة الحمدلله يارب ،، وعقب ركبولي الطلق الصناعي من الساعه 2:30 وولدت الساعه 9:55 وطبعا طول فترة الطلق جابلتني السستر مجابل والله المدح ما يوفي والدكتورة يتني مبجر وجابلتني وماقصرت معاي طول فترة الولادة وبعد الولادة يتني وباستني ولما راحت بيتها اتصلت على السستر وطلبت تكلمني وتتطمن علي وطول فترة اقامتي بالمستشفى كل الدكاترة اللي زاروني كانوا ايننون والتعامل جدا راقي لدرجة ان ما ودي اطلع من المستشفى ،، الخدمة روعه والعناية أروع والاكل كان لذيذ صج تجربتي مع دكتورتي نجلاء الزعفراني ورويال حياة وايد حلوة لدرجة تخليني ما أخاف من إني أعيد تجربة الولادة ،،، صحيح المستشفى غالي بس صراحة صج اللي يقول حط فلوسك بالشمس واقعد بالظلال ،، احنا قاعدين نصرف فلوسنا على خرابيط ليش أحرم نفسي من تجربة ولادة مريحة ،،
كان حسابي 3300
احتجت أقعد بغرفة الولادة يوم كامل تقريبا
وقعدت بغرفة ليلي يوم
واخذت غرفة اللوتس حق استقبالي يومين
وطبعا اللي تفكر تولد هناك ما تحتاجين فوط ولا فرشة ومعجون ولا شامبو وصابون وليفه وكريم كل شي موجود ومتوفر
عشت كأني ملكة طول فترة إقامتي هناك
تجربة فعلا لا تنسى ،، والحمدلله يارب ألف مرة
حبيت أنقل لكم تجربة ولادتي مع د. نجلاء الزعفراني ومستشفى رويال حياة لكل اللي يهمه الموضوع ..
راح أقول لكم بالضبط شنو صار معاي من بداية حملي ،، طبعا هذا أول حمل لي ،، بالبداية كنت أراجع بمستشفى السلام عند دكتورة منال زهدي بس أبدا ما عجبني الوضع زحمة وماكو مواعيد أروح وأنطر بالساعات وأنا كنت تعبانة وأتنسى ما فيني شدة عالنطرة ،، من جذي قررت أروح رويال حياة والدكتورة نجلا ،، والحمدلله ياارب اني غيرت ورحت لهم ،، المستشفى هدوء وجدا جدا مريح وزيارة الدكتورة بالموعد وبالساعة والدقيقة والمواعيد مضبوطة ،، والدكتورة تهبل عسل أنا وزوجي جدا ارتحنا لها ،، طول فترة حمالي كنت سعيدة وياها ،، وكنت أحاتي وقت الولادة مادري شلون بتصير خاصة ان هذي اول ولادة لي معاها ،،
دشيت شهري وطفت اسبوعين وقالت لي انها بتفحصني وبعد الفحص قالت ان الرحم فاتح 2 سم وانا ماكنت حاسة بطلق ،، قالت نطري بعد أسبوع ونشوف شيصير ، وعقب أسبوع نفس الشي رحت وفحصت وكنت فاتحة 3 سم سوتلي توسيع وقالت اذا ما ياج طلق تعالي بعد 3 ايام نولدج طلق صناعي لان عنق الرحم عندج جدا رطب والطلق الصناعي راح ينفع معاج بنسبة 100٪ باذن الله
ماياني طلق ورحت بالموعد اللي قالت لي عليه عشان تولدني وكنت حدي خايفة مادري شنو بيصير معاي ،،
دخلت ولبسوني لبس الولادة ويتني دكتورة الطوارئ تفحصني ومارضيت قلت محد يجيسني الا دكتورتي وفعلا والله ماقصرت خلت عيادتها وصعدت لي فحصتني ودخلوني غرفة الولادة ،،
طبعا الغرفة من أروع ما يمكن كبيرة وفيها تلفزيون وحاطين مصحف ومسجلة وكرسي هزاز وغنفة حق الشخص اللي يدخل وياج ،، ياتني دكتورة من قسم الطوارئ اسمها إلهام عشان تفتح الماي وكانت هالطبيبة عسل حيل متفهمة خوفي وكنت حيل مخترعه ومو راضية اخليها قامت وحطت لي كمام عشان ما احس بشي ،، وعقب طلبت ابرة الظهر وطلبت دكتور عمر الخطيب وكان الدكتور اينن وايده حيل خفيفة الحمدلله يارب ،، وعقب ركبولي الطلق الصناعي من الساعه 2:30 وولدت الساعه 9:55 وطبعا طول فترة الطلق جابلتني السستر مجابل والله المدح ما يوفي والدكتورة يتني مبجر وجابلتني وماقصرت معاي طول فترة الولادة وبعد الولادة يتني وباستني ولما راحت بيتها اتصلت على السستر وطلبت تكلمني وتتطمن علي وطول فترة اقامتي بالمستشفى كل الدكاترة اللي زاروني كانوا ايننون والتعامل جدا راقي لدرجة ان ما ودي اطلع من المستشفى ،، الخدمة روعه والعناية أروع والاكل كان لذيذ صج تجربتي مع دكتورتي نجلاء الزعفراني ورويال حياة وايد حلوة لدرجة تخليني ما أخاف من إني أعيد تجربة الولادة ،،، صحيح المستشفى غالي بس صراحة صج اللي يقول حط فلوسك بالشمس واقعد بالظلال ،، احنا قاعدين نصرف فلوسنا على خرابيط ليش أحرم نفسي من تجربة ولادة مريحة ،،
كان حسابي 3300
احتجت أقعد بغرفة الولادة يوم كامل تقريبا
وقعدت بغرفة ليلي يوم
واخذت غرفة اللوتس حق استقبالي يومين
وطبعا اللي تفكر تولد هناك ما تحتاجين فوط ولا فرشة ومعجون ولا شامبو وصابون وليفه وكريم كل شي موجود ومتوفر
عشت كأني ملكة طول فترة إقامتي هناك
تجربة فعلا لا تنسى ،، والحمدلله يارب ألف مرة
