د. نيكولاس حجار

[NoNosh]

السلام عليكم ،

بنات انا سويت فحوصاتي كاملة بمركز الزهير الطبي حق عيوني و اساساً قبل الفحص قالولي لازم مالبس عدسات 24 ساعه انا عارفة هالشي لانه دايماً اذا ابي افصل نظارة او عدسات يدد لازم هالحركة
المهم قالولي باجر اسوي الليزك حق عيوني ..
و انا اساسا اتعامل مع محل نظارات بالسالمية و الله خوش محل و خوش معاملة الصراحة و الدكتور اللي هناك الباني و صديق العايله ، فامس رحت بشتري منه نظارة حق بعد العملية ، تدرون بعد لازم نظارة مشمسية غامجة .. فشرحت له اللي صار معاي ، قالي غلطانين لازم عيونج ترتاح من لبس العدسات اكثر من شهر و نفس الشي من للمكياج !!
و انا قريت هالكلام بالنت بعد ، و حدي خايفه و متوتره ، فانتو شتقولون ؟



هل في بنات من قبل مسوين عنده ؟
فيدوني بليز :eh_s(22):

 

[NoNosh]

بنات بليز فيدوني

 

[resleeveq8]

بنات بليز فيدوني

الصراحه انا ما اعرف الدكتور بس ما اثق بمركز الزهير. وايد عليهم كلام انهم بس يبون فلوس. انصحج تسألين بكذا مكان احسن

 

[يجازيك بحبك]

السلام عليكم


أنا سويت الليزك حق عيني من شهر ٧ الحمد الله كل شيء تمام
اذكر الدكتور قالي أني ما ألبس العدسات قبل العملية بأسبوعين ولا مكياج
حتى بعد العملية ما أحط مكياج لمده شهر ... تسوينها ان شاء الله وتبشرينا
بنتائج
وبتوفيق

 

[NoNosh]

السلام عليكم


أنا سويت الليزك حق عيني من شهر 7 الحمد الله كل شيء تمام
اذكر الدكتور قالي أني ما ألبس العدسات قبل العملية بأسبوعين ولا مكياج
حتى بعد العملية ما أحط مكياج لمده شهر ... تسوينها ان شاء الله وتبشرينا
بنتائج
وبتوفيق

حبيبتي الحمدلله سويتها
و شويه عيوني اليسار تعبانه مني انا وايد (( شيطانه)) على قولة الدكتور اذيته وايد ، ف عيني اليسار وايد فيها بقع حمرا و ضباب ماشوف ، و سافر الحين الدكتور ..
انطر 10 ايام على مايرد و ان شآء الله خير
دعواتكم ..

 

[NoNosh]

الصراحه انا ما اعرف الدكتور بس ما اثق بمركز الزهير. وايد عليهم كلام انهم بس يبون فلوس. انصحج تسألين بكذا مكان احسن

الله يستر حدي خايفه دعواتج