ذابحتني اللوعه والحارج ..ابي حل

[al_noory]

السلام عليكم ..

انا حامل بالشهر الثاني ..

واللوعه حيل ذابحتني مع الحارج ..

مع العلم عزكم الله ماكو ترجيع .. بس لووعه ..وهذا الي ذابحني ...

ابي شي يقللها ..ومابي اكل حبووب حق الووعه ما احب الحبوووب كفايه الفولك اسد والبيبي اسبرين ..

ويعطيكم العافية ..

 

[AVE.NJ]

انه ماخفف عني الحارج الا البرد مثلج مثل بوصارخ او على نكهات برتقال او فراوله
والله يعينج على الايام اليايه

 

[أم لولووأخواتها]

لا تجوعين أولا وجربي خبزه أشويها على الجوله وطول ما أنتي قاعده طقطقي فيها وما عليه تحملي فتره وتعدي
الله يتمم عليج

 

[pink Flamingo]

رد : ذابحتني اللوعه والحارج ..ابي حل

صح كلام ام لولو حاولي لا تيوعيين و اكلي برد او بسكوت تك المالح يقلل اللوعه

 

[غنوة ستايل]

اول ما تقعدين اخذي بسكوته تك المالح وااايد فادتني . لا تشربين ماي بسرعه لا
والحبوب خلي حبه الصبح او الظهر . والبيبي اسبرين ضروري تخلينه بالليل قبل النوم . يكون مفعوله احسن

 

[al_noory]

تسلمـووون والله ..ما قصرتوو ..

الله يسهل علينا وعليكم ان شاء الله ..

 

[روق العـريـدي]

رد : ذابحتني اللوعه والحارج ..ابي حل

انا بلشهور الاخيره شب الحارج علي وصايره اشم كل شي ريحه خايسه.....<< توه يبلش الوحام
:080402ask_prv:

المهم شبيت بحليب المراعي خالي الدسم +قليل الدسم بس خف الحارج حييييل​

 

[ward-ward]

مرررررحبا بنات روحى الصيدلية وفية علج للحارج انتى بس قولى ابى علج حارج ويعطيج وادعيلى انا مجربتة حق الحارج واللة وحدة بوحدة وحتى رفيجتى قلت لها ودعت لى واللة وروحو اشتروة وادعولى

 

[_Pure_]

حبوب نافيدوكسين وايد نفعتني حق اللوعه تقريبا تختفي اللوعه
ما استغني عنهم

 

[اوووفه]

روحي الصيدليه اخذي حبوب زانتاك صج عجيبه هي الي شالت الحارج والله اذا خذيتهم جني جذابه ما فيني شيء

 

[للصبر اخر]

رد : ذابحتني اللوعه والحارج ..ابي حل

الله يعنيج انا لي الحين بالرابع واعاني من الحارج واللوعه بس اخذ حبوب لانه الصراحه اللوعه ماتحملها

 

[far007a]

رد : ذابحتني اللوعه والحارج ..ابي حل

انا الاكلة الوحيدة اللي نفعت معاي الهريس
اشتريه من محل النخي والباجلا وساعات اليريش

 

[noorq8]

التفااااح الأخضر هو الحل ,جربي وادعيلي.

 

[اللهم الجنة]

شراب الحارج اللى اعلانة بالتلفزيون نسيت اسمة ممتاز

 

[مدام فاشن]

حبيبتي البنات ماقصرو وكتبولج كل الاشياء الي يفيدج وتخفف اللوعه والحارج

بس افظل شي انج ماتخلين معدتج فاضيه لانه حسب كلام دكتوري قالي خلي دايما المعده فيها اكل تطحن فيه لانها بدون اكل بتم تطحن بنفسها وبجذي جبدج تقلب لانها فاضيه فتطحن بنفسها

وكثري من الاشياء النواشف بسكوت توست خبر واقلها اشتريلج كورنفلكس وتسلي فيه طول ماانتي قاعده

وربي يتمم عليج وتولدين بسلامه

 

[ازعجهم هدوئي]

اكلي بسكوت الشاي اولكر او المالح او اي شي ناشف وكلي علك وتصدقين انا مانفع معي غير كوكا كولا بااااااااااااااااااارد وقف اللوعة والترجيع بعد جربية وشوفي

 

[كـ غلا ــلي]

كثري من شرب لالماي يخفف اللوعه واايد اما الحارج فهاذي كانت معانتي الابديه ما فاد معاها شي الا العلج مال الحموضه

وهاذا كان مؤقت

 

[مدمنة ككاو]

كل وحده تختلف عن الثانيه شنو اللي يريحها
انا الكولا ولا الماي ولا الحبوب ولاااااااااا شي بالمررررررهمن اللي اذكروه

غير المياه الغازيه بالنكهات واترسها ثلج بس

حتى الاكل محرومه منه واروح الطبيب يحطون لي درب

انتي وعلى حسب تقبل معدتج لازم اطيحين على شي يريحج

 

[al_noory]

يعطيكم ألف عافيه ..

شكلي باخذ الحبوب شسوي لانه احاتي بعد برمضان اشلون ..

الله يسهلها ان شاء الله وتعدي ..

مشكورين ..

 

[vi-lady]

الله يعينج